تجربتي مع الصــــداقــــة

هذا الموضوع كتبته عن طريق تجربتي الخاصة
لأني هذه السنة كانت أول عام جامعي لي
و أنا جديدة على المدينة كلها و ما أعرف أحد فيها
و الآن ما قربت تنتهي السنه إلا إني أعرف أغلب قسمي
مع علاقة بسيطة مع هيئة التدريس و لي شلة كبيرة هم صديقاتي وأنا متأكدة
إني إذا ما ابتعدت عنهم راح يذكروني بالخير و في ناس بيفقدوني
ما هو غرور لكن أنا جربت هذا الشي ونجح اللي جربته
و حبيت أذكر الأسلوب اللي اتبعته للفائدة فقط
::و قولولي رايكم فيها ::
1- اهم شي في الصداقة انك تكون صادق معاه و لا تحاول تكذب أبدا
أو تكون غير انت نفسك ... تعامل معاه بطبيعتك فقط
2- عامله بالطريقة اللي هو يبيها منك و لا تحاول أبدا انك تعامله بمزاجك
أو تمشيه على كيفك
3- إذا بغيت تغير فيه شي تأكد ان هذا التغيير راح يكون لمصلحته أولا
ولا تحاول تغييره لأنه ماهو عاجبك
و اعرف الطريقة الأسلم لتغيير التصرف الخطأ اللي فيه
4- لا تحاول تفرض شخصيتك عليه و لا تحسسه إنه شي ماهو حلو...
حسسه بقيمته و ان له مكان في هالعالم و في عالمك انت خاص
5- إذا أخطيت بحقه لا تتردد و اعتذر منه بسرعة و لا تخلي خطأك يكبر
بسبب كرامتك أو أنك انسان ما تتنازل ....
6- إذا طلب رايك في أي شي قوله بصراحة حتى ولو رايك بشخصيته لكن
اتبع اسلوب اللباقة في ذا الشي ولا تكن صريح بوقاحة لان الفرق بين الصراحة و الوقاحة خيط رفيع جدا
7- لا تكثر الشكوى له مهما بلغ قربه منك و مهما كبر همك
شاركه همه حتى ولو كان همه صغير و تافه بنظرك
8- لو كنت متضايق أو زعلان و هو فرحان حاول تشكاره فرحه و إذا ما
قدرت ابتعد عنه حتى تتخلص من الضيق
9- إذا زعللك بشي عاتبه عتاب بسيط لأن العتاب دليل المحبة لكن لا تكثر العتاب حتى ما يمل منك
10- استمع له و حسسه إنك مانت متجاهلة و قابلة بابتسامة و لا تكشر في وجهه لان هذا مفتاح الصداقة
هذا الأشياء اللي سويتها و اتبعتها في تعاملي مع الغير أنا ماني خبيره في ذا الشي
بس ببساطة جربت و حاولت و شفت نتايج تجربتي تثمر و الحياة تجارب
مع تحيات كـــــــــــــــــــاسبر