أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي

السلام عليكم ورحمة الله وبركاته ..

قراءه ممتعه .. البارت الرابع ..


فياض 27 سنه ..




../ وعــــود ؟!!.

رفعت راسها من اسمعت كلامي .. قلت اتاكد ../ اسمك وعود ؟!..


..


نظرته بخوف .. رجعت النقاب على و جههي .. وش عرفه باسمي ..

..


قلت بصراخ وانا اشد على يدها ../ تكــــلـمـي ..

..


ارتجفت من شدة الرجفه لساني ثقل ما قدرت انطق .. هزيت راسي له بسرعه بالايجابه ..

..


تصلبت بمكاني .. طلعت وعود .. مسكت راسي من هول الصدمه ..


مسكتها من اكتافها ../ وش جايبك بيتناا هااااه ..

..


مين يطلع هالانسان ؟؟.. دموعي ماوقفت ../ قلت لك الرجال خذاني ..

..


../ رجال امك وينه عنك ؟؟..

..


وعود 23 سنه ..

عيونه حمره من الغضب .. ترك يدي .. وش عرفه فيني و برجال امي ؟؟ .. ركضت للغرفه .. جيت بسكر الباب لكن هو اسرع مني ..

..



×× ××


صلاح 29 سنه ..

دقيت عليها لكن ماردت .. ذبحني الشك لييييه ماترد وش عندها ؟؟ .. رجعت ادق .. جاني صوتها النعسان ..

../ هلا ..
بغبن ../ وينك عن الجــوال ..
دانه ../ نايمه .. بغيت شي ..
سكرت بوجهها قبل لا انفجر عليها .. عارف نفسي ماراح امسك لساني عن سبها .. حطيت راسي على الطاوله .. لين متى بضل اوسوس .. ذبحني الشك .. رفعت راسي ../ رحمتك ياكريم ..

..


دانه 24 سنه ..

صحيت على صوت الجوال .. طار عن النوم .. متعجرف انسان بلا اخلاق .. مايراعي مشاعري همه نــفــسـه ..

رحت للحمام .. الله يكرمكم .. وبعدها دخلت المطبخ اجهز له الغداء ..




×× ××


متعب 29 سنه ..

قربت عندها بعصبيه و غضب .. تكلمت بين اسناني وانا امسك ذراعها لاحظت انها اتالمت على حالها جبانه بس لسانهاااا يبي له قص .. قلت بقهر ../ ترحمي على حالك ..


طاح العكاز .. مسكتها بيدي الثنتين باحكام من اكتافها ..
../ قد الكلام اللي قلتيه ؟!.
ابعدت جسمها عني .. قربت عندها .. التصقت على الجدار .. العرق صب منها .. وجهها حمر من الخوف ..
خوله ترتجف بين يدي ../ لا تحاول تمد يدك ..

..


خوله 25 سنه ..

الشغاله طلعت ومعها الجوري ..

مصطنعه القوه .. و الرجفه افضحتني بين يديه ..
بلعت ريقي ../ متعب لا تتتماد معي ..
ضغط على اكتافي اكثر .. بصمت بالعشر انها راح تنقطع بين يديه من الالم اللي جاني ..
صرخت بالم ../ آآآآآي ..


../ متعب اترك البنت ..



×× ××



لحقتها قبل لا تسكر الباب .. لمت عباتها على جسمها الضعيف تستر نفسها عني .. بصوت مبحوح من البكي ../ حراااام عليك انت ما عندك خواتك .. ارحم ضعفي .. والله انا مخطوبه .. و زواج قريب .. خاف من ربك .. زووج امي حسبي ربي عليه خلاني اروح مع الشايب غصب عني ..


بكل كلمه تقولها سكين حاده تطعن صدري فيها ..
قلت بصوت غاضب ../ ليه ما منعتيه .. ليكون مسكك ؟؟..
خايف من جوابها ..

جاني صوتها الصادق ../ لا والله .. الله يخليك ارحمني و دني لبيتنا ..

لفيت جسمي عنها متفشل منها لو تعرفني من ابوي ../ لا تخافين مني .. امشي بوديك بيتكم ..

طلعت من الشقه ..


..


وعود ..

اخذت من المطبخ سكين ادافع عن نفسي منه .. خايفه يسوي لي شي ..

..


وصلتها بيت جدتها مثل ما تبي .. بدون لا اقول لها شي ولا جاء لساني على لسانها ..

اول ماشفتها دخلت حركت السياره ..

..


×× ××


صلاح ..

جالسه عند طاولة الاكل .. بستها من خدها الاحمر ..
جلست جنبها ../ كيف حالك ؟
دانه وهي مكشره وبدون نفس ../ الحمدلله ..

رفعت كم ثوبي بابداء اكل ../ شكله اقشر هاللي ببطنك ..

رفعت راسها لي .. وضحت لها ../ دايم مكشره و لا لك خلق لناس ..

..


دانه ..

على كيفه وين شفت الناس عشان مايكون لي خلق لهم ..

الا مالي خلق له .. مديت له الملعقه ../ تفضل ..

صلاح ../ مابيها اكل بيدي احسن ..

مد يده لي كلها رز و لبن ..

لاعت كبدي من طريقة اكله .. ياكل بيديه الثنتين يد يقطع فيها الدجاجه ويد ياكل فيها .. خوص النعمه لبن على سلطه على مرق كلها مع الرز بوقت واحد ..

قمت وانا ساده فمي بيدي رحت للمغسله .. استفرغت .. الله يكرمكم ..

بعد ماهديت طلعت له ..

صلاح ناظرني ../ مو قلت لك اقشر ..
لفيت عنه متوجه للمطبخ .. مسكني بيده اليمين .. تلطخت يدي باكله ..
بقهر من حركته ../ صلاااح ابعد ..
صلاح ببرود ../ وين رايحه .. الاكل مايحلى الا معك ..

جلست مغلوب على امري .. وانا امسح يدي بالمنديل ..
رجع ياكل بيده اليمين بدون لا ينظفها .. حاولت اني ما انظره ..

..


قلت و بفمي الاكل ../ ابوك دق عليّ يسال عنك ..

ناظرتني ../ طمئنته عليك وبكره بيجي .. رفعت حاجبي .. بيجي بدون لا احد يعزمه ..
بس يالله عشانك ماشفتيه من مد خليته يجي ..

..


دانه ..
سكت مالي خلق اتجادل معه بالكلام .. ممنوع ابوك يجيك الا بالشهر مره .. و جارات مافيه تتعرفين عليهم ..
و جدتك لحن قلبي عليك و ديتك لها ..

هذا كان كلامه اول زواجنا .. عارضت و زعلت لكن بدون فائده ..


ببرود ../ لا والله كثر الله خيرك يالحنون ..
../ كانه مو عاجبك كلامي !؟..
بقهر مكتوم و استهزاء ../ لا افا عليك كلامك اوامر ..
قام يغسل .. شلت الاكل للمطبخ ..


..


صلاح ..

ما اطيق ابوها انسان شايف نفسه على الفاضي ..
جلست على كنبه منفرده ..

..


دانه ..

جلست بعيد عنه .. تاملته .. طويل عريض .. له سكسوكه .. اسمر عيونه وساع لونها اسود .. شعره قصير لونه اسود .. له غميزات .. مملوح ..

دايم وحيد ماعنده اخوياه لا برى الدوام ولا داخله .. نفسه بخشمه ولا احد يحبه .. متعب مايحبه و لا جدتي لا
يحترم لا كبير و لا صغير ..


مايطلع كثيير من البيت لادوامه ومن الدوام للبيت ..
.. عايشه بسجن ممنوع عليّ كل شي الا اللي هو يبيه ..

..

×× ××



متعب ..

تركتها استجابه لامي همست لها بعصبيه ../ الوعد فوق ..
ماحبيت امي تعرف وش اللي صار بيننا ..

../ اطلعي فوق ..

..


خوله ..


قربت عند خالتي .. دمعت عيوني بحبث .. ضميتها ودموعي تنزل ../ آآآه يا خاله ..
خزنه بتاثر ../ حسبي الله عليك .. تبكي البنت وهي توها عروس ..
مسحت على شعري بحنان .. رفعت راسي لها ../ ضربني يمه وانا ماسويت له شي ...
قلت لها يمه عشان تحن عليّ ..

..


متعب ..

بغضب .. سحبتها جهتي ../ اكسري الشر يابنت الناس وانقلعي لغرفتك ..

الدموع ماليه وجهها .. وشعرها مبهذل ومتناثر حولها ..

..


خوله ..

شفت الشر بعيونه .. خفت اني اموت بين يديه ..
بتمثيل وخوف ../ يمه الحقيني ..
سحبتني خالتي من يديه .. طلعتني من المطبخ ..
تناظرني بشفقه و خوف .. ضمتني لصدرها بخوف ../ عساه ما اوجعك ..

بخبث زاد بكاي .. رفعت راسي لها .. وانا اشوفه جاينا ../ الا يمه ..

..


متعب ..
سحبتها من يدها هزيتها بقوه.. مصختها مره ../ وش ناويه عليه الليله ؟؟..

..


خوله ..

حالف اليوم يقطع يدي .. ضربته من صدره والوجع ذابحني .. نزلت عيوني .. عيونه تخوف حمره وفاتحها بوسعها ..
خالته خزنه ../ اتركها ..

تركني ..

طلعت .. الحمدلله خالته جات بالوقت المناسب والا وش يفكني من غضبه عليّ ..
ماقلت الا اللي قلته الا من حر مافي قلبي .. يقط عليّ كلام مثل السم و يبيني اسكت ..

فتحت باب جناح .. شفت فيه اشناطنا .. دخلته وسكرت الباب ..

..


متعب ..

ضربت الباب لين ارتطم بالجدار ..
طلعت من البيت بكبره .. وش حدها تدافع عن الزفته خوله ..
لحد الحين تكرهني ولا هي معتبرتني ولدها .. ركبت سيارتي قبل لا اتهور و اطلع لها و اذبحها بين يدي ..

..


×× ××


قبل تسعه و عشرين سنه ..
جالسه عند ارجوله ..بترجي وقهر ../ طلقها تكفى مستعده ازوجك شيخة البنات والله اخطبها لك بكره ..
دزها عنه بكره ../ ماتزوجتها عشان اطلقها .. وابشرك هي حامل ..

تلطم خدودها وبنتها جنبها و الرضيعه تبكي و كانها حاسه بامها .. حولها تبكي بقهر وحرقه بصدرها ../ ياشماتت العذال فيك يا خزنه .. آآآآه هذا جزاتي صبرت عليك سنين واخرها تتزوج عليّ خدامه .. هانت عليك العشره ..
طلع تاركها تندب حظها ..

..


بعد تسع شهور ..

توفت امه بعد ما اولادته ..
حط الطفل بين يديها ببرود قال ../ اهتمي فيه واعتبريه ولدك .. رضعيه مع نوره ..

ناظرته بقهر .. حطت الطفل على الارض بقلب قاسي ../ ولد الخدامه ماني مستعده اربيه ..

بعصبه ../ ان مارضعتيه اعتبري نفسك طالق بالثلاث ..
جرحها بكلامه .. يطلقها عشان ولد الخدامه ..
غضبن عليها رضعته خايفه من الطلاق والناس ما ترحم ..


.... ....


بعدها ب سنتين ..

بالمستشفى ..

ابو متعب ../ وصيتي لك متعب حطيه بعيونك .. سند لك يا خزنه و لبناتي هالولد من بعد عيني .. لا اوصيك عليه .. وعلى بناتك اهتمي فيهم ..

خزنه و الدموع بعيونها ../ ان شاءالله ان شاءالله .. هم بعيوني .. الله يطول بعمرك و يخليك لنا ..

بعدها باسبوعين توفى الله يرحمه ..


×× ××



مسكتها من شعرها البني الطويل ..
../ مع مين جايه يا مسودة الوجه .. فضحتينا حسبي الله عليك ..


..



انتهى البارت .. توقعاتكم تهمني .. موعد البارت الخامس يوم الثلاثاء ان شاء الله ..