المنتدى :
الشعر والشعراء
[ ريح الضياع ] .. !
.
.محتاج افج ّالكلام لْـ غربة سنيني
وأوضّح لـ دنيتي وش كنت من صغري
غريب من قبل خطواتي تعريني
لـ جروحي اللي تسابقني على كبري
ما أخترتْ أخوض الضياع بـ صمت رجليني
إلا بعد ماتعثّر / حلمي بْـصدري
لوّحت يوم الحزن في صفحة يْـديني
يقرأ تجاعيد تغريبه على سطري
نسيت وأنت الوحيد اللي ينسّيني
إني تمرجحت بين أوجاعي وصبري
أهديتك الوقت قبل العمر يهديني
لحظه / تزفّ السنين لْـمعتقل قبري
أعتقتني وأنت ماتجهل عناويني
قـيّدتني وأنت ما انت اللي على خبري
جهلت صوتي كثر ماقلت لك ويني
يرضيك ظلمي / وأنا المتواري بْـعمري
حزن الشعور العتيق أصدق مُحبيني
لو إنّه اللي قتلْ بسماتي بْـ ثغري
ضايع وأشوف الطريق المرتحل فيني
تحنيهْ ريح الضياع ويْصدح بعذري
غريب أخاف الفرح بيديه يحويني
والأغرب إني على باله بغيت أطري !! .
.
.
طفل .. !
ماهو تعبّ !؟ يَ حبيس الليل
اللي تسمّر على أسواري
طفلٍ يدينه من التكبيل
مقيّده في صدر عاري
لو تزرع بْـ خدّه المنديل
ينبت به الدمع وأعذاري
عيّا الفرح من يديه يسيل
وعن غربته ، ما هو بـ داري
طفّ السهر وأكسر القنديل
ماعاد لـ أحلامنا طاري
للشاعر.. مانع الحربي
|
06-02-12, 06:13 PM
جديد مواضيع قسم الشعر والشعراء
العرض العادي
