15-06-07, 02:54 PM
|
المشاركة رقم: 1
|
| المعلومات |
| الكاتب: |
|
| اللقب: |
العقيد أبو شهاب عضو فخري  |
|
| مدونتي |
|
 |
| الإتصالات |
| الحالة: |
|
| وسائل الإتصال: |
|
|
المنتدى :
نكت , طرائف , ضحك , فرفشة , منتدى الضحك والفرفشة
(الجزء التانى) من قصة ندا المصرية وجواز النت هههههه
نظرا للطلب الشديد على الجرز التانى انا حنزلو الان
والى ما شاف الجزء الأول يفوت هنا
قصة مشرفتنا (ندا المصرية) وجواز النت (الجزء الأول) هههههه
الجزء التانى
ندا: ياماما افهمينى بقا والنبى العريس ده مافيش زيه فى النت انا حبيته من كتابته
الام: كتابته؟؟؟؟ ليه هو مؤلف؟؟؟
ندا: مش مؤلف اوى يعنى بس بيكتب على النت
الام: وده بيكتب فى ايه بالظبط؟
ندا: لالالا ياماما ده مشاء الله عليه مخلاش حاجه الا اما كتبها
الام بخباثه: اااااااه ... مين يشهد للعروسه
ندا: لا والله ياماما بكلمك جد
الام بصوت عالى: اسمعى يابت انتى انا لااعرف نت ولاكتابات ابوكى زمانه جاى وهو يتصرف معاكى
ندا فى سرها: ماهى دى المصيبه
ودخل المعلم عنتبلى فى هذه اللحظه وهو مبتهجا
العنتبلى: مساء الخير
الام: يسعد مساك يامعلم تعالى ياخويا شوفلك حل فى بنتك دى
العنتبلى: خير يابنتى؟
ندا: ابدا يابابا مش انتوا عوزنى اتجوز اهو جالى عريس ومع كدا مش عاجب ماما
العنتبلى: سيبك منها وقوليلى ايه الحكايه؟
ندا: فى عريس جالى من النت وهو جاد فى طلبه ومستعد يجى اى وقت
العنتبلى: عال عال .... وايه كمان؟
ندا: يعنى انت مش معارض يابابا
العنتبلى: واعارض ليه يابنتى
ندا وهى فرحانه: طب ارد عليه اقوله ايه؟
العنتبلى وبصوت خشن: تردى على مين يابت؟
ندا: على حاتم ياباباااااااااااا
العنتبلى: حاتم مين يابت؟
ندا: العريس يابابا
العنتبلى: اااااااااه مش تقولى كدا من الصبح بس قوليلى هو بيكتب فى اى صفحه؟
ندا: يااااااااااه يابابا ده بيكتب فى صفحات كتير اوى
العنتبلى وهو فاكر نفسه فاهم بقا: عظيم وياترى هو بقا مشهور والناس تعرفه؟
ندا: اكيد يابابا ده معروف فى كل المنتديات
العنتبلى: فين ياختى؟؟؟؟؟؟؟؟؟؟
ندا: فى المنتديات يابابا
العنتبلى: ودى تطلع ايه دى كمان؟
ندا: دى صفحات على النت وبتجمع اعضاء كتير اوى وبيتكلموا فى مواضيع كتير
العنتبلى: يابت سيبك من الكلام النحوى ده وكلمينى كلام افهمه
ندا فى سرها: ده نحوى ياعالم
ندا: حاضر يابابا ... المنتديات دى زى قعده المصطبه كدا كل مجموعه اخده ركن وبيتكلموا فى حاجه وبيبقا ليها شروط وقوانين
العنتبلى: اااااااااااه فهمت .. يعنى زى سوق العجول كدا
ندا وقد فاض بها: عجول بس ايه يابابا؟ بقا المنتديات زى سوق العجول؟
ندا: طيب خلاص يابابا هو مشهور ومشهور اوى كمان
العنتبلى: طب نيجى للمهم بقا هو عرفك منين؟
شعرت ندا برعب من السؤال واجابت بسرعه
ندا: لا يابابا اوعا تفهمنى غلط ده عمره ماشفنى ولاحتى فى اى حته
العنتبلى: طبعا يابنتى مه لو شافك مكنش اتقدم اصلا
ندا: وبعدين معاك يابابا هو انا وحشه اوى كدا؟
العنتبلى مبتسما: يابت بضحك معاكى انتى زى القمر بس عيبك الوحيد انك شبه امك
الام: جرالك ايه ياراجل ماتتعدل فى الكلام احسنلك
العنتبلى: احم احم كنا بنقول ايه ياندا؟
ندا: كنت بتسئلنى عرفنى منين؟ عموما هو عرفنى واتقدملى من النت وانشاء الله هيجى
العنتبلى: وماله يابنتى خليه يجى عرفك من النت من السلخانه المهم انه وقع على بوذه
ندا فى سرها: ياخوفى من الفظكم دى اللى تطفش 100 عريس مش عريس واحد بس
العنتبلى: قوليله يجى الجمعه المغرب
ندا وهى فرحانه: حاضر يابابا هقوله حالا
ودخلت مسرعه ندا الى غرفتها فاستغرب العنتبلى وقال: هتعملى ايه يابت؟
ندا: هقوله يابابا
العنتبلى: اخدتى التليفون معاكى؟
ندا: لا يابابا
العنتبلى: امال هتقوليله ازاى من عندك؟
ندا: هبعتله ايميل
العنتبلى وهو بصوت عالى جدا: وايه اللى جاب الواد ايميل عندك فى الاوضه يابت؟
ندا: يابابا اهدى ايميل ايه بس اللى عندى انا هبعتله جواب على النت
تذكر العنتبلى حوال زينهم والفتحات اللى من ورا فى الجهاز وقال: اااااه بحسب المهم بلغيه بالمعاد
وقبل ان يغادر التفت اليها قائلا: بقولك ايه ياندا بعد ماتكتبى الجواب حطيه بالراحه علشان الشاشه متنفجرش
ندا وهى مندهشه فى سرها: جواب ايه وشاشه ايه اللى تنفجر؟
وفى اليوم المحدد جاء العريس وهو فى احسن صوره
لو عايزين جزء تالت حفكر اعمل
هههههههههههههههههه
بس ما تستعجلو
لانو بدها وقت
|
|
|
جديد مواضيع قسم نكت , طرائف , ضحك , فرفشة , منتدى الضحك والفرفشة
العرض العادي
