المنتدى :
المعجنات والسندويشات
شطيرة البيض والجبن
اهلا وسهلا بكم احبائي في الحلقة الأولى من برنامج ( معدتك اهم شي لديك ) وسوف يكون معكم مقدم البرنامج ذو الخبرة العالية ( سيثر المحترم ) وسوف نبدأ حلقتنا اليوم بشطيرة البيض والجبن. ملاحظة ( الرجاء عدم دخول ذوات الأوزان الثقيلة)
المقادير :- 1- اربع قطع من خبز التوست
2- بيضتين ( بيض دجاج طبعا لا يروح فكركون لبعيد)
3- شريحتين جبنة
4- زبدة طرية ( مو تروح وحدة تجيب زبدة حجر متل البلوك لأنو ما بيمشي الحال ذاتي انتو البنات ما بتعرفو تشتغلو شي الا اذا كانت بالتفصيل الممل.
طريقة التحضير ( وهون رح يبدأ التخبيص مع البنات)
1- ادهني احد جانبي كل قطعة من الخبز بالزبدة بواسطة سكين الدهن سمعتو شو قلت بواسطة سكين الدهن مو تمسكي الزبدة بإيدك وتطبشيها عالخبزة ولا تدهنيها بواسطة شعر اخوكي الصغير
2- ضعي قطعيتن من الخبز داخل شواية الخبز واذا ما عندك شواية خبز مو ضروري تعملي هاللأكلة خليعا حرقة بقلبك. المهم بعد ما تحطيها بالشواية بحيث يكون وجه الخبز المدهون للأسفل ثم اضغطي بلطف بواسطة الملعقة على الخبز لعمل حفرة بتضغطي بلطف فهمانة منك الها مو تطلعي تدوسي عليها ولا تجيبي شاكوش وتضربي فيها لعمل حفرة.
3- اكسري بيضة في ابريق مو تكسريها براس اخوكي الصغير ثم صبيها فوق قطعة الخبز وكرري العملية مع القطعة الثانية.
4- ضعي شريحة الجبن فوق البيضة
5- ضعي قطعتي الخبز المتبقيتين فوق السابقتين بحيث يكون الوجه الدهون بالزبدة الى العلى ثم اغلقي الشواية.
6- اخبزيها لمدة ثلاث دقائق او الا ان يصبح لونها بنيا مو تتركيها ساعة وتروحي تلعبي طابة بالحارة وترجعي تلاقي لونها صار اسود هاي اذا ما تبخرت.
هاي هيه كل الطبخة وانا متأكد انو وانتو عم تعملو هالكلة رح تصير مصيبة يا اما رح تحرقي حالك يا اما رح تحرقي المطبخ
|
20-09-06, 08:00 PM
جديد مواضيع قسم المعجنات والسندويشات
العرض العادي
