المنتدى :
الشعر والشعراء
قل لليالي والمعاني والاثار
تصادفت ذكـرى رحيلـك والاقـدار
قِدم المكان اللـي خَبَـر بـه عتابـك
جيته .. وبحت .. ولابقت عندي أسرار
قلت السؤال .. ولا وحيته جوابك ..!
وصلك شبيه الغيـم ينـدى بالامطـار
وأنـا تعنيّـت الضمـا فـي غيابـك
ياللي تخاويتك غلا : ويش الاخبـار.؟
ماجابني لك غيـر شـوق لجنابـك ..!
هذا أنت غايب والولـه يشعـل النّـار
تحطب ضلوعي من خفوق ٍ شقى بـك
ماتدري ان الوجـد رحلـه ومشـوار
ماله نهايـه فـي عشيـر ٍ سـرى بـك
قـل لليالـي .. والمعانـي .. والآثـار
وشهو صباحي كان ماهو صحى بك ..؟
عقبك عنتني شمس .. حيـن الزمـن دار
لا ياظلالـي كيـف وقتـك غدابـك
معناك فيـض ٍ فـي حنايـاي مـدرار
محد ٍ لـك الله واصـل ٍ حـدّ بابـك
شوفَتْك .. تغني عن كثيـرات الاعـذار
وبَسْمَتْك .. تنهيه العنـا فـي مصابـك
لومنت غالـي .. مانثرتـك بالاشعـار
هو فيه قاف ٍ مانحسب من حسابـك ..؟
بينـي وبينـك لاتوعّيـت تـذكـار
عهد ٍ حفظ نبض الولـع فـي كتابـك
تبقى ولـك روض ٍ تغنّـى بالازهـار
مِـنْه العبير اللي حـواك وزهـى بـك
أرو العروق .. وشع بي ضوح الانـوار
يسقاه يـوم ٍ صافـي الشـوق جابـك
للشاعر..خالد ماطر..
|
22-04-12, 10:06 AM
جديد مواضيع قسم الشعر والشعراء
العرض العادي
