المنتدى :
الارشيف
برستـــــيج
السلام عليكم ورحمة الله وبركاته
كيفكم شباب وبنات .. معاكم اخوكم بودي وحاب استعرضلكم اول تجربة ليا في الكتابة ( برستيج ) طبعا في البداية لازم تعرفو انو برستيج في الاصل المفروض انو يكون مسلسل وانا كتبتو على انو سيناريو وفعلا صورنا اعلان المسلسل ونزل عاليوتيوب وتقدرو تشوفوه عاليوتيوب ولكن للاسف الغينا فكرة المسلسل لظروف إنتاجية ولانسحاب بعض اعضاء المسلسل .. ففكرت اني اعرض السيناريو في منتدى على انو رواية لسببين .. اول شي عشان لا يضيع تعبي وجهدي .. و ثانيا عشان اشوف مدى تقبل الناس لكتابتي واسلوبي في الطرح .. واخترت منتدى ليلاس تحديدا لاني بجد مررا احب المنتدى هذا ومنتدى كبير ومعروف وفيلو اعضاء اقلامهم من ذهب واخص بالذكر الكاتبة المبدعة / شمس السديري الي اوجهلها تحية من خلال موضوعي وحاب اهنيها على رواياتها الثلاثة الي انا من عشاقها وبجد ما ابالغ لو اقول اني اتشجعت على فكرة الكتابة وحبيت الروايات منهاا .. الله يوفقها يارب ويخليلنا حسها المبدع في الكتابة .. يلا لا اطول عليكم هادي الرواية واتمنى تنال اعجابكم ..
الشخصيات
نواف : شاب مهووس بالسيارات واهم شي عنده سيارته وانه يواكب الموضة وخبيث دايما يدور على مصلحته .
عبدالعزيز : شاب غني جدا ومن اسرة راقية يمتلك ورث ابوه ويصرف منه ببذخ وشاب مستهتر جدا و اصدقائه قليل .
ريان : شاب هادي ورومانسي وحياته غامضة يحب الهدوء ويعشق تامر حسني حد الجنون .
فادي : شاب ذكي وحكيم للغاية دائما ينصح من حوليه وحياته مستقرة .
رائد : شاب متكبر جدا وعدواني ويهتم جدا بنفسه وشكله ووسامته ودائما يستحقر الناس ويعتقد نفسه الأفضل .
أحمد : شاب موهوب في كرة القدم وانسان اجتماعي ومحبوب من الناس .
بدر : شاب مغترب عن بلده وعاش حياته في الخارج وعاد إلى بلاده بعد غياب عشرة سنين وشخصية محبوبة ورسمية .
سمر : اخت فادي الوحيدة وفتاة شخصيتها ضعيفة وحساسة ودلوعة
لمى : فتاة لعابة وتخدع الذي امامها بطيبتها ورقتها ولكنها شخصية خبيثة ومكارة .
الحلقة الاولى
ريان يتمشى بسيارته في الصباح ويسمع لفنانه المفضل تامر حسني ويفكر في حياته ومستقبله .. ريان يحب التفكير و ممكن يجلس يوم كامل يفكر وما يطفش !
برســــــــــــــــــــــــــــــــــــــــــــــــتيج
عند المحطة :
عبدالعزيز للعامل : عبي فل يا غبي وبشويش على الغطاء
عبدالعزيز يستحقر الناس الي حواليه ودايما يحس نفسه احسن في كل شي
اعطاه العامل نظرة وفتح غطا البنزين وجلس يعبي البنزين .. ماله حول ولا قوة ما يقدر يرد عشان يبغا يحافظ على لقمة عيشه ويقابل اشكال كثير زي عبدالعزيز ..
خلص العامل وقفل غطا الرنج روفر البيضة الفخمة الي تجذب أي احد .. طبعا هادي سيارة من مجموعة سيارات عبدالعزيز..
عبدالعزيز رمى خمسين للعامل وقال بابتسامة خبيثة : خلي الباقي عشانك
ودعس بالسيارة وطلع صوت عااالي خلى كل الناس تطالع وهذا هوا عبدالعزيز كعادته يحب يلفت الأنظار .
برستــــــــــــــــــــــــــــــــــــــــــيج
دخل عبدالعزيز لميد
عبدالعزيز للموظف : اعطيني سيجار بالفانيليا .
الموظف طفشان ويبغا ياخذ ويعطي مع عبدالعزيز : ليش ما تجرب الفراولة احلى من الفانيليا
عبدالعزيز بسخرية : والله ؟.. هههههه
الموظف ضحك مع عبدالعزيز
وفجأة صرخ بصوت عالي : وانت ايش حشرك ؟؟؟؟؟؟؟؟
الموطف سكت واستحى على نفسو وكره الساعة الي اتدخل فيها : اتفضل
نواف كان واقف بزاوية السوبر ماركت منبهر بعبدالعزيز وبلبسه وبشكله وخصوصا سيارته الرنج روفر الي برا ونواف يعشق السيارات
نواف يكلم نفسه : شوف كيف لبسو شكلو وااحد مطنوووخ وغني سبحان الله الدنيا حظوظ .. واحد زي هذا لازم اصاحبو واعرف ايش موضوعه
قرب نواف من عبدالعزيز ودق ظهره
عبدالعزيز التفت وراه وشاف واحد متين شوية ولابس لبس مغنيين الراب والطاقية والسلسلة وداخل جو على انه ايمينيم : خير ؟
نواف ضحك وقال : اشبك انفجعت
عبدالعزيز بسخرية : لا ما انفجعت بس طبيعي لما كائن حي يدقني من ورا لازم الف عشان اعرف ايش يبغا
نواف : طيب اهدا اهدا ههههه .. انا مابغا شي بس بصراحة لفتني الدخان الي في يدك وحاب اسألك عنو .
نواف ما يحب الدخان لكن حاله مثل كثير اليوم يدخن بس عشان يثبت نفسه قدام اصحابو ويكمل النقص الي في شخصيته
عبدالعزيز بابتسامة صفرا : اولا اسسمو سيجار وثانيا تفضل خذو لك اسكتشفو بنفسك واعتبرو هدية عدم المعرفة اصلا !!
رمى عبدالعزيز السيجار لنواف وخرج من المحل ولحقو نواف
نواف : اشبك عصبت يا ابن الحلال
عبدالعزيز طفش : ما عصبت ولا أي حاجة بس ممكن تقولي انت ايش تبغا مني ؟؟
برستـــــــــــــــــــــــــيج
فادي جالس مع الشباب في الحارة يتكلمو ويضحكو
فادي : هههههههههههههههههههه ايوة والله تفتكر لما قالت لناصر انا احووووبك كيف صار وجهه
الشباب : هههههههههههههه
ماجد : يا رجال والله انه فضحنا اتخرفن على طول هههههههههه
فادي : يا عمي انت عارف انه المشهد حق وداد عاليوتيوب اتفرجو عليه امممم والله موو فاكر بالضبط بس تقريبا اخر مرة شفت كان 8 مليون ونص مشاهد .
واحد من الشباب : اووف اما 8 مليون والله عالم فاضية
خالد : وربي لو انا انزل مشهد وانا ارقص حيقفلو اليوتيوب بكبره .
الشباب : ههههههههههههههه
فادي : والله البرامج دي مادري كيف يعني غير انها تقليد مية بالمية للغرب كمان يغشو في النتايج ويلعبو ومادري ايش ..
ماجد : معروف ذا الكلام اصلا الزمن دا زمن السياسة كلو مترتب من قبل البرنامج اصلا .
خالد : اقول خف علينا انت وياه يا بتال القوس وداوود الشريان .
الشباب : هههههههههههههههههههه
فادي يوقف : يلا عن إذنكم شباب
ماجد : على فين بدري ؟
فادي : بروح اشتري كم حاجة للأهل وبعدين برجع انام شوية
ماجد : أوكي فادي بس لا تنسى اليوم في الليل.
فادي : ايش فيه بتروحو مكان ؟
ماجد : ياهووو اشبك نسيت اليوم طالعين البحر وحيكون الشوي على خالد كمان هههههه .
فادي : اوووه صح والله نسيت .. بس اهم شي انو الشوي على خالد يعني ما حتنحرق الدجاجة زي المرة الي فاتت هههههههههههه
ماجد : ههههههههههه انت لسا فاكر يا شيخ كان يوم اسود
خالد : لا ما عليكم المرة ذي عندي
فادي : يججي يججي صح عليك يا ابو خلود المرة دي انت داخل متحمس ههههههه
الشباب : هههههههههههه
فادي : يلا حبايبي مع السلامة نشوفكم في الليل .
الشباب : مع السلامة الله معاك .
فادي جلسته مع اصحابه عفوية جدا والي في قلبه على لسانه
برستـــــــــــــــــــــــــــــــــــــــــيج
في السوبر ماركت
ريان يتمشى بهدوء ويطالع في الناس وكالعادة سماعته في اذنه يسمع لتامر ويحط في العربية الشي الي يعجبو
ويدخل فادي نفس السوبر ماركت ويبدأ يقضي طلبات اهله
عند الكاشير
ريان يشيل السماعة : كم الحساب ؟
الكاشير : 36
ريان يطلع خمسين : تفضل
ويحط سماعته وياخذ الحاجات ويمشي والكاشير يناديه عشان الباقي وهو مو سامع
الكاشير : محمد تعال خذ فلوس .. محمد
ريان : ................
فادي يروحله عند الباب ويأشرله يشيل السماعة
فادي بابتسامة : حبيبي نسيت الباقي
ريان يفتكر : اوووه صح
رجع ريان واخذ الباقي وخرج من السوبر ماركت وركب سيارته
ريان يتنهد : ااااه اخيرا
وعلى طول يشغل المسجل على تاامر
وقبل ما يمشي يفتكر حاجة مهمة ويخرج من السيارة ووقف برا السوبر ماركت يستنى فادي
خرج فادي وريان راحله
ريان بابتسامة : نسيت اني اقلك شكرا على انك ناديتني
فادي : ههههه لا عادي حبيبي ما يحتاج
ريان يبتسم
فادي : بس ايش السماعات دي الي في اذنك طول الوقت وانت تسمع اغاني كذاا ؟
ريان : ههههههه ايوة ايوة
فادي ياخذ سماعة بعفوية : طيب اشوف سمعني ايش تسمع
فادي : اوووه مو هذا الفنان الي انضرب في المظاهرات ومادري ايش
ريان عصب :اسمه تامر وبعدين ما انضرب هوا ما كان يدري ايش الموضوع ونزل عشان يهدي الناس وكان نيته طيبة وما يقصد شي وبرضو بعدها رجع واعتذر للناس وصالحهم بأغنية smile والاغنية حققت نجاح كبير وبعدها نزل البومه الجديد كمان
فادي استغرب من انفجار ريان : وه وه بشويش لا يطقلك عرق اشبك عصبت كذا ؟
ريان : لا ما عصبت بس انت تحكم كذا وانت ما تعرف شي
فادي يضحك : اشبك تحبه كدا محسسني انه حبيبتك
ريان بجدية : وانت اشبك تكرهه كذاا كأنه ابو زوجتك
فادي انفجر : هههههههههههههههههههههه
ريان ما قدر يمسك نفسه : ههههههههه
فادي مد يده : انا فادي وساكن هنا قريب في الحي
ريان : وانا ريان
فادي : اتشرفنا يا ريان
ريان يبتسم : ليا الشرف والله
مشي ريان لسيارته وفادي مشي شوية وبعدها طل ورا كأنه نسي شي
فادي : اووه صح .. ريااااان
ريان يطل ورا : هلا أمر ؟
فادي : ما يؤمر عليك عدو حبيبي .. عندك شي اليوم في الليل ؟
ريان يفكر : اليوم امممممم لا والله ما عندي شي
فادي : طيب حلو .. اليوم طالعين مع الشباب عالبحر وشوي وكوتشينة وونسة وجوو مررة حلو نغير جو بدال الطفش الي احنا فيه .. كيف تجي معانا ؟؟
ريان يفكر : اممممم ( يبتسم ) : خلاص اوكككي .
برستــــــــــــــــــــــــــــــــــــــــــــيج
في الملعب
أحمد يلعب مباراة في دوري بين فرق المنطقة وتخرج الكورة برا الملعب عالشارع وتجي عند رجل رائد الي يتمشى
أحمد : لو سمحت ممكن الكورة ؟
رائد ساكت ويطالع في احمد بنظرة مرعبة وفجأة يشوت الكورة بعيد وهو يستحقر احمد
أحمد استغرب وعصب : اشبك انت مجنون ليه تشوت ؟
رائد يدفه باستهزاء : امشي يلا
ويدخلو في بعض احمد ورائد ويتضاربو في الشارع مضاربة قوية لحد ما رائد جرح احمد في وجهه ونزل الدم وبدأو العيال يخرجو من الملعب عشان يفارعو خاف رائد وقام يجري بعيد عن المكان لكن طاحت محفظته وهوا ما يـــدري
................. برستـــــــــــــــــيج ................
|
10-07-13, 08:47 AM
جديد مواضيع قسم الارشيف
العرض العادي
