|
المنتدى :
نكت , طرائف , ضحك , فرفشة , منتدى الضحك والفرفشة
فضائح نسائيه لا تفوتكم ( وعدنامن جديد )
السلام عليكم
-----------------
المرأة وقدرتها على تحمل الألم...
موووضوع خطييير مررره
فضائح نسائيه لا تفوتكم
من المعروف أن المرأة تقدر تتحمل آلام ما يتحملها أقوى الرجال وهذا الشي مو جديد علينا
ومعروووف لدى الجميع
بس الجديد هو اللي بقولكم
المهم
ذاك اليوم قريت مقال ورد فيها عباره تقول:
(( المرأة تتحمل الآلام من اجل جمالها))
وقفت عند هالعباره كثييير
وحبيت اني أخوض في هذا الموووضوع
لقيتها صحيحه مليووون في الميه
===============================
::
يعني الكعب اللي يلبسونه الحريم وكما يسمونه (( الشوكه )) من اسمه يروووع
هذا الكعب الله يسلمكم أتحدى رجال يمشي فيه متر واحد والله اني استغرب بعض الأحيان
الوحده تلبسه وتروح مناسبه ولين رجعت وفصخته تنرحم تقول أسير توهم فاكينه تقعد
تتشكى وآآآآآآآي يا ظهري ومقدر أحركه وحاااله (( طيب وش اللي حادك يوم تلبسينه ))؟؟
أنا أقولكم ليش عشان تطلع طويله ورزه
باختصااار عشان تطلع أحلى...!!!؟؟
=================
صارت مناسبه والبنت تبي تروحها لبست وكشخت وما لقت جزمه (( الله يكرمكم )) تناسب
الفستان وش تسوي لااازم تلبس شي يناسب تروح تحوس عند خواتها تلقى وحده مناسبه
تقوسها تطلع ضيقه وعناااد إلا بتدخلها (( تذكرني بخوات سندريلا ))
وأخيرا قدرت تحشرها برجلها
وراحت المناسبه
والمسكينه رجعت ورجلينها وارمه ومحمره ((والله تنرحم ))
كل هذا عشان الكشخه
عشان تطلع اجمل وأحلى..!؟؟
======================
بعض البنات تلتهب إذنهم من (( الحلق ))
واذا طلعو مكان لازم يلبسون حلقات ولازم نفس لون اللبس
ومايمدي المسكينه ترجع إلا على طول تفصخه هذا إن ما شالته بالسياره ثم تغسل مكانه
بمويه بارده وتحط كريم وحاله
كل هذا عشان تطلع أحلى..!؟؟
=================
وفيه حلقات نازله قبل فتره تكون طووويله أو حلقه كبيره وفي حلقات كبار ما تتحملها
الإذن البشريه يعني يالله إذنين فيل عشان تناسب حجمه
استغرب من اللي يلبسونها خطر تقطع إذنهم
يتحملونها عشان الموضة
عشان يطلعون أحلى..!؟؟
==================
العدسات الملونة ما تناسب عيون الجميع
بعضهم يلبسونها وعيونهم محمممره وتدمع وتوجعها
بس الضعيفه مقاومه ومتحمله
عشان تطلع أحلى...!!؟؟
==========
ولا التسريحات بالعروس حدث ولا حرج
يمكن البعض ماقد شاف درازن التوك والبنسات المدعسه في هالتسريحات
يعني لو وحده تجيها خبطه على راسها يمكن يتخرم من البلاوي اللي تحت التسريحه
وبعض التسريحات ثقيله ومليانه اكسسوار وبعضها يوجع الراس ويكون مشدووود
طيب ليييش مستحملين العذاب
عشان نطلع أحلى...؟؟؟
===============
والبعض ما يتحمل الشدو أو الظل والكحل لأن عينه حساسه
ويحطونه وعيونهم توجعهم
وترجع البنت وأنواع القطرات وغسول العين من البلاوي اللي حطتها
طيب ليش تحطها وعينها ما تتحمل...!!؟؟
يا خزياااه تبونها تروح بدون ما تكمل الميك أب جعل عيونها تنحول أهم شي الكشخه
عشان تطلع أحلى..!!؟؟
================
بعض الحريم تبي تلبس فستان ضيييق والكرشه ماتساعد ابد
تروح تلبس مشد
ولا يخفى على الجميع ما يسببه ذالك المشد من آلام..
يعني ذولا اللي يلبسونه ينرحمون حتى ما يعرفون ياخذون نفس منه
ويمكن ما يتعشون حدهم الشاهي
مافي أمل الفستان بينشق
كل هذا عشان تطلع أحلى....؟؟!!
============
والبعض نفس الشي تنانيرهم ضيقه مررره
السحاب شوي بينقطع
تلقاهم اذا جو يتعشون فكو السحاب عشان تدخل اللقمه
ياحرااام ليييش...!!؟؟
عشان تطلع أكشخ وأحلى..!!؟
===============
ولا الميك أب وما أدراك ما هو
طبقات مليسه على خشة الوحده
والله ينرحمون حتى ريحته تكتم كريم واساس وطبقات وبودره ومدري وش ووو
كل هذا عشان تطلع أحلى..!!؟؟
==================
ولا الوحده اذا طولت ظفورها تحسبونها مرتاحه فيها
تكذب عليكم لو تقول إنها مرتاحه
وأنا اعني بتطويل الظفور اللي موب صاحي يعني انسب شي سنتي متر واحد هذا اكثر شي وعقبه تقرررف
وتتحمل البنت عشان المناكير
والموضة والحركااات
عشان تواجه وتطلع أحلى...!!؟؟
=================
وفي أشياء كثيييره تتحمل الوحده فيها أنواع الآلام عشان تطلع أحلى واجمل
اشياااء وأشياااء
وما اقووول الكل ناس عن ناااس..
لاتزعلون يابنات خخخخخخخخخ
المختبر
|
06-04-07, 05:13 PM
جديد مواضيع قسم نكت , طرائف , ضحك , فرفشة , منتدى الضحك والفرفشة
العرض العادي
