كيفية ضبط الإعدادات اليدوية في الكاميرات .. كانون ونيكون ..

طيب كيف نضبط الاعدادات في كاميراتنا ؟



كان اختيار الكاميرات
اللي بنشرح عليها في الدرس كنموذج لباقي الكاميرات يعني اللي ماعنده زي الكاميرات
اللي في الدرس بالضبط ، مو معناته انتهت الحياة معناته ان كاميرتك شبيهه بوحده من
اللي باذكرهم ، وفي هالدرس باشرح على 7 كاميرات ، محاولة ان اغطي اكبر عدد وجه يقول
فيه تدليع اكثر من كذا ؟



نبدأ


بكانون CANON
:





الاختيار
كان شبه عشوائي



لكانون طريقتين لضبط الاعدادات : طريقه مختصره
وطريقه غير مختصره


خصوصا في فئة كاميرات الهواه


بنتكلم عن الطريقة المختصره او السريعه :


باتكلم اول شي عن Canon 1000D


اسهل الكاميرا ت الرقمية احادية العدسة
DSLR واصغرها واخفها من كانون
.





ترا اكثر شي تعبني في هالدرس الصور ، لذلك
ركزوا فيها زين وادرسوها واحفظوها بعد




اولا نختار الاعدادات اليدويه من وضعيات التصوير
في قرص وضعيات التصوير ، واللي انا مسميته في الصوره قرص تغيير الاعدادات .


نضبط الخيار على M
ونروح نضبط العدسه بعد على الخيار اليدوي من زر ضبط الفوكس
، MF يعني احنا اللي بنضبط
البعد البؤري والفوكس وكل شي .


نضغط على
Menu مرتين لين تطلع لنا هالشاشه ( مثل ماهو موضح
في الصوره فوق )


بيكون خيار سرعة الغالق (shutter) محدد وبنبدأ به ، بنتحكم به من
القرص اللي امام ( قرص التحكم الرئيسي) نحركه لمن نوصل للسرعة الغالق اللي نبي


ثم نروح نضبط فتحة العدسة نضغط على زر
Av ( التحكم بفتحة العدسة )
واحنا ضاغطين عليه نحرك قرص التحكم الرئيسي لحد مانوصل للفتحة اللي نبي
.


الحساسيه : نضغط على زر ISO ( زر التحكم بالحساسية ) ونغير الحساسيه
، وبما اننا معتمدين الوضع اليدوي او المانوال مانحط الخيار على Auto ( التلقائي )
ابدا .


الوايت بالانس : نضغط على زر (ضبط الوايت بالانس
) WB ونغير




اختيار صيغة الصور Jpeg او RAW




نروح Menu
بعدين Quality وبعدين نختار الصيغة اللي نبي نصور بها .


وبكذا نكون ضبطنا الاعدادات لها الكاميرا
.


وهي اسهل كاميرات كانون على الاطلاق . ( اقصد
احادية العدسة )



_______


CANON
550D






نفس الطريقه ، بس نضغط على زر
Q اللي يعني Quick Control
Screen




نجي للكاميرات الشبه احترافية



CANON
50D:









في هذه الفئه بيكون فيه قرصين للتحكم ، قرص التحكم الرئيسي و قرص التحكم التحكم
السريع بالاضافه الى مفتاح التحكم
المتعدد.


للوصول للتحكم السريع : نضغط مفتاح التحكم
المتعدد لمده كم ثانيه بعدين بتظهر لنا قائمة التحكم في الشاشه ( شبيهه بالشاشه في
1000 و 550 )


نتنقل باستخدام نفس المفتاح ونغير باستخدام قرص
التحكم الرئيسي او قرص التحكم السريع حسب ايش نبي نغير .


ولتغيير الاعدادات بدون الدخول لشاشة التحكم السريع :


بعدما نضبط الوضعية على M نروح نحرك قرص التحكم الرئيسي وبتغير لنا
سرعة الغالق ، وبعدين نروح لمفتاح التشغيل ( تشغيل الكاميرا ON/ OFF ) ونحطه على
خيار التحكم السريع اللي صاير كأنه خط ... اذا تلخبطتوا راجعوا
صورة الكاميرا اللي بعدها 5D


وبعدين نحرك قرص التحكم السريع وبتتغير لنا فتحة العدسة
.


لتغيير الوايت بالانس نضغط على زر الوايت بالانس ونحرك قرص
التحكم الرئيسي .


ولتغيير الحساسية نضغط زر ISO ونحرك قرص التحكم السريع
.




__________



الكاميرات الاحترافية


تتميز هذه الفئه عن باقي الفئات بمميزات كثيره ، منها تحملها
للبيئة المحيطة وظروف الجو وامكانية تعديل الاعدادات التقنيه للصوره وللكاميرا
نفسها حسب هذه الظروف .


فيه تشابه بين هذه الفئه والفئه اللي قبلها في بعض المميزات
.


طبعا كل ما كانت الفئه احترافيه ، كلما زاد
التعقيد في الاعدادات وكلما كثرت الازرار والمفاتيح في الكاميرا ، وكلما طلعنا
السلم كلما راح الشي اللي اسمه قائمة التحكم السريع ، الفايف دي فيها قرص اسمه قرص
التحكم السريع ( وهو نفسه اللي في الفئه الشبه احترافيه ) لكن ما تظهر لنا شاشة
قائمة التحكم السريع .



CANON
5D:



بيكون ضبط الاعدادات غير سريع في الفايف دي ، واذا
بغينا نستخدم قرص التحكم السريع ( اللي يعتبر سريع للكاميرات الاحترافيه وغير سريع
لباقي الفئات ) لازم نضبط مفتاح التشغيل على خيار تشغيل التحكم السريع، ساعتها
بيصير قرص التحكم السريع فعال تماما .


نفس الحكايه اللي ذكرتها في
50D







نضبط قرص الاعدادات على M ونننظر في شاشة العلويه ونحرك قرص التحكم
الرئيسي ، ومن هنا نضبط سرعة الغالق


اذاضبطنا مفتاح التشغيل على خيار التحكم السريع ،
وحركنا قرص التحكم الرئيسي بنتحكم بتغيير سرعة الغالق . واذا حركنا قرص
التحكم السريع بنتحكم بتغيير فتحة العدسة .


اذا ضغطنا على زر Iso
وحركنا قرص التحكم السريع بنغير
الحساسية


اذا ضغطنا على زر AF.WB ( زر ضبط الوايت بالانس) وحركنا قرص التحكم السريع بنغير الوايت بالانس .


ولتغيير نسق الصوره سواء RAW او Jpeg نضغط زر
Menu ونختار Quality ونغير .


هذا باختصار شديد بالغ الشده كيف نضبط اعدادات الفايف دي


واللي عنده 5D Mark II وفيه اختلاف في ضبط
الاعدادات يقول لنا ، ما بعد جربت المارك 2


هذا بالنسبه للكانون .

نجي نتكلم عن نيكون








نبدأ الكلام بـ NIKON D5000
:







نحط الخيار على M
في قرص وضعيات التصوير ونضغط زر ضبط فتحة العدسة ونحرك قرص
التحكم ونغير فتحة العدسة . ونحرك مفتاح التحكم المتعدد ونختار ISO ونغير الحساسية ثم نضغط OK


وننتقل للغالق ونغيره باستخدام قرص التحكم
.


لضبط الوايت بالانس : نضغط قرص معلومات الاعدادات
ونحدد WB ونغير.

وهذا باختصار شديد بعد



NIKON D80
:










نضبط قرص اعدادات الصوره على M نضغط زر ضبط الحساسية ونغير بقرص التحكم الرئيسي لحد مانوصل للحساسيه اللي نبي
.


نحرك قرص التحكم الرئيسي ونغير سرعة
الغالق ، ونحرك قرص التحكم الثانوي لتغيير فتحة العدسة


ولتغيير الوايت بالانس نضغط زر
WB ونحرك قرص التحكم الرئيسي
.




_________



الفئة الاحترافية



NIKON
D700






في نيكون نلاحظ كثرة المفاتيح عنها في كانون
خصوصا في الكاميرات الاحترافية مثل D700 عدد المفاتيح فيها كثير وممكن يصيبك الرعب اول ماتشوفها ، وتحس انك ودك
تكرهها ، بس تجربها فتره بتحس انك ممكن تحبها
.


شخصيا حبيت شكلها الخارجي ،
لكن يوم بدينا نشتغل وكانت هي ( الكاميرا ) وزميلتي توهم جدادعلى بعض بدت المشاكل
بينهم لكن شوي شوي فهموا بعض ، ولمن جربتها انا
كم يوم بديت احبها .


مثل ما قلنا هالكاميرا زيها زي اي كاميرا يبي لك
تاخذ عليها عشان تستوعبها .


طبعا في هالكاميرا مافيه قرص تغيير اعدادات
الصوره زي الكاميرات السابقه، فيه بداله قرص فيه ثلاث ازرار وهالقرص بالازرار اللي
فيه يسوون مليون وظيفة فلو ضغطنا على زر
QUAL بنختار حجم وجودة الصور
اللي نبي نلتقطها ، نضغط الزر ونحرك قرص التحكم الرئيسي بنغير جودة الصور ،
واذا ضغطنا نفس الزر وحركنا قرص التحكم الثانوي بنغير حجم الصور
.


بنسميه هالقرص ضبط الاعدادات عشان ما تتلخبطون
.


اذا ضعطنا زر ISO
وحركنا قرص التحكم الرئيسي بنغير الحساسية
.


ولتغيير الوايت بالانس نضغط زر
WB ونحرك قرص التحكم الرئيسي
وبيتغير الوايت بالانس .


للتحكم الكامل : نضغط زر التحكم بوضعيات الصوره ،
ونحرك مفتاح التحكم الرئيسي حتى يظهر لنا حرف M
في الشاشه العلويه والفيوفايندر ، بعدها نحرك قرص التحكم
الرئيسي وبتتغير سرعة الغالق ، واذا حركنا قرص التحكم الثانوي بتتغير
فتحة العدسة .




وبس هذي هي الطرق الاسهل لضبط
الاعدادات اليدويه ، ومثل ما شفتوا تتغير من كاميرا لكاميرا ، وبرضه مثل ماشفتوا
انها اصعب واعقد شوي في الكاميرات الاحترافية .



بعد ما يجرب الواحد عدة كاميرات
تجربه منصفه ، ساعتها بيعرف وش اللي يناسبه ووش الافضل له هو كمصور ، لان الكاميرا
مجرد آله ، والابداع يكمن في المصور نفسه ، والكاميرا بس تساعده على هالابداع
.


وتتكون الخبره التقنية عند المصور
لمن يجرب عدة كاميرا من عدة فئات وعدة شركات .

وبعد ماتعرفنا على بعض الكاميرات

وعرفنا كيف نضبط الاعدادات ، نجي للسؤال
الحقيقي :




طيب انا عرفت كيف اضبط الاعدادات ، بس وش يعرفني
اي الاعدادات هي اللي تلزمني عشان اصور الصوره الفلانيه
؟


طبعا ضبط الاعدادات يعتمد على الظروف المحيطه
بالصوره ، ( واهمها ) اضاءة المكان اللي باصور فيه ونوع الكاميرا والعدسة
.


وهالشي بتتقنونه بالتجربه والتدريب ، لكن مبدئيا
نضبط سرعة الغالق اولا ، ونغير فتحة العدسه لحد ما نوصل للتعريض اللي نبي ، لكن لو
كنت اصور بعدسة مثل 50مم ساعتها اضبط فتحة العدسه اولا بعدين اغير الغالق
.


ومع الوقت بيصير عندك خبره في اختيار الاعدادات
المطلوبه .



...

المصدر : أصدقاء الضوء