كاتب الموضوع :
هدووؤء الليل
المنتدى :
الارشيف
رد: بين حب رجل وعشق اخر
 صحت لينا من النوم انقلبت على ظهرها تطالع في السقف
تفكر تصحى او ترجع تنام طالعت الساعه باقي 5
بما انه اليوم ماعندها محاظرات كثير فكرت تصحى او تكمل نومتها
لينا طالبة جامعية تدرس في جامعة في ابها تخصص لغة انجليزية وهاذي ثالث سنه لها
انتقلو من جده لابها لان امها وابوها انفصلو وهي ساكنه مع امها
وبعد ماانتقلو دخلت لينا في نفسية صعبة
ماجاها نوم ...رجعت اتطالع في السقف وتذكرت كيف كانت ايامها الاولى او بالاحرى سنواتها الاولى في الجامعة
تنعزل عن البنات وماتتكلم مع احد ..تشتاق كثييرر لصحباتها ... اوقات كانت مجرد تجلس في المحاظرة وتقارن بين هناك وهنا وتحاول تخفي العبرة الي تخنقها
اتذكرت كيف كانو اخواتها يشجعونها ويقولون لها ان هذا الشي مو نهاية العالم وراح تعيشين ايام احسن من كذا وبتتعوددين
لها 3 اخوات وحده اكبر منها و2 اصغر منها
الكبيرة متزوجة وعندها 3 بنات اسمها هيفاء
الاصغر منها زينة في ثاني ثنوي
اخر العنقود سمية في سادس ابتدائي
عندها اخ واحد اسمه محمد كبير ومايحتك باخواته شايف نفسه و متزوج وعنده ولد وبنت
انقلبت على جنبها وحضنت اللحاف وفكرت بكيف قدرت تتخطى هذيك الايام وكيف انها قربت تتخرج ويمكن تسافر الشرقيه عند ابوها الي طبعا متزوج وحده ثانية من زمان وعنده 5 اولاد كبار
الشي الوحيد الي كان يخوفها في الشرقيه هو ...يوسسف
.. يوسف هو ولد عم ابوها وكان في فتره من الفترات ساكن في جده وكان يجيهم كثير بعذر انه يشوف ابوها
ماتدري ليه ماكانت تحبه ولا قدر يحرك فيها شي غير الخوف مع انه شخصيه ورزة وله هيبه وابوها يحبه وابوها صعب يحب احد
طويل اسمر انفه عربي مستقيم له عوراض دايما محدده بشكل مرتب عيونه فيها نظره حاده وماتدري ليه كل ماتشوفه يطالع فيها تحس انه يفكر فيها بطريقه قذره
ويمكن هالشي خوفها منه تحسه فاهم وعارف البنات وهالشي متوقع من واحد عاش في استراليا 3 سنوات ومستقل بنفسه وله شقه لحاله وحليو طبعا البنات بيحاولون يقربون منه وهو باين عليه ماراح يعارض ابدا
كان يحاول يتكلم معها دايما لما يكون اهلها معها بس كانت ترد عليه بكلمه وحده ولكن ابوه لما يكلمها كانت تتكلم معه وتضحك لان ابوه مع ان يوسف يشبهه فشكل الا انه فطبع عكسه تماما
كبير فسن والشعر الشيب مخليها تحس انها تكلم ابوها هي وابتسامته من قلبه تطلع وحنووون جدا ويهتم فيها وتحس اهتمامه صادق مثل اهتمام ابوها فيها فكان ينصحها بتخصصات ومراجع حلوه تساعدها فتغذيه علمها وتسهل عليها دراستها
يوسف يكبرها ب 8 سنوات واول مره شافها كانت لما كانت هي في المتوسط واتعلق فيها وكان يقول لابوها كل شي اسويه فحياتي اسويه لبنتك
دخل ارامكو وابتعثوه يدرس 3 سنوات برى ورجع بشهاده خلته يترأس الناس الي فعمره
مع نجاحه لكنه كان مغرور وشاايف نفسه يهتم بنفسه بطريقه مترفه
ريحة عطره تبقى بعد مايروح في المجلس لوقت طويل عنده اكثر من سياره ولما يطفش يروح دبي او يسافر لاهله فشرقيه او لوحده من اخواته المتزوجه فقطر
وفجأة فكرت برجال هذاك الي كانت تشوفه كل صباح لما تطلع لدوامها من اسبوعين وهي تشوفه كل يوم عند باب جارتهم
اتوقعت انه من اولاد جارتهم حاولت تتذكر اسمها
الظاهر ام سعود؟ يعني هو اسمه سعود؟يمكن
كانت كل ماتطلع الدوام مع السواق تلقاه قدام بابهم يشرب شاهي وينتظر
هي اتوقعت انه ممكن ينتظر اخواته يوديهم لانه وقت دوامات وماكانت تعرف انه ضيف لان طلعاتها من البيت قليله وكل ماتخرج يضيق صدرها لانها مو متقبله المكان الي هي فيه
اليوم الاول مااخذت بالها منه مع الصباح والدوام
لكن مع الوقت وبعد ايام بدت تلاحظ انها كل ماتطلع تلقاه في وجهها
طويل معضل شووي وجسمة مشدود ويمكن هالشي الي خلاها تتوقع انه حق بنات لانه مهتم بنفسه بزياده
بعدت اللحاف وصحيت وهي تفكر انها بتتاخر عن الدوام لان الساعه صارت 6 و 45 دقيقه
وبالفعل اتاخرت على السواق ولبست بسرعه وطلعت له اول شي تدوره كان هو لكن ماكان موجود ..
فجاة انتبهت انه كان يكلم السواق فتحت السيارة وكانت متنقبه وجات عينها في عينه
طبعا نزل عينه على طول عشان السواق الي قدامه
سمعته يكلم السواق : يله الله معك انتبه لطريق
السواق : مع السلامه
ماتدري ليه حست ان قلبها ينبض بقوة وبطنها مشدود
وراحت هذاك اليوم وهي ماتفكر غير فيه مافكرت بالمكان الي هي فيه او بمحاظراتها او باستاذاتها الهنديات الي ملاحظين ان فيها شي بس مااتكلمو معها بحكم انها ماتعطي احد وجه ودايم اخلاقها قافله
رجعت البيت تتمنى تشوفه لكن ماكان موجود
قالت لنفسها انتي غبية من الي بينتظرني تحت شمس الظهر لو اني بنت بابا عبدالله ماانتظر
دخلت البيت لقت امها حايسة والشغاله مبوزة من كرف امها لها
اول ماشافتها امها : اوه كويس جيتي جيراننا جايين عندنا عشاء
سألت لينا بحماس :جيراننا بيت ابو سعود؟؟
امها :ايوة ايش فيك متحمسة بالعادة تقولين انا بنام ولاحد يصحيني وتقفلين باب غرفتك ؟؟
لالا عادي بنزل شبعانه نوم من امس ..
وهي بينها وبين نفسها كانت متحمسة تشوف من هذولا الناس مع انهم دايما يزورون امها الا انها ماتعرف حتى كم عددهم
كملت امها: المهم معهم عمتهم جاية من الرياض وجايين يغيرون جو هنا
...: طيب ؟؟
...: لاتنزلين لي وانتي وجهك كانك ماكله شي خايس ولا ملكه الجليد مثل ابوك رافعه خشمك
لينا بدون نفس: حاضر يمة انا بطلع ابدل واريح شوي
اذا تحتاجين مساعدة زينة وسمية عندك
وطلعت الدرج طبعا امها ماقالت شي لانها متعودة على بنتها ودلعها ماكانت تشيل شي وكويس لو رتبت غرفتها
فسخت عبايتها ورتبتها في الدولاب وبدلت ببجامة وجلست قدام المراية تمسح الميك اب
دق الباب ودخلت اختها زينة :باااربي اهلين جيتي؟؟
لقب باربي اخذته من شعرها الاشقر كانت دايما تصبغة وبشرتها الفاتحه وجسمها كان حلو فيها تقاسيم انثوية ملفته
عيونها واسعه وانفها دقيق
اي احد يشوفها يستحي من جمالها ويمكن هي عشان كذا كانت شايفه نفسها شووي
لينا:لا باقي برى بس وصيت خيالي عليكم
زينة:ياسخافتك ..المهم ايش بتلبسين ؟
:ماادري يمكن فستان الاسود القصير هذاك
ايوة حلو عليك مبسوطة بتجي خلود
لينا: من خلود؟؟
...: بنت جارتنا معي في المدرسة لاتفشلينا معهم بالله اجلسي في الزاوية مستمعة فقط
لينا تحاول تجس نبض:طيب وكم اخواتها ؟
بس هي
لينا : وعندها اخوان؟
ايوة الظاهر واحد بس اصغر منها باقي في المتوسط
..اهاا طيب من الناس الي بيجون معهم
عمتهم مدري ... مااذكر بالزبط
لينا لما اخذت من زينة الي تبغى :طيب حبيبي قفلي الباب وراك..تطردها بس بأدب
زينة :اووك بصحيك الساعه 3
اووك
صحت لينا الساعه 5 تروشت واتوضت وصلت العصر وخلصت نفسها على الساعه 4 كانت جاهزه
رسمت عينها بكحل اسوود عربي حطت روج خفيف وبلشر ولبست اسواره بسيطة في يدها وتركت شعرها بشكل طبيعي على اكتافها
شكلها بسيط بس جميلة
دق الجرس وطبعا امها فتحت لهم واستقبلتهم وجات لينا متحمسه في المطيخ تطالع من عند الباب تبغى تشوفهم قبل تدخل
كانت فيه حرمتين وباين كبار في السن شوي وو3 بنات استغربت من هذولا
دخلت وسلمت عليهم طبعا جارتهم ام سعود جلست تمزح مع لينا : لو عارفين ام خالد بتخلينا نشوفك كان جبناها من زمان
ابتسمت باحراج لينا
وبدت ام خالد تسالها انتي تدرسين يالينا ؟؟
لينا ايوة ادرس انجلش
ام خالد اتحمست :يالله يابنتي ياليتك تقنعين عهود بالانجليزي ..وتاشر على بنتها... عبير خلصت دراستها في الحاسب بس عهود بتبدا الترم الجاي بتحضيري والبنات خوفوها من الانجليزي
ابتسمت لينا لها :بالعكس ممتع تتعلمين شي ينفعك لنفسك
عهود كانت منحرجة من موقف امها الي حطتها فيه فمالقت شي تقولة بس ابتسمت
ام لينا قالتلها :خذي البنات عندك واتفرجو على البيت
عهود واختها الثانية عبير كانو عاديين الي حبته فيهم بساطتهم وباين عليهم طيبين ويستحون
فكرت لينا هل هم اخواته؟ طيب ليه مهتمه فيه انا ؟بلا سخافه يالينا
فرجتهم على البيت وجلسو في الحديقة يسولفون وجات سمية وزينة وخلود
فهمت لينا منهم انهم بنات عم وجايين زيارة لعمهم يغيرون جو دام ماعندهم دراسه
بعدها بوقت قبل صلاه المغرب طلعو ام خالد وام سعود
راحت لينا لصاله لقت امها جالسه تتابع تي في
اول ماشافت لينا:هاه انبسطتي مع البنات؟؟
لينا بانشراح :ايوة غيرو جوي مرة
الحمدالله قايلتلك يابنتي اطللعي اتنفسي مع الناس انتي حدك مو راضية
دق تيلفون البيت وقامت لينا ترد عشان تهرب من تعليقات امها
لينا : الو
ام سعود : الو مساء الخير
لينا عرفت صوتها :هلا ياخاله مساء النور والسرور
يابنتي نسيت الظاهر جوالي عندكم في المجلس لاهنتي اعطوه الي بيجيكم من عند الباب بيجي ياخذه منكم
لينا : حاضر ابشري
مع السلامة
الله معك
قفلت لينا وخبرت امها فقالتلها دورية واعطية الشغاله تعطيهم اياه
راحت لينا للمجلس ولقت الجوال على الكنبة
اخذته ودق الجرس في نفس اللحظة فنادت الشغالة :تووويااا
ماردت عليها ففتحت باب المجلس الخارجي ونادت :دقيقه جاية
راحت جري وهي متوقعه تشوف سعود الصغير وجزء منها كان يتمنى انها تشوف الي دايما واقف في الصباح
والي عرفت من امه ان اسمه ماجد
فتحت الباب شووي ومدت الجوال ماحد اخذه
استغربت مع ان الجرس توه الي دق
طلعت راسها تطالع لقت ماجد واقف قدام الباب بس متكتف وجنبه اكياس ويطالع فيها
رجعت بسرعه على وراء وقالت بصوت واطي : هذا جوال خالتي
اخذ الجوال من يدها وجات تبغى تسكر فقالها دقيقه ودف الباب بشويش عاد هي صلبت من الخوف ودخل نص جسمة وحط اكياس عند الباب من داخل
ولف وجهه يكلمها وهو يحط الاكياس :هذا العشاء قلت اجيبلكم معنا
لينا ولاقدرت تتكلم وخافت احد يشوفهم
هزت راسها لما شافت انه ينتظر رد وهو قدر احراجها وايتسم
:لو تحتاجون اي شي خبروني
لينا طلع صوتها بهمس: ان شاءالله
وطلع وقفل الباب وراه
لينا تكت على الباب ماسكه قلبها وحست انها كانت تجري من كثر ماقلبها يدق
اما ماجد فكان يقول فنفسه : سبحانه ياجمالها تستاهل اصحالها بدري كل يوم لا وتستحي بعد شي نادر هالايام
ودخل بجوال عمته والعشاء لبيتهم
شالت الاكياس وهي ياالله قادره تشيل نفسها وهي تمشي لباب المجلس طلعتلها الشغاله من باب المطبخ في الجهه الثانيه ولانها اتاخرت ماترد على لينا فكانت خايفه انها تعصب عليها مادرت ان لينا ودها تبوسها عى راسها لانها ماجات وخلتها تشوف هالماجد..
دخلت الاكياس وقالت ان جارتهم وصتلهم عشاء معهم
انبسطت امها : والله فيهم خير الله يسعدهم..الا صح لينا تعالي تابعي معي وش هالبرنامج
ام لينا ماكانت مهتمه بالبرنامج بس مبسوطة ان بنتها طلعت من غرفتها وخلت الناس يشوفونها ومفتخره فيها بجمالها واسلوبها وثقلها قدام الحريم الكبار..
لينا بهدوء جلست عند امها مع انها كانت تتمنظى تتمدد فغرفتها وتطالع فسقف وتفكر لحالها
بس اقنعت نفسها الليل كله قدامها تفكر فيه
صبت لها شاهي واعطت لامها قبلها وجلست تتابع برنامج واقعي عن الحيوانات مع امها الي كل شوي تجيب سالفه من وداي بس لانها مبسوطه ببنتها عندها
جات سميه اختها :اهلن لينا ..
مع انها توها تشوفها الا انها تحب اختها الاكبر منها ولها هيبتها لانها ماتشوفها كثير فتستحي منها وتقول حجات سخيفه جنبها ولينا تتفهم هالشي وتطول بالها عليها
لينا كانت عايشه في هالبيت كانها عايشه في فندق تجي من الدوام الساعه 1 تبوس راس امها وتقول ماتبغى تتغدا لما تقولها امها انتظري اخواتك يجون لاتنامين عشان تتغدين معنا لكنها كانت ترد عليها ماابغى شي بس بنام
وتصحى المغرب تصلي وتجلس على التي في وتشرب شي ساخن فغرفتها وتوصي الشغاله تسويلها عشاء متاخر تاكله اخر الليل
ولما تطفش من وحدتها تكلم صحباتها في جده واوقات بعد ماتقفل وتشوف جمعاتهم ووناستهم تججلس تبكي لحد تنام والعشاء تشوفه امها في الثلاجه وكانت تشيل هم بنتها الي ماتقدر تسويلها شي بس عشانها اختارت انها تترك ابوهم
وهالشي بعد لينا عن امها لانها اتطلقت من ابوهم بعد ظروف صعبه واختتارت امهم انها ترجع عند امها الي هي جده لينا وتجبر بناتها يعيشون من اول وجديد في مكان كل شي مختلف فيه
اما ابوهم طلب نقل وراح لشرقيه لانه ماحب يجلس في جده من بعدهم وباقي له كم سنه ويتقاعد فقرر يبدا مشروع هناك
سمعت ام لينا سميه تكلم لينا :حلو فستانك لينا
ابتسمت لينا :: لما تكبرين باعطيك اياه
ضحكت سميه مبسوطة
ام لينا :سميه روحي جهزي السفره مع تويا ووين اختك الثانيه
...:مددري فوق فغرفتنا
روحي ناديها
وراحت سميه وهي ساكته
ام لينا : لينا كلمتي ابوك ؟؟
لينا :لا ..ليه اكلمه ؟
لينا كانت مبعده عن الكل ماتدري هي تعاقب نفسها او تعاقب اهلها
ام لينا: دق على تيلفون البيت يبغاك
لينا تفصفص وماهي مهتمه بالسالفه: بكلمه بعدين
سكتت امها وتركتها براحتها ماتبغى تتدخل مع ان لينا مؤدبه ومستحيل تجرح امها بكلمه حتى لو ضغطت عليها
لينا ساكته وتتذكر كيف كانت يدينه ضخمه وهو شايل الاغراض وماتدري ليش خافت منه
حطت الفصفص وقالت لامها بطلع غرفتي
ام لينا.. لاحبيبتي اجلسي معنا اتعشي وسولفي ولو مااعجبك العشاء نطلب من برى لك ايش قلتي؟
لينا اتذكرت العشاء من من وفكرت ايش يضر خليني اتعشى معهم طفشت جلسه لحالي
وراحت مع امها تتعشى وسمية كانت متحمسه كل شوي تنادي لينا لينا لينا وتقولها سالفه عن المدرسه وحسدتها لينا كيف قدرت تتاقلم بسرعه
خلصو عشاء وقامت لينا وهي صدق شبعانه واعترفت لتفسها انها زمان مااكلت وجبه واستمتعت فيها وفكرت ان اليوم كله كان يوم حلو وهالشي استغربت منه
يمكن لانها مثل ماقاالت امها طلعت من عزلتها وغيرت جو او يمكن لانها شافت ماجد او لانها ببساطه اشتاقت لامها واخواتها الي تاركتهم وهم معها فنفس البيت
راحو البنات لغرفهم وامهم بعد لان الساعه صارت 10
اما لينا جلست فصاله وتمددت عالكنبه وانبسطت بتغيير يومها يمكن عشان كذا ماتبغى ترجع لروتين ليلتها المعتاده فغرفتها
غفت عالكنبه وهي متحمسه لصباح بكره لانها بتشوفه مع انها من كم ساعة شايفته
صحتها امها للفجر تتصلي وقامت تصلي وفطرت وقامت تلبس وتتجهز للكليه
الساعه 7 ونص كانت فسياره بس الغريب انه ماكان موجود ولاحتىى سيارته
ماتدري ليش انقبض قلبها ...ياترى انا مااعجبته ؟؟ وانقهرت من هالفكره قالت لنفسها بغرورها المعتاد: سلامات وين بيلاقى احسن مني
لا يمكن راحو بس هم كلهم ماأجزين وامه قالت انه اخذ اجازه عشان يجيبهم
اجل وين راح
فكرت وانا ايش دخلني فيه يروح محل وين مايروح بلا سخافه انتي اكبر من انك تتعلقين فواحد من نظرات
حاولت تتناسى بس اخلاقها كانت قاافله كعادتها لما وصلت الكليه والي زادها انها اتاخرت عالمحاظره والهنديه بتسويلها سالفه
لكنها دخلت بثقه للكلاس وكان مابدا توها تفتح ملفها تحضر البنات فدخلت بدون ماتطالع فيها وعدت على خير
خلص يومها وهي ودها تبكي على قد ماكانت مبسوطه امس على قد ماهي متضايقه الحين
رجعت لبيتهم وماطالعت فبيت جارتهم ام سعود ولاتبغى تشوف هو موجود او لا
فكرت فتفسها هو كله اسبوعين وثلاثه وبيروح هناك لبيتهم وانا ارجع روتيني القديم ...فاحسن لي مااطلع منه
دخلت سلمت على امها ولقتها ماهي طبيعيه ماتدري ايش فيها وماكانت في مزاج يسمحلها تسالها فقالت بسرعه انا مصدعه بطلع لغرفتي
اتمددت فغرفتها بعد مارمت عبايتها وبدون سبب جلست تبكي
يمكن لانها فكرت انها ممكن تندمج او بيتغير شي فيها زي مايقولون ويمكن لانها طفشت من نفسها
غفت بملابس الكليه وصحيت على صوت الاذان طالعت من الشباك الدنيا بدت تظلم صار المغرب
قامت وهي مصددعه وتروشت وبدلت ملابسها وفرشت سجادتها تصلي
بعد ماخلصت من صلاتها نزلت تسويلها نسكافه ورجعت لغرفتها تتحاشى امها ومسكت جوالها تطقطق فيه لها من امس ماشافته لقيت 11 اتصال
من ابوها 5 واحد من صحبتها نادية والباقي من رقم غريب
فكرت اتصل على ابوي او لا ؟؟
اتذكرت ان امها كانت متضايقه فكرت ياترى ابوي كلم امي وكان يبغاني وعشان كذا اتضايقت ؟ هو يبغى مني شي ؟
نزلت لامها تناديها لقتها في المطبخ فسالتها على طول :يمه ايش يبغى ابوي فيني تبغين تقولين لي شي قبل ادق عليه؟
ام لينا :مساء النور انا طيبه كويس سالتي
لينا :يمه تكفين مصدعه حدي
ماتدري ليه لينا كانت بتبكي وهي تكلم امها
امها طالعت فيها ولما شافت شكلها مرهق خافت من ردة فعلها على اللي بتقوله فقررت تاجلها
ام لينا :ولاشي اتركيه لاتكلمينه الحين دامك تعبانه
لينا عرفت ان فيه موضوع مهم فسحبت كرسي وجلست قدامها وهي تقطع سلطه :يمه ايش الموضوع عادي قولي لي الحين
:مافيه شي بس ابوك يبغاكم تروحون عنده فنهاية الترم وانتي عارفه باقي لها شهر وشوي
سكتت لينا ماتدري ليه ربطت الموضوع بيوسف فسالت امها :ومن هناك بيكون؟
ام لينا :ماادري اخوانك من ابوك وعيال عمك يمكن واختك هيفاء وبناتها
لينا :انتي ايش تشوفين؟
..: انا ودي تروحون تزورون ابوكم واختكم هيفاء مشتاقتلكم غيرو جو يابناتي هنا حكره ماغير انا اروح لخوالك والسواق مايدل هنا مكان ينفقع قلبكم لو تبون منه شي روحو وانبسطو
لينا: طيب وانتي ؟؟
...: انا ماعليك مني بجلس مع امي وهي كلها عشره ايام وانتو عندي
ان شاء الله الباقي قريب اذا شفت تفاعل منككم واعجبتكم ططبعا
enjoy dears
|
11-02-13, 06:42 PM
رد: بين حب رجل وعشق اخر
جديد مواضيع قسم الارشيف
العرض العادي
