المنتدى :
المنتدى الاسلامي
انا بين ايديك ياكريم كرمك مالوش اخر
بسم الله الرحمن الرحيم
اخوانى واخواتى احبائى فى الله
انا عايزة اتكلم انهارده عن نعمة من نعم الكريم لاحظتها ممكن مش الكل بيلاحظها
بس لو فكرنا وركزنا هنلاحظها
كل واحد مننا مر بوقت حس فيه ان الدنيا ضلمت فى وشه والظلم حاوطه من كل جانب
حسينا اننا مش قادرين نتحمل لدرجة اننا مش قادرين نتنفس .
كلنا اول حاجة بنعملها بندعى ربنا لزوال الكرب والظلم والكل مستعجل على الاستجابة
وممكن الاستجابة للدعوة متمش فى وقتها تتاخر يوم يومين شهر سنة
للوقت الى يحددوا الله تعالى لتلبيه دعوة عبده وفك الظلم عنه
بس تفتكروا رب العالمين فى الفترة دى نسالك لا ابداااااااااا
اقسم بالله انى بتكلم عن تجربة رب العالمين كريم كرم لاحدود له
فى عز كرب الشخص وهمه بيهديه بهدايا متفرقه لرفع روحه المعنوية
بيعرفنا انا معاكم بس اصبروا انا معاكم
فى عز كربك وهمك وضيقك تلاقى ترقيه بقالها فترة متاخرة تجيلك تانى يوم المشكلة
بالرغم من انها بقالها فترة متاخرة لا تيجى الوقتى عشان تريحك وتبسطك
تجيلك علاوة تستغرب متعرفش ليه جتلك الوقتى ؟
ربنا يكرمك برؤيا جميلة تصحى من نومك وانت حاسس ان قلبك مرتاح
والله يا جماعة لاحظوها بالله حصلت معايا فى عز الكرب الاقى رب العالمين يهدينى بهدايا
معرفش ليه جت الوقتى واخبار معرفش ليه حصلت الوقتى بالذات ؟
حجات كنت مشتاقة ليها جداااا تحصل افى الوقت ده بالذات
انسان عزيز ربنا يشفيه ويوصلنى الخبر ده فى الوقت ده بالذات .
والله دموعى بتنزل من كرمه الكريم
كرم لاحدود له
مولاى سبحانك
دايما معانا ازاى نقول احنا محدش جمبنا ؟ ازاى نخاف من ظالم مفترى ؟
ازاى نياس من رحمته ؟ كرم الكريم حواليك من كل جانب
طيب بالله عليك بص حواليك كده شوف كرم ربنا عليك اد ايه ؟
افتكر كده اليوم الفلانى لما حسيت ان الدنيا ضلمه فى عنيك وطعمها مر
افتكر ربنا عمل معاك ايه ؟
افتكر الحجات الصغيرة الى ممكن تكون ملاحظتهاش وقتها كتير مش بيلاحظوها
بس والله لولا الهدايا البسيطة دى من ربنا الله اعلم كان ايه الى جرالنا
حتى قبل قبول الدعوة اوعى تفتكر انو ناسيك لالالالا ربنا معاك دايما
سامعك شايفك حاسس بيك عارف شكوتك
مين فى الدنيا دى ارحم من الكريم بعباده مين ؟؟؟؟
لا الله الا انت يارحمن يارحيم
لا الله الا انت رب العرش العظيم
. انا بين ايديك ياكريم كرمك مالوش اخر .
|
29-12-06, 10:19 PM
جديد مواضيع قسم المنتدى الاسلامي
العرض العادي
