كاتب الموضوع :
اسطورة !
المنتدى :
القصص المكتمله
مدخـــــل :
اللهم لا تدع لنا ذنبا الا غفرته ولا هما الا فرجته ولادينا الا قضيته ...
............................................................ .......................
البارت الاول...
ــأكبر خيآنه حبي اللي نسيته*** وـأكبر خيانه حبكـَ لناسأغراب
جرح لقيته منك لا ما هقيته*** لا وعذاب الجرح لا جاء منالأحباب...
جرحتني واقفيت مع من هويته***وخليت قلبي بين الاضلاعمنصاب
لا وحسافة حبك اللي وفيته***بين الضلوع واغلقت من عقبهالباب...
يا الغالي يا اللي حبكم ما سليته***أربع السنين عنكالبال ما غاب
مــا فيه غيرك في حياتي رجيته***وانا بدربك كودي القاكاسباب...
وش عاد لو تذكر حبيب وفيته***دامك تعيش الجرح والدمعمنساب
لا عاد تذكر ماضي اللي هويته***دامه نسى من صار جرحه لكاسباب...
تقول خانك والغلا له عطيته***دامه قسى ما ابغاك تحسب لهاحساب
دام الوفا غاب وزمانك شكيته***ابيك تصبر في زمن مالهاحباب...
واخر كلامي دربك اللي مشيته***عسى الفرح ياتي على غيرمتعاب
(منقووووول)...
ـ~ـ~ـ~ـ~ـ~~ـ~ـ~ـ~ـ~ـ~ــ~ــ~ـ~ـ~ـ~ــ~ـ~ـ~ـ~ـ
غروب بنت جميله حلوة ما شاء الله عليها تبارك الله فيماخلق وحيدة أهلها من البنات عندها3 أخوان اكبر واحد سعود عمره 32 سنه معرس وعندهولدين توم أسمائهم ( عمر .. وعمير .. وعمارهم 2 ونص)..
وثاني واحد كايد وعمره27سنه خريج جامعة اكس فورد منبريطانيا هندسه طيران...
أخر واحد اسمه سيف عمره 25 سنه آخر كورس له في جامعةالأمارات تخصص علوم سياسية ...
غروب عمرها 22 سنه ثالث سنه في الجامعة وطبعا سبق وصفها ...
وبعدين نتعرف على باقي شخصيات...
في الجامعة وبالتحديد جامعة شباب ...
سيف يالس في الكلاس يتريا المحاضره تخلص ما صدق علىالله انتهى وقت الدوام على طول طلع من الكلاس وتوه بيظهر من بوابة الجامعة زقرهواحد من شباب لف صوبه وقال سيف: هلا والله
.......: بلاك الغالى مستعيل عسى ما شر
سيف: ما شر والله بس بسير ييب أختيه من الجامعة
.... يبتسم: هيه الله يحفظك
سيف رد له الابتسامة:ومن قال عسى ...
طلع سيسف من الجامعة
وصل واحد من ربعهم عند الولد اللي كان واقف عند سيف
تركي: ناصر ليش كنت واقف عند سيف غريبه اول مره اشوفكعنده
ناصر: لا تلومني يا تركي
تركي حط ايده على جتف ربيعه وقال: بلاك
تنهد ناصر وهز راسه بلا ....
تركي: والله ان فيك شي بس انته ما تبا تقول ومصيري بعرف
سكت ناصر وهو يقول في خاطره شو تباني اقول لك يا تركي شو
تركي هز ناصر: ناصر بلاك وين سرحت...
ناصر: ما سرحت ولا شي يلا كلاسنا بيبدأ
تركي: كلاسنا أي كلاس ونحن خلصنا والله يجتلك انته بلاكاليوم مشفر احس ان وراك شي وشي كبير بعد بس شكلك ما تبا تقول بس ما عليه انا وراكوبسحب رمسه منك
طنش ناصر تركي وكلامه وطلع من بوابه الجامعة وركب سيارتهولقى تركي ياي يربع صوبه تركي بطل الباب وقال بعصبيه: والله انك جلب وراك شي ولاتبا تقول عنلاتك يا دب فارني فره ولا تبا تروح بعد عنى
ناصر بضيجه تنهد وقال: ترروك بليز بتيلس لا تيلس تقرقرعلى راسي جنك هندى انا ما اداني صدعه
تركي طالعه بطرف عينه وسكت
تركي : حووو انته وين مروح
ناصر: جامعة البنات
تركي: تباني ادبك انته اولا محد عندك في الجامعة ثانياسيارتك هب مصرحه ثالثا وهو الاخير ساير ليش؟؟؟ رزة فيس مثلا...
ناصر: تركي حول احسن لك حول
تركي: لا هب محول تحسبهم بيتساهلون وياك حبيبي هاي جامعههب مدرسه
ناصر: تركي سكت وشوف وين بسير بالضبط
تركي سكت وقال في خاطره بنشوف النهاية ...
اما في جامعة البنات...
كانت غروب يالسه ويا بنت عمها هند يسولفن ويرمسن
هند: اقول غروب ما بتين بيتنا
غروب انصدمت وقالت: لالا سمحي لي ما قدر
هند: لين متى ما بتين
غروب سكتت وهزت كتوفها بمعنى ما عرف ...
قطع هالجو رنة تلفون غروب شافت الرقم( اغلاهم) يتصل بكـ
ردت غروب: الو
سيف: هلا والله
غروب: اهلين
سيف: غروبي انا وصلت
غروب: خلاص عيل ثوانى وانا يا يتننك
سيف: خلاص يلا اترياج
سكرت غروب عن اخوها وقالت: سمحي لي هند انا بسير البيت
هند: الله يحفظج الغاليه
غروب: انتى حد بييج ولا تبيني اوصلج
قالت هند ببتاسمه: لا فديتج بييني عبد الله الحين
ابتسمت غروب وراحت عنها وصلت عند البوابه شخطت بطاقتهاوتغشت وظهرت من بوابه الجامعة وسارت صوب سيارة سيف وركبت
غروب: السلام عليكم
سيف: هلا والله وعليكم السلام ورحمة الله
غروب:شحالك بوهناد
سيف:بخير الا علوم امتحانج اليوم
غروب: الحمد الله على كل حال حطيت اللى عندي والباقي علىرب الكون
سيف: يلا موفقه
غروب: وياكــ الا اقول سيف
سيف: هممممم
غروب: تدري من شفت اليوم
سيف: من
غروب: هند بنت عمي
سيف: والعافيه الا هند ثرج انتى من شايفه يعنى
غروب: تبا تعزمنى بيتهم
سيف طالعها بنظره وقال: يعنى
غروب: مادري انا اقول ليش ما نصلح الامور بينهم
سيف: نحن ما يخصنا
غروب:بس نحن عيالهم نحن مالنا ذنب بلي يسونه الكبار
سيف وقف عند الاشاير ولف صوب الدريشه وشاف سيارة الولداللى وقفه اليوم يصيحلسيف هرن ومد ايده وابتسم في نفس الوقت سيف
مد ايده ورد له الابتسامه وصيح له هرن ...
غروب بقهر: بخبرك انته متى بتخدر سيارتك فضحتنا جدامربعك
سيف: ما فيني اخدرها خلاص ولا تزعلين ثانى مره بييجبالاستيشن
غروب: مصرحه سيارتك الاستيشن
سيف: لا تسوين فيها نون وما يعلمون ترا حراسكم خرطيوالله ذاك اليوم داخل بيب خالوه هنادي من جامعتكم والله انهم خرطي تعرفين شو يعنيركبت ويايه وسرنا وحطنا وردينا البيت وهم خبر كانا وتقولون مشدده
غروب: والله انها مشدده بس مرات عاد اذا ما انتبهوالسيايير او ما كانوا موجودين..
سيف: خلى عنج الجامعة تولي وسمعي بقول لج اليوم اباجتسيرين ويايه المول
غروب: متى؟؟؟ اي وقت ؟؟؟
سيف: العصر عقب الصلاة
غروب: ما عليه يستوي خير
سيف بنص عين: يعني
غروب: يعني ان شاء الله,,,
سيف: عنى هبلاج ربي بعدي ليت في دنيا منج عشر جان الدنيابخير
غروب ضحكت وقالت: يلا انا بنزل
سيف: وين بتنزلين
غروب: بسير انتحر استحيت من كلامك
سيف: ههههههههههه والله انج شو اقول لا تخليني اسبج احسلج يعنى خلى لساني حلو
ضحكت غروب ووصلوا البيت ونزلوا...
دخلوا داخل وسلمت على امها وابوها...
ويلست عدال حرمه اخوها سعود...
غروب: اقول البتول
البتول: عيونها
غروب: تسلم عيونج الغاليه أقولج سعود مايا من دوام
البتول: يا فديتج وسار بعمر وعمير صوب الدكان
غروب: دووووم هالدكان
البتول: شفتى اخوج
غروب: هههههههههه فديته خليه يستانس بهم
البتول: وهو مخلى المجال انى اقول له شي ترانى من اقولله شي بيسكتنيه وبيقول حرام يهال ذيلا نحن يوم كنا صغار كلنا مادري شو عااد يقصدلي قصص مغامراته وهو صغير
ضحكت غروب على بنت خالتها: هههههههههههههه قصيد عاد
البتول: بعدج ما شفتى شي اخوج حل رقاد اييه إلهام القصيد
غروب ضحكت وسمعت الاذان يأذن وسارت وصلت وتسبحت وتلبستعباتها ويلست خاري ...
اما عند سيف في المسيد عقب ما ظهر شاف الولد ذاك نفسهقال في خاطره شو هالصدفه العجيبه انتبه انه ياي صوبه ابتسم سيف وقال: هلا والله
ناصر: اهلين والله فيك اقول الغالي شكلك ما عرفتني
سيف: لا والله منوه الريال
ناصر: انا ناصر ولد.....
سيف: هيه يا هلا ومرحبا
ناصر: الله يرحبكـ على فضله الغالي
سيف : انته من وين تعرفني
ارتبك ناصر وابتسم في نفس الوقت وقال: تبا الصدق وياك فيالكلاس بس ايلس ورى وانته عدالك ربيعك وما ستوت فرصه انى اتعرف عليك
سيف ابتسم: والله ما انتبهت لك انا ما حب ايلس ورى
ناصر: هههههههه تبا صدق افتكيت نحن يوم نيلس ورى ما نوقفتعليقات
سيف ضحك:ههههههه فرصه سعيده اخ ناصر
ناصر: وانا اسعد
سيف: الا بسالك انته من شعبيتنا
ناصر: لا والله بس كنت خاطف وصليت في مسيدكم
سيف:اها
ناصر: انته مشغول الحينه
سيف: هيه والله شوي بودي الاهل المول شي في خاطرك
ناصر: لا سلامتك بس كنت ابا اقعد وياك
سيف: ماعليه بعطيك رقمي ومتى ما بغيتنني دقلي واعدني فياي مكان
ناصر ابتسم وتبادلوا الارقام...
وكلن راح في طريجه ...
ناصر ركب سيارة ويقول في خاطره آه يا سيف لو تدري ليشابا اتقرب منك أه يا غروب شو سويتي فيني قولي لي ليش انتى بذات من بد كل البناتانتى الوحيده اللى ما قدرت انساج ليش ليــــــــــــــــــش ..؟؟؟
تنهد وهو يقول في خاطره خنتج وادري ان الخيانه صعبهوادري انج مجروحه مني بس كيف بوصل لج كيف كيـــــــــــــــــف ما شي غير حل واحدايب رقم فونج ...بس كيف ومن وين...
في المول سيف ووغروب يتمشون وشالين هياهم عمر وعمير ويرابعون فيالمول غروب: انته شله تيبهم
سيف: شو تبيني اسوي سعود حاجز فندق حقه وحق حرمته ودبسنيفي عياله شو تبيني اقوله ماروم لعيالك بعد فضحه
غروب: لا اله الا الله ايبون عيال ونحن نبتلش شوف عمروين واقف بيطيح من دري سيف سير ييبه
سيف تنهد وتافف في نفس الوقت وقال: يا هذي بلشه صبريانتى ترييني
نهاية البارت....
|
14-09-12, 10:18 PM
وش عذرك يوم تخون وش ذنبي يوم صدقتك ، للكاتبة : غايتي رضا ربي
جديد مواضيع قسم القصص المكتمله
العرض العادي
