المنتدى :
أريد حلا
حياتي صارت اشبه بالمستحيله ساعدوني
السلام عليكم ورحمة الله
كيفكم ان شاء الله بخير .. بدخل فالموضوع على طول وأتمنى تعطوني حل
انا عمري 26 ليا خمسه اشهر فاسخه عقد كنت متزوجه من قريبي 11 سنه وكان انسان احسد عليه صراحه بس الله يشفيه ابتلى بمرض الفصام وهو عندهم وراثه المهم صبرت عليه بس كان زياد على المرض يستعمل مخدرات حاولت انصحوا مافي فايده عالجتو برضو مافي فايده وراض فكره الاوديه النفسيه مره صرت احط له هيا في العصير او الشوربه بس صار يعرف لانها تنومو ماعاد صار ياخد من يدي شي كثرت المشاكل وفقد عقله نسأل الله السلامه عالجتوا بجلسات الكهربا وبرضو مافاد تحرش في خالتو ورفعت عليه قضيه وبعدها حاول قتلي فقدمت فالمحكمه فسخ عقد واخدت حضانة اطفالي عشت كم شهر في بيت جدي وجدتي رحمهم الله مع خالاتي وخيلاني ماارتحت وامي كانت تعالج اختي الصغيره في أمريكا ورجعت وقالت لي تعالي عندي انا اشيلك انتي وعيالك وافصلي من عملك وانا اخليكي تشتغلي وانتو في عيوني انا وزوجي المهم فرررررحت مره ورحت عندها ,, ابويا مايشتغل وحالتو الماديه جدا سيئه ومتزوج وعندو بنات وبيتو عباره عن غرفه ف مستحيل يشيلني المهم جيت عند امي وسبحانو مغير الأحوال اتغير الحال وكلامها مليون درجه اول أسبوع مسكتني ضربتني عشان أقوم ارتب غرفه اخواتي علما بانهم مو صغار وياليتني رفضت عشان تضربني والمصيبه قدام عيالي وبعد كذا صارت تقول ماراح تشتغلي طيب بكمل دراستي لا ماتكملي وزوجها يعطيها أوامر وهيا تنفذها مع انو هوا اللي ماشي على كيفها في جميع امورهم هيا سيدة البيت وهوا ولا شي بس لمن تجي حدي تسوي انو رجال ولازم اسمع كلامو مصروف ماتعطيني ووظيفه لا عيالي كانت ف البدايه تقول ف عيني ولمن جيت عندها قالت ماابغاهم ولمن شافتني متمسكه فيهم وبشده صارت معاملتها ليا كل مالها تزداد سوء عشان تطفشني ,, ماشاء الله ساكنين بفيلا ثلاث أدوار رافضين انهم يجيبو خادمه تقول انتي اشتغلي ايش عندك .. هيا طوال الأسبوع تجلس في مدينه ثانيه تبعد عننا ساعه وتجي نهاية الأسبوع بشررررها عليا هذا وانا قايمه بكل شي والفيلا انظفها من ,, الى ..واطبخ غدا اخواتي وعيالي وزوجها كل يوم واجلس مع زوجها لين ينام واليوم اللي مااجلس معاه عشان يقعد يتكلم معايا في مع الطفش اللي يحسو يروح يشتكي عليا وهيا تتصل تخاصمني فكيني منو ايش يعني لو جلستي معاه دايما يحرشها عليا مع انو ربي شاهد على معاملتي له قد ايش كويسه وكلها احترام قدامي يسوي طيب ومن ورايا منافق والمصيبه اني اسمعوا وهوا يشتكي زي الحريم عندها وهيا تطبطب عليه وتقلب عليا دايما تمد يدها عليا خروج ومانعتني منو حتى الوقت اللي بروح فيه عند بابا عشان اسلم عليه تقعد تدعي عليا واخر شي سارت تقول مافي خروج من البيت وكنت اروح المحكمه كتير عشان معاملتي صارت تتصل عليا وتقول لي زوجي يقول اذا كل شويا بتقعد رايحه جيه للمحكمه خليها تطلع من بيتي وكل يوم تسمعني نفس الفيلم اطلعي من بيتي على اتفه زله اسويها عيالي انعدمت شخصيتهم تماما دايما تحطم في بنتي ولمن اقولها ليه ياماما كان ردها زي الصاعقه على قلبي ,, عشانها سمره زي اهل ابوها وولدي عشانو ابيض مو عارفه كيف تحطموا صارت حتى لمن يمر من قدامها تخاصموا ليه قاعد تمشي اجلس في مكان واحد الولد صارت عندو زي النفسيه يخاف يسمع صوتها والا صوت زوجها من بعيد من كثر مايخاصموه قبل أسبوع قالت خلاص بخليكي تشتغلي رحت سألت قدامها في محل عطور قام قلي روحي اسالي في سيفورا محتاجين ورواتبهم على سبعه وداني زوجها الشركه بس شفت الاقبال على سيفورا كبير قلت اكيد محا يقبلوني دخلت وجوه وكان عندي ثاني يوم مقابله اليوم الثاني أرسلت لي على الواتس انو لاتروحي المقابله لانو اكيد رواتبهم اربعه ونص والا خمسه وكيف حتجيبي سواق وشغاله ,, انا هنا انصدمت ومارديت على كلامها الا بطيب بس انا محا انسى انتو ايش بتسو فيا ,, اسألكم بالله ليه سواق وهما عندهم سواق خاص وليه شغاله وانا دوامي بيمون من 4 العصر ل 11 والبيت بيكون نظيف وكل شي مرتب وعيالي مو صغار عشان يحتاجو شغاله بس هوا تعجيز ليا لانو زوجها كان دايما يقول لي شغل لا انتي لو اشتغلتي مين يمسك البيت وانا ارجع من العمل العصر مو فاضي بروح لي نادي اشوف عمري والا بدخل دورات وكنت لمن ازعل واشتكي ماما تقول لي انتي دامك عندي انتي الشغاله المهم الأسبوع اللي راح رجعت اول يوم ماقابلتها كنت نايمه تاني يوم أرسلت وحده من اخواتي قالت قومي بنطلع قلتلها ماابغا بطني تعورني رجعت أرسلت معاهاا دوا وقال خليها تشرب وتقوم قمت قصرت الشر بلبس واطلع معاهم الا اسمعها تصرخ وتتوعدني باني لو ماقمت راح تكسر عظامي وراح تطردني انا هنا ماقدرت حقيقي كنت مضغوطه وصرخت بكل صوتي ب خلااااااااااااص وقمت اكسر الدنيا ومسكني ضربتني ضرب مبرح وزوجها قام يتفرج ويقولها خلاص ي شيخه ولا فكر انو يشيلها عني انا استغفر الله بدافع عن نفسي وانا مرميه ف الأرض وهيا ترفسني ف بطني وصدري صرت ارفسها ف رجعلها وارجع على ورا ومسكت عصايه المكنسه وتضرررربني على ظهري وبنتي تطال وتبكي وراحت أرسلت لاخويا انو يكلم بابا يشيلني عندو وكلمني بس انا مسسسسستحيل اقبل اني أعيش معاه لانو اتوعدني بانو يحرمني من كل شي تعجيز لانو مو قد مسوؤلية انو يشيلني انا وعيالي اسألكم بالله ايش الحل؟؟ ومعليش طولت عليكم بس حبيت انكم تفهموا كل شي
|
07-12-16, 10:33 PM
جديد مواضيع قسم أريد حلا
العرض العادي
