رواية معشوقي كلي معاك معاك حتى للهلاك ..

فـ سيارة أم خالد ووسن بعد مانزلوا وتين وصلوا لـ بيتهم ونزلوا

ام خالد تدخل البيت إهي ووسن ويفصخون عباياتهم ودخلوا على طوول لـ الصاله إللي قبالهم لما يدخلون من الباب إللي يطلع على الحوش.. بيتهم الدور الأول عبارهـ عن 4 صالات 3 مفتوحه على بعض { صاله ع اليمين وصاله ع الشمال والصاله الثالثه المصغرهـ مكانها قريب من الصاله إللي على الشمال بحيث إنها تصير جلسة كراسي فخمه مختصرهـ ع 6 كراسي وطاوله بجنب الدرج والدرج بـ النص وجهة اليمين يصير غرفة طعام وبجنبها جناح كبير فيه غرفة جلوس كبيرهـ وغرفتين نوم ودروة مياه كامله ,, والدرج من جهة الشمال تصير في الصاله الثالثه ومن ورا الصاله الثالثه المصغرهـ جناح لـ أمه وابوهـ 'عايشين ولهم ادوار بـ الروايه'غرفة جلوس كبيرهـ وغرفة نوم وغرفة تبديل ودورة مياهـ ,, وبعدهـ بمسافه بعيدهـ شوي يصير المطبخ وبين المطبخ وقسم الرجال ممر طويل شوي بعدين غرفة طعام لـ رجاجيل العائله ,, وبعدين مقلط كبير وبعدين ممر وبعدهـ مجلس الرجال الكبيــر حيــل وطوويل مرهـ فووق .. الصاله الرابعه تصير صاله عائليه يعني يجتمعون فيها العائله ومكانها بـ أخر البيت يصير لها باب على المقلط وباب على الحوش }

أم خالد وإهي فرحانه : إنت جيييييييييييييييييت ..؟؟ أهليــــــــن وتروح تسلم عليه
أبو خالد واهو يتبسم : إيه جيت هلا فيك ويبوسها على جبينها .. شخبارك ؟؟
جوهرهـ : بخير بشوفتك .. إنت شخبارك ؟؟
أبو خالد واهو باقي ماسك إيد جوهرهـ : بشوفتكم بـ أفضل حال ..
حاتم يكلم وسام : سكر عيونك .. مالك حق تناظرهم
وسام يستهبل : شدخلك ..! أمي وأبوي واشوفهم مثل ما آبي .. بدرس منهم عشان بعدين أطبق ويغمز لـ حاتم
حاتم : إذا الدعوى فيها دروس خذ ليما تشبع عاد إنت ربي ماحطك إلا بين سُلطان وجوهرهـ أبو الرومانسيه كلهم ..
وسام : هذا إللي عاجبني .. أحمد ربي ليل نهار
حاتم : ههههههههههههــآآي .. ياخذ بليسك تفكيرك ما أدري شيبي !!
وسن : شوفوا .. كرتي محترق بـ النسبه لهم إذا شاففوا بعض
حاتم واهو يغمزلها : لا تلومينهم شهر ماشافوا بعض .. وأكيد بيحترق كرتك
وسن وإيدها على خصرها : لا ياشيخ !!
وسام بـ جراءهـ : صادق ما أدري كيف صبروا ؟!!
وسن : ياسامج من جد تفكيرك ما ادري شيبي !! { تكلم وسام }
حاتم : ما أقول إلا الله يعين زوجتك عليك ويغمز له
وسام فاهم قصدهـ : هههههههههههههههههـآآي .. إلا بتموت وناسه ويغمز لـ حاتم
حاتم : هههههههههههههههههههههههههههههههههههــآي
وسن : سامجين .. تفكيركم غلط
وسام : لا غلط ولا شيء وبكرهـ تجربين ~_^
وسن وجهها صار أحمر من نغزت وسام
حاتم : ههههههههههههههههـآآي .. أتركها لا تخربها بـ تفكيرك .. ويلف يناظر وسن ماعليك منه هذا إذا بقى صاحي إلى بعد 2 يفصل ولا يدري شيقول
وسن تناظر فيه وتصرف السالفه : وين خلودي ؟؟
حاتم : جا له تليفون وطلع يكلم
وسن : أـها
وسن تلف تكلم أبوها وإهي حاطه إيدها ع خصرها : ياسلام ما أحد بيسلم علي !!
أبو خالد : أـفأ والله منهو إللي مايبي يسلم على وسن .. تعالي ياروح أبوك
وسن وإهي تبوس راس أبوها وتحظنه : أشتقت لك
أبو خالد واهو حاظن وسن : وأـنا مشتاق لكم أكثر
وسام : لا حظي ششقال .. !!
وسن : شـ قال ؟؟
وسام : قال .. مشتاق لكم أكثر .. يعني المغزى من كلامه جوهرهـ مو إحنا
حاتم خلاص مو قادر يمسك نفسه : هههههههههههههههههههههههههههههههههههههههـآآي .. أتركهم .. شعليك
وسن : عادي زوجته أكيد بـ يشتاق لها
وسام يناظر حاتم : وتقولي من شوي لا تخربها وإهي فاهمه الدنيا وخربانه
حاتم : هههههههههههههههههههههههههههههههههــآآي .. يرحم والدينك بلا إحراجات زيادهـ .. شوف وجهها كيف صار
أبو خالد : ماعليكم منها تفهم مثل ماتبي .. هذي روح أبوها
أم خالد : متى وصلت ؟
أبو خالد يناظرها ويتبسم : من ساعتين
أم خالد مصدومه وفاتحه عيونها ع الآخر : من ساعتين ولا عطيتني خبر وأـنا جالسه بـ الزواج وإنت هنا !! { فديت السنع ياناس .. ^_^ }
أبو خالد : ما آبي أزعجك .. أهم شيء توسعين صدرك
أم خالد : سعة صدري معاك
خالد لسا داخل عليهم : إحمم إحمم ,, ترا كل إللي حولكم مو متزوجين
أبو خالد يضحك : أحد ماسكم لا تتزوجون وتعيشون حياتكم
خالد : لا ما أحد مسكنا
حاتم : أجل راعوا شعورنا شوي وأتركوا كلامكم بـ غرفتكم ..
وسام يستهبل : لا غرفتهم خربانه .. ومالهم إلا يجلسون هنا
أبو خالد : هههههههههههههههههههههههههههههه .. ودك فـ هـ الشيء
وسام يضحك : ما نقول لا
خالد : خير يـ الأخو أستح على وجهك
وسام : أـنا مو بنت عشان أستحي
أم خالد : بـ الله عليك شوف وجه أختك كيف صار من كلامك
وسام : ههههههههههههههههههههههههههههههههههههــآآي .. وربي إنك نُكته
وسن وجهها الوان : إنت سخيف
وسام : سخيف عشاني أتكلم كذا .. يرفع إيدينه يدعي { يارب ترزق وسن بزوج مافي وجهه حيا أبد وتعرف معنى الزواج معاهـ من جد 'يارب عاجلاً غير أجل' }
وسن خجلت من كلام أخوها وخافت من دعوته : إسم الله علي .. وتمشي ترقى الدرج طالعه لـ غرفتها .. خلاص مالها وجه
أبو خالد وام خالد والأولاد جلسوا يضحكون من إللي صار
أم خالد : تعشيت ؟؟
أبو خالد : الحمدلله كليت بـ الطيارهـ
أم خالد : هذا مايكفيني روح للغرفه بجيب لك شيء خفيف وراحت للمطبخ وابو خالد يناظرها ليما دخلت المطبخ .. لف للأولاد : يلا ياشباب ناموا تأخر الوقت ..
خالد وحاتم واهم يوقفون مع أبوهم : إن شاء الله .. تصبح على خير .. وكل واحد راح لـ غرفته ..

نتكلم عن أبو خالد { سُلطان رجل بمعنى الكلمه الكل يعمل له ألف حساب الكبير والصغير إذا قال كلمه ما يكررها شخصيته قويه قويه .. ماسك تربية أولاد العائله كلهم ومشيهم على طريق الرجوله وعلى الطريق الصح ماعندهـ تلاعب ولف ودوران 'كل هـ الشخصيه تتلاشئ إذا شاف جوهرهـ' بـ تستغربون فـ واحد بهـ العمر يتكلم كذا ويعامل زوجته كذا .. بقولكم إيوا في وأـنا شايفه هـ الشيء ومعايشته " أم خالد جوهرهـ مديرة مدرسة ثانوي شخصيتها مرا طيبه وكلامها على طووول معسول إللي يشوف علاقتها بـ أولادها وبنتها يقول أصدقاء مو أولاد وأمهم .. صحيح أبوها مسؤول كبير بـ الدوله وإسم زوجها كبير لكن مع هذا ماشافت حالها ولا فكرت فـ هـ الشيء نهائياً " }

فـ بيت أبو راكـان إللي بـ الدمـام ..

جالس راكان مع زياد أخوهـ والفكر مو معاهـ .. يفكر بـ المصيبه إللي سمعها { إذا كان صحيح الكلام خلاص بينهدم كل شيء عشقه وسن .. اهو كان فعلاً ناوي يخطبها لكن ينتظر ليما تنتهي من الدراسه ,, كيف عمه يوافق تنخطب قبل ماتنتهي من الدراسه لسا باقي لها سنه منهو هذا إللي صارت من نصيبه .. وكيف تنخطب ويوافقون من غير مايوصل لهم الخبر .. يعرف عمه مستحيل يرضى إنها ترتبط في أحد وإهي باقي تدرس .. فيه شيء مو مفهوم ! }
زياد حاس أخوهـ في شيء : راكـان ..!!
راكـان مو معاهـ
زيـاد يكلم نفسه { أـفأ شكل السالفه كبيرهـ } : راكـــان !!
راكـان أنتبه له : هلا
زياد يتبسم : شـ إللي مشغل تفكيرك ؟؟
راكـان : ـــــــــ
زياد : أـفـا وأـنا أخوك .. قولي شفيك ؟
راكـان : حتى وإذا قلت لك مانقدر نسوي شيء
زياد : قولي ونشوف ساعتها
راكـان يرفع راسه فوق وياخذ نفس : وسن بنت عمي مخطوبه
زياد انصدم حبيبة أخوهـ إللي على طوول يهوجس فيها ومتحدي أهله فيها أنخطبت قال واهو باقي مصدوم : بـ الله عليك ..{ كمل بهدوء } متى صار هـ الكلام ؟؟
راكـان بكل آلم : أـنا شقول أجل .. ما أدري متى صار !!
زياد : طيب وافقت ..؟؟ إللي أعرفه إنها دائماً تنخطب وترفض ما أدري عمي هو إللي يرفض !!
ركـان : خالتي سمعت أمها تقول لـ وحدهـ من الحريم إللي سألت عنها إنها مخطوبه
زياد كأنه حس بـ أمل : لحظه لحظه ..!!
لف راكـان له على طوول : شفيه ؟؟
زياد : خالتي من ؟؟
راكـان : خالتي منيرهـ !!
زياد : وصلنا خير .. يمكن مسويتها على كيفها عشان تصرف نظر عنها وإلا إحنا ماسمعنا إنها إنخطبت
راكـان مايبي يتأمل بعدين ينصدم : وإذا كانت مخطوبه ؟
زياد : أـفـا عليك .. مالك إلا إللي يجيب لك الخبر الأكيد ..
راكان متحمس : تُكفى .. كيف ؟؟!!
زياد : بتصل فـ حاتم وبسولف معاهـ بعدين بسأله من غير مايحس بـ شيء
راكـان واهو متحمس : والله لو جبت لي الخبر إللي آبيه .. لك إللي تطلبه
زياد : أـفـا عليك .. إحنا أخوان إللي أطلبه راحت بالك
راكـان مايدري شيقول ..لكن الآكيد مايرتاح لـ أحد كثر أخوهـ زياد ويحاول قد مايقدر تكون علاقته فيه عكس علاقة أبوهـ بـ عمانه 'إللي مو عاجبتهم كلش' : الله يخليك لي ..
زياد واهو يتبسم : ويخليك .. وإن شاء الله كلام خالتي يصيرمامنه صدق
راكان : إن شاء الله . . متى بتكلمه ؟؟
زياد : ياخي أهجد شوي ,, الناس نايمين بكرهـ إن شاء الله أتصل فيه
راكـان : وشو أهجد ...! لو إنك مجرب إللي أـنا مجربه كان ماقلت هـ الكلام
زياد يتبسم : إن شاء الله أجربه وبعد عرسك إن شاء الله ووقتها ياويلك لو ماساعدتني
راكان : ههههههههههههههههههــآآي .. محدد الرجال بعد متى بيجرب .. يـ الأخو إذا طحت ماتكون محدد وقتها كل شيء يجي فجأهـ .. سبحان الله ..
زياد : ياليل .. اـنا ما أخترت الوقت إلا واـنا عارف من آبي .. وكل شيء بوقته حلوو ~_^
راكان : منهي ..؟؟ أكيد من بنات خالتي ..
زياد : أعوذ بـ الله مالقيت إلا خالتي أتزوج من بناتها عشان أنهبل ..
راكـان : طيب .. قل منهي ؟
زياد : وحدهـ من بنات عماتي
راكـان هنا أنفجر ضحك : هههههههههههههههههههههههههههههههههههههههههههههههههه هــآآي
زياد رافع حاجب : قلت شيء يضحك ؟؟
راكان : سلامتك . . أتخيل شكل خالتي إذا عرفت .. أـنا بنت عمي وإنت بنت عمتي وكل التخطيط إللي خططته بيروح بـ الهوأ .. والله أحسها بطين عيشتنا ..
زياد : ههههههههههههههههههههههههههههههههههــآآي .. ياخي شنسوي الزواج بـ الغصب .. كل واحد حُر بـ إختيارهـ .. تطين مثل ماتبي إذا قدرت ..
راكـان : الله يعين بس ..
زياد : آمين ..

صباح يوم الخميس الساعه 9 فـ بيت أبو سعود
كانوا كلهم مجتمعين على طاولة الطعام إلا وتين باقي مانزلت ..
ياسر : الداجه وين ؟؟
أمل وإهي تضحك : كـ العادهـ إلا تصبح على وسن بعدين تنزل
حمد : والله يـ الروقان ,, من صباح ربي وأول ما أصحى أكلم بـ الجوال
أم سعود : إسم الله عليهم كأنهم خوات ,, وشفيها إذا كلمتها أول ماتصحى ؟
سعود : عاد أول ماتصحى .. وربي ما أسويها لـو شنو يصير
ياسر : ليتها بعد ماتاخذ شاور تكلم لا وإهي ع السرير ولسا مفتحه عيونها تفتح وحدهـ وتقفل الثانيه وتاخذ الجوال وتضغط ع رقمها وتصبح عليها وتقفل وبعدها عاد تصحصح تاخذ شاور بعدين ترجع تتصل فيها وتكمل السوالف وبروقان بعد ومتى ماشبعت تذكرت إن عند أهل ونزلت لهم ..
حمد : ههههههههههههههههههههههههههه .. من جد واصفها وصف دقيق ..
أمل تستهبل : دقيق وإلا طحين
سعود : أكشخ .. يقال إنها تعرف الدقيق ومشتقاته !!
حمد واهو يغمز : يقال إنها بتعرس .. فاهمه إسم الله عليها
أمل وجهها أحمر من كلامهم
ياسر : ههههههههههههههههههههههههههههههآآي ,, ناقصنا الهبلا تجي تكمل الناقص
وتنزل وتين من الدرج بـ أسرع ماعندها ..
حمد : أقص إيدي إذا ماجتك تتهبد كذا إلا وعندها خبر
سعود : بـ الله عليكم أتركوها لي .. بـ أحطمها
ياسر : هاهاها . . ضحكتني .. قال يحطمها قال .. زين إذا أهتمت ..
وتين وإهي جايه لهم : صباح الخير ع الحلوين وتبوس أبوها وأمها وأخوانها وأمل
كلهم صباح النوووووووووووووور
وتين بحماس : دريتوا ؟!!!
سعود يقاطعها : وينك من صباح ربي وإحنا نفطر .. ليش مانزلتي ؟؟
وتين : خذيت شاور واتصلت فـ وسونتي ودردشنا شوي ولما أنتهيت جيت
سعود : ما شاء الله .. أخاف وسونتك مخلفتك وناسيتك ولسا تتذكر إنو لها بنت
وتين تخزهـ : أبد .. بس إنها بنت خالي ومثل أختي .. وأتوقع مافيها شيء لا عيب ولا حرام
سعود : لا أحسن قومي أكفخيني بـ الكرسي
وتين تقوم تشيل الكرسي معاها وكلهم مصدومين من إللي يشوفونه وتمشي وتجي قبال سعود وترفع الكرسي واهو يناظرها بكل برود وباست راسه : محشوم يـ أخوي العزيز
وقف وناظرها وقال : ثاني مرهـ تذكري إني أكبر منك بـ 12 سنه وطلع من عندهم
حمد معصب : شسويتي ؟؟
وتين : وربي ماطقيته ..
حمد : ياربي هذي إللي بترفع ضغطي .. صح ماطقيتيه لكن يكفي رفعتي الكرسي عليه
ياسر : هذا سعود ياوتين سعود أخوك الكبير مو وحدهـ من صاحباتك
وتين : لا تشيلون هم .. أـنا أعرف كيف أراضيه
حمد تنرفز : لا ,, بـ الله عليك . .!! لا يكون شايفته بزر يرضى بحلاوه
وتين : ياربي خلاص بتأسف منه
ياسر : مو أسف بس .. لازم تعرفين إن تصرفك غلط وتعرفين تفرقين بين صاحباتك وأخوانك ..
حمد قام من ع الفطور ..
أم سعود وأبو سعود وأمل ساكتين اتركوا اخوانها يتفاهمون معاها ببطريقتهم ..
وتين : يُمه خالي سُلطان وصل أمس بـ الليل
أم سعود متضايقه : الحمدلله إنه وصل بـ السلامه
قام أبو سعود وقامت وراهـ أم سعود وقام ياسر ..
وتين : شفيهم هذيل ؟؟
أمل : أبد سلامتك .. بس يستهبلون معاك
وتين : لا من جد !!
أمل : ياخذ بليسك .. ماحسيتي حتى مجرد إحساس إنك غلطتي على سعود !!
وتين : طيب .. أـنا قلت بتأسف له
أمل : إذا رضى تعالي بشريني
وتين : أوكي أنتظريني وجلست تفطر ولا أهتمت بـ إللي صار صح إهي عارفه إنها غلطت لكن مايكبرون الموضوع كذا ..

عند سعود وحمد وياسر ..
حمد : لا تاخذ ع خاطرك منها بعدها صغيرهـ
سعود : مستحيل أزعل عليها .. أـنا آبيها تفرق بين علاقاتها إللي برا وعلاقتها مع أخوانها هذا إللي آبيه تفهمه
ياسر : ماعليك بعد إللي جا لها أكيد إنها بتفرق
سعود : لايكون زعلتوها بـ شيء !!
حمد : من صدقك إنت .. مازعلناها بس عطيناها كم كلمه وطلعنا
ياسر : حتى أمي وأبوي وأمل ما أعجبهم تصرفها وطنشوها .. حتى جايبه لهم خبر وصول خالي سُلطان أمس ولا ناقشوها بـ جيته
حمد : الحكومه وصلت !!
ياسر : إلا قصدك هئية الأمر بـ المعروف والنهي عن المنكر
سعود : هههههههههههههههههههههه .. حرام عليكم .. مو للدرجه هذي عاد
حمد : الله يحفظه لنا إذا دخل أي مكان يعم المكان الهدوء من قو شخصيته بس
ياسر : ترا مع هذا قلبه طيب
حمد : هو صحيح قلبه طيب .. لكن عليه شخصيه تخوف الكبار حتى
سعود : الجمعه اليوم عندهم صح ؟؟
حمد : إيه
سعود : طيب تروحون معاي نسلم عليه .. هذا فضله علينا كلنا .. منو إللي وصلنا للي إحنا في كل واحد يعمل لنا ألف حساب والحمدلله وفوق هذا هو إللي ربانا واحسن تربيتنا
ياسر : الله يخليه لنا .. أـنا بروح
حمد : آمين .. واـنا بعد
سعود : أجل ع الساعه 11 نروح نسلم عليه عشان أمداهم صحوا وفطروا
ياسر : الناس مفطرين من صباح الله ومصحصحين
سعود : حتى وإذا روحتنا بتكون الساعه 11 وبشوف الوالد إذا بيروح معانا وإلا لا ..

'وليد وبعدين ترا وربي أزعل'
وليد : لا خلاص لا تزعلين
وسن : حبيبي أـنا ما ازعل ع وليدي حبيبي
وليد : وين نونتك ؟
وسن : حبيبي أـنا ماعندي نونو .. النونو يصير عند ماما وعند عمه عنود وعمه غيوض وعمه موضي وعمه الماسه وعمه لولوهـ
وليد : ليش إنتي ماعندك نونو ؟؟
وسن ماتعرف كيف تفهمه : حبيبي مايصير
وليد : إنتي تقولين ماما عندها نونو ليش إنتي ماعندك نونو ؟؟
وسن أبتلشت كيف يفهم : حبيبي روح عند ماما قول آبي نونو
راح وليد يركض لـ أمه
وليد يكلم أمه وأبوهـ موجود وخالد وحاتم ووسام : ماما !!
جوهرهـ : عيون ماما
وليد ببرأهـ : آبي نونو
جوهرهـ : حبيبي وليد من فين أجيب نونو { إهي ماتقصد إللي فهمه وليد }
وليد وهو يحط إيدهـ ع بطن أمه : من هنا
هنا عاد فقع ضحك وسام : ههههههههههههههههههههههههههههههههههههههههههههههـآآي
حاتم : ياخي إنت ماتجي إلا بمواقف مرهـ خطيرهـ
وسام ببرأهـ : حظي عاد شـ أسوي !!
خالد : إلا أبو التفكير المنحرف
وسام : وليد من قال لك عن النونو
وليد : أـنا أقول لـ وسن آبي نونو قالت روح ماما عندها نونو
وسام : هههههههههههههههههههههههههههههههـآآي .. كملت من جد
تنزل وسن وتجلس عندهم : شعندهم توأمي مبسوط ؟
وسام : أبد ياقلبي بس عشان النونو إللي يبيه وليد أضحك
وسن لونت خدودها : طيب شفيها وليد ويبي نونو !!
وليد يجي عند وسن : وسن !!
وسن : هلا حبيبي
وليد : ماما ماتجيب نونو
وسن أبتلشت : طيب .. شتبي بنوته وإلا ولد ؟
وليد : آبي بنوته حلوهـ صغنونه ويأشر بـ إيدهـ
وسن : طيب .. شنسميها ؟؟
وليد : نسميها نسميها { يفكرالولد } وسن
أبو خالد : هههههههههههههههههههههههههههههههههههههه ..
طيب ليش ماتسميها جوهرهـ ع إسم ماما
وليد يأشر بـ أصابعه : نجيب 2 وحدهـ جوهرهـ ويأشر ع أصبعه الثاني والثانيه وسن
خالد : ياحلوك .. من محبتك لهم بتجيب نونتين وتسميهم جوهرهـ ووسن !!
وليد : وسن بتجيب لي النونتين ويحط إيدهـ ع بطن وسن ويقول : هنا النونو أسمعها تبكي أكيد جوعانه { ياحياتي ع برأة الأطفال }
وسن خلاص وجهها الوان
وسـام : ههههههههههههههههههههههههههههـآآي ,, روحي وكلي نونتك جوعانه تصارخ
حاتم : حبيبي وليد وسن صغيرهـ ماتجيب نونو .. إللي يجيب نونو نفس ماما ذا الحين
وليد : ماما تجيبين نونو ؟
جوهرهـ : شـ الباب إللي فتحته له ذا الحين ..!! شلون أرد عليه
أبو خالد : ههههههههههههههههههههـآآي .. ولدك وفهميه
جوهرهـ : حبيبي وليد إنت نونتي خلاص أـنا ما آبي بعدك أحد
وليد : أـنا آبي
حاتم يبي ينهي الموضوع : ولودي حبيبي تروح معاي ؟
جوهرهـ :: وين ؟
حاتم : بـ أتمشى في وبرجع ما راح نطول .. بس عشان ينسى السالفه
خالد : يجيب الله مطر إذا نسى السالفه
حاتم : إن شاء الله ينسى السالفه ولا تخطر فـ باله ,, يلا ولودي
وليد : وين نروح ؟؟
حاتم : نروح ع السيارهـ ونتمشى ونرجع
وليد : يلا نروح ,, ومسك إيد حاتم وطلعوا من البيت بيتمشون

ياهو مافي ولا احد رد
75 واحد شاهد الموضوع ولا احد رد
اذا مو حلوه تكلمو نكلم المشرفين يحذفوها
صراحه منتدى نايم مع التحيه

الـجزء >> 2 <<


عند راكـان وزيـاد بعد ساعه بيتحركون للرياض ..


راكـان : زياد عاد بلا لعانه !!
زيـاد : شسوي ..! أتصل من صباح الله على حاتم تُكفى عاد ,, ترا إذا ناسي نفس شخصية عمي ..
راكـان : اجل متى بتكلمه ؟؟
زيـاد بيرفع ضغطه شوي : إذا وصلنا الرياض إن شاء الله وخذيت شاور وارتحت شوي أتصلت في
راكان فاتح عيونه ع الآخر
زيـاد : هههههههههههههههههههههههههههههـآآي ,, ياخي شفيك ؟
راكـان : قل إنك تستهبل !
زيـاد : يارجُل لا يجي لك ضغط وسكر من التفكير عاد ساعتها ويلي من بنت سُلطان والله لـ تسود عيشتي طول عمري ..
راكـان يتبسم : فديت سيرتها .. إن شاء الله من نصيبي
زياد يستهبل : إن شاء الله جنون هـ السنين مايروح كذا
راكـان : ماعندي مانع أصير مجنون عشانها
زياد : اللهم حولينا ولا علينا
راكـان : ههههههههههههههههههههههههه
زياد : شوف برحم حالتك وبـ أتصل فيه وإذا رد أوكي وإذا ما رد معناته نايم وساعتها أتصل فيه إذا رجعنا للرياض
راكـان : أوكي
زياد واهو يتصل في حاتم مامداهـ يدق قال : شفت مايرد
راكان : زياد بلا أستهبال ما مداهـ يدق ..!
زياد : هذا هو يدق


عند حاتم ووليد بـ السيارهـ يتمشون ع الكورنيش ويستهبلون ويضحكون
إلا هذا موبايل حاتم يدق ناظرهـ شاف زياد يتصل بك


حاتم : هلا والله بـ ولد العم إللي ماينشاف إلا بـ المناسبات
زيـاد : هلا فيك ,, عاد شنسوي ! أنت أدري بـ الحال ولا تنكر أتوقع بيننا إتصالات
حاتم : ههههههههههههههههههه .. ما أنكرت .. شخبارك..؟؟!!
زيـاد : بخير الله يسلمك .. إنت كيف حالك ؟؟
حاتم :: أـنا حالي يسرك .. كيفه عمي وراكان والأهل جميعاً ؟؟!!
زيـاد : كلهم بخير وعافيه .. كيف الشعب إللي عندك طمنا عليهم ؟؟
حاتم : كلهم بخير والحمدلله .. وأبوي لسا واصل أمس من السفر ..
زيـاد : حمدلله ع سلامته .. عاد عمي الله يعينه ياكثر سفراته
حاتم : يسلمك .. صادق .. مايوثق إلا ليما يروح اهو يشيك على الأوضاع كلها
زيـاد : الله يكون بعونه
حاتم : أجمعين
زياد : أـفـأ ياولد العم ماهقيتها تنخطب أختك المصون واخر من يعلم أـنا ويوصلني الخبر من برا وليته لـ واحد من أولاد عمها لا لـواحد من برا !!
حاتم مستغرب: أي خطبه وأي أخت ؟؟!!!!!
زياد : خطبت أختك وسن ع ولد الـ ( ــــــ )
حاتم : صح أنخطبت له لكن رفضت وردينا عليهم إنها رافضه
زيـاد إلا يتأكد إنو حتى من أولاد عمه ما أحد خطبها : أجل واحد ثاني !
حاتم : شوف اهم كثير إللي تقدموا لها في إللي مستواهـ وسط وفي إللي نفس مستوانا وناس ماتنرد .. لكن إهي ترفض عشانها لسا ماأنهت دراستها يعني باقي صغيرهـ ..
زيـاد : غريب !
حاتم : لا غريب ولا شيء الناس ماعندها إلا تطلع كلام كذا ,, وإحنا ماعطينا الموافقه لـ أحد من إللي تقدموا لها ..
زياد : من جد ناس فاضيه .. { كمل يستهبل } أقول بيني وبين نفسي أختي وسن تنخطب ويوافقون وأحنا ما ندري وكنت ناوي أكفخك إذا الكلام صحيح وأطلع للرياض على طوول ولا من شاف ولا من دري ..
حاتم : ههههههههههههههههههههههههههههههههههههه , , يقطع بليسك ..{ قال يستهبل }وإذا بايع نفسك أنوها من جد
زيـاد : لا والله ماني بايع نفسي .. عمرك سمعت أحد يروح للموت يمشي .. ما أنهبلت أأذي واحد من أولاد سُلطان
حاتم : يـ أبوي هذا إللي عامل قلق للكل .. وربي ترا أبوي حبوب طيب قلب ..
زيـاد : الله يطول بعمرهـ ويزيد من طيبة قلبه
حاتم : هههههههه ,, اللهم آمين
زيـاد : يلا تامرني بـشيء ؟؟!!
حاتم : بسألك : أنتو بـ الرياض ؟؟
زيـاد : لا إحنا بـ الدمـام .. وبنمشي بعد شوي
حاتم أنصدم : ياقليلين الخاتمه ..! إلـى ذا الحين هنا ولا تقولون ؟
زيـاد : العذر منكم شنسوي الأهل كلهم معانا
حاتم : إن شاء الله أهل الرياض كلهم مو الأهل بس .. أقول تعالوا البيت أبوي هناك
زيـاد : ياخي صعبه تعرف حوسة الحريم ويبون يرجعون للرياض قبل العصر
حاتم : أقول أهجد وإذا الحريم مايبون يجون كيفهم تعال إنت ومن إللي معك ؟؟
زيـاد : كلنا موجودين ؟؟
حاتم : راكان وعمي أبو راكان وجدك ونايف ؟؟
زيـاد : لا بس أبوي وراكان ونايف وأولاد خالتي
حاتم : أجل على البيت يلا ننتظركم
زياد : يارجال لو علي ماعليه لكن غيري صعب
حاتم فهم قصدهـ عشان أبوهـ مايبي يجي ويترك أبوهـ : خلاص أبوي يتفاهم مع عمي ..
زيـاد : يتفاهمون على إيش .. أمس سلمنا عليكم كلكم شنبي غير ؟؟
حاتم : الضيافه لازمه ..
زيـاد عرف إن مافي أمل يقنع ولد عمه إللي راسه يابس على أبوهـ سُلطان : خلاص بشوف أبوي ..
حاتم : لاتشوف ولا شيء .. عمي بيجيه إتصال من أبوي يتفقون
زياد : خلاص أجل سلام
حاتم : سلام


عند راكـان وزياد ..
راكـان : ها ,, بشـر !!
زيـاد : لا هي مخطوبه ولا شيء .. صحيح إني قلت إسم أكبر واحد نفس مستوى عمي وطلع فعلاً خاطبها لكن رفضت .. وإللي قاله لي حاتم إنو على كثر إللي تقدموا لها من نفس مستواهـم وإللي أقل شوي لكن البنت ترفض وعذذرها صغيرهـ ماأنهت دراسه ..
راكـان : يعني أكيد ماهي مخطوبه ؟
زيـاد : يارجُل قالي بـ لسانه ماعطيني أحد الموافقه كلهم الرفض .. وقال إنو هذيل ناس فاضيه إللي طلعت هـ الكلام ..
راكـان : يعني خالتي تبيني أصرف نظر عنها من جد !؟؟
زيـاد : قلت لك خطط خالتي بس إنت ماصدقت .. المهم تحرك ولا تجلس كذا
راكـان : أخاف أتقدم الحين وترفض بعذر الدراسه
زيـاد : بـ العكس أـنا أتوقع إنها تبيك وتنتظرك .. إنت ماراح تخطب نفس الباقين .. إنتم بينكم كلام وسالفه طويله وإذا هي باقيه على كلامها خلاص مافي رفض .. إنت بس جرب وشوف ..
راكـان : الله كريم إن شاء الله
زيـاد : إن شاء الله ,, على فكرهـ أتوقع بنروح بيت عمي سُلطان
راكان : أبوي ما راح يقتنع .. خلاص بنحرك للرياض
زياد : المكالمه بتجيه من الحكومه
راكان : والله مايندرى أبوك يوافق وإلا لا !!
زيـاد : ننتظر ونشوف


حاتم رجع للبيت اهو ووليد دخل وحصل أهله مكلهم موجودين
حاتم و وليد : السلام عليكم
الموجودين : وعليكم السلام والرحمه
جلس حاتم بجنب وسن ع اليمين ووليد ع اليسار
حاتم : يبه ترا عمي سعد باقي هنا ماطلع للرياض
أبو خالد : متأكد ؟؟
حاتم : تو ذا الحين زياد مقفل من عندي يقول هو وراكان وعمي ونايف وباقي الحريم هنا وبيحركون للرياض بعد شوي ولزمت عليه لكن مايقدرقلت بقول لـ أبوي وهو يتفاهم مع عمي ..
خالد : كيف يرجع للرياض قبل لا يسلم على جدي وجدتي ؟؟
أبو خالد يتصل من جواله ع رقم أخوهـ
أبو خالد : السلام عليكم
أبو راكان : وعليكم السلام ,, هلا والله بـ أبو خالد
أبوخالد : هلا فيك .. كيف حالك ؟؟
أبو راكان : بخير ونعمه .. أنتم شخباركم وشخبار الوالد والوالدهـ ؟؟
أبو خالد : الحمدلله كلنا بخير ..
أبو خالد : أنتم عندنا بـ الشرقيه ؟؟
أبو راكان : بنحرك بعد شوي للرياض
أبو خالد : مافي تحريك قبل لا تاخذ واجبك عندنا .. أنت أخونا الكبير ولك حق علينا .. ومنها سلم على الوالدهـ والوالد
بو راكان : والله ما ادري شقوللك ..!! الأهل كلهم معي حتى خوات أم راكان
أبو خالد : حياهم الله كلهم خلنا نجتمع كلنا ونقوم بواجبكم وبعدها توكلون على الله
أبو راكان : تم ..
أبو خالد : أجل حياكم الله كلكم تامرني بـ شيء ؟؟
أبو راكان : سلامتك
أبو خالد : الله يسلمك .. مع السلامه
أبو راكان : بحفظه

وقفل أبو خالد .. وترك خالد يتصل في المطعم يتفق معاهم على كل شيء .. وبـ تليففون واحد كل شيء جاهز يتحضر ..
أبو خالد : أـنا بتصل فـ الباقين أعزمهم
أم خالد : بتجي زوجته وخواتها ؟؟
أبو راكان : أـنا قلت له وإذا ماجوا ضيافتهم توصل لهم بـ مكانهم
أم خالد : بروح أشوف عمتي وعمي
أبو خالد : وأـنا بجي معاك
وراحوا لـ قسم الشياب .. ودخلوا وحصلوهم صاحين .. { لما صحى لـ صلاة الفجر سلم عليهم .. وبعد الصلاة ناموا كلهم .. }
أبو خالد : صبحهم بـ الخير ويبوس راس أمه وأبوهـ
أمه وأبوهـ : صبحه بـ النور والسرور
أم خالد تبوس راس عمها وعمتها : صبحكم بـ الخير
عمها وعمتها : صبحك بـ النور والسرور
جلس أبو خالد وجلست جوهرهـ بجنبه
أبو خالد : شخباركم ؟؟
أبوهـ : من الله بخير
أبوخالد : إن شاء الله ماناقصكم شيء ؟؟
أمه تدمع عيونها : ماناقصنا شيء ياحببيبي غير إنا نشوفكم مرتاحين
أم خالد : راحتنا بوجودكم ياعمه الله يطول لنا بـ أعماركم
أبو خالد كل يوم عن يوم جوهرهـ تكبر بعينه { شيبي أكثر من كذا مرتاح وإللي مريحته زوجته }
أمه : الله يوفقكم ويخليكم ويحفظكم من كل شر ومكروهـ
أم خالد وابو خالد : اللهم آمين
دخلت الخدامه بـ الفطور للشياب ونزلته لهم وجوهرهـ كانت ترتبه ..
{ شتقولون عن وحدهـ تعاملهم كأنهم أبوهـا وأمها مو أبو زوجها وام زوجها إهي إللي تبي تشرف على كل شيء يخصهم .. لدرجه أحياناً إذا مرض أحد منهم تترك شغلها وتلغي عزايمها وتجلس قبالهم 'يـ الله شقد هذي قلبها كبير' نفسر هذا ع إنو حب عمل خير ورحمه !! وإلا من عشقها لـ زوجها تخدم أمه وأبوهـ وإهي بنت المسؤول الكبير بنت الحسب والنسب والدلع 'وكل هـ إللي تسويه لهم تحصله بكرهـ ,, لها الأجر بـ إذن الله ' }

دخلت وسن ومعاها وليد : السلام عليكم
كلهم : وعليكم السلام
راحت وسن باست جدها وحضنته وباست جدتها وحضنتها : صباح الخير يـ أحلى أثنين ..
جدتها : صبحك بـ النور يـ أمي وترجع تحضنها { أحب مايشوفون وسن }
جدها : تعالي عندي
راحت جلست بجنب جدها ومسكت إيدهـ إللي واضح عليها الكبر حطتها عند خدها ثم باستها : الله لا يحرمني منكم
جدتها : ولا منكم ياثمرة هـ الدنيا
جدها : شلونك يـ أبوي ؟
وسن : لما أشوفكم أصير أفضل وحدهـ مو ناقصين شيء بوجودكم
جدتها تكلم جوهرهـ : روحي الله يطرح لك البركه فـ ولدك هذا وتناظر وليد
أم خالد دمعت عيونها : آبيك تدعين لهم بـ الهدايه والتوفيق وإن ربي يحفظهم لي وتناظر فـ أبو خالد ..
الجدهـ : الله يوفقهم ويهديهم ويحفظهم لكم ويطرح البركه فيهم .. والله إني أدعي لك دايم
أبو خالد لاحظ إنو زوجته تأثرت حط إيدهـ ع كتفها وكلمها : وبعدين .. ترا ماأتحمل أشوف دموعك
ناظرت فـ عيونه تحبه قليله ع الشيء إللي بينهم تعشق تراب أرجوله ..
فهم ع عيونها وضغط بخفه ع كتفها وتبسمت غصب ..
وسن : إحم إحم ,, نحنُ هنا
جدتها : شبلاك عليهم خليهم !!
وسن : جدي شوف جدتي عاجبها الوضع
جدها واهو يضحك : الله لا يحرمنا منكم
أبو خالد : اللهم آمين
جوهرهـ شافتهم إنتهوا من فطورهم : يلا ياعمه وعمي بنطلع للصاله
الجدهـ : والله مالي قدرهـ
جوهرهـ : مافيك إلا العافيه ياقلبي .. إنتي بس قومي البنات بيجون كلهم
الجدهـ وإهي تضحك : بيجون ,, حياهم الله .. أجل يلا بنطلع للصاله
قامت جوهرهـ وخذت إيد عمتها عشان تقومها وقام معاها أبو خالد وقام جدهم ومشت جوهرهـ وأم سعد معاها ليما وصلوا للصاله وجلسوا يسولفون ..


فـ بيت أبو تركي
أم تركي : يُمه ترا إحنا معزومين عند خالك سُلطان
تركي : وصل ؟
هنادي : إيه وصل وتين قالت لي
تركي من سمع اسم هـ البنت واهو خلاص قفلت أخلاقه : ما شاء الله وتين شعرفها ؟؟ أكيد الحين جالسه عندهم
هنادي : لا مابعد راحت لهم بس أتصلت فـ وسن وقالت لها
هديل : أجل تحصلين وتين ناقعه عندهم
تركي : أساساً إهي على طول ناقعه عندهم بـ عزيمه وإلا غيرهـ
أم تركي : حرام عليك والله إنو وتين عسل أخلاقها حلوهـ .. إنت لا تحكم على طولة لسانها
تركي : يكفي طولة لسانها .. الوحدهـ إلا تكون ثقيله عاقله مو على طوول تتكلم .. وربي ما أتخيل بنت على طول تهذر كلام
بدر : حلو اليوم معزومين وخالاتي بيجون كلهم ؟؟
أم تركي : إيه كلهم بيجون طبعاً العزيمه غير جمعة العشاء إحنا نتكلم عن عزيمة الغدأ
تركي : خالي عندهـ غدأ ؟
أم تركي : إيه لـ أخوي سعد
بدر : إلـى الحين هنا ؟
أم تركي : إيه
بدر : بحق إذا مو خالي سُلطان هو إللي ملزم عليه وإلا هو مامر عليهم بعد أمس
تركي : أكيد
أم تركي بـ آلم : الله يهديه
تركي بيغير الجو : متى تبينا نروح يـ الغاليه ؟
ناظرت فـ ولدها وتبسمت : على كلام أبوك بعد صلاة الظهر
بدر : الله وناسه غدأ وعشاء جمعه فـ جمعه
تركي وإهي يضحك وعارف قصد أخوك : إيه الله يعين بعض الناس بس
بدر : آهـ ’’ آمين


عند سعود فـ بيتهم جا لهم ياسر ويغني
سعود يكلم حمد : شعندهـ الأخو طربان ؟؟
حمد : علمي علمك
ياسر : هاي يـ أحلى أخوان بـ الكون
سعود يناظر حمد ويتبسم : هايات يـ أحلى أخو بـ الشرقيه
ياسر : مالت عليك بـ الشرقيه بس
سعود : أحمد ربك كنت ناوي أقول بـ الخبر بس
ياسر : بـ الله عليك !!
سعود : إيه أحلى أخو بـ الكون هذا المزيون إللي بجنبي ويأشر ع حمد
حمد يستهبل : كذا أـنا ما أقدر أحس بحرارهـ
سعود : يقطع بليسك بس
ياسر : هههههههههههههههههههههههه ,, دواك ,, تستاهل
سعود : طيب ,, شعندك طربان ..؟؟
ياسر : إيه صح .. خالي سُلطان عندهـ عزيمة غدأ ضيافه لـ خالنا إللي بـ الإسم
سعود : من جدك ؟
ياسر : يس
حمد : أجل خل سلامنا إذا طلعنا من الجامع على بيتهم
سعود : حمدلله نسيت إننا بـ جامع واحد يعني سلامنا بـ الجامع !
حمد : خلنا نلحق نسلم عليه قبل لا ندخل الجامع
سعود : هذا إللي بيصير .. يلا أـنا بطلع غرفتي أخذ شاور واتجهز
حمد : وأـنا بعد
سعود يكلم ياسر : وانت يـ الأخو الله يعافيك لا تأخرنا ,, شفني قاعد أتوسلك
ياسر يسوي نفسه شخصيه : كنت ناوي أفكر ,, لكن بعد ماتوسلتني وعشانك أخوي ماراح أتأخر عليكم
سعود : أقول أقلب بس ,, ماتستاهل من يعطيك أهميه ..
وراحوا كلهم يجهزون للصلاه والعزيمه ..


الساعه 11 ونص فـ بيت أبو خالد بـ التحديد غرفة أبو خالد كان يتجهز للصلاه ,, دخلت عليه جوهرهـ وإهي تتبسم : شنو هـ الكشخه ؟؟
أبو خالد : كل هـ الكششخه لك
جوهرهـ وإهي تسكر أزارير ثوبه : تعجبني بكل حالاتك
أبو خالد : بـ الهون علي ترا ورانا صلاه وعزيمه
جوهرهـ وإهي تعطرهـ : نسيت
أبو خالد : عاد جوهرهـ تسنى هذي كبيرهـ !!
جوهرهـ وإهي تضحك : إللي يشوفك يذكر شيء ؟
أبو خالد : جوهرهـ فكيني من شرك الحين
جوهرهـ : هههههههه والله نسيت
أبو خالد : أطلع أصرف لي .. وطلع من عندها وإهي تناظر في ,, {لف يناظرهـا يستهبل قال} شايفك ..؟؟
جوهرهـ : بتروح وإلا أتوصى فيك ؟
أبو خالد : خلاص بروح .. سلام
جوهرهـ : ربي يحفظك
وطلع متوجه للجامع عشان يصلون الظهر لإنو على مايطلع من بيته ويوصل للجامع أمداهـ أذن للصلاه ..


وسـن كانت بجناحها تتجهز .. لبست لون تركواز غامق شوي بنطلون وفوق البنطلون سترهـ بروحها لونها تركواز مع أبيض وذهبي لفه كامله وفيها أكسسوارات تسكرهـا من على خصرها ومايوضح إنو بنطلون إلا إذا تحركت وبلوزه أكمامها طويله تركواز وفوق البلوزهـ بدي مفتوح الصدر و ماسك على الرقبه وربط من الظهر { عاد هذا اللبس موضح لونها عدل } تركت شعرها مفتوح وحطت ميك آب خفيف رسم العين خفيف من تحت وبلاشر زهري خفيف وقلوس زهري طالع شكلها فضيع ..
نزلت حصلت أخوانها بيطلعون يصلون ناظروها
وسام واهو حاط إيدينه ع عيونه : أـنا اشوف نور زايد جا لنا من جهة الدرج
حاتم : هههههههههههههههههه ,, يقال لك بتعطيها عين
وسن : إسم الله علي
وسام : ماعليك هذي مايجيها شيء
وسن : يُمه إسم الله علي من عينك
خالد : ماعليك ترا عينه باردهـ
وسن : شـ إللي يأكد لي إنو عينه باردهـ
وسام : ما يحتاج تتأكدين لإنك بعد شوي بتطيحين على راسك وقدام كل البنات من عيني " الله يحفظني بس "
وسن : وبعد تدعي لـ نفسك !!
وسام : أجل أدعي على نفسي عشانك !
وسن : لا الله يحفظك لي إنت وحبايبي الثانين
وسام : ياقليلة الحيا منو حبايبك الثانين ؟؟
وسن تتبسم { تقصد أخوانها } : شـ دخلك فـ إللي ما يعنيك .. اهم يعرفون حالهم فديتهم ..
وسام : لا وتتفدينهم قدامنا بعد ؟
خالد : وفديت من تفدانا
وسن : ياناس آموت عليهم
وسام مايدري شـ السالفه : وبعد ؟
حاتم فاهم عليهم : حبيبتي تفديهم وحبيهم مثل ماتبين أهم شيء راحتك
وسام يكلم حاتم : صاحي انت !!
حاتم ببرود : شفيك معصب عادي خلك مُتفهم لـ مثل هـ الآمور
وسام : والله انكم ضايعين
خالد : إسم الله عليه أبو تفكير ما أدري شيبي !!
وسن : ههههههههههههههههههههههههههههآآي ,, حلوهـ وربي
وسام يناظرها : أعجبتك ؟
وسن تروح له وتجلس بجنبه وتبوسه ع خدهـ : فديتك لا تعصب وتفهم غلط .. أـنا ما احب أحد غير " خالد وحاتم ووسام ووليد وبابا ماما " بس ولا تفكر أحب وأتفدا فـ غيرهم
حاتم : سبحان الله شعور متبادل ياقلبي
وسن : يابختي حاتم بكبرهـ يبادلني نفس الشعور ..
خالد : بـ الله عليكم ,, شرآيكم تتبادلون رسائل حب !!
حاتم : عادي أختي ومحبتهم أكيدهـ
وسن : وربي أدعي على طوول إنو ربي يحفظكم ويوفقكم ومايبعدنا عن بعض { وسن تعشق أخوانها حد الجنون تموت بـ جمعتهم تموت إلا تريحهم تتمنى العذاب يكون لها ولا يكون لـ أحد من أخوانها 'متعلقه فيهم حيـل' واهم نفس الشيء علاقتهم فـ بعض قويه }
خالد : ياقلبي ويحفظك لنا
وسام : توأمي حبيبتي ويروح يحضنها
وسن تضحك ع حركات توأمها : فديتك حبيبي
إلا وهذا وليد جاي لهم مع أمه ولابس الشماغ والعقال والثوب الأبيض وطالع شكله شيء ما شاء الله عليه ,, وسن وإهي تروح تركض له وتشيله : فديت الحلا ياناس ,, رجال وربي رجال
حاتم : الله ولودي صاير رجال
وليد مستانس ,, وسن وإهي تجلس وتحطه بـ حضنها : وحاط عطر بعد !!
وليد : عطري هذا شمي بابا جايبه حقي هديه {ويأشر لها ع المكان إللي حاطه في أمه العطر}
وسام : وليد صار أحلى منا ,, شوف إذا شافه أبوي وعماني وجدي شرآح يقولون
خالد : بيمدحون فيه وبيذمون فيك
وسام : لا ياشيخ !!
خالد : تشوف
وسام : قصدك كلنا
خالد : أكيد عشان يعطونه ثقه بنفسه
حاتم : ويشوف نفسه علينا
أم خالد : قولوا ما شاء الله تعطون حبيبي ذا الحين عين ,, وبعدين ولودي مايشوف نففسه على أحد .. فديته وتعطيه بوسه ..
خالد واهو يوقف : الله لنا ,, { يكلم أخوانه } يلا مشينا نصلي
حاتم ووسام يوقفون : يلا
خالد خذا وليد بـ إيدهـ عشان يروح يصلي معاهم { معودين وليد على لبس الشماغ والثياب والصلاه بـ المسجد وحضر مجالس الرجال وماخذ من طباع أبوهـ كثير}
أم خالد : يحفظهم ربي
وسـن : فديتهم كشختهم تجنن والأحلى من هذا تعلقهم ببعض ربي يحميهم
أم خالد : آميـن ,, وإهي تناظر وسن : جهزتي خلاص ؟
وسن : الحمدلله
أم خالد : جهزي غطا لك لإنو عمك سعد بيدخل يسلم وأكيد أولاده بيدخلون معاهـ عشان يسلمون على عماتك وجدتك
وسـن : إن شاء الله


نتكلم شوي عن أولاد سُلطان ..

خالد ,, لـه مشاريعه الخاصه فيه .. شخصيته : مرهـ حبوب صحيح إنو أولاد سُلطان كلهم يجتمعون بصفة الغموض إلا إنهم طيبين قلب .. 'جسمه طويل عريض من الصدر والأكتاف لون بشرته بين الأبيض والآسمر عليه وسامه تخبل الواحد وعيونه وسيعه وكحيله خلقه ورموشه طويله' .. 'حاتم شيء ثاني .. نسخه من سُلطان فـ كل شيء الشكل الشخصيه والتصرفات .. يشتغل مع أبوهـ وعمانه واهو مُساعد أبوهـ الأول يعني ذراعه اليمين وسُلطان معروف مايأمن إلا حاتم لإنو يشوف نفسه في .. قوي شخصيه لـ درجه إنو حتى شباب العائله يخافون منه لإنو نسخه من أبوهـ .. ملامحه .. آبيضاني حواجبه مرسومه رسم ولونها أسود خالص خشمه سلة سيف وشفايفه لونها خلقه لون التوت طويل عريض الأكتاف له هيبه' 'وسام توأم وسن نسخه منها نفس الملامح نفس البياض نفس طول الجسم'} ..

ياهو مافي ولا احد رد
75 واحد شاهد الموضوع ولا احد رد
اذا مو حلوه تكلمو نكلم المشرفين يحذفوها
صراحه منتدى نايم مع التحيه