المنتدى :
الشعر والشعراء
ليه أخاف من الكلام ..!
هذا جرحك
ما بقى فيني ملامح
اتركك للصمت
والا اكسر مواعيدك واسامح
وان ندهك الليل ، وأضناني السهر
وارتحالات الأماني والعمر
قول احبك
واترك لجرحي ، بقايا ذكرياتك
اااه يا مقسى الصبر
،
،
بسمةً تملي شفات المحبين
تنكتب فالورق دمع وكلافة
لا تثير السهر رايح على وين
إيه أخاف المساء دامك تخافه
انتشى داخلي جرح وبكت عين
ااه من قسوة العشق وجفافه
إيه عنّيت حزني للفرح لين
صار ما عاد تعنيه المسافه
كل صوتٍ صرخ فيني من سنين
مات ما بين شرهات وحسافه
وكل حلمٍ يمر البال للحين
هو قطار العمر مرّه وطافه !
سيدي ليه فيني تشعل البين
ليه هالعمر بعدك صار تافه
ليه في غيابك الرمان والتين
انقضى موسمه ينطر قطافه
ودام حلمي يمر البال للحين
هو قطار العمر مرّه وطافه !!
،
،
صوت يندهني من اقصى هالعمر
أسئلة فيني تحير
ما لقيت لها جواب
وانتظر
لي متى ببقى بهالوضع انتظر
ليه أخاف من الكلام
واكتبك في دفتري
ليه عيني ما تنام
ليه جرحي ما ينام
ليه ، كل الذكريات اللي ملتني .. ما تنام
اتركي كل اللي بصدري
انسي كل اللي كتبته
وجاوبيني بس في هذا السؤال
ليه أخاف من الكلام ..!
للشاعر.. وليد بن مسعد
|
15-02-12, 08:57 AM
جديد مواضيع قسم الشعر والشعراء
العرض العادي
