المنتدى :
أريد حلا
ساعدوني ارجوكم
مرحبا انا من سوريا ..... حابه احكيلكن قصتي واسفه لان بدها تكون طويله بس معلش تحملوني لان والله انا بحاجه نصيحتكن كتير وضايعه بحالي ما بعرف شو اعمل
انا تعرفت عشب من فترة 4 سنين وحبينا بعض بجنون هالفترة كلها ... طبعا الشب وحيد امو ومتعلق فيها وبيحبها كتير ...
بعد سنه من تعارفنا الشب خطبني من بيت اهلي وصرنا اتنين مخطوبين ... دخلت عبيتن وتعرفت ع اهلو واخواتو البنات عاملت امو والله بيشهد عليي كانها امي تماما وكنت منيحه كتير معها .. اما اخواتو ف والله كنت الهن الاخت الصغيرة وكنت دايما انصحن وكون جنبن باصعب المواقف وعملت كل جهدي لحتى حبوني واعتبروني وحدة من العيله لان الصراحه عكتر ما حبيتو لهل شب قلت ما بدي اعملو مشاكل مع اهلو بالعكس ادخل علين كانن اهلي وعاملن احسن معامله وكنت كمان طنش عكتير حكي يحكوه بس كرمال ما اعمل مشاكل وانت امو كتير اوقات تعيط عليي بس اسكت وقول معلش متل امي رح اتحمل وما احكي شي ابدا ...
طبعا خطيبي سافر وقرر يشتغل برا منشان نقدر نتزوج ستفر هو واهلو بس اخواتو ضلوا هون بسوريا
كنا متلنا متل اي اتنين منعلق ومنتصالحن بتصيرر مشاكل بيناتنا بس منرجع منرضى ولا كان في شي
مرة علقت انا وياه بسبب مرة متزوجه كانت تضل تلاحقوا وتحكيه وين ما كان فانا بوقتها وبسبب البعد ما قدرت واحهو او نحكي بالمشكله متل العالم فاضطريت ابعتلو مسج بينلوا فيها اللي مدايقني منو ومن تصرفاتو
من سوء حظي بوقتها كان الموبايل مع امو وقريت المسج فردتلي وقتها بمسج وحكتني حكي كتير سئ انا واثقه هي ما بترضاه للحكي ينحكى لبناتها فما رديت عليها لان اخلاقي ما بتسمحلي رد عليها
وترت الموضوع واعتبرت انو علاقتنا انتهت لان هو بوقتها للاسف ما امو محت المسج وما خليتو يقراها ومدري شو وصلتو فبعد وضل شهرين ما يحكيني ابدا
بعد شهرين حكاني وصالحني وصار يبكي ويقلي انا غلطت سامحيني ومن هالحكي هاد .... طبعا رجعتلوا لان انا بحبو وبعرف كمان انو هو بيحبني كتير رجعنا ورجعت علاقتنا متل قبل واحسن بكتير لسا وقلي بدو يجي عسوريا يشوفني
وفعلا اجا عسورياا بس هو اجى تغير صار واحد تاني وصار يقلي انو امي متدايقه منك وامي زعلانه منك ليش بعتي هالمسج هاد ووقتها بينلي انو اخواتو البنات اللي تقعتهن متل اخواتي ناقلينلها حكي لسا خلاها تجن اكتر
انا عصبت واتدايقت انو ليش انا بعتلك مسج الك وصارحت بشي جواتي يمكن يكون صح ويمكن غلط بس انا بعرف الاتنين وقت يحبوا بعض بيعلقوا وبيتصالحوا ع اتفه الامور وعادي بس ما حدا يتدخل بيناتن
المهم مع هاد قلتلوا معلش هي متل ماما وانا رح اطلع لعندا واعتذر منها كرمالك .... وبعدا ضليت قديش اطلب اطلع لعندا وما تكون بالبيت يضلوا يقلولي مانها بالبيت وحجج واعذار
مرت الايام وابوه لخطيبي عمل عمليه و دخل المشفى طبعا بدون تفكير انا فورا رحت لعندو لزورو واتطمن عليه ..... وقت اجيت شفتها لحماتي بالمشفى فطلعتها لبرا قلت خليني اكسر الشر واعتذر لان ما بعرف شو واصلها حكي من اخواتو وكمان ما بدي مشاكل وبتضل متل ماما لو شو ما صار رحت لعندها واجيت بدي اعتذر بس وقتها حكت حكي كتير ما حلو
قالتلي انا بالنسبه الي انتي ما بقا خطيبه ابني وانتي ما بتعنيلي انا ما بقا بعتبروا لابني خاطب قلتلها انا اكتر من مرة كنت بدي اطلع لعندك قالتلي انا ما كنت بالبيت ولو كنت ما رح استقبلك صرت قلها عطيني فرصة تانيه انا بعرف قديش بتحبي ابنك وهو بيحبك وانا اذا انتي ما رضيانه مستحيل ارضى انو ناخد بعض
صارت تقلي اصطفلي اعملي لبدك ياه بس انا انتي ما بقا بتعنيلي طبعا بوقتها انا جنيت واتدايقت كتير
لان انا الصراحه حتى ببيت اهلي ما بسمع الحكي اللي نقلي بوقتها
رحت شفتو بعدها لان هو ما كان بالمشفى وقت صار هالشي وقلتلوا اللي صار صار يقلي روقي هدي وروقني عالاخر وبعدا قلي انو تركيها وفترة وبتروق امي
رجعت عالبيت وقلت لاهلي عاللي صار لان انا ما بخبي شي عم اهلي والصراحه بوقتها كنت متدايقه كتير وبدي قول لحدا فبابا اتدايق كتير وقلي بدي اتصل بخطيبك يلاقي حل انا ما برضى بنتي ينحكى معها بهالطريقه
حكي معو واجا خطيبي لعندو وحكوا بالشغل عند بابا طبعا اللي صدمني انو خطيبي صار يدافع عن امو بكل الطرق لا وصار يقلو لبابا انو بنتك العنيدة ودافع وقلو انو امي اتدايقت من بنتك من المسج اللي بعتتلي ياه لهيك حكت هالحكي هاد ودافع عن امو كتير
فبابا اتدايق وقلو خلص اتفق انت وخطيبتك وحللي الموضوع وبدي تردلي خبر شو بيصير لان هيك انا ما برضى
قلو خطيبي اللي بتشوفو بنتك انا معو وبيناتنا تلفون
المهم من بعدا حكيتوا انا لنتفق طبعا ما رد عليي ... وهلا النا 4 ايام ما عم نحكي ابدا ما بعرف اذا هو هون او سافر او اي شي
طبعا حالتي ما بقدر اوصفها ابدا انو من اول مشكله مع امو هيك بيعمل ...... ما بعرف شو اعمل تاركني لا معلقه ولا مطلقه ما عم يرد عليي وما بعرف شو بدي اتصرف الله يوفقكن ساعدوني وقلولي شو اعمل
|
25-04-13, 12:33 PM
رد: ساعدوني ارجوكم
جديد مواضيع قسم أريد حلا
العرض العادي
