رواية : كل الحكاية مافهمت الحكاية \ بقلمي

كانوا ماخذين راحتهم عالاخر ويسولفون
فرح باستغراب : شواقه لسه ما يت
مروه : تتوقعين من اخوها
كشرت اسيل : هالغثيث هذا يرفع الضغط وربي ارحمها
فرح : الله لا يسامحه على اللي يسويه فيها اساسا حتى هو ماشفته اليوم
مروه : ايوه حتى انا ماشفته
اسيل ناظرت الساعه : يالله بنات الحين عندنا محاضره
فرح : اووووف يالله هذي اولها
واتجهوا الى محاضرتهم
..
راح لسيارته وهو يتأفف لفت نظره سياره مرسيدس ! استغرب بالمره بس سكت وكمل
ركب سيارته وهو يتأفف " انا اوريها ذي ام لسان وجذابه بعد ماكون جراح النامي لو ما ربيتها "
كمل لف على البيوت ووزع الالف كلها ورجع للشركه وهو حاس بصداع
..
ركضت وطبت بحضنه وحضنته بقوه : وحششششتني ياخي
سعود حس ان كل الانظار لهم وشكلهم غلط بعدها شوي وضحك : الله يقطع بليسج شوفي الكل يناظرنا فاهم غلط
ليال : هههههههههه احسن مع نفسهم المهم وحشتني يادب
سعود : مو توني شايفج قبل اسبوع امدى وحشتج وبعدين تعالي كم مره اقولج انا مو دب هذي اسمها عضلات
ليال بتسليك : اللي هو المهم كيفها مرام ؟
سعود : تسلم عليج وتقول انها زعلانه منج
ليال مدت بوزها : وانا زعلانه منها .. توها تنتبه للشخص اللي واقف ورا سعود
قربت وصافحته : هلا والله بولد العم
جاسم بابتسامه : اهلين ليال كيفج ؟
ليال : تمام التمام وانت ؟
جاسم : الحمدلله تمام ..
ليال : لو اني داريه اني بشوفك اليوم كان لبست كعب فشلتني الحين يقولوا عني قزمه
جاسم: هههههههه اي يا سنفوره انتي قزمه
التفت على سعود : يالله نروح الكافتيريا ننتظر الشباب
ليال بترجي : بنروح وراكم مانعرف وينها
سعود : انتي ومين ؟
ليال : جوري ووحده اسمها ساره
التفت وشافت جوري وساره اللي واقفه معها ورجع لف لليال : اوك يالله
وراحوا البنات ورا جاسم وسعود

سعود " عمره ٢٢ اخو ليال من الرضاعه وهو اساسا ولد عمها اخته مرام عمرها ١٨ سنه فيه من وسامه جراح .. ومعضل .. عايش مع اخته وابوه..امه متوفيه ويموت باخته حيل ومايرضى عليها أي شي "

جاسم " ولد عم سعود وصاحبه الروح بالروح عمره ٢٢ وطوووويل ليال تصير عنده من اقزم المخلوقات دايم يحب يستهبل عليها "
..
نرجع للملاقيف الاثنين
ناصر : شوف بدت تلحقهم هي واللي معها صج شين وقوي عين
فواز : اللي مستغربه كيف سعود عادي عنده متقبل الموضوع مع انه معروف انه مايعطي احد ويه
ناصر بحمماس يبي يرفع ضغط فرح : خلنا نلحقهم ونخبر فرح
فواز وقف وابتسم : قدااام
....
اول ماراحوا للكافتيريا كانت فيه عيون تراقبهم
ساره وليال وجوري جلسوا بطاوله قريبه من عند سعود وجاسم
مها بعصبيه : شفتوا اللي شفته ! هالجلبه تتلزق فيه وتبتسم له
ميعاد : من جدج تحبينه لسه ؟
مها التفت وبحده : مالج دخل
سوسن : سعود يبتسم لبنت ! غرييييبه
ريماس : من جد كيف معطيها ويه
وقفت بعصبيه ومشت متجهه لهم بس وقفتها يد صاحبتها
ميعاد : هبله انتي وين رايحه
مها : بربي ذولا الجلاب .. وسحبت يدها من يد ميعاد
ومشت وطنشت البنات وهم ينادونها
سوسن بخوف : قوموا قبل ماتسوي شي هالمينونه
وقفوا البنات بسرعه ولحقوها
....
سعود شاف مها اللي متجه لاخته وبنت عمه وساره والشر مبين بعيونها ضحك
جاسم يناظر باستغراب : بسم الله شفيك لا يكون انهبلت هذي الحاله تجي لليال وجوري بس ! لا يكون انعديت
سعود يكمل ضحك : شوف مها رايحه لليال وربي ليال تمسح فيها الارض ماتعرف ان ليال ام لسانين وفوق كذا معها جوري ياسلااااام اكتملت
جاسم عدل جلسته باهتمام استعدادا للحرب اللي بتصير وبدا يراقب بحماس
..
ناااصر بحماس : شوف شوف بتصير حرب هنا مها انتبهت لهم ياويلها هذي
فواز : اخخخ ياليت تمد لسانها على ذيج
ناصر : فاضي انت اسكت خلنا نشوف
..
صفقت الطاوله بقوه بايدها وبصراخ لدرجه ان الكل سكت ولف يناظر : هيييه انتي !
سارة ماتت من الخوف ولاحظ سعود هالشي كان ودها تقوم وتروح ماعرفت ايش تسوي وسكتت وجلست تناظر مها بخوف
جوري تركت جوالها ورفعت عيونها تشوف شالسالفه وهي ميته من الاستغراب
ليال رفعت حاجبها : انا ؟
مها بنفس الصراخ : لا اليني
ليال تبي ترفع ضغطها رفعت صوتها : يا يني تعال شوف في ينيه تبيك .. هنا الكل فقع ضحك
مها فتحت عيونها : تستخفين دمج بعد ..انا ينيه يالشيفه انتي واللي وياج(وناظرت جوري باستحقار)
ليال بدلع رجعت شعرها لورا خلا الكل يذوب : ههههههههه انا شيفه ؟ شكلج مضيعه حبيبتي اول روحي شوفي شكلج بالمرايا وتعالي حاجيني
مها ناظرت جاسم وسعود : عالاقل انا ماتلزق بالشباب واجلس اتبسم لهم والحقهم بعد
جوري عصبت وقررت تدخل : هيييي انتي حدج تحسبين الناس زيج
مها ناظرت جوري من فوق لتحت : كلامي معج بعدين انا كلامي مع هذي (اشرت باصبعها على ليال)
ليال باستغراب : اي شباب
مها رفعت عيونها لسعود وجاسم : هذول يعني مين !
كل الانظار توجهت لسعود وجااسم والكل مستغرب
ليال ابتسمت ووقفت بثقه رجعت شعرها على ورا ومشت بثقه متجهه لطاوله سعود وجاسم
سعود ناظرها وابتسم وفهم ايش بتسوي .. مها يوم شافته يبتسم كانت بتروح تجرها مع شعرها بس تبي تشوف ايش النهاية
الكل كانت عينه تراقب ليال ..
جلست جنب سعود لدرجه انها لزقت فيه
سبلت برموشها وقالت بدلع :قصدج my boyfriend ? فدييييته بس .. وقربت وعطت سعود بوسه مع خده وسعود اكتفى بالابتسامه
حاله صدمه للجميع
اولهم مها وشلتها باستثناء جاسم وسعود وساره وجوري اللي كانت ميته ضحك
وقفت ورجعت لجوري وسارة وابتسمت بدلع : بنات الجامعه وايد حلوه دام فيها حبيبي .. وفي ناس بعد نرفع ضغطهم شرايكم ؟
جوري وماسكه بطنها من الضحك ودموعها تنزل: ههههههههههههههههه اييي يا بطني هههههههههه مو قادره وربي انج تحفه
وتأشر على مها : شوفي شكلها اييي يا بطني ههههههههههههه
مها شعور لا يوصف وهي تشوف اللي تحبه وحده تقرب وتبوسه وتقول انه حبيبها ! ودها تقوم تقطع شعر ليال دمعت عيونها من القهر
ابتسمت بخبث يوم شافت المويه ومسكتها واتجهت لليال
فجأه انكبت كل الموية ..
بس ليال وخرت قبل يوصلها اي شي .. حركت حواجبها بحركه استفزازيه : اوف اوف لهدرجه شايفتني غبيه ومو فاهمه شي عالعموم خلاص حبيبتي بلا حركات اطفال عطيتج ويه
مها ماقدرت تكمل خلاص اول مره تتفشل قدام الكل كذا سكتت وطلعت من الكافتيريا بهدوء
الانظار كانت كلها متوجهه لليال وسعود
وقف جراح وبصوت عالي : خلاص انتهى الفلم اللي قبل شوي مايحتاج هالنظرات
الكل استوعب ومشى
البنات ماقدروا يتكلمون خافوا مصيرهم يكون زي مصير صاحبتهم ولحقوها لبرى
..
اما عند ********
فواز بصدمه : لا انا باقي مو مستوعب اللي صار (التفت لناصر ) انت شفت اللي صار؟!!
ناصر ماكان اقل منه صدمه : باسسسته شفتها بعيني قربت منه وباسته !
فواز : كيييف هالجرأه هذي وقدام الكل بعد
ناصر : لييييت فرح كانت فيه
فواز اخذ نفس : قووم خلنا نطلب شي اليوم مو طبيعي وابي اهدي اعصابي
...
ليال بفخر : شرااايكم بس
جوري تصفق بحماس : وررررربي ابداااااااع
ساره اكتفت بالصمت ونزلت عيونها عالارض
ليال لفت عليها : سوير شفيج ؟
ساره ارتبكت : هاه ؟ لا لا ولا شي تستاهل مسحتي فيها الارض
جوري تأكدت من ششخصيه ساره
ليال : خخخخخخ اي والله احسن خلها ام اظافر مكسره
ساره : هههههه امدا شفتي اظافرها
ليال : اكيد من صفقتها تخرعت وشفت ايدها
قاطعهم سعود اللي قرب
وبابتسامه : تعجبيني من اول قاهرتني
ليال : افا عليك انتظر الدرس الثاني اللي بييها (وغمزت له )
سعود : طيب يالله ترا وراكم محاضره
ليال بضيقه : اوووف
سعود : ههههه هذي اولها ! يالله قوموا ( سعود كان ماخذ مواعيد محاضرات ليال )
جوري وقفت بحماس : يالله اول محاضره لنا
وقفت ساره وابتسمت لليال : يالله ليولي لا نتأخر
ليال وقفت وضحكت : مقدر عالدلع انا
التفتت على سعود واشرت على سارة : هذي صاحبتي سارة توني تعرفت عليها اليوم
التفتت على سارة واشرت على سعود : وهذا اخوي سعود الاهبل هو اخوي من الرضاعه .. وعنده اخت هبله مثله بعدين اعرفج عليها ..وعندي اخت بعد هنا
ابتسم سعود ومد ايده يصافح ساره.. ارتبكت ومدت ايدها تصافحه
سعود وهو موجه نظره لها : تشرفت بمعرفتج ساره
ساره وهي تناظر الارض بتوتر: لي الشرف اكثر
التفت سعود على اخته : يالله ادلكم وين
ومشوا وراه ويوم وداهم رجع للكافتيريا
..
اول ماجلس عالمكتب نادى السكرتي
جراح بكل قهر: ابيك تطلع لي معلومات عن منيرة محمد الفهد
السكرتي : ان شاء الله اوامر ثانيه طال عمرك
جراح بتأفف: لا خلاص روح
واتجه السكرتي يطلع المعلومات وهو يسب ويلعن بجراح وعلى معاملته الزفت
..
مها صرخت بقققهر والدموع متجمعه بعيونها: شفتوووووووووووا كيف كان مبتسم وهي تبوسه بعد وتقول حبيبي حبها قرد وربي لاذبحها تنتظر شوي
ريماس بشر : طيب يا ذكيه علمي الاداره
سوسن : كلام ريماس صح
مها بدون كلام وقفت واتجهت للاداره
..
غسلت الملابس كلها وكوتهم واتجهت للمطبخ تسوي الغدا وكل تفكيرها بجراح كان رافع ضغطها وقاهرها ليش يشوف نفسه ! وهي كانت حالها من حاله ويمكن اغنى بعد
اتجهت عيونها للفرن وفكرت ايش تسوي للغدا حاست بمخها شوي هي ماتعرف تسوي شي بس عشان امها لا تتعب ومايكون وجودها ماله فايده
طلعت لها مكرونه وحطتها بمويه حاره
طلعت اللحم المفروم وحطت معه بصل مقطع وصوص وحطت الملح وجلست تحوس فيه
..
اتجهت عيونه للباب وبحده : تفضل
دخل السيكرتي (ضاري) ومد له بعض الاوراق : تفضل هذي المعلومات اللي طبلتها
سحبها جراح من يد ضاري وناظره بحده : ولا احد يدري اني طلبت معلومات عنها واولهم ابوي فاهم ؟
ضاري " ماقول الا مالت بس مو واثق باللي يسويه عشان كذا يخبي عن ابوه لان يدري انه بيتهزأ " : ان شاء الله
جراح وجه عيونه للاوراق : تقدر تتفضل برا
وقف ضاري وجلس يناظره لثواني بقهر وطلع وسكر الباب وراه
جلس يقرا الكلام الموجود بالورق
" عمرها 20 عندها اخت وابوها ميت عاشت عند جدها هي وامها واختها جدها مات بعدين انتقلت لمكان مجهول ! بس لو هي كان بين عليها الغنى لا لا اكيد مو هي انا اوريها الجذابه ان ماندمت عشانها رفعت صوتها علي بس دقيقه ايش جاب المرسيدس عندهم ؟ يمكن جد غنيه ! او يمكن مو حقتها "
حس بصداع فتح الدرج ورمى الاوراق فيه وكمل شغل

ضاري " عمره 24 عايش مع امه واخته ويحاول يصرف عليهم واضطر انه يشتغل عند جراح مع انه يلقى الكثير من الاهانات من جراح بس الحياة اجبرته على كذا وكان ساكت ومتحمل عشان اخته وامه وبس .."
..
كان جالس ويلعب بـ مفتاح سيارته ويفكر
جلس جنبه وصفق الطاولة بقوه
رفع راسه بسرعه وعقد حواجبه : سعود يالبايخ فكرتك مها خرعتني ياخي
سعود وهو يناظر الطاولة : ياخي احس انها ما بتسكت خايف على ليال منها
قطع حديثهم صوت واحد : يا هلا والله بالشباب
رفع سعود عيونه لاصحابه ووقف هو وجاسم بابتسامه
حضن صاحبه : يا هلا والله بـ عزيز
عبدالعزيز دف سعود باستهبال : لا تسوي حركات البنات لاصفقك
سعود ضرب كتفه بخفيف : ماقول الا مالت احمد ربك ياخي
التفت على صاحبه الثاني وصافحه وابتسم : اخاف احضنك وتتفلسف انت الثاني
ضحك : هههههه لا ماعليك عزيز سخيف وماعنده سالفه
عبدالعزيز فتح عيونه : وتحش قدامي بعد طيب يا فروس لا تجيني بعدين وتقول عبدالعزيز ساعدني
فراس ضحك : لا ماعليك عندي سعود
وسلم عليهم جاسم واجتمعت الشله مره ثانيه ..
عبدالعزيز " عمره 22 يحب يروح لبيت سعود ويحب الجلسه هناك .. طيب وحنون بالمره ولا يهمه كلام الناس ابد "
فراس " عمره 22 فكاهي ويحب يمزح ويرفع ضغط الكل "
..
فتحت الباب بقوة وعيونها تتطاير منها الشر
رفع راسه باستغراب
تكلمت وهي رافعه صوتها : انا بشتكي على طالب وطالبة هنا ..!
رفع حاجبه باستنكار ورجع راسه للاوراق : لو سمحتي اطلعي وسكري الباب وردي استأذني واذا اذنت لج ادخلي وسلمي وبعدين اشتكي على كيفج
ناظرته بقهر وطلعت وسكرت الباب بقوه
مرت ثواني وسمع طق الباب وابتسم : تفضل
دخلت بقهر : السلام عليكم
المدير بابتسامه : وعليكم السلام .. تفضلي يا مها
قربت مها وجلست عالكرسي : لو سمحت ابي اشتكي على طالب وطالبة
المدير : مين هم ؟
مها : سعود النامي( وسكتت شوي لانها ماتعرف اسم ليال )
المدير باستغراب من سكوتها : ومين بعد ؟
مها نزلت راسها : ماعرف طالبة يديده
المدير سكت شوي وكمل : وليش ايش سووا !
مها وقصت له كل القصه
سكت المدير شوي مايعرف صدمه ولا استنكار : معقوله فيه بنت بهالجرأه ..(ناظرها) متأكده ان سعود كان راضي ؟ وساكت بعد ؟
مها : أي وربي حتى كان مبتسم لها
المدير : طيب مشكوره يا مها وترا للمعلوميه تصرفج كان غلط
مها نزلت راسها
المدير : تقدرين تطلعين الحين
وقفت وطلعت وعلى وجها ابتسامه انتصار
..
حط راسه بين يدينه وضغط عليه بقوه
سحب نفس شوي وزفر
ناظر ساعته انتهى وقت دوامه
اخذ جواله وبوكه ومفاتيحه وعلبه الدخان وطلع
التفت على ضاري : تقدر تروح بيتكم انتهى الشغل
ضاري : ان شاء الله
وكمل مشي وركب سيارته واتجه لبيتهم وهو ميت تعب
ونفس الشي عند ضاري اخذ اغراضه وركب سيارته واتجه للبيت
..
اتجهت لصديقاتها وهي مبتسمه
سوسن : ههههههههههه ايش هالابتسامه الشريره يا ست مها
مها : قوموا بسرعه للكافتيريا عشان تشوفوا سعود وملامح وجهه لو عرف ان المدير يبيه
ميعاد وقفت بحماس : يالله بالله قوموا
واتجهوا البنات للكافتيريا ودخلوا بكل ثقه
ماكملوا خمس دقايق الا ويشوفوا واحد من الاساتذه متجه لسعود وشلته
الدكتور : السلام عليكم
الكل : وعليكم السلام
الدكتور اتجهت عيونه لسعود : ممكن شوي المدير يبغاك
سعود اتجه نظره لمها اللي كانت الابتسامه شاقه وجها وعرف انه منها
وقف بثقه وابتسم : اكيد طبعا ممكن
واتجه لغرفه المدير
..
طق الباب بخفيف وسمع صوت من الداخل : تفضل
دخل بابتسامه : السلام عليكم
المدير : وعليكم السلام تفضل سعود
قرب سعود وجلس : زاد فضلك .. امر ايش بغيت ؟
المدير : والله مو عارف شنو اقول بس جات عليك شكوى انت وطالبه من سنه اولى
سعود بابتسامه : قصدك ليال ؟ ايوه شفينا ؟
المدير قال له السالفه وكمل : والله انا مستغرب من الكلام وماني عارف اصدق ولا لا
سعود بثقه : الكلام صح وتقدر تسأل أي واحد كان متواجد بالكافتيريا
المدير باستغراب : وتقول هالكلام بكل ثقه !
سعود : طيب يا مدير تعرف فرح ؟
المدير : اكيد اعرفها وعارف انك اخوها من الرضاعه .. فرح من احسن الطالبات هنا
سعود ابتسم : طيب يا مدير تعرف اسمها الكامل ؟
المدير باستغراب : ايش دخل فرح الحين
سعود : يا مدير انت قولي وبتعرف بعدين
المدير بنفاذ صبر : فرح خالد النامي
سعود : حلو طيب ليال تعرف شنو اسمها ؟
المدير : لا ..!
سعود : اسمها ليال خالد النامي .. تقدر تتأكد من اوراقها وشهاداتها
المدير ابتسم : والله كنت عارف ان مستحيل يصدر منك هالشي .. يعني ليال اختك من الرضاعه صح ؟
سعود ابتسم : ايوه
المدير : طيب يا سعود اسف اني ازعجتك وتقدر تروح الحين
سعود : لا عادي
وقف وطلع واتجه للكافتيريا
دخل وابتسم لمها وجلس مع اصحابه
فراس : عسى ماشر من اولها مطلوب للمدير
ضحك سعود : لا بس سوء تفاهم ماعليك
جاسم سكت وعرف ايش السالفه
عبدالعزيز : المهم ماعلينا شباب شرايكم بريماس ؟
فراس : شوف شله المشاكل هذي ترا انا مو طايقها واولهم ريماس
ضحك سعود : لا والله مو رافع ضغطي الا ميعاد احسها سوسه
جاسم عقد حواجبه : انا ماطيق سوسن
عبدالعزيز : حتى انا ماطيقهم واولهم ريماس بس قلت بشوف بس انا ولا انتم نفس الحاله
سعود يغير السالفه : شباب ماشفتوا مازن ؟
الكل : لا
سعود : طيب شرايكم اليوم نجتمع نشوف المباراة مع بعض ؟
اختلفت الاجابات : أي والله .. خلاص اوك .. اتفقنا بس وين ؟
سعود : في بيتي
جاسم : بس اختك موجوده احس مالنا داعي
ضحك سعود : على اساس انتم ماعندكم خوات ؟ عادي مرام اتوقع تروح لليال وفرح ولا تطلع مع صديقاتها
جاسم : خلاص اوك براحتك وعالطريق اسلم على عمي
..
طيرت عيونها له باستغراب وتحس ان شياطينها قايمه ! هي متأكده انها اشتكت ليش ماسووا له شي وليش راجع يبتسم
التفتت بعصبيه : شفتوا كيف داخل مبتسم
ميعاد بطفش : انتي مو قايله انج تحبينه ليش تبين له الشر الحين
مها : لانه استفزني وقهرني ومستحيل اسكت
ميعاد : الحمدلله والشكر .. يالله سوسن ورانا محاضره انا وانتي
واتجهوا ميعاد وسوسن لمحاضرتهم
..
اختلفت اوقات المحاضرات لما انتهى الدوام وصارت الجامعه خاليه من الطلاب
..
دخلت البيت وهي حاسه انها متكسره
ابتسمت يوم تذكرت كيف جننت مها
رمت شنطتها بطفش عالارض وكملت مشي
التفتت عالصاله ولقت الكل مجتمع ابتسمت : السلام عليكم
الكل : وعليكم السلام
التفتت على فرح : انتي متى رجعتي بسم الله امداج
فرح : عادي انا خلصت محاضراتي ورجعت
رمت نفسها عالكنب : اووف كان يوم متعب
ام جراح : قابلتي جوري ؟
ليال عدلت جلستها : ايوه يمه وتعرفت على بنت حيل طيبه اسمها سارة
فرح : شفتي سعود صح
ليال تذكرت سالفه مها وتربعت عالكنب بحماس : ايوووه على طاري سعود اسمعوا ايش صار كنا جالسين بالكافتيريا (وكملت السالفه )
جراح : هههههههههههه الله يغربل ابليسج على هالشغله اكيد البنت ميته قهر الحين
ابو جراح : والله وطلعتي مو هينه يا ليال
غمزت له : افا عليك يبه
فرح التفتت لاختها : كيف كان شكلها ؟
ليال : متينه شوي وعيونها وسط يعني وفمها مليان و خشمــ
فرح قاطعتها : كان معها بنات ؟
ليال هزت راسها بإيه
فرح : هههههههههههههه هذي مها الخبله اسمعي ماعليج هذي ترا تحب سعود وبس ناشبه فيه ودايم انا وهي نتهاوش
ليال : أي واضح انها تحبه حتى نضراتها له مدري كيف المهم مع نفسها انا تعبانه ابي انام شااااو
وقفت ومشت بحماس
سعد مد رجله
وطراااااااخ
كان شكلها تحفه شعرها كله جا على وجها وجزمه من جزمها طارت ( الله يكرمكم ) ووجها احمر من العصبيه
الكل : ههههههههههههههههههههههههههه
سعد مد لسانه وجري للحمام وقفل الباب ( الله يكرمكم )
وقفت والتفتت بغرور : مافي شي يضحك
عدلت شعرها
مشت ومسكت جزمتها (الله يكرمكم)
وتسب وتلعن في سعد في نفسها
وصعدت لغرفتها ورمت الجزمه (الله يكرمكم) ورمت نفسها عالسرير وهي معصبيه مامرت خمس دقايق الا وهي داخله في دوامه الاحلام
..
دخلت البيت وهي تتأفف وميته من الجوع
طاحت عيونها عالمطبخ وراحت جري هناك
شافت امها واقفه وتشرف عالخدم وهم يسوون الغدى
قربت وباست رايها : هلا يمه
التفتت عليها : هلا والله يا بنتي
جوري : يمممه حدي يوعانه متى بيخلص الاكل ؟
ام عبدالرحمن ابتسمت: شوي بس نص ساعه ويخلص انتي روحي خذي لج شور عالسريع وتلقينه مخلص
جوري : ان شاء الله يمه ..بس عبدالرحمن وراكان وين ؟
ام عبدالرحمن : مع ابوج بالشركه شويه ويون
جوري : اوك يمه يالله انا صاعده
ام عبدالرحمن ناظرت بنتها بحزن : جوري
جوري ابتسمت : امري يالغالية
ام عبدالرحمن تأملت شكل بنتها ولبسها المبهذل : يا يمه لما متى بتضلين على هالحال والله قلبي يتقطع وانا اشوف بنتي ماتهتم بنفسها ابد
جوري نزلت راسها : اتوقع ان جم مره تكلمنا بالموضوع لو سمحتم انا كبيره وفاهمه مايحتاج احد يقولي شنو اسوي واعرف مصلحتي
ام عبدالرحمن تنهدت : الله يهديج يا بنتي
جوري : امين .. وطلعت جري لفوق واخذت لها شور سريع ونزلت
اجتمع الكل عالسفره
ابو عبدالرحمن : كيف الجامعه وياج يا جوري
جوري ابتسمت : الحمدلله يبه
راكان : شفتي ليال ؟
جوري : ايووه وتعرفت بعد على بنت اسمها سارة كبرنا
دخلت جود وشعرها حوسه وتتثاوب : السلام عليكم
الكل : وعليكم السلام
عبدالرحمن : الحين انتي لما متى بتضلين لا شغل ولا مشغله حتى دراسه مو راضيه تكملين
جود قربت وجلست جنب جوري : وانت شعليك ؟ عاجبني وضعي وليش اشتغل وانا مو محتاجه للشغل والشهاده مابيها شكرا
عبدالرحمن نزل راسه لصحنه : الحمدلله والشكر على نعمه العقل
جود التفتت على راكان : عطني العصير ركون
مد لها العصير وبدوا ياكلون
بعد فتره من السكوت
عبدالرحمن : جوريوه ترا سكت عنج كثير
جوري رفعت حاجبها : وشنو مسويه ؟
عبدالرحمن : عاجبج حالج يعني ؟
جوري عرفت عن ايش يتكلم وقفت : الحمدلله شبعت
والتفتت على عبدالرحمن : انا مريت بضروف وهي اللي جبرتني وانت عارف هالشي يا عبدالرحمن ولو سمحت الزم حدودك ولا تدخل بشي ما يعنيك هذي حياتي وانا حره فيها واسوي اللي ابيه
ماعطته فرصه يتكلم
وطلعت جري فوق والدموع متجمعه بعيونها صفقت الباب بقوه وراها
رمت نفسها عالسرير
محد راضي يفهمني حتى ليال تنصحني انا عاجبني حالي ومحد له دخل فيني لو انهم مروا باللي مريت فيه كان ماتجرأوا يتكلمون معي عن هالموضوع الكل ضدي محد راضي يفهم
وبدت تبكي وتتذكر كل شي صار لها
هزت راسها بقوه تطرد الذكريات وغمضت عيونها لما نامت

عبدالرحمن " عمره 24 صديق جراح الروح بالروح دايم يهاوش اخته على شانها مهمله نفسها عصبي مره ويكره شي اسمه بنات ولو يموت مايتعتذر من احد "
راكان " عمره 20 سنه ترك الجامعه وراح يتوضف بشركه ابوه وعمانه طيب حيل ومايحب يضغط على جوري بالكلام "
جود " عمرها 20 توأم راكان ملامحها تشبه راكان درست الثانوي ووقفت دراسه بعذر ان عندهم فلوس ومايحتاج تشتغل وماراح تنفعها الشهاده بشي .. خجوله كثير بس زي جوري ياويل اللي يدوس لها على طرف تشرشح اللي جابته "

انتهى .. يهمني رايكم

سمعت الباب يفتح ورفعت عيونها بشوق للباب
اول مادخل جرررت لعنده : ياهلا ياهلا تو مانور البيت
سعود ضحك : لهدرجه مشتاقه لي
مرام مسكت خصله من شعرها بدلع : أي واحمد ربك مرام النامي مشتاقه لك
سعود غمز لها: ترا التكبر مو زين
مرام ضحكت ومدت ايدها ومسكته : يالله بلا كلام وايد وتعال ابوي ينتظرك نبي ناكل متنا يوع وحضرتك توك ياي
سعود ابتسم ومشى وراها " الله لا يحرمني منكم "
دخلوا غرفه الطعام وقرب لابوه وباس راسه : السلام عليكم يالغالي
ابتسم ابو سعود : وعليكم السلام
جلس قدام اخته وسموا وبدوا ياكلون
سعود : مرومي اليوم بيجتمعون الشباب عندي انتي بتكونين هني ؟
مرام عقدت حواجبها ناظرته: اجل وين تبيني اروح ؟
سعود : مادري فكرتج بتروحين لليال ولا فرح
مرام رجعت عيونها للصحن: لا ماقدر اطلع اليوم تعبانه شوي اساسا خذوا راحتكم مابنزل
سعود ابتسم : اوكي

مرام " اخت سعود الوحيده تحب سعود مررره واهم شي عندها رضى ابوها وان يكونوا سعود وابوها بخير .. مهتمه بدراستها وطموحها انها تصير مهندسه سنه ثالث ثانوي "
ابو سعود " يصير اخو ابو جراح واخو ابو جاسم وابو عبدالرحمن .. زوجته ماتت من زمان تقريبا ومرام عمرها 5 سنين اهتم بعياله حيل ويحاول قد مايقدر يلبي حاجاتهم "

..
نزلت من غرفتها بعد ماخذت لها شور سريع
راحت للصاله ولقت الكل مجتمع : افا يا خيانه تجتمعون ولا تقولون لي !
جاسم يبي يرفع ضغطها : الواحد يسلم اول مايدش مكان يا ست ميار
ميار ناظرته فتره وهي منحرجه : السلام عليكم
الكل :وعليكم السلام
مشت وجلست جنب اختها وضربتها بالمخده: هذا وانا توأمج يا منور وساحبه علي
منار : انتي رحتي تتروشين وطولتي طفشت ونزلت
جاسم : كيف المدرسة معكم
ميار يحماس تربعت: انا ومنار ومرام بفصل واحد حمااااااس
ام جاسم : ماقول الا الله يعينهم عليكم
منار مدت بوزها : افا يمه ليش شنو سوينا حنا
ابو جاسم : قولي شنو ماسويتوا
ميار صفقت : هيييييييييه ابوي يدافع عن الحب ( وغمزت لامها)
ماحست الا بعلبه المناديل براسها التفتت وشافت جاسم يضحك
ام جاسم : لا بالله ماعاد فيه بنات يستحون هالوقت
جاسم ويناظر ميار : أي والله يمه شفتي كيف
ميار مدت لسانها بحركه طفوليه والتفتت تسولف مع اختها

منار وميار " توأم اعمارهم 18 كبر مرام .. اذا اجتمعوا مع جوري وليال بعدوا عنهم كل وحده لسانها اطول من الثانيه .. بصعوبه الواحد يقدر يفرق بينهم لان الشبه اللي فيهم كبير .. فيهم ملامح من اخوهم .. عيونهم وساع شوي وشفايفهم مليانه شوي واللي يميزهم منار فيها غمازه عاليمين وميار فيها غمازه عالسيار "
ام جاسم " عمرها 46 تهتم بالمظاهر كثير فيها شوي من طباع ام جراح بس مو واجد "
ابو جاسم " عمره 50 يشتغل هو واخوانه بالشركه "

وبكذا انهيت التعريف عن كل عائله النامي
..
الساعة ( 8 ) بالليل في بيت ابو سعود تحديدا ( بالديوانيه )
سعود واصحابه كانوا مجتمعين عشان المباراه
فراس كان منسدح على بطنه ويتفرج
وسعود كان متربع عالارض وبحضنه البوب كورن
جاسم كان متكي عالمركه على جنب ومندمج مع المباراه
عبدالعزيز كان جالس جنب فراس وكل ماضاعت هجمه صرخ ومن الحماس يصفق فراس مع راسه
صرخ جاسم ونقز من مكانه : يااااااااااارب نجيبها هدف
عبدالعزيز جلس على ركبه ويراقب الكورة
سعود وقف اكل بوب كورن وجلس يناظر بحماس
وفراس كان مره مندمج وعلى نفس وضعيته
صرخ سعود : للللللللللااااا قههههههر كنا بنجيبها
طراااااااااااااخ
رفع فراس راسه وجلس وتكلم بعصبيه : ياخوي هذي ثامن صفقه مع راسي كسرته شفيك انت مصخن
عبدالعزيز بقهر : راحت الهجمه كله منك
فراس باس ايده وجه وقفا : الحمدلله والشكر على نعمة العقل
انتهى الشوط الاول
التفت جاسم على سعود : ابي اسلم على عمي
سعود : تدل البيت لا يقالك مستحي روح تلقاه بالصالة
جاسم : الشر عاللي يقاله ذوق وياك
سعود يناظره بطرف عينه : ارحمنا يالذوووق انت
وقف جاسم وطنشه وطلع للصاله
دخل بابتسامه وقرب من عمه وباس راسه : السلام عليكم عمي
ابو سعود : وعليكم السلام .. يا هلا والله بولدي جاسم حياك تفضل
جلس جاسم جنب عمه : زاد فضلك يا عمي
التفت على مرام : كيف حالج مرام
ابتسمت : الحمدلله تمام التمام
ابو سعود : كيف ابوك ان شاء الله بخير ؟ وكيفهم منار وميار ؟
جاسم : الحمدلله كلهم بخير ويسلمون عليك
ابو سعود : ياولدي سعود حاب يجمعكم انت ويا عيال عمانك جراح وعبدالرحمن وراكان واتفقت مع عمانك وتقدرون تروحون الاستراحه أي يوم تبونه
مرام عجبتها الفكره وقامت تخطط يمين ويسار
وقف وباس راس عمه : مشكورين ماتقصرون الله لا يحرمنا منكم .. يالله ياعمي تامرني بشي ؟
ابو سعود : بدري يابوي
جاسم : والله بروح اجلس مع الشباب
ابو سعود ابتسم : سلامتك وسلم لي عالاهل
جاسم ابتسم : يوصل ... يالله مع السلامه
ومرام مازالت الافكار توديها يمين ويسار
...
كان جالس مع امه وابوه في الصالة
ودارت بينهم كثير من السوالف .. كانت تختلف بعضها عن السفر وبعضها عن الشغل وبعضها عن الطلعات
بس كل هذا مو مهم .. المهم موضوع (الخدم) ..
ام جراح بيأس : والله ماعاد صرت اوثق بهالخدم احس انهم لعابات
ابو جراح : امري انتي بس .. تبين اسفرهم واييب لج غيرهم ؟
جراح خطرت بباله فكره جهنميه ... على طول تكلم : يمه تبين خدامه كويتيه ؟
ام جراح : والله يكون احسن عالاقل من الديره أأمنها على بيتي
جراح ابتسم بخبث: يمه عندي لج خدامه خطيره وكويتيه بعد
ام جراح : من وين عرفتها؟
جراح بكذب: من البيوت الفقيرة اللي نتصدق عليهم .. عرفت ان البنيه ما تشتغل فقلت اساعدهم واييبها هني تشتغل
ام جراح : خلاص يا ولدي روح بيت البنيه وشوف ييبها بأقرب فرصه
ابتسم بخبث وهو يأشر على عيونه : من عيوني يالغاليه
..
رجع لاصحابه والابتسامه شاقه وجهه
ماكان يعرف ليه .. يمكن عشانه اشتاق لجمعته هو وعيال عمانه ..!
مشى والابتسامه باقي على وجهه .. اتجه للمكان الفاضي جنب سعود
جلس ومد ايده لصحن البوب كورن وبدا ياكل
سعود يضرب يده : وقف مابقى الا شوي ويبدا الشوط الثاني وحضرتك بتخلص البوب كورن ( اللي هو الفشار )
سحب الصحن من حضن سعود وطنش كلام سعود .. بعدين قال : اسمع خلنا نشوف يوم قريب ونجتمع مع العيال بالاستراحه توه ابوك خبرني ان نقدر نروح باليوم اللي نبيه والصراحه وحشتني جمعتهم
سعود : خلاص بشوف انا الجامعه واليوم اللي يناسبنا انا وانت واكلمهم
جاسم التفت على التلفزيون : طيب خلاص اوص باقي 10 دقايق ويبدا الشوط الثاني
قاطعهم فراس بانزعاج : خلاص ترا ازعجتونا بس تتكلمون اعوذ بالله كأنكم حريم
سعود ضحك : يقالك انت اللي ماتتكلم كثير يعني ؟ ناظر قدام ولا والله لا تشوف الصحن ذا بجبهتك
فراس التفت للتلفزيون : ماقول الا مالت مابرد عليك لان بدا الشوط
ورجعوا يتابعون بحماس
..
رمت نفسها عالسرير وبدت تتذكر اللي صار لبنت عمها
ماتستاهل اللي صار لها .. كل شي صار لها يوم كانت صغيره .. يعني جوري ماغلطت بشي ! مسكت الفراش وضغطت على يدها بقوه مقهوره على كل شي صار تدمرت حياه بنت عمها.. تبي يرجع الزمن وتحمي بنت عمها ! بس (مستحيل) يرجع .. معقوله يضيع مستقبل بنت عمها بهالسهوله ؟ ومين راح يقبل فيها !
قلبت نفسها وانسدحت على ظهرها جلست تتذكر ايش سوت بمها وابتسمت بخبث تحمست لبكره ودها يجي بسرعه
حست بطفش مسكت جوالها دورت رقم سارة
ضربت راسها بخفيف : اووووف يا غبائي ماخذت رقم سوير
رمت الجوال عالكنب القريب من السرير وبدت تتقلب وتفكر بسارة .. ليش هي تتصرف كذا بخوف ودايم مرتبكه .. لازم اقوي علاقتي فيها
وجلست تفكر لما نامت
..
رن المنبه .. تقلبت عالفراش بانزعاج .. جلست وشعرها كله محيوس ونصه نازل على وجها تأففت والتفتت عالجوال وطفت المنبه ورمته بانزعاج جنبها
تروشت ولبست لبس المدرسه مشطت شعرها وربطته ونزلت .. شافت اخوها عالدرج
مرام بابتسامه : اهلا سعود
سعود قرب وباس راسها : هلا رومي .. يادبه ابوي راح الدوام بدون فطور
ضربت راسها بخفه : يؤ نسيت احط المنبه قبل بوقت عشان اسوي الفطور
سعود ابتسم : طيب ماعليه سماح هالمره .. الحين بعرف ليه ماتبين نييب خدامه
مرام مدت بوزها : مزاج اذا مت ولا تزوجت ييبوا خدامه
سعود سحب شعرها المربوط : بسم الله عليج ياويلج تعيدين هالحجي
مرام عطته بوسه مع خده : من عيوني
سعود تذكر بوسه ليال وابتسم : يالله تعالي اوصلج
مشت معاه للسياره وتأملت سيارته مده قصيره
مدت بوزها : ابي سياره
سعود ضحك : تفاهمي مع ابوي بعدين يالله قدامي
سوت نفسها زعلانه وطلعت وركبت السياره وسكرت الباب بقوه
كان يمشي وراها ضحك على حركتها بس سكت ماحب يهاوشها
..
في الفصل
ميار تهمس لمنار : اوف شوفي البنات كيف يناظرون
منار بنفس همس اختها : أي والله .. شكلهم اول مره يشوفون توأم
ميار بطفش : يالله وينها مرومه طولت
التفتوا للصوت اللي وراهم : مرووومه تحت امرج
ضحكت ميار : مرام وينج يالبايخه تأخرتي
مرام رمت الشنطه عالكرسي : سوري بس اخذت شور وتأخرت
منار : زين وصلتي بتبدا الحصه
مرام ابتسمت : بدت الدفاره هاه ؟
جت بترد منار بس قطع عليهم صوت المعلمه اللي دخلت : السلام عليكم
الكل بدون نفس : وعليكم السلام
المعلمه : انا اسمي المعلمه موضي وانا راح ادرسكم مادة الانجليزي ان شاء الله .. حركات يمين ويسار ماحبها وتعاملي معكم بيكون بالدرجات .. واليوم حصه تعارف بيني وبينكم
ميار غمزت لمنار وهمست : هذي اكثر وحده بيننها
مرام سمعتها وضحكت : وانا وياكم
انتبهت لهم المعلمه : ماشاء الله بدايه حلوه يالثلاثي .. انا ابي اتعرف عليكم اول شي
ابتسمت ميار ووقفت : انا ميار النامي
وقفت بعدها منار : وانا منار النامي
ابتسموا وتكلموا بنفس الوقت : وترانا توأم
وقفت مرام : وانا مرام النامي
ناظرت الاستاذه باستغراب : ميار ومنار توأم .. بس انتي ايش ؟
مرام ضحكت : بنت عمهم
الاستاذه وبدت تتأمل وجيهم : تفضلوا وبدون كلام جانبي
وبدت الاستاذه تتعرف عالبنات وميار ومنار ومرام مطنشينها وطاقين سوالف وماخذين راحتهم عالاخر
..
وقفت السياره بالمواقف القت نظره اخيره على شكلها
حست نفسها قبيحه وكل شوي تطلع عيب بنفسها
غمضت عيونها وكأنها تحاول ترجع ثقتها بنفسها ..! بس ماهي عارفه كيف تحس دايم انها ناقصه سواء بشكلها او شخصيتها حركت راسها بقوه ونزلت
دخلت الجامعة واتجهت للكافتيريا على امل انها تحصل ليال ولا جوري
دخلت وبدت تتلفت يمين ويسار بس للاسف ماشافت ولا وحده منهم
شافت اقرب طاوله فاضيه وجلست فيها وبدت تحوس بالجوال
قطع عليها صوت بنت ! هي تعرف هالصوت عدل .. كيف ماتعرفه والبنت سببت لها رعب
مها بضحكه استفزازيه : وين الينيه واللحجيه؟
سارة ارتبكت مره وخصوصا يوم شافت البنات اللي مع مها
سارة ماعرفت ايش تقول رفعت راسها وناظرت عيون مها : شنو تبين منهم ؟
مها قربت وجلست جنب سارة .. زاد توتر سارة
مها همست: ابد حبيت اسلم عليهم
لمحهم من بعيد
التفت على جاسم : هذي ساره رفيجه ليال وجوري .. شوف مها وشلتها عندهم تتوقع بيسوا لها شي؟
جاسم بدا يناظرهم: غريبه ليال وجوري وينهم .. مها اتوقع منها أي شي صراحه
سعود : مدري يمكن تأخروا انت تعرف كل يوم وحده تمر الثانيه ..
رجعت انظاره لسارة ومها ....
وقام من الطاولة
..
رفعت عيونها بخوف اكبر يوم سمعت الصووت الرجالي : مها
مها ناظرته ورفعت حاجب وبغرور: نعم ؟
سعود توجه نظره لسارة: شنو تبين بسارة ؟
مها التفتت لسارة وكأنها مطنشته : مالك دخل
سعود التفت لسارة : تعالي شوي بحاجيج
سارة كانت تتنقل عيونها بين مها وسعود .. ثبتت عيونها على سعود وتكلمت بصوت باين فيه الخوف : ان شاء الله .. وقفت واتجهت لسعود اللي بعد شوي عن مها وشلتها
..
التفت على صاحبه : شوف سعود كل يوم مع بنيه
ناصر ضحك : أي والله اعتفس حاله هالسنه
فواز سكت فترة وهو يناظرهم : شي غريب والله
ناصر : ياخي طنشهم .. اقولك ماشفت فرح ؟
فواز : الا بس الحين راحت محاضرتها هي وميعاد وسوسن
ناصر : والثنتين اللي امس ؟
فواز : لا هذي رفيجتهم هم مادري عنهم
..
ركب سيارته واتجه بسرعه عالحاره الفقيرة وعلى وجهه ابتسامه نصر وفرح بنفس الوقت
وقف قدام البيت وتأمل المرسيدس اللي كان واقف قدام البيت ماحب يفكر زياده حب يشوف تعابير وجها
نزل من السياره وراح وطق الباب
كانت تصلح لها فطور خفيف واستغربت بالباب اللي طق
استغربت ناظرت الساعه 8 الصبح مين بيجي هالوقت !
غسلت يدها واتجهت للباب
اول مافتحته انصدمت يوم شافته !
غمضت عيونها وفتحتها تتأكد ! الا هو نفس الشخص اللي امس
سكرت الباب بسرعه بوجهه وبقوه
جراح تنرفز من الحركه بقوه ضرب الباب اكثر وهو يسب بداخله
خافت انه يزعج امه فتحت الباب وتكلمت بصوت واطي : شوف صدقات مانبي مشكور يالله اذلف مناك
جراح حب يتأكد من اللي قراه : ابي اعرف ليش انطردتوا من بيت يدك
رفعت عيونها بصدمه انربط السانها .. حست الدم وقف بعروقها معقول يكون واحد من عيال عمانها! بس كيف وهي ماعمرها شافتهم ولا حتى تعرف اشكالهم
عرفت من تعابير وجها انها صدق من عايله الفهد ! يعني البنت غنيه ! ليش جايه هنا ! اكيد وراها سالفه طويله عريضه
ابتسم : شفيج ياوبي
تكلمت من بين اسنانها بقهر : ومنو انت عشان تسال
جراح بغرور : جراح خالد النامي
عرفت انه ولد خير ونعمه اساسا كان مبين من شكله بنفس الوقت ارتاحت لانه مو من عيال عمانها
جراح : عالعموم هالشي بعرفه منج بعدين المهم شوفي يا بنت الناس انتي شهادتج ثانويه وماتوقع فيه احد يقبل وحده تشتغل عنده بشهاده ثانويه مو ؟ اساسا صدقيني يا منيره أي شغل بتقدمين عليه ماراح يقبلونج عارفه ليه ؟ لاني انا بمنعهم .. ( وضحك بمكر )
غمضت عيونها بقوه تستوعب الكلام كيف يعرف هالاشياء عنها وبعدين ليش يمنعني من الشغل ! مو بكيفه
ناظرته وهي تتصنع الهدوء عكس اللي داخلها تماما : ليش حضرتك ماتبيني اشتغل ؟
جراح تكى على الجدار : لاني ابيج تشتغلين عندي
رفعت حاجبها : عندك وين ؟
جراح : ببيتي انا واهلي
منيرة زاد استغرابها ! : وايش بشتغل ؟
جراح سكت شوي حط عيونه بعيونها وتكلم بصوت واطي : خدامه
دفته بقوه بعصبيه : احترم نفسك من سابع المستحيلات اصير خدامه لاشكالك فاهم ويالله اطلع برا البيت يتعذرك
ضحك : طيب يا منيره شوفي مين اللي راح يشغلج
وطلع ركب السياره وتنهد .. حس بتانيب الضمير بس خلاص مستحيل يتراجع وبيسوي اللي بباله
خذا الاوراق وبدا يقراهم واتجه للاماكن اللي هي مقدمه طلب وظيفه فيهم تقريبا كانت 10 اماكن غير اللي ماقبلوها قبل
شاف ساعته واتجه للشركه بسرعه وكمل شغله
..
رفع عيونه وشاف عيونها اللي مبين عليها الخوف : شفيج خايفه تراني ما اكل وربي
نزلت عيونها بارتباك كمل كلامه : سارة مابأذيج والله شاهد علي
بدت تحس براحه خصوصا انه هو اخو ليال ابتسمت : مو خايفه
عرف انها تكذب بس سكت : ممكن طلب ؟
سارة ناظرته باستغراب : امر
ابتسم : مايامر عليج ظالم
التفت وشاف مها اللي تراقبهم
مسك ذراع سارة وسحبها لمكان ثاني
مها عصبت ليش يطنشونها ويمشون ولا كأنها موجوده ضربت الطاوله بقهر
رفعت عيونها وهي تسمع صوت ضحك
جلس جنبها عبدالعزيز وهو مستمر بالضحك : لسه مقهوره ! ترا ساره ماسوت لج شي
مها : منو ساره
عبدالعزيز زاد ضحكه : بعد ماتعرفين اساميهم ! هذي ساره واللي تخانقتي وياها ليال والثالثه جوري
ناظرته بقهر : مالك دخل يا اخ عبدالعزيز
اختفت ابتسامته : يكفي بعدي عن سعود تراج ازعجتيه هو وخواته
ناظرته باستغراب : خواته ! أي خوات مو بس فرح
عبدالعزيز : وليال بعد
مها فتحت عيونها باستغراب : يعني هي مو حبيبته !
عبدالعزيز بحده : لا
وقف وناظرها : للمره الثانيه اقولج بعدي عن سعود والثالثه صدقيني ما بتشوفين خير.. ومشى متجاهلها
صرخت : ماببعد ومو خايفه منك فاهم ! غبي
وقفت وناظرت صاحباتها بقهر ومشت وطنشت مناداتهم لها
..
استغربت من حركته كثير بس عرفت بعدين انه كان حاب يقهر مها بس
كان ماسكها ويمشي بسرعه وبعد مده وقفوا والتفت عليها
شافها تتنفس بقوه من التعب : اسف ماقصد اتعبك
كانت تلتقط انفاسها : لا عادي
ضحك وناظرته باستغراب وبدت تشك بنفسها اكيد يضحك علي
ناظرها : ذكرتيني ببنت عمي اسمها ميار دايم تتعبت وتنكتم بسرعه فيها ربو قوي
ناظرت عيونه : الله يشفيها ويحفظها يارب
ابتسم : امين يارب .. طيب يا سارة انا سعود زي ماتعرفين واللي عرفته من ليال انج من عايله الفهد صح !
سارة ابتسمت : ايوه وانت من النامي
سعود : ايوه .. عاد تدرين فيه شخص هنا من الفهد يقرب لج ؟
حاولت تستوعب كلامه ... شخص من الفهد .. وهنا ! يقرب لي ! ناظرته بخوف : لا ماعرف احد يقرب لي انا
استغرب من كلامها ومن خوفها : حلو عشاني انا احسه غثيث عكسج
انحرجت من كلامه وحبت تغير الموضوع : ليال وجوري وين ؟
سعود ابتسم : ما بيجوا
رفعت عيونها بسرعه : ليش !
سعود : مالهم خلق بالبدايه حسبت تأخير بس انا اعرف اختي مابتيي
نزلت عيونها بحزن وهي تفكر مع مين بتمشي بتجلس طول اليوم لحالها ! اساسا ايام المدرسه هي كانت لحالها مو شي غريب
سعود : ماعندج رفيجات او احد يقرب لج ؟
تذكرت اختها : مفروض اختي تكون معي بس هي ماتبي تكمل دراسه تبي تصرف علينا
ناظرها باستغراب : تصرف عليكم ليه مو انتم اغنياء !
سارة ارتبكت كيف مانتبهت على كلامها نزلت راسها وسكتت
سعود عرف ان وراها سالفه : طيب تبين اكمل اليوم وياج ؟
ارتبكت ونزلت عيونها للارض : لا لا مابي ازعجك اساسا عندي 3 محاضرات وبعدها بطلع للبيت
ابتسم : براحتج بس اذا ازعجتج مها خبريني
ناظرته وابتسمت : ان شاء الله .. تامرني بشي؟
سعود : انتبهي لنفسج
نزلت عيونها للارض : ان شاء الله وانت بعد .. يالله مع السلامه
سعود ابتسم : مع السلامه .. وجلس يناظرها لما اختفت عن انظاره
شاف ساعته حتى هو عنده محاضره تنهد واتجه لمحاضراته
....
حس بطفش طول الوقت يشتغل
رمى الاوراق عالمكتب واتجه لمكتب ولد عمه
طق الباب ودخل قبل يسمع الجواب
كان مشغول بالاوراق تكلم بدون ما يرفع راسه : ضاري كم مره اقولك لا تدش الا لما تسمع تفضل
راكان : ان شاء الله عمي اوامر ثانيه ؟
رفع راسه وابتسم يوم شاف ولد عمه : ادخل ادخل فكرتك ضاري
ضحك وجلس قدامه : ياخي اوم الطفش 24 ساعه شغل
بعد الاوراق عن وجهه : أي والله وانت الصادق
راكان : ترا عماني ضبطوا الاستراحه لنا ونشوف أي يوم ونروح
جراح : خلاص اوك بس سعود وعبدالرحمن وجاسم يدرون؟
راكان : ايوه يعرفون وبنشوف اليوم اللي يناسب ونروح
جراح : خلاص اذا اتفقوا اتصل علي وخبرني
راكان : ان شاء الله يالله تامر بشي؟
جراح : بدري
راكان : عندي شغل
جراح : سلامتك
راكان : ربي يسلمك .. يالله سلام
وطلع وسكر الباب وراه
ورجع جراح يكمل شغله
..
كانت نايمة ورايحه بسابع نومه فجأه
حست بكف قوي على خدها فتحت عيونها بسرعه وخوف وبدت تتلفت تشوف من اللي ضربها وتمسح فيه الارض
تلفتت ماشافت ابد سكتت شوي وحست بخوف ! كيف فيه احد ضربها مستحيل تتوهم
وقفت بسرعه وجري للمرايه ناظرت خدها كان احمر وباينه علامه الاصابع ! يعني هي مستحيل تتوهم
تعوذت من الشيطان وحاولت تتناسى الموضوع ودخلت تتروش

يتبع

طلعت ورمت نفسها عالسرير .. شيكت عالجوال وشافت الساعة 10 رمت المخده اللي بحضنها : اوووف راحت علي الجامعة .. وقفت واتجهت للمرايه شافت الاثر الخفيف اللي باقي فتحت جوالها وصورته ونزلت تحت تسوي لها فطور
..
رن جوالها وبسرعه ردت علييه : الو
.. : السلام عليكم
هي : وعليكم السلام
.. : الانسه منيرة الفهد ؟.
منيرة : ايوه
.. : معج مشغل (..) للخياطه .. وللاسف المديرة ماقبلت انج تشتغلين عندنا بحكم ان عند شهادة ثانويه فقط
انقهرت مره وتذكرت كلام جرح .. خصوصا ان كل الاماكن اتصلوا واعتذروا منها
سكرت الجوال بقهر ورمته عالارض وتفكك
تعوذت من الشيطان جلست على اقرب كنبه : 1 .. 2 ..3 ..4..5..6..7..8..9..10 ( هذي الطريقه تستعملها منيرة من وهي صغيره حتى يروح الغضب اللي فيها )
مسكت راسها بايدينها وجلست تفكر كيف تحصل شغل وكيف جراح يعرف عن حياتها الشخصيه وكيف قدر يمنع الكل من توضيفها وليش يبيها تتوضف عنده .. تنهدت : حسبي الله عليك يا جراح
شربت لها كاس مويه وفكره تجيبها وفكره توديها .. قررت تنتظر اختها لما ترجع وامها لما تصحى وتاخذ رايهم
..
طلعت من المحاضره وتحس راسها شوي وينفجر اتجهت للكافتيريا تشوف صاحباتها وين بس مالقت ولا وحده منهم شافت سعود وجاسم جالسين لحالهم اتجهت لهم وجلست جنبهم : السلام عليكم
سعود وجاسم : وعليكم السلام
فرح تتلفت : غريبه وين فراس وعزيز ماشوفهم
سعود : عندهم محاضره
فرح : ومازن ؟
سعود : ما يا لا امس ولا اليوم
فرح بحقد : مالت عليه انا اراويه بس طايح ضرب في هالمسجينه
جاسم : حاولنا فيه جم مره بس هو الا مصر انها تكلم شباب وتطلع وياها
فرح : والله العظيم مو متربي في احد يتكلم عن اخته جذي وقدام اصحابه
سعود حب يغير الموضوع لانه يرفع ضغطه : ليال ويننها ؟
فرح سكتت شوي والتفتت تدور ليال بعيونها : ماشفتها انت اليوم ؟
سعود : لا
فرح ضحكت : اجل اكيد ماحضرت
جاسم : واكيد جوري اتصلت عليها وشافتها ماردت وسحبت هي الثانية
فرح : خلاص ولا يهمكم بكره اسحبها من اذونها للجامعه
سعود جلس يناظر بنت : أي ياليت لان هالمسجينه كسرت خاطري
فرح باستغراب : مين
جاسم : رفيجه ليال وجوري
فرح بحماس : أي خبرتني ليال عنها وينها ابي اشوفها
سعود ناظر فرح : يالسه لحالها بالطاوله اللي وراج وشعرها قصير
التفتت فرح وشافتها : طيب يالله بروح لها
وقفت واتجهت لسارة
...
كان حايس بين الاوراق وراسه بينفجر من الصداع والشغل متراكم عليهم
رن جواله ناظر المتصل وطنش
رن مره ثانيه وطنش
رن مره ثالثه ورد بعصبيه : شفيك ياخي انتظر شوي طفشتني
عبدالرحمن : اقول لا يكثر احمد ربك يايب لك اخبار تعدل مزاجك
جراح عدل جلسته : قول ايش عندك
عبدالرحمن : اليوم في حفله بالشقه
ابتسم جراح : تعجبني الساعة 11 انا بكون هناك
عبدالرحمن ضحك : اتفقنا .. يالله عيل اخليك بشغلك
جراح : مع السلامة
سكر والتفت عالتليفون اللي جنبه رص زر وتكلم : ضاري قولهم ييبون لي عصير ليمون ونعناع
ضاري : ان شاء الله طال عمرك
مامرت 10 دقايق الا والعصير عنده
..
مسحت دموعها بقهر ومسكت التسريحه وحاولت توقف اخذت لها كلينكس وجلست عالكرسي وبدت تمسح الدم النازل من فمها وخشمها وهي تدعي لاخوها بالهدايه
شافت كتفها كان مبين عليه اثار الضرب تنهدت والتفتت وشافت اللاب مرمي عالارض ومكسر وقفت ومشت بصعوبه ودموعها تنزل شالت بقايا اللاب ورمته بالزباله ( الله يكرمكم )
خذت لها شور سريع وانسدحت عالسرير بتعب
انفتح الباب بقوه .. مسكت البطانيه بخوف وهي تسمع صراخه : شوفي يا شوق لو شفتج مستخدمه اللاب ولا أي جهاز ثاني ماتلومين الا نفسج فاهمه
تكلمت بصوت مبحوح : انت كسرت اللاب والجوال كسرته بعد والايباد سحبته مني مابقيت لي شي ايش تبيني استخدم يعني
قرب منها ومسكها من شعرها وصرخ : وترادديني بعد
سمعت صراخهم وراحت بسرعه لغرفه بنتها شافت ولدها ماسك شوق من شعرها ويصرخ
قربت منه وهي تحاول تهديه : خلاص يا ولدي خل البنيه لحالها
رمى شوق عالسرير والتفت على امه : بنتج هذي تراها تكلم شباب وتطلع وياهم وعايشه حياتها ومستغفلتنا ناسيه ان عندها اخو وتحمل شرفنا
التفت على شوق ناظرها نظرات توعد وكمل صراخ : بكره الساعه 7 تكونين جاهزه بنروح للجامعه فاهمه !
هزت راسها بخوف ودموعها تنزل
طلع وسكر الباب بقوه وراه وتسمع صوته وهو يسب ويلعن فيها غمضت عيونها وسدت اذانها بقوه
قربت امها وحضنتها وبدت تمسح دموعها : خلاص يا بنتي هذا اخوج واكيد خايف عليج وانا واثقه فيج
بدت تتكلم من بين شهقاتها : بس يا يمه مازن سحب مني كل الاجهزه واللاب توه كسره وضربني وانا ماكنت مسويه شي كنت اتفرج على الصور بس وهو اللي كل يوم مع بنت واعرف كل شي عنه
حضنت بنتها اكثر : تحملي يا بنتي عشان خاطري
حضنت امها بقوه وكملت بكي
.....
استأذن من ابوه وقاله انه عنده شغل ضروري طلع واتجه لبيت منيرة وعلى وجهه ابتسامه
نزل وبدا يتأمل البيت شوي .. اخذ نفس وطق الباب
تركت الشغل اللي بيدها وفتحت الباب
كان وددها تصفقه وكان ودها تسبه وكان ودها تطرده بس كيف ! ومستقبل شغلها بيده .. تعرف انها ماتقدر تواجهه خصوصا انه هو عنده املاك وبسهوله يقدر يلعب فيها مثل اللي صار قبل شوي
خذت نفس وناظرته : خير ؟ نسيت شي بعد ؟
ضحك بسخريه : لا ييت اعرف جوابج
فتحت عيونها باستغراب : شوف ترا الحركه اللي سويتها مايسويها الا الحقير تعرف ليه ؟ لانك قطعت رزقنا بالله قولي من وين تبيني اصرف على شخصين وانا الثالثه وانت موقف بويهي
جراح : انا ما وقفت بويهج انا عرضت عليج شغله وانتي ماقبلتي شنو تبيني اسوي ؟
منيرة مسكت اعصابها : لا والله انت السبب اللي منعني اشتغل في أي مكان
جراح بطفش وتأفف: شوفي ما ييت اسولف وياج ققولي موافقه ولا لا
غمضت عيونها بقهر وبدت تفكر .. الفلوس اللي من جامعة ساره مستحيل تكفي لمده شهر حدها اسبوعين وهي ماتقدر تشتغل الا عند جراح وامها تعبانه وماتقدر .. لازم هالمره تتنازل عن كرامتها عشان اهلها مالها الا هالحل فتحت عيونها على صوته : السكوت علامه الرضى مو ؟
عضت على شفايفها بقهر وسكرت الباب بقوه
سمعت ضحكته من ورى الباب: 2 كوني مستعده بيي اخذج
حست دموعها شوي وتنزل تعوذت من الشيطان واخذت نفس .. مستحيل تبكي عشان شخص ماعنده احساس زي جراح
دخلت غرفتها وفتحت شنطتها الصغيره وبدت ترمي فيها الملابس بقهر ماتوقعت ان هذي نهايتها .. بنت الفهد تشتغل خدامه ..
..
فتحت عيونها وتثاوبت
مدت يدها عالطاوله اللي جنبها مسكت جوالها شافت الساعه وبدت تتوعد بليال عشانها ماصحتها
تأففت وقامت اخذت لها شور وطلعت ورفعت شعرها
جلست شوي عاللاب حست بطفش طلعت واتجهت لغرفه جود طقت الباب مافيه رد طقته مره ثانيه مافيه رد
طفشت وفتحت الباب.. وطفت المكيف.. وشغلت اللمبات وصرخت : جوووود اصححي
جود التفتت للجهه الثانيه : جوريوه براا مو فاضيه لج بنام
جوري : بكيفج بس ترا اتصلت علي مرام امس وقالت لي نروح الاستراحه الخميس بس بقولها مانبي
نطت جود من السرير : على كيفج تياوبين لازم تاخذين رايي اول انا موافقه وبنروح يعني بنروح واذا انتي ماتبين بكيفج مالي دخل
ضحكت جوري وجلست جنب اختها : سمعي عندي لج فكره تشغلين فيها فراغج
جود تربعت عالسرير بحماس: قولي
جوري : اشتغلي مع عماني بالشركه لو سكرتيره صح سكرتيره شويه بس عشان ماعندج خبره وما معج الا شهاده ثانويه
جود سكتت شوي تفكر بالموضوع: تتوقعين يوافق ابوي ؟
جوري ابتسمت : اكييد حاولي مابتخسرين شي
جود سكتت وبدت تفكر بهالفكره التفتت فجأه على جوري : صج اتصلت مرام ؟
جوري وقفت واتجهت للباب : أي أي من صجي بس لازم نقول لعماني اول وابوي ونقنعهم نروح واذا وافقوا رحنا
وطلعت فكرت شوي ايش تسوي ونزلت تتتصل على ليال
..
رفعت عيونها وهي تشوف البنت تجلس جنبها : السلام عليكم
ابتسمت : وعليكم السلام
فرح مدت يدها تصافحها : انا فرح اخت ليال
ابتسمت وصافحتها : تشرفت بمعرفتج
فرح : لي الشرف اكثر .. سكتت شوي : كيف الجامعه ان شاء الله عجبتج ؟
ببدت تتلفت وتشوف المكان : ايوه مره حلوه
ضحكت فرح وهي تتذكر مها : عيل ليال مسحت الارض بمها
توترت يوم سمعت اسم مها بدت تشكل فلم رعب بالنسبه لساره : أي ماقصرت فيها
جت فرح بتتكلم بس قطع عليهم صوت شابين : السلام عليكم
وجلسوا جنبهم
فرح وساره : وعليكم السلام
ابتسم واحد منهم وهو يناظر فرح : كيفج فرح ؟
فرح من غير نفس : الحمدلله
التفت لساره : انا ناصر وهذا صاحبي فواز
ابتسمت : هلا والله تشرفت بمعرفتكم
فواز : لنا الشرف اكثر
سارة : وانا سارة
ناصر ابتسم : ياهلا والله بسارة
ابتسمت وشافت ساعتها : يالله انا عندي محاضره وبعدها برجع للبيت وفرصه سعيده .. مع السلامه
الكل : مع السلامه
اتجهت لمحاضرتها وحست بعيون تراقبها
شافت اسيل تأشر لها من بعيد وقفت بس قاطعها صوت ناصر : بدري
التفتت له وقالت بغرور : عارفه اليلسه معي ماتنمل بس للاسف مو فاضيه
فواز غمز لها : ترا التكبر مو زين يا فرح
ابتسمت بغرور ولفت واتجهت لصاحبتها
..
اول مانزلت بدت تحوس وتدور بالبيت لما حست بتعب ورمت نفسها عالكنب
شافت امها نازله من فوق : صباح الخير
ابتسمت لامها وقامت وباست راسها : صباح النور
جلست ام جراح بالكنب وجلست ليال جنبها : يمه سعيدان وينه ؟
ام جراح وهي تتصفح المجله : بالمدرسه
زاد خوفها اكثر واكثر جراح بالشغل وسعد بالمدرسه وفرح راحت الجامعه مين يعني بيعطيها كف .. وبدت تفكر معقوله امي ! بس فتحت عيوني مافيه احد يمكن الخدامه ! لا مستحيل تسويها هي تعرف انها بتنطرد اذا سوتها فتحت جوالها بسرعه وورت امها الصوره وتكلمت بخوف : يمه شوفي في احد عطاني كف وانا نايمه وصحيت منه بس مافيه احد !
ام جراح بدون اهتمام : يمكن يتهيأ لج .. خليني اكمل قرايه اوش
غمضت عيونها بخوف هي متأكده مستحيل يتهيأ لها
قطع تفكيرها جوالها شافت المتصل وردت بسرعهه : هلا جوري
جوري باستهبال : يا هلا بالزين ايش هالصوت العذاب ؟
ليال تنهدت : جوريوه ترا مو رايقه لج
جوري تتصنع الزعل : افا هذا وانا متصله اعطيج اخبار ولا احلى
ليال باهتمام : شنو تكلمي ؟
جوري ضحكت : كم تدفعين ؟
ليال بنفاذ صبر : جوريوه مو وقت ملاغتج ..
جوري :افا انا مليغه ! مقبوله منج ليالي.. امممم مرام اتصلت علي وتقول خلنا نطلع للاستراحه يوم الخميس وخبرت ابوها وهوو موافق
ليال وقفت بحماس : جد .. وربي حماااااس شوفي انتي اقنعي ابوج وانا بقنع ابوي وميار ومنار عندهم طرقهم الخاصه
جوري : خلاص اتفقنا انا اتصل عليهم وارد لج خبر
ليال بحماس :اتفقنا
وسكرت من جوري وانشغلت عن موضوع الكف اللي جاها وبدت تفكر ايش تسوي بالاستراحه
...
انتهت من محاضرتها وطلعت
ركبت سيارتها وهي تفكر باللي صاار لها مع سعود ومها
اكيد مها تحبه واضح من تصرفاتها بس بنفس الوقت تحرجه وتأذيه هزت راسها وكأنها تطرد هالافكار .. انا شنو دخلني فيهم خلها تحبه ويحبها مالي دخل
وتحركت اتجهت لبيتهم ( المستأجر )
اول مافتحت الباب شافت شنطه سفر صغيره جنب الباب استغربت ايش جابها هنا
سمعت صوت امها وهي تبكي استغربت اكثر واكثر اتجهت لغرفه امها وشافت منيره بحضن امها
جلست بخوف : شصاير ؟ عماني سووا شي ؟ فيج شي منيره ؟ يمه ليش تبجين ؟
منيرة مسحت دمعتها اللي نزلت غصب عنها وقامت من حضن امها : لقيت لي وظيفه ومالي غيرها
سارة باستغراب وبنفس الوقت فرح : طيب شحقه تبجون ! هذا شي يفرح
ام منيرة تمسح دموعها : بتشتغل خدامه في بيت النامي
اختفت ابتسامتها وناظرت اختها باستغراب .. اختها مستحيل تسكت وتشتغل خدامه بهالسهوله اختها عزيزه نفس ! : بس كيف يا منيرة في مليون شغله احسن !
منيرة وقفت واتجهت لاختها : الارزاق بيد ربي مقدر اغير شي وهذا اللي ربي كاتبه اني اصير خدامه
وحضنت اختها بقوه وهمست باذنها : انتبهي لامي عدل وكل شهر برسل لكم ثلاث ارباع الراتب
تركت اختها يوم سمعت جوالها شافت رقم غريب وردت : الو
...: السلام عليكم
منيرة وسمعت اكره صوت لها : وعليكم السلام .. نعم ؟
جراح ضحك : انا عند الباب يالله طلعي
ناظرت ساعتها باستغراب : بس الحين الساعه 1 ! انت قلت 2
جراح : مقدر ايي الا هالوقت انا انتظرج برا
وسكر بوجها
تأففت والتفت على امها باست راسها : تامريني بشي يالغاليه
ام منيرة كان ودها تودع بنتها بيوم زواجها تطلع لبيت زوجها مو تطلع تشتغل خدامه عند واحد زي جراح نزلت دمعتها غصب حضنت بنتها : انتبهي لنفسج
ماتبي تضعف اكثر بعدت عن حضن امها والتفت على اختها : تامريني بشي ساره
ابتسمت ساره من بين دموعها : سلامتج .. انتبهي لنفسج وزورينا
قربت وهمست باذنها : انتبهي لامي
سارة بترجي : يلسي وانا اشتغل بس لا تروحين منيرة طلبتج
منيرة ابتسمت : انا بشتغل انا المسؤوله عنكم وماعليه انا راضيه اشتغل هالشغله
وطلعت بهدوء وسكرت الباب
راحت ساره ورمت نفسها بحضن امها وبدت تبكي : حسبي الله ونعم الوكيل على من كان السبب
..
مسحت دموعها بقهر وهي تسب في جراح سحبت شنطتها وطلعت برا البيت كله ناظرت البيت وتنهدت وكملت مشي
شافته واقف واشر لها
ناظرته مده ومشت وطقت الشباك بقوه
فتح الشباك بعصبيه : تستهبلين انتي ! شفيج شوي وتكسرين الدريشه
رفعت حاجب واشرت عالشنطه: لا والله مين بيركبها
ضحك نزل وفتح الشنطه حقت السياره: انتي يعني منو
ناظرته فتره بحقد : ثقيله
سكت فتره : بتركبينها ولا نتركها هنا
تأففت وناظرته بحقد سحبت الشنطه ورمتها بالسياره وركبت ورا
ضحك على شكلها وركب وهو متجهه للبيت
كان الجو هادي بينهم بس كل شخص منهم تدور في باله افكار
قطعت الصمت اللي بينهم : من وين يبت رقمي
اخذ الورق اللي بالكرسي اللي جنبه ورماهم عليها
اخذت الورق باستغراب وبدت تقرا ومع كل سطر تزيد دهشتها اكثر
حياتها كلها بهالورق وين درست وين سكنت أي حي أي بيت رقم جوالها رقم البيت رقم جوال ساره
سكتت فتره : ايش تبي بمعلوماتي ؟
ضحك : حبيت اعطيج درس عشان ماترفعين صوتج مره ثانيه
التفتت وناظرت الشباك بقهر
ناظرها بالمرايه : ليش عمانكم طردوكم ؟
طنشت ومارد
ضحك : كيفج لو ماعرفت الحين بعرف بعدين
تكلمت بهمس : حقير
رفع حاجب : مشكوره
ناظرته بقهر : لا شكر على واجب يا اخ جراح
ضحك ورجع عيونه عالطريق
..
سمعت الباب ينفتح جرت للباب وباست راس ابوها : يا هلا يا هلا تو مانور البيت .. نورت البيت يالغالي عطني اللاب اشيله بدالك
ناظرها باستغراب : هلا فيج
دخل وجلس عالكنب بتعب التفت على بنته : امري شنو تبين
ضحكت بقوه وقرصت خدود ابوها : فديت اللي فاهمني انا
قطع عليها صوت فرح وهي داخله وتسلم
سلمت وجلست عالكنب جنب ابوها
ليال : احم ابي العزيز اتمنى ان تقبل لي انا واختي المتواضعه فرح ان نذهب يوم الخميس الاستراحه مع بنات عماني .
نطت فرح من مكانها : من جدج ! يبه تكفى تكفى طلبتك
ضحك : طيب طيب بس العيال بيروحون كيف !
ليال بقهر : حنا اخترنا اليوم قبل مالنا دخل يروحوا بعدنا
فرح بتأييد لاختها : ايوه انا مع اختي العزيزه
ابتسم : خلاص اتفقنا بس انتبهوا لنفسكم
جت ليال بتصرخ بس انفتح الباب
ناظروا الكل باستغراب
دخل جراح وبعده بنت !
وقفت ليال وجري تصرخ : يممممه يمممه لحقي شوفي ولدج تزوج
منيرة تناظر باستغراب مين هذي اللي تركض كأنها هبلا .. سكتت شوي تفكر بكلامها وتكلمت بصوت واطي : بسم الله علي اكون زوجته
التفت جراح وبابتسامه : عفوا !
ناظرته بقهر : اللي سمعته
فرح ظلت تناظر بصمت
بدت منيرة تناظر فرح بعدين ابو جراح بعدين بدت تناظر البيت .. ضحكت وهي تتذكر بيتهم كان قد هذا 3 مرات
وقف ابو جراح وقرب وهو يناظر منيره : منو هذي يا جراح
وصلت ام جراح ووراها ليال :هلا والله بالغالين
ام جراح بنفاذ صبر : صج هذي زوجك !
جراح ضحك : لا يمه هذي الخدامه اللي طلبتيها
نزلت راسها بقهر وهي تسمع كلمه خدامه حست ان كرامتها انجرحت
ام جراح بدت تناظر منيره من فوق لتحت وضحكت يوم شافت لبسها اللي كله ماركه : خدامه وهذا لبسها غريبه ! عالعموم ليال دليها وين غرفتها
ابتسمت ليال لها ومسكت يدها : تعالي حياج
وقالت لميري تودي الشنطه فوق
جراح مشى وجلس عالكنب : غرفتها هي اللي بين غرفتي وغرفتج
ام جراح باستغراب : بس هذيج غرفه الضيوف
ناظرها جراح فتره : يمه هي ضييفه عندنا
سكتت ام جراح وبدت تناظر منيرة
ليال حست الجو بدا يتوتر وسحبت منيرة : بروح اراويها البيت شاو
وسحبتها لفوق
وبدت ليال تدور وتوري منيرة البيت
وصلوا لاخر غررفه : وهذي غرفه جراح
ناظرتها منيرة بقرف وفجأه ضحكت ليال : شفيج لهدرجه كارهته
منيرة : مع احترامي لج بس غثيث
ليال ضحكت : مقبوله منج .. يالله تعالي اراويج غرفتج ونسولف شوي
ابتسمت منيرة و حبت ليال كثير وعرفت انهم بيستانسون حيل مع بعض
طلعت ليال وطلعت وراها منيرة
كانت غرفتها جنب غرفه ليال بالضبط وجنبها غرفه جراح
ضحكت ليال : هذي الغرفه اللي اختارها لج جراح ان شاء الله عجبتج ؟
منيرة : ايوه حيل
وراحت رمت نفسها عالسري
جلست عدل عالسري : ممكن تقبليني رفيجه لج
ليال حضنتها : اكيد ممكن ليش لا وبعرفج على بنات عماني بعد .. وناوين نروح الاستراحه يوم الخميس وباخذج وياي
ضحكت منيره : ايش هالاغراءات
جلست ليال جنبها : كلميني عن نفسج
...
رن جووالها وهي بالسيارة راجعه للبيت
منار : منو متصل ؟
ميار : جوري
منار بحماس : ردي طيب يالهبله
ميار ردت : هلا جرجر .. (وفتحت السبيكر )
جوري : هلا مياروه كيفج اخبارج اخبار الاهل ان شاء الله بخير كيف السايق والخدامه المهم سمعيني زين اول ماتشوفين ابوج خبريه ان حنا يالبنات بنروح للاستراحه وابوي وابو مرام وفرح توها ددازه لي ان ابوها وافق يعني بس باجي انتو واكيد بيوافق
منار بحماس : تمم اعتبريه وافق
ميار : يالله جرجر وصلنا شاوو
وسكرت ونزلوا وجري فتحوا الباب واتجهوا للصاله يدروا ابوهم
يركضون ويصرخون : يبه
جاسم يناظر باستغراب: بسم الله الرحمن الرحيم اللهم سكنهم بمساكنهم
ميار تاخذ نفس : يبه
منار : ممكن نروح الاستراحه
ميار : عماني وافقوا كلهم بس احنا البنات والاستراحه حقتنا وعادي مافيها شي مو اول مره نروح والعيال(وتناظر جاسم من طرف عينها ) يروحون بعدنا بيوم مالنا دخل فيهم وترا السالفه امان
منار تكمل : عفيه يبه وافق وربي حماس بنجتمع مع بنات عماني ونادي صحباتنا ونغني ونفلها وكذا ونطبخ يبه وافق وافق وبــ
قاطعها ابوها : بس بس اعوذ بالله شنو فاطرين انتم حشى مو بنات راديو ازعجتوني من صباح الله خير
ميار باستهبال : يبه الحين مساء مو صباح
منار تهز راسها بتأييد : ايوه يبه صارت 2
ميار : ماعلينا يبه من الساعه
منار : موافق ولا لا ؟
ابو جاسم : موافق بس فكوني
جاسم : يا سلام انتي وياها وحنا متى نروح
ميار تلعب باظافيرها : عادي روحوا اليمعة
رمى عليها المخده : ماقول الا مالت بس انا صاعد فوق بنام شوي
منار : روح مع السلامه
ضربها مع راسها بخفيف وجري فوق
منار تصرخ : طيب يا جسيم مردوده يا عامود الكهرب
ضحك من فوق وطل عليها من الدرج : جب يا سنفوره .. ودخل غرفته
فتحت جوالها وارسلت لمرام وجوري وليال : تمت الموافقه موعدناا هناك
.. وبدت تحسب اليوم الاثنين يعني باقي الثلاثاء والاربعاء والخميس نروح .. حلو
...
طقت عليه باب الغرفه وهي خايفه ماتدري هل هي بتسوي زين ولا لا لو اتخذت هالقرار بس صح على جوري لازم تشغل فراغها وتستفيد
جاها صوت ابوها من داخل : تفضل
سمت ودخلت : هلا يبه
ابو عبدالرحمن : هلا بنتي تعالي حياج
ابتسمت وجلست جنب ابوها : يبه ممكن طلب وماتردني ؟
ابو عبدالرحمن بحب : امريني
جود : ابي اشتغل عندكم بالشركه
ابو عبدالرحمن سكت شوي : والله يا بنتي ماعندي مانع بس في مشكله صغيره
ضحكت : عارفه ايش هي المشكله .. راضيه لو سكرتيره
ضحك : طيب شرايج تصيرين سكرتيره ابوج
نطت من مكانها : صج يبه !
ابتسم : ايوه صج
باست راسه : موافقه يالغالي
ابو عبدالرحمن : خلاص من باجر تداومين اتفقنا
ضحكت وغمزت له: اتفقنا
طلعت وجري لغرفه توأمها فتحت الباب ( كان راكان منسدح على سريره واللاب بحضنه ) نطت على السرير بحماس
راكان : بسم الله الرحمن الرحيم شفيج لا يكون توأمي انهبل
رفعت حواجبها باستفزاز: توأمك بيشتغل معك
ناظرها باستغراب : بالشركه !
سبلت بعيونها : ايييوه سكرتيره بابا حبيبي
قرب منها وحط يده على جبهتها : غريبه حرارتج مو مرتفعه !
ناظرته بقهر : شنو لهدرجه فاقد الامل مني !
ضحك : انتي ناشبه وياي بكل مكان ببطن امي وبغرفتي وانا صغير وباغراضي اللي اشتريها والحين بشغلي
ناظرته بطرف عيونها : احمد ربك حاصلك تكون مع جود صالح النامي يا اخ راكان
ناظرها بغرور : حبيبتي لا تنسين اني انا راكان صالح النامي
ضحكت وكملوا سوالف سوا
...
ضحكت منيره : انا منيرة محمد الفهد وعمــ
قاطعتها ليال بدهشه : ثواااني انتي اخت سارة !
حست بارتباك كيف تعرف اختها : انتي تعرفينها !
ليال تربعت بحماس : اييوه صاحبتي بالجامعه .. بس ممكن سؤال
منيرة ابتسمت : تفضلي
ليال باستغراب : يعني ملابسج وملابس سارة واشكالكم وحتى عايلتكم تقول انكم بنات عز ليش تشتغلين خدامه
منيرة ناظرت ليال مده قصيره : ممكنن محد يعرف بالجامعه اني انا اخت منيره واني اشتغل خدامه هنا !
ليال ابتسمت : اكيد بس ياوبي على سؤالي
منيرة ابتسمت : الظروف وماتسوي



ليال ماحبت تدخل اكثر : طيب كملي عن نفسج
منيرة ابتسمت : اوكي .. اسمي منيرة محمد الفهد شهادتي ثانويه بس امم وشنو بعد أي صح انا الاخت الكبيره لساره ماعندنا اخوان وابوي متوفي الله يرحمه
ليال ابتسمت : الله يرحمه وانا ليال خالد النامي عندي اخت اسمها فرح اللي كانت يالسه اول مادخلتي وتراها بالجامعه بعد.. وجراحوه اللي يابج وسعد الصغيرون يرفع الضغط وامي وابوي الله يخليهم
سكتت ليال فتره بعدين ناظرت منيره بخبث : بتيين وياي الاستراحه وبنادي ساره اختج وبيون بنات عمامي .. ياسلامم عاد كل وحده اهبل من الثانيه ..
ضحكت منيره : خلاص اوك
وقفت ليال : يالله منوره انا بروح اريح شوي وانتي رتبي اغراضج
وطلعت
ناظرت منيره المكان اللي كانت جالسه فيه ليال .. حبتها ودخلت قلبها بسرعه عكس جراح اللي شايف نفسه ومو هامه احد
..
طلعت من غرفه منيره وسمعت صوت شخص تحبه كثير
نزلت جري وصرخت : سعوووووووووووووووود
ضحك يوم سمع صوتها : قصري حسج سمعوج الييران
ضحكت : عادي عادي ماهموني
قرصها مع كتفها : وينج اليوم ماييتي الجامعه
ردت له القرصه : يادب لا تقرص .. راحت علي نومه .. الا قولي كيفها الجامعه وايش اخبار مهاوي
التفت بكل جسمه لها : ابد بس شافت ساره لحالها وراحت تتحرش فيها وكأنها ناويه على هوشه
ناظرته ليال بكل حماس : جد امانه ! بعدين شنو صار ! وجوريوه وينها
سعود : جوريوه الفالحه غايبه وياج .. المهم جيت وسحبت ساره وياي وقلت لها ان لو تعرضت لها مها تحاجيني وانا اتفاهم مع مها
سندت راسها عالكنب وناظرته بهيام: يا سلام الامير شارل انقذ ساندريلا من العمه الشريره
مادرت الا وعلبه المناديل براسها فركت راسها بيدها : اح شحقه تضرب
ضحك : عشان ماتعيدين اسطواناتج الرومانسيه هذي
غمزت لسعود : اروايك اخت سارة ! تراها تشتغل هنا بس لا احد يدري انك تعرف ترا محد يدري الا انا وانت وبس
سعود باستغراب : شنو تشتغل ! وانتي كيف عرفتي انها اخت سارة
غمزت له : ذكاء يا حبيبي ذكاء
ركضت للدرج وصرخت : منوووورتي
نزلت منيرة وابتسمت : امري ليال .. وبدت تناظر سعود باستغراب "لايكون هذا سعد الصغير على قولتها ! هذا اكبر منها "
ليال اشرت على سعود : هذا سعود اخوي من الرضاعه
واشرت على منيرة وغمزت لسعود عشان مايبين انها اخت ساره وفهم : وهذي منيرة صاحبتي وتشتغل هنا مشرفه عالخدم
اندهش سعود من الكلام اللي يسمعه .. بنت الفهد مشرفه خدم
منيرة : فرصه سعيده سعود
ابتسم ومبين بوجهه علامات الاستغراب
ليال التفت على منيرة وهمست : خلاص تقدرين تصعدين بس حبيت اراويج اخوي الحبيب
ضربتها منيره مع كتفها وضحكت وصعدت فوق
سعود باستغراب : ليش تشتغل هنا وهي غنيه
ليال ترفع كتوفها : ماعرف تقول ظروف
سعود ابتسم وتذكر سارة : تشبه لاختها شوي
ليال : طيب ماعلينا كمل شنو صار بعد
وكملوا سوالف لما راح سعود
..
الساعه 11 بالليل سمعت صوت
استغربت فتحت الباب خفيف وطلت
شافت جراح لابس وكاشخ ومبين انه بيطلع استغربت
سكرت الباب بسرعه قبل لا يلاحظ ورجعت تفكر بالموضوع لما نامت
..
مر اليوم سريع عالكل ..
..
دخلت الجامعه وهي تدعي ربها ان ليال وجوري مداومين او عالاقل فرح ماتبي يتكرر اللي صار امس يكفي الاحراج اللي تحسه لما تتكلم مع سعود
اتجهت للكافتيريا بسرعه
بالجهه الثانيه كان جالس مع اصحابه وعيونه عالباب
حاول يقنع نفسه انها ماتهمه بس على مين تكذب يا سعود ؟ معقوله حبها بهالسرعه ! يمكن حب خوفها بس !
نرجع لساره اول مادخلت الكافتيريا بدت تدور بعيونها عن ليال وجوري
تلاقت عيونها بعيونه ناظرته فتره بسيطه
حست على نفسها ونزلت عيونها بارتباك
دقيقه تذكرت كلام امها امس ! : بتشتغل خدامه في بيت النامي
معقوله تشتغل عند جوري ولا ليال هم من النامي
لا لا يمكن غيرهم فيه كثير النامي
قطع على تفكيرها صوت وحده من وراها : تدورينا ؟
لفت وناظرتهم براحه وحمدت ربها مليون مره انهم جو : وينكم امس يا بايخات
جوري ضحكت : وحشناج ؟
ناظرتهم وابتسمت : حيل
سحبتها ليال وجلسوا على اقرب طاوله : بنات انا قررت قرار
جوري باستغراب : الله يستر
ضحكت ليال : لا مافيه شي يخوف بس سارة ابيها تيي ويانا للاستراحه الخميس
سارة سكتت شوي اول مره احد يناديها تطلع معهم رفعت راسها لها : مع منو ؟
جوري تحمست للفكره : مع بنات عمامي بلييز وافقي
سارة نزلت راسها تفكر بامها صعبه تخليها لحالها بالبيت يوم كامل : مقدر
ليال باستغراب : ليش !
سارة : مقدر اخلي الوالده لحالها بالبيت
جوري سكتت شوي تفكر بحل
ليال : عادي تروح لخالاتج او أي احد
رفعت سارة راسها وناظرت ليال : وحيده امها وابوها ويدي ويدتي ماتوا الله يرحمه
ليال بحزن : الله يرحمهم .. يالله ماعليه خيرها بغيرها
جوري صرخت : لا لا عندي حل
سارة باستغراب : شنو !
جوري : تيي ويانا
ضحكت ساره : هبلا انتي !
ليال : جد خلها تيي ويانا مافيها شي
سارة مادخلت الفكره راسها ابد : دوروا حل غيره
سكت الكل بتفكير
..
صحت من النوم وهي حاسه جسمها متكسر
ناظرت الغرفه باستغراب هي وين !
تذكرت اللي صار امس تنهدت ورمت الفراش على جنب وقامت اخذت لها شور تتنشط
وطلعت تشوف اشغالها
اول ماطلعت ناظرت غرفه ليال وابتسمت جااها صوت رجالي من ورا : صباح الخير يا بنتي
التفتت وابتسمت : صباح النور عمي
شافت جراح واقف ورا ابوه ناظرته بقهر ونزلت عيونها للارض
ابو جراح بطيبه : ان شاء الله عجبتج النومه هنا ؟
ضحكت : تسلم احلا منها مافيه
ابو جراح : الحمدلله .. طيب يابنتي ممكن عصير تفاح لي ولجراح
ابتسمت واشرت على عيونها : من عيوني
وراحت تحت للمطبخ تسوي لهم عصير
طقت باب المكتب عليه هو واببوه
ابو جراح : تفضلي
فتحت الباب بهدوء وحطت العصير عندهم ورمت على جراح كم نظره وطلعت
ابتسم وشرب العصير وطنش نظراتها
..
صحت من النوم بحماس
اكييد بتتحمس هذا اول يوم لها بشغلها اخذت لها شور ولبست لها لبس رسمي شويه
ناظرت شكلها بالمرايه وابتسمت ابتسامه رضى
سمعت طق الباب : تفضل
دخل وشافها جاهزه وصفر : ايه الحلاوه دي
ضحكت ودارت على نفسها : شرايك بس اطيح الطير من السماء مو ؟
ناظرها ورفع حاجبه : لا تصدقين نفسج وايد
مشت وقرصت خده : ماقول الا مالت بس تراني اشبهك لا تنسى
راكان يبي يقهرها : بس انا احلا ياحلوه
ناظرته من فوق لتحت وقالت بهدوء : مداح نفسه جذاب
ومشت بتطلع من الغرفه
بس مسك يدها بسرعه وسحبها لقدامه : اوف شفيه القمر زعلان
مدت بوزها : وخر عني يا دب
ابتسم : مقبوله منج يالله تعالي نروح
ضحكت وطلعوا
راحت بسياره راكان ماحبت تروح بسيارتها
..
صرخت ليال : لقيييييتها
سارة وجوري بحماس : شنو قولي
ليال وقفت واتجهت لسعود
جوري وسارة ناظروا بعض باستغراب ! معقوله ليال فكرت بهالفكره الغبيه !
وقفت قدام طاولته هو واصحابه
رفعت راسها وسكتت شوي ناظرتهم باستغراب وبدت تأشر عليهم : انت عزيزان وانت فويرس وانت مزين صح !
فراس ضحك : انا فويرس
عبدالعزيز ابتسم : وانا عزيزان
مازن : ...
ناظرته بقهر ليش يطنش : وحضرتك مين !
سعود وجاسم كانوا يناظرون وساكتين
مازن رفع حاجبه : انا !
ليال : لا ولد الييران يعني منو !
مازن حسبها وحده وتتلزق : شوفي يا بنت الناس ترا مو رايق لج رقم مافيه يالله ذلفي
سعود مسك ضحكته على تفكير مازن الغبي
التفتت ليال باستغراب للباقي وشافت تعابير وجهم اللي ماسك ضحكته واللي يضحك بصوت واطي واللي وجهه احمر من الضحك
ضربت برجلها الارض من القهر وتكلمت بقهر : ماقول الا مالت يالواثق تحسبني ييت عشان اطل بويهك اللي ماحلاه ربي !
مازن ناظرها باستغراب : عيل ليش يايه ؟
ليال ناظرته من فوق لتحت : مالك دخل يا ملقوووف
التفتت على سعود : سعيدان تعال ابيك شوي
سعود وقف ومشى وراها
..
شافتهم متجهين لطاولتهم نزلت راسها .. لا مو وقتها ابد ليال ايش تحس فيه جايبه سعود استغفر الله ياربي
سعود وعيونه على ساره : السلام عليكم
سارة وجوري : وعليكم السلام
جلست ليال عالكرسي : شوف زي ماتعرف الخميس حنا بنروح الاستراحه وانا ابي ساره تيي ويانا وامها مايصلح تيلس بالبيت لحالها شرايك تروح بيتكم
سعود باستغراب : ليال انتي تستهبلين ؟ لا لا جد تستهبلين ! انا متأكد انج للحين تستهبلين !
ليال مدت بوزها : شفيك انت ماستهبل
سعود سحب الكرسي وجلس : ماشاء الله وتيلس الحرمه عندنا انا وابوي بس
ضربت راسها بخفيف : يوو مافكرت فيها
ساره ارتبكت : خلاص قلت لكم مو لازم ايي بس انتم مصرين
سعود ناظر جوري : تروح بيت جوري عند امها
جوري ابتسمت : أي جد تيلس عند امي !
ليال : أي والله حلوه الفكره ..
سارة نزلت راسها باحراج حست ان امها بتكون ثقل عالناس واساسا امها ماراح توافق : لا لا ماينفع امي مابترضى
سعود : طيب عندي فكره
كلهم ناظروه ينتظرونه يتكلم
سعود : نحط عند امج ممرضه اذا صار شي لا سمح الله وبودي قارد يحمون البيت
ليال بحماس : أي والله صادق
نزلت سارة راسها بسرعه وجلست تفكر من وين تجيب فلوس للمرضه والبودي قارد ! وعلى اساس هي غنيه كيف بتقولهم الحين ان مامعها فلوس !
جوري صرخت : وناااسه وربي انك خطير يا سعود
رفعت راسها : بس انــ
قاطعتها ليال لا بس ولا شي خلاص لقينا الحل
سارة نزلت راسها
سعود وقف : ساره ابيج شوي
ناظروه كلهم باستتغراب
ودها تقوله لا بس ماتقدر وقفت ومشت وراه
..
دخلت الشركه وهي ميته حماس التفتت على اخوها : وين مكتبي
ضحك : هدي اعصابج طيب
راحوا لاخر دور فوق ومشى شوي واشر لها : هذا مكتبج وداخل مكتب ابوي واذا مشيتي شوي اول مكتب عاليمين مكتب عمي ابو جراح وبعدين مكتب عمي ابو سعود بعدين مكتب جراح
يالله الحين شوفي مكتبج وحطي كل اغراضج والشي اللي تحتاجينه قولي لي وانا ايبه لج مكتبي امشي سيده اخر مكتب على ايدج اليسار
ضحكت وجلست بحماس : طيب فهمت
ناظرها وضحك واتجه لمكتبه
..
مشت وراه وراحوا لنفس المكان اللي كانوا فيه امس
رفع راسه وناظرها : سارة انا عارف ان ماعندج امكانيه تدفعين بس ماعليج انا راح ادفع بدالج
نزلت راسها وهي باقي مصدومه ماقدرت تمسك دموعها اكثر
ونزلت دموعها
رفع راسها وابتسم : لا تبجين دموعج غاليه ترا ..انا مو عارف شنو هي ضروفج بس اللي اعرفه انج مو قادره تدفعين
مسحت دموعها بسرعه : شكرا مايحتاج تدفع انا ادبر نفسي
سعود ناظرها فتره : بس انا بدفع ومالي دخل
ناظرته : بــ
سعود ابتسم : قلت انا بدفع وانتهى الموضوع
نزلت راسها باحراج ومشت للكافتيريا
ناظرها وضحك
...
رن التليفون اللي جبنها ردت بحماس : الو
ابو عبدالرحمن ضحك : كيف الشغل
ابتسمت : تمام التمام
ابو عبدالرحمن : الحمدلله .. طيب تعالي خذي اوراق ووديها مكتب جراح عطيها السكرتير وارجعي شوفي شغلج
جود : ان شاء الله
سكرت وخذت الاوراق من ابوها
مشت وكل ماشافت شخص سألته عن مكتب جراح
وقفت بتعب وشافت سكرتير : لو سمحت
رفع راسه وابتسم : امري اختي
ابتتسمت : مايامر عليك عدو .. ممكن اعرف وين مكتب السيد جراح
ضحك : هذا مكتبه .. هذي الاوراق اللي قال عنها عمي ابو عبدالرحمن ؟
ابتسمت ومدت الاوراق : ايوه هذي
ناظرها فتره : انتي سكرتيره يديه هني صح !
جود : ايوه واسمي جود
مد يده وصافحها : وانا ضاري تشرفت بمعرفتج اخت جود
ابتسمت : لي الشرف اكثر .. يالله انا لازم ارجع وراي شغل
ابتسم : بالتوفيق
...

كانت مشغوله بدفترها وتكتب فيه قطع عليها صوت انسانه عزيزه عليها حييل
...: وحشتيني
رفعت راسها ناظرتها مده تستوعب ..صرررخت : شووووواقتي
وضمتها بقوه
ضحكت شوق : قلبتيها مسلسل هندي
فرح مسحت دموع الفرح .. من زمان ماشافت صاحبتها وحشتها حييل
ابتسمت بس اختفت ابتسامتها تدريجيا
شوق باستغراب : شفيج !
فرح قربت ودققت بوجه شوق : جروح ! كسر بيده هالاهبل هذا سكت له كثيييير بس هالمره لازم يوقف عند حده
شوق نزلت راسها : عادي تعودت
فرح بقهر : انا بس ابي اعرف ليش ماتبيني اكلمه !
شوق : لاني عارفه اخوي صح انج اخت رفيجه بس مايحب احد يستفزه انا لو بس كلمته صفقني وانتي ناويه تهاوشينه
ناظرتها فتره : امس اتصل والاقي موبايلج مقفل ليش ؟
تنهدت : كسره
فرح بقهر : كسر بايده
رفعت عيونها بسرعه : لا تدعين على اخوي ترا مهما سوا قلبه ابيض
ضحكت ضحكه طويله : قلبه ابيض ! على منو تجذبين
نزلت شوق راسها واتجهت انظار فرح وبدت تناظره بقهر ومازن يناظرها ومبتسم
..
كان يناظرها ويبتسم حاب يقهرها بس استغل عبدالعزيز الفرصه
لان سعود مع البنات وجاسم راح للمحاضره : انت تعرف قبل شوي منو تهاوشت وياه !
مازن ناظر عزيز باستغراب : لا يكون تقصد الهبلا
ضحك عبدالعزيز : هذي اخت سعود
مازن وده الارض تنشق وتبلعه طاح وجهه نزل راسه : مرام ؟
فراس : لا مرام ثانوي هذي اخته من الرضاعه بنفس الوقت تكون اخت فرح
سكت ومارد
..
مر الوقت بسرعه وجا يوم الخميس
ليال على نفس حالها وباقي تفكر مين اللي ضربها وهي نايمه
منيرة مازالت تشتغل ببيت جراح ودايم تحاول تتجنب وجوده وطاقه صداقه مع ليال
سارة تحاول قد ماتقدر تجمع فلوس عشان ترجع لسعود فلوسه اللي دفعها
جراح يحاول قد مايقدر يدور سبب طرد عمان منيره لهم
والباقي على نفس حالهم
..
راح المستشفى وكأنه شاك بالموضوع حب يتأكد بدال الشك اللي جننه
كان ينتظر على احر من الجمر ويبي يعرف نتيجه التحليل
طلع الدكتور وهو يناظر الاوراق : جاسم النامي
جاسم بخوف : سم دكتور
ناظره الدكتور فتره : هذي نتايج التحاليل
مسك الورق وبدا يناظره فتره
انصدمم مايقدر يقرا زياده !
مسستحيييل ماتوقع هذي النتيجه ابد
رجوله ماقدرت تشيله .. جلس على اقرب كرسي
وبدت تنزل دموعه .. مو شي سهل وهين اللي قراه ..!
مسح دموعه بسرعه اخذ نفس حمد الله عاللي هو فيه وطلع للبحر
حس الدنيا ضايقه فيه
..
استعدوا البنات والكل كان متحمس بدون استثناء
الساعه 6 المغرب الكل كان هناك
سارة اخر وحده وصلت
شيكت شكلها بالمرايه ابتسمت واضافت اخر اللمسات ونزلت
اتصلت على ليال تتأكد من العنوان
ودخلت سمعت ضحكات البنات
ابتسمت واول مافتحت الباب انصدمت ووقفت
تعلقت عيونها بانسانه
اختها ! الا هذي منيره ! توترت ونزلت راسها
منيره ماكانت اقل صدمه منها ثنتينهم ارتبكوا ومحد حس فيهم الا ليال
ليال ابتسمت : حياج سارونه
سارة مشت وسلمت عالكل : الله يحيج
ميار : طيب نبدا تعرف انا ميار بنت عم ليال
منار : وانا توأم منار وحنا في الثانوي
مرام : وانا بنت عم ليال اسمي مرام (التفتت لساره) اخت سعود
ساره تذكرت سعود وابتسمت
جود : وانا اخت جوري وبنت عم ليال عندي توأم بس ولد اسمه راكان
كانوا منيره وساره يتبادلون النظرات
سارة : انا بروح اعدل شكلي شويه
منيره ابتسمت : وانا بعد ابي اروح
جوري ابتسمت : خذوا راحتكم
اول ماطلعوا ساره سحبت منيره وضمتها بقوه : وحشتيني
منيره : وانتي بعد وحشتيني حييييل
سارة باستغراب : شنو يابج هنا !
منيرة ضحكت : تخيلي اني اشتغل في بيت ليال رفيجتج .. الا تعالي امي وينها لا يكون خليتيها لحالها
ساره : لا عندها ممرضه وبودي قارد
ناظرتها منييره باسغتراب : من وين يبتي التكاليف !
سارة بارتباك : سعود اخو مرام عطاني اياهم بالجماعه هو يعرف اني مو قادره ادفع معرف كيف عرف بس والله يا منيره راح ارجعهم
منيرة بدت تعصب : ليش ماقلتي لي ! لازم تاخذين فلوس من الناس يعني !
سارة ناظرت الارض
منيرة كسرت خاطرها .. رفعت راس اختها : خلج قويه ساره مابيج ضعيفه كذا الكل بيستغل ضعفج !
ليال كانت عند الباب وسمعت كل اللي دار بينهم حست الجو بدا يتوتر وطلعت : بنات تعالوا غيروا ملابسكم بنسبح
ابتسموا : يالله
غيروا ملابسهم الكل لبس بجامات ليال كانت جايبتهم
والكل يعرف يسبح ماعدا منار
كانت واقفه قدام المسبح وتضحك على شكل ليال يوم خرب مكياجها
منار : هههههههههههههه اخخخ يابطني كأنج من افلام الرعب كل الكحل نازل على ويهج
سمعت ضحكه من وراها : تضحكين على اختي هاه
ودفتها غمزت فرح لليال : ماعاش من يضحك عليج
منار طاحت بالجزء الواطي يعني رجلها توصل للارض : طيب يا فرحوه مردوده
ميار ابتسمت بخبث وركضت ودفت فرح وطاحت فرح بالمسبح
غمزت لاختها : رديتها لعيونج
منار صفرت : عااااشت اختي
منيرة صرخت : بنات شرايكم نتسابق !
مرام : مينونه انتي بنموت من البرد لو ركضنا
ضحكت ساره : اللي ما تبي بكيفها
طلع الكل من المسبح وهم يقطرون مويه وقفوا كلهم صف واحد ماعدا مرام
ميار تناظرها : مراموه تعالي يالهبلا اللي تفوز لها 500 دينار هديه مني
مرام : لا مو ناويه على نفسي انا الحكم
ضحكت ليال : بكيفج
مرام : بلا كلام زايد .. يالله 1 .. 2 ..3
وركض الكل
اللي تسحب الثانيه واللي طاحت على وجها
بالنهايه صرخت ميار : فزززززززززت يا فاشليييين
وقفت ليال وبدت تعرج : احححح كله من ساره سحبتني وطحت .. غش ينعاد السباق
ميار تخصرت : لا ياحبيبتي بسرعه 500 دينار
ليال ناظرتها : ماقول الا مالت انتظري لما اسحب من الصراف
كان الكل مستانس
خلصوا سباق وغيروا ملابسهم اللي باقي فيها مويه
ودخلوا داخل يشغلون النار يوم حسوا ببرد شوي
منيرة التفتت لليال وهمست لها : نسيت اقول لامج اني طالعه وياج
ليال غمزت لها : ماعليج انا خبرتها
مرام رفعت حاجب : اقول مايحتاج تتهامسون مافيه غريب
جت ليال بترد
ميار بدت تكح بقوه
جود ناظرتها : ميار حبيبتي انتي فيج ربو طلعي خذي هوا شوي هنا كتمه من الدخان
ناظرتها ميار : لا عادي
ما امداها تكمل جملتها الا كحت مره ثانيه
جوري وقفت وسحبتها : بلا دلع وتعالي لا تموتين علينا
ميار سحبت يدها : قلت لكم مافيني شي يالله شغلوا الاغاني
منار ناظرت اختها : مياروه طلعي خذي لج شوي هوا الجهاز مو معانا لو صار لج شي لا سمح الله
جوري رجعت وسحبت منار مره ثانيه وطلعوا برا
..
طلعت الدوا وسحبت لها هوا
بدوا يدورون : من متى فيج ربو ؟
ميار ابتسمت : من وانا صغيره
ميار سكتت شوي : جوري امانه ابي اسألج ولا تزعلينن
جوري ابتسمت : تفضلي
ميار بتردد : زاد فضلج .. ليش ماتهتمين بشكلج !
نزلت راسها وبدت تناظر الارض : لاني مابي اتزوج
ناظرتها ميار باستغراب : ايش دخل الزواج الحين !
جوري : اذا اهتميت بشكلي احتمال كبير انخطب مابي الفت انتباه احد ويخطبني انتي عارفه ان عبدالرحمن يتوعد فيني يقول اول واحد يخطبج بتاخذينه غصب عليج
ميار : طيب ليش ماتبين تتزوجين
..
سمعوا صوت ضحك بنات من الاستراحه وبدت تدور ببالهم افكار مايفكرها الا ( عديمين الرجوله )
كانوا عباره عن 3 اشخاص
اولهم ( مازن ماغيره )
وواحد اسمه ( فهد )
وواحد اسمه ( بدر )
فهد وبدر مالهم دور كبير بالروايه
اصحاب مازن بالشر وفعل الفواحش والعياذ بالله
فهد بدا يناظر الاستراحه : تسمعون ضحك بنات ولا يتهيأ لي !
مازن : انا اسمع
بدر ابتسم بخبث : شرايكم نشوف شغلنا
ابتسم مازن: حلو .. اسمعوا انا ماسمعت صوت رجال ابد
المهم بنط من السور ونشوف اذا فيه رجال نطلع واذا مافيه نكمل
اول شي نمسك البنات وواحد منا يوقف
وابتسم بخبث : وننهي عليهم وحده وحده
بدر : يالله
قرب مازن سيارته : يالله شباب انا برقى اول واحد واذا الوضع يطمن خبرتكم

انتهى
ان شاء الله التكمله بكره