المنتدى :
القصص القصيرة من وحي قلم الأعضاء , قصص من وحي قلم الأعضاء
قصة تقطع القلب ..
قصه واقعيه تثير غيرت كل مسلم ومسلمه قصة الذئاب البشريه التي مزقت شرف الفتاه المسلمه ساره
ساره: قصتي بدت من سنه لما دق على جوالي واحد حيوان
يبي يتعرف. كنت اقفل الجوال
في وجهه واطنش
وإستمر فتره يدق ويرسل
قفلت الجوال فتره واول مافتحته رجع يدق ويرسل رسايل حب وغرام
قلت لأبوي عن السالفه ورد عليه وهزأه وقام الرجال يتأسف من الوالد ووعده انه مايدق
صدق ابوي وانا صدقت وقلت الحمد لله افتكيت منه
مرت يومين ومادق وفي اليوم الثالث وارسل رساله
مكتوب فيها....{ياساره يابنت خالد ال؟؟؟
لاتحسبيني خفت من تهديد ابوك إللي مايسوى جزمتي
وحسابي معك إنشاء الله عسير ولو سويتيها مره ثانيه
وعلمتيه بورطك وبقول إني اعرفك ومثل ماطلعت إسمك كامل وعرفت كل شيء عنك
اقدر اوديك في ستين داهيه إنتي وابوك}
خفت بصراحه كيف عرف إسمي خصوصا الجوال مو بإسمي وإيش يبي مني بالضبط يعني اول مره احد ينشب بها الشكل بالعاده لما احد يزعج اقفل في وجهه كم مره يملون وقررت اغير رقمي وكلمت ابو يغير لي رقمي وتحججت إني ابي شريحة سوا احسن من الفواتير غيرت رقمي وبعد إسبوعين ارسل رساله على رقمي الجديد {طيب ياساره يعني تبين تتحدين؟}
انا حسيت لماشفت الرقم كأنه احد كب على راسي مويامغليه
كان يدور براسي السؤال كيف جاب الرقم الجديد والأهم ايش يبي بالضبط!؟
قمت وارسلت رساله وياليتني مأرسلت
كتبت فيها{إنت مين وايش تبغى مني وليه تسوى كل هذا؟
احد مسلطك علي}
رد
{انا محد يتحداني وإنتي إتحديتيني ودام إنك مارضيتي
بالطيب نجيبك بالقوه}
رميت الجوال وصحت حسيت إني في فلم اويمكن حلم مزعج
انا عمري مأذيت احد بحياتي
ليه يصير لي كذا وايش الذنب إللي سويته عشان استاهل كل هذا
قررت اقفل جوالي ومأفتحه لمدة شهر وفعلآ قفلته بعد اربعه ايام بالضبط رن جرس بيتنا في وقت متأخر يوم فتحت الشغاله الباب مالقت احد ولقت كيس فيه اغراض
وورقه مكتوب فيها اغراض خاصه لساره وعطتني استغربت مين ارسلي هالكيس وايش إللي فيه؟
لقيت فيه دفتر وجنبه علبه
صغيره وفتحت الدفتر لقيت مكتوب فيه كل المعلومات عني وعن اهلي ومكتوب فيه الصفحه الأخيره
{انا حطيتك براسي ياساره
انا لما احط براسي شي لازم اوصله مهما يصير اعتبريه تهديد وترا لوقفلتي جوالك مايهمني فيه مليون طريقه اوصلك فيها ومثل ماوصلت لبيتكم اقدر اوصل لغرفتك واسحبك قدام اهلك لو ابي وشوفي العلبه هذى ترى فيها هديه لك فيها حبوب مخدرات
يعني لاتستغربي هذى الحبوب لو ابلغ الحين الشرطه انمسك ابوك وانسجن عشر سنين عالأقل ولو قهرتيني زياده حبه وحده احطها بسيارة ابوك ويروح فيها وافتحي جوالك وردي علي}
اخذت العلبه ورحت ركض رميتها بالشارع ورجعت ارتجف لغرفتي وتلحفت من الخوف احس قلبي بيطلع
طحت بين يدين مجرمين يالمى
فتحت جوالي وإلا وهو يدق
رديت
انا: نعم
++:هلا
انا: نعم ايش تبي مني إنت
++:لا تتحديني
انا: اتحداك بإيش اصلآ إيش يعرفني فيك عشان اتحداك
سالت دموع ساره بحرقه
بعدين صار كل يوم يكلمني تحت التهديد وكنت احيانآ اصيح وانا اكلمه واترجاه يبعد عني ويتركني في حالي لأني بنت ناس ومالي في هالخرابيط كان يقول لي اما اكلمه وإلا يسبب لي فضايح
ويرسل إسمي مع رقمي بالبلوتوث ويورط ابوي في قضية مخدرات فما كان قدامي إلا إني اكلمه واسايره عشان
اسلم من شره ومرت ايام وايام في يوم قال ابي اعرفك على اصحابي
طبعآ رفضت بقوه وقبل مأتصرف اي تصرف قطع كلامي وقال شكلك مستغنيه عن ابوك
سكت انا
وقال هاه إيش رايك؟
قلت طيب
ومرت ايام وعرفني على اصحابه الأثنين وصاروا يكلموني في اي وقت وبعد كل كم يوم يذكروني بالتهديد إللي علمهم عليه الراس الكبير
وبعد فتره ماهي طويله
نزلت دموع ساره مع هذي الكلمه طلبوا مني اطلع معهم
لشقه مستأجرها لهم صاحبهم إللي عرفهم علي كانت شقق عوايل لكن صاحبهم بسبب كثرة معارفه قدر يستأجرها
لهم ويسكنهم فيها وهم عزاب
ومع الضغط والتهديد ووعدهم لي إنهم بعدها بيتركوني ولاراح يضروني ابد
وإن طلعتي هذي معهم بتكون قصيره مره وانهم بيحافظون علي مثل اختهم
وإنهم ماراح توصل فيهم النذاله انهم يسوون فيني شي
وانا ماضريتهم
وانا صدقتهم وقلت إني بسوي اي شيء وافتك منهم وكلها نص ساعه وترجع حياتي مثل اول من تهديدات هالمجرمين
طلعت في يوم من الأيام
كأني بروح الجامعه
وخليت السواق يوصلني للشقق كانت في حي المروج
قريبه من محل حيوانات اليفه اسمه{ الحيوان المدلل}
اسمها {؟؟؟ نجد}
المهم نزلت وقلبي بينفجر من الخوف وفي نفس الوقت قهر
خوف لايمر احد ويعرف سيارتنا وقهر إني انا البنت الشريفه العفيفه إللي سمعتي مثل الحليب اجي برجولي للمكان هذا.؟
لكن حسبي الله ونعم الوكيل
وصلت لباب الشقه وترددت كثير قبل اضغط الجرس
فتح لي واحد منهم ودخلني وكان البيت مايطمن ابدآ جلست ودقيقه وقلت خلاص استأذن انا
قال:وين ياحلوه بدري
عاد انا مصدقه ولابس مأبي اتأخر
قال: اقول استريحي اخوياي جاين
قلت: وينهم تأخروا مو إتفقنا تكونون هنا الثلاثه وتشوفوني واطلع بسرعه
قال: راحو مشوار وتلقينهم عند الباب الحين إنتظرت شوي وقمت وأخذت شنطتي
وقلت: انا ماشيه
قام وسبقني عالباب وقفل بالمفتاح
وقال: خليك عاقله
واقعدي لين يجون مافي طلعه
قلت:لو سمحت افتح لي الباب ابي اطلع
يهز براسه..لا.
ويقول: دخول الحمام مش زي خروجه
ويضحك بإستهزاء
قعدت عالكرسي ارتجف من الخوف بس مأبيه يحس بخوفي منه
وجلست الف بنظري في الشقه اشياء غريبه ولأغرب كمية اشرطة الفيديو الكثيره
المتناثره في كل مكان وكراتين مأدري ايش داخلها والبيت مبهذل بالمره إللي يشوفه يقول عمره مأحد نظفه ابد
رن الجرس ووقفت انا
قال:وين رايحه اجلسي هنا لاتتحركين وهاتي الشنطه
رديت:اي شنطه؟
قال:لاتستهبلين شنطتك ماني غبي داري إن جوالك فيها سحب شنطتي بقوه وقفل علي باب الغرفه وطلع
حسيت إني في وضع المخطوفه
بس املي كبير إن اصحابه لما يشوفوني واطلع وهم وعدوني بكذا وقطع تفكيري صوت الثلاثه وهم يتكلمون
!!!: بشر جت؟
؟؟؟: إيه جت جالسه داخل بالغرفه والله ياهي قمر ماتوقعتها كذا!
+++: عاد انا عرفتكم عليها خلوني ابدا فيها انا.
!!!: ابدء فيها بس خلص بسرعه.
؟؟؟: والله انا إللي إستقبلتها وماسويت شي لين تجون والحين صرت انا الأخير؟
+++: والله تستاهل خلاص ابدا انت الأول
انا عاد فهمت وش قاعدين يتفقون عليه قمت اصيح واصارخ وابيهم يفتحولي الباب وبعد شوي فتح واحد منهم الباب ودخل علي
وقال: ياوجه الله من وين جبتي هالجمال كله؟
وش هالشعر؟
وش هالعيون؟
وش هالجسم؟
انا بحلم وإلا بعلم
رجعت لورا وكنت ابكي ورجعت الين لزقت بالجدار وكنت ارجف من الخوف ودخلوا اصحابه الباقين وكان معهم قوارير الظاهر إنهاخمر
قمت اصيح بصوت عالي واترجاهم وابوس رجلينهم عشان يطلعوني.
ويوم شفت مافي امل ركضت لأقرب زاويه وسجدت لربي وقعدت اصلي وادعي وهم يجهزون خمرهم وسجايرهم
ويتساسرون وراي ويهمسون لبعض مستغربين من إللي اسويه.
وانا اصلي واصلي وادعي ربي ينجيني من يدينهم ويسترني بستره ويستر عرضي
كنت اقول: يارب إحميني واستر علي مو عشاني عشان امي المريضه وعشان ابوي الطيب واخواتي المسكينات ايش تتشوه سمعتهم بسببي والا يارب خذني بها اللحظه طاهره قبل لاينجسوني بيدينهم مارحموا ضعفي قدامهم ولا وفوا بوعدهم معي واخذوا شرفي ببلاش اخذوه مني بشراسه كنت اصرخ بأقوى ماعندي وأحاول إني أخلص نفسي منهم لكن كانوا ثلاثه
وإغتصبوني الثلاثه إلين غبت عن الوعي ولادريت عن اللي حولي
وبعد ساعات ماأدري كم هي صحيت لقيت نفسي أنزف ومرميه على الأرض وسط دمي وملابسي جنبي كنت
أرجف بقوه ودموعي تنزل غصب عني وصوتي مبحوح من الصراخ حاولت أسند نفسي
وكنت أتأوه مع كل حركه من الألم اللي حاسه فيه
ياحسرتي على نفسي
وياحسرتي على شبابي اللي ضاع
ياحبيبي يبه سامحني لأني ماحافظت على كرامتك
وأسمك
سامحني لأني نزلت راسك المرفوع
إنت
ماتستاهل بنت مثلي
ليت ربي أخذني من زمان
ليتني ماجيت لهاالدنيا أبد
حاولت أقوم بصعوبه
لبست ملابسي وعباتي ومشيت
مكسوره ولقيت واحد منهم
كان سكران
وجالس والباقين مدري وينهم
سألني : على وين؟
جاوبت بصوتي المبحوح
وقلت: أخذتوا أغلى ماأملك
ومابقى لي شي
خلوني أمشي
رمى لي شنطتي عالأرض عند رجله
وأمرني أركع وآخذها وركعت وأخذتها وداس برجله على يدي
وقال: لما أحط شي براسي أوصله مفهووووم
وضحك بصوت عالي ومسكني من شعري
وفتح الباب ورماني عالأرض على ظهري وزاد عندي النزيف بسبب الطيحه وقفل الباب نزلت اسحب نفسي لقيت السواق ينتظرني ورجعت البيت وكانت الساعه 12 ونمت وعانيت من النزيف
3 ايام ومرضت وعانيت الآم وإلتهابات شديده وكان عذري قدام اهلي إنها الدوره الشهريه بس إنها شديده هالمره اتعبتني.
خفت من الفضيحه لما اروح المستشفى خفت على امي وابوي وسكت عن الموضوع
حسبي الله على كل ظالم
يالمى الكلام هذا سر بيننا لين اموت وإذا مت وقتها قولي للي تبين
لمى: بعد عمر طويل إنشاالله
يخليك لنفسك ولأهلك ولي كلنا نبيك ونحبك والناس هذول والله بياخذون جزاهم
من ربك انا اقدر ابلغ عنهم واوديهم بداهيه بس مأبيك تنفضحين بالمحاكم
ساره: لايالمى تكفين استري علي مأبي فضايح انا وكلت امري لله
لمى: لاحبيبتي لاتخافين انا مستحيل اسوي شي فيه مضره لك للأسف بعد شهرين
صار حادث مروري مروع في طريق الجامعه حمل معاه روح اطهر إنسانه في الوجود
وتوفت ساره وتركت هذي الدنيا باللي فيها وتركت حلوها ومرها تركت اهلها وكل من يحبها تركت للمجرمين عذاب الضمير
تركت سرها تركت حزن الدنيا في قلوب من حولها
رحلت كفراشه تفرد جناحيها في السماء وكأنها تقول .. عفوآ لن أستطيع العيش في دنياكم .. فبياض قلبي وطهارته لاتحتمل شروركم ومكركم بكيت على رحيلها القلوب قبل الأعين .. فقد جملها الله من الداخل والخارج لقد كانت ساره تستحق أن ترى جمال الدنيا وروعتها لكن الدنيا أرتها جميع أنواع الألم..
ألم الظلم.. ألم الذل من أحقر البشر .. ألم الحرقه..
سلبت منها الدنيا كل شيئ
وهكذا رحلت
الرحيل الذي تقفل بعده كل الأبواب.. رحلت لحياة أفضل
وداعآ ياساره يامن حملتي سرآ أعيا قلبك الطاهر
أرقدي بسلام ياساره
أطمئني ياأقرب صديقاتي.،
فلن يضيع حقك أبدآ
أسمحي لي الآن أن
أنشر قصتك لجميع البشر..
حتى يشعر كل من قرأها بجزء مما شعرتي به من عذاب
إليكم هذه القصه
أسردها عليكم أنا صديقتها لمى
والله شهيد على صدق ماأقول
ارجو من كل من قرأها يساعد على نشرها وفضح هؤلاء السفله
ارجو النشر حتى تصل لأيدي المسؤولين ويمسكونهم
لأني خفت ابلغ عنهم ويصير مصيري مثل ساره
فما كان اقدراسوي إلا الطريقه هذي فأنشروها حتى تصل لمن يأخذ حق هذه المسكينه
من مجرمين مخدرات وخمر وحشيش ولعب بأعراض الناس
معلومات اخذتها من جوال المرحومه بدون علمها
ساعدوني على التبليغ عنهم بنشر القصه .{ لعنة الله عليهم وعلى اشكالهم إنشاء الله
جزائهم عند ربي العليم حسبي الله ونعم الوكيل عليهم
وعلى اهاليهم إللي ماعرفوا يربوا اولادهم حسبي الله عليهم}
شكرآ وآسفه على عالإطاله.:36_2_18: :36_2_18:
:36_1_37[1
|
12-10-06, 06:37 PM
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
