ما ذقت في عمري حلى لين ذقتك..!!

امم هالسويت ماعرف اسمه وقررت اسميه اممم حلى الكوفي ولا جان عرفتو اسمه قولوه لي<< فيس مطلع ضروسه خخخ



هاي صورة جماعيه للمقادير خخخ..



اني للمقادير..

الطبقه الاولى..

كيكه جاهزه اي نكهه توبنها.. نفتتها.. ونحطها في القالب..

ناخذ خاشوقه كوفي..وخاشوقتين حليب.. نذوبهم ف كوب ماي.. ونصبه على الكيك..







الطبقه الثانيه..

المقادير..

نص باكيت بسكوت جاي.. ملعقه نسكافيه.. 1 قشطه

4 خواشيق حليب..

باكيتين كريم كراميل..

وكاسين ماي نحطهم على النار لين ما تبدا تغلي..

وفي هالوقت ناخذ نص باكيت بسكوت جاي.. و1 قشطه .. وخاشوقه نسكافيه.. ونخلطهم فالخلاط..



ونصب عليهم الكراميل وهو دافي ونرد نخلطهم..

ونصبه على طبقه الكيك اللي عندنا فالقالب.. ونحطها فالثلاجه لين تجمد..





الطبقه الثالثه جريبه من الطبقه الثانيه..

مقاديرها..

4 خواشيق حليب.. باكيتين كريم كراميل.. ملعقه صغيره كوفي.. كاسين ماي.. وخاشوقه كبيرة كاكاو..

نخلطهم كلهم على النار ونخليهم لين ما يغلي الخليط.. ونصبه على الطبقه الثانيه..



وندخله الثلاجه فووق.. وبس يبرد.. بيكون عندنا سويت لذيذ بطعم الكوفي<< فيس الاعلان..

وهاي الصور.. اهني سويته بعد ف كاسات.. ولونت الطبقات<< فيس قوطي الالوان خخخ

المافن “muffin”


المقادير..

كوب وثلاثه ارباع طحين..

ثلاث ارباع كوب شكر..

خاشوقتين صغار بيكنج بودر..

ثلاث ارباع كوب زيت..

كوب حليب..

بيضه..

فانيلا..

فواكه مجففه.. ولا هيرشي شيبس



نبدا الشغل..

نخلط المقادير الجافه ويا بعض ونخليها ع صوب..

نخلط البيض والفانيلا .. ونضيف عليها الزيت نخلطها شوي.. وخلاف نضيف الحليب..

الحينه نبدا باضافه المقادير الجافه تدريجيا.. ونحركها لين تتجانس العينه..

نقسم العينه قسمين.. قسم نضيف له الفواكه المجففه.. وقسم نضيف له الهيرشي شيبس.. ونخلطهم..

ونصبها ف صينيه الكب كيك..





وهذا الشكل النهائي.. طبعا اهني لونتهم كل مجموعه سويتها بلوون<< فيس شجونه قوطي الالوان

قوالب السنيكرز..

هالسويت مسوتنه من سنه القحط.. بس نزلته عشان تواميه<< فيس الخرف اللي توه تذكر خخخ

نبدا بالمقادير..

اول شي العينه..

باكيت كبير بسكوت اولكر.. نطحنه ولازم يكون ناعم..

خاشوقتين قشطه..

خاشوقتين زبده سايحه "مذوبه"..

نخلط المقادير كلها ويا بعض ونخلي العينه على ينب..





الطبقه الثانيه.. كريمه الجبن..

ناخذ ربع قوطي حليب مركز..

و3 حبات كيري ونخلطهم ويا بعض..

الحينه اني للسنيكرز.. ونقطعه قطع صغيره ونستخدمه فالحشوة..





الحينه نرد للعينه.. ناخذها ونكورها كور صغيره..

وناخذ كل كوره ونفردها في قالب التارت ..

نحط قطع السنيكرز داخلها..

ونصب عليها طبقه من كريمه الجبن..

وندخلها الفرن لمده 10 دقايق..

بعدين ناخذ التوفي الجاهز.. ونزينها فيه و ف الهيرشي شيبس..

اللي ما عندها توفي.. تاخذ قوطي حليب مركز.. وتسخنه على نار حارة لمده 45 دقيقه لين توصل للون الكراميل..




وهاي الصور.. صح المفروض اصوره عقب ما اقطعها عسب تجوفون الحشوة اللي داخلها بس سار عن باليه..

كيكة الدريم ويب

هاي تنفع لو فجاة عفدو عليكم خطار<<فيسي المتعقد..


نبدا بالمقادير..




4 بيضات

1 قشطة

كوب ونص طحين

2 م.ص بيكنج باودر

كوب شكر

1 دريم ويب..

فانيليا



الطريقه..

نخلط البيض والفانيليا والشكر










وبس ذوب الشكر نضيف عليه القشطة و الدريم ويب ونخلطهم..

وبس يتجانس الخليط<<فيس الكيميا





نحط الطحين تدريجيا.. وبتكون لين تسوي شرات الصورة اللي عندنا ..



ونحطها فالقالب واندخلها الفرن لمده 20 -30 دقيقه .. اهني قسمتها ع قالبين وحطيت عليها اللون الاورانج







الحينه اني للصلصه.. وطبعا قلت سهله ما يبي لها تصوير<<نويصر حنون خخ

مقاديرها..

1 قشطة..

2 ملعقه شكر

1 ملعقة زبدة

الطريقه..

نخلط المقادير على النار لين تستوي ونصبها على الكيكه وهي حاارة..

نزين الكيكه بالفلك والكاكاو ونحطها فالثلاجه لين وقت التقديم..





هاي الاولى ويا الصلصله..



وهاي الثانيه ..


وهني وعافيه