من سيقتل المليون

بسم الله الرحمن الرحيم

السلام عليكم ورحمه الله وبركاته

مرحبا بكي اختى العزيزه / هند

الكتابة عبارة عن تفريغ لشحناتنا النفسية الداخلية التى نعبر من خلالها عن انفعلاتنا وارائنا الشخصية
(( يا بخت من بكانى وبكى عليا ....... الى اخر المثل )) اختى العزيزه لا تتوقعي ان يقول اخ اخر معاكي
بالفعل الدنيا مخنوقة .. البلد مطينة ... الكلاب فى كل حتة الى اخره من الكلام اللذيذ ده
عن نفسى كانت الكتابة حلم حياتى وابقى مشهور عند الناس وكله يقرى كلامى
مع الوقت لاقيت انى بحاول اوصل رسالة من خلال مقالاتى ولا يهمنى سواء نالت استحسان او بغض الناس
المهم انى اوصل رسالتى اللى حثنى عليها الله سبحانه وتعالى ورسوله الكريم من خلال شتى الطرق سواء بالكتابة او بالفعل المادى الملموس
(( اذا لم تزد على الحياة فانت زائد عليها )) اختى الحبيب استحلفك بالله ان تعى كلامى وتتقبليه بصدر رحب
ماذا تستفيدي اذا اعلنتي غضبك وانجاراتك المتواصلة ناحية البلد والحكم ... الخ وماذا سيستفيد الاعضاء سوى (( واو موضوع جرىء موت ))
فين الرسالة (( رسالتى اصحى الناس من غفلتها من خلال السخرية الدامعة )) ممكن تكون وسيلة بس مش فلسفة حياة كاملة
يعنى مش تبقى كل حياتى كده
ممكن مقالة اقول سلبيتنا كذا وكذا وكذا
والمقالة اللى بعدها نقول لازم نعمل كذا وكذا وكذا (( لن يغير الله ما بقوم حتى يغيروا ما بانفسهم ))
واللى بعدها ممكن اجيب مقالة رقيقة تعبر عن احد جوانب المجتمع المضيئة (( اكيد الفساد مش فى كل حتة لانه لو فى كل حتة مكتنش انا او انت اتكلمنا))
صدقينى اختى فى الله
الناس ممكن تنبهر بكلامك , بسخريتك , بنقدك اللاذع ........... ثم ماذا بعد ؟؟؟؟؟؟؟؟
الملل يا عزيزتي افة المجتمع فى اى ثقافة او حضارة مع اختلافها النسبى
الايجابيه
اني اناقش الناس على قدر عقولهم وليس على قدر مشاعرهم او احاسيسهم
الاحاسيس بتتغير
ناقشي العقول بالادلة الدامغة (( ولا يمنع بعض المقالات البنائة التى تدعوا للبهجة ))
اختى العزيزه
اسف ان اطلت عليكي فى ردى (( اللى بعتبره مهم ورخم فى نفس الوقت ))
التمس منكي العذر اختى فى الله لان ذلك فى سبيل ابداء الراي
واسف جدا علي الاطاله للمره الثانيه
وتقبلي خالص تحيات
السلام عليكم ورحمه الله وبركاته