المنتدى :
الارشيف
حمام النقع بالاعشــاب
بسم الله الرحمن الرحيم
السلام عليكم اخواتي العزيزات في المنتدى الرائع ... ارحب فيكم جميعاا
حمام النقع بالاعشاب ... طبعا الكل يعرف اهميه وفائده الاعشاب للجسم فما بالكم لو خلينا من هالاعشاب حمام لنا ....
عموما ندخل في الموضوع على طول علشان ماطول عليكم ...
:::طبعا بعد مانخلص من هالحمام بنلاحظ :::
1-خروج السموم والدهون من تحت الجلد
2-صفاء وليونه ونعومه ولمعان الجلد
3-حيويه الجلد بالاضافه الى النشاط بعد هذا الحمام
4-التخلص من الارهاق والتشنجات في الجسم
5-الراحه النفسيه
...... ((يابنات انا اقول لكم عن تجربه شخصيه )) .......
ملاحظه هالحمام من اختراعي وكل وحده تقدر تحط خلطتها الخاصه واعشابها المحببه لها طبعا الاعشاب العطريه نقدر نقول انها هي الافضل خاصه للجسم المرهق ... انشا ءالله تعجبكم وتستفيدون منها يارب .....
:::::::كل مانحتاج اليه هو :::::::::.....
1- كوب من الكركديه الجاف واذا لم يوجد نضع بابونج
2- ثلاثه ارباع الكوب من المراميه الجافه
3-ملعقه كبيره من الحلبه
4- ملعقه كبيره كمون حب
5-نعناع فرش حوالي ربع رزمه ((حسب الرغبه))
6- كوبين كبار من الملح الخشن او البلوري ((واذا لم يتواجد نكتفي بالملح العادي))
7- ملعقه كبيره من الملح
8-خل تفاح + اسفنجه
9-كوب سكر
10-نص كوب زيت ذره (مفضل) او اي زيت تحبينه
11-كوبين ونص ماء
------------------------------------------------------------------
::: الطريقه :::
*اول شي ناخذ كوبين الماء ونضعهم على النار
*بعدين نضيف الكركدية ونخليه يغلي لمده 4 دقايق ونضيف ملعقه الملح
*ونضيف المراميه ونخليها بعد 4 دقائق
*عقب نضيف الكمون والحلبه والنعناع
*ونخلي الاعشاب تغلي لمده ربع ساعه
*نطفي النار عنها ونخليها تبرد لمده نص ساعه او ساعه علشان يكون التركيز قوي
*الحين نروح للحمام ونفتح الماء حرارته يجب ان تكون اكثر من الدافي بشوي
*نملي البانيوم لين يوصل الربع ونضيف كوبين الملح للبانيوم
*بعدين ناخذ منقوع الاعشاب ونضيفه للبانيوم ((بتلاحظون ان اللون صار اسود لا تخافون لانه بيرجع بيصير اخضر فاتح وجميل ...
*الان بالنسبه لي افضل اني انزل الاعشاب في البانيوم ايضا يعني ماصفيه ... وبامكانكم تصفون الاعشاب عن طريق جورب وتخلون الجورب على فوقهه الحنفيه مالت البانيوم علشان يمر منها الماء طبعا انا فضلت ان الاعشاب تكون موجوده علشان افرك فيها جسمي ...
*بعد ذلك تقومين بوضع السكر مع الزيت في مكان قريب منكي في الحمام ...
*تجلسين ربع ساعه في منقوع الاعشاب .... وافتحي الحنفيه وخلي الماء يملاء البانيوم واسترخي
*بعد ذلك قومي بوضع الخل على الاسفنجه ومرريها على جسمك وعلى التشققات ان وجدت او الالوان اللي مهب متناسقه ...
*بعد ذلك تقومين بوضع السكر والزيت المخلوط على جسمك مع الفرك بشكل دائري
*الان تجلسين مره اخرى في البانيوم لمده ربع ساعه اخرى مع عمل مساج للجسم كامل
*بامكانك وضع زيت على شعرك وكاب علشان تستفيدين من البخار الموجود ....
*بعد ذلك تاخذين دش فاتر وبعده بارد على الجسم كامل علشان المسام اتصكر ....
*لا تستخدمون صابون بعد هالحمام لانه ماله داعي نهائيا ... بامكانكم استخدام الصابون اليوم الثاني ...
تحياتي لكم وانشا ءاللله يعجبكم هالحمام .....
eminemlady
|
01-09-06, 01:08 PM
جديد مواضيع قسم الارشيف
العرض العادي
