أيها القريب البعيد

الجزء الثالث....
الحمد لله والشكر...شو مشكلته ها البني ادمي...كل ما يمر من صوب مكتبي ..يعصب ويكور يده..قصورك بس تمد يدك ...وترفع صوتك علي...ها الناقص الي يسوى والي ما يسوى ..جايفله راس علي ...ويا ليتني اذنبت ...ولا اشتغلت بالواسطة...الا بجدارتي الي اثبتها من شهرين وانا اداوم اهني...ما انكر انه مديري الي متاكدة الف بالمية انه وراه سر ..استقبلني بشركته ...بالرغم من انه كل الشركات رفضوا طلبي ...شو رفضوا انا متاكده ما جافوا السي في ...بمجرد ما جافوا اسمي ورموا الاوارق باقرب مزبلة...ولا علي منكم كلكم ...بيي يوم وباخذ حقي من الي كان السبب...الي قاهرني اخويه...من بد كل العالم ما توقعت هو الي يطردني وياخذني بذنب ريلي...يا ناس انت الي اخترته ...انت الي يبته وما اخذت بشوري...انا حتى ما جفته ...تيمعوا الدموع بعيني وانا اتذكر هذيج الليلة المنحوسه ...فستاني...الكوشة ...اهل المعرس الي باين عليهم مب من طبقتنا ...لا احنا مستوانا المادي كان اوكي...بس هم كانوا من الهوامير...وانا مستغربة لحد يومنا هذا...ليش ييى يخطبني ...ليش من بد كل بنات عايلته ..يي يخطبني...قطع حبل افكاري وذكرياتي الصوت المرتفع الي ياي من مكتب المدير...بالرغم من انه مكاتبنا بعيده عن مكتب المدير ..
:انت شو تبى تضيع سمعة شركتنا...تبى تضيع شقى عمرنا ...والله انه ابويه لو درى بتكون نهايته...انت ما تجوف هي حرمة منو...اسمها متصدر الجرايد ...انت شو ما عندك احساس ..ما تحس بالمسؤولية
:اقطع واحششم يا الهرم ...انا اخوك العود اذا ناسي...واياني اياك ترفع صوتك علي مرة ثانية...لا والله تجوف الويه الثاني لي...انا المسؤل هنا ...وحر اوظف منو...مب انت الي تعلمني شغلي...لا تنسي اني انا الي اسست هاي الشركة...وهست سنين عمري وانا اطورها ..ما اتي انت تعلمني اصول شغلي
: السموحة منك يا اخوي ...بس والله من القهر الي فيني ..كل ما اجوفها ..جني اجوف ابليس جدامي...سمعتها على كل لسان ...ولا شركة رضت توظفها ...شو دراك انها ما تسوي شرا ريلها ...ترى الطيور على اشكالها تقع

ترى الطيور على اشكالها تقع ..يلست اردد هاي الجملة ...انا تقارني بريلي ...انا اسوي شراه ...مستحيل..حد يفهمني الاوادم على اي اساس تحكم على الغير...على الشكل..ولا على الاسم ...ولا على شو...انت تدري بشو داخل الاوادم...حسبي الله عليك ...حسبي الله عليك...درت براسي اجوف ويوه الموظفين الي يايين يجوفون هاي المسرحية..والمهزلة الي استوت اهني...جفت الاحتقار ...جفت نظرة الاشمئزاز بعيونهم...لا كله ولا هاي النظرة...مستحيل هاي النظرة تكون لي ...هاي النظرة الممفروض تكون لغيري...تكون لشخص الصح...تكون لج يا ريم...منو انتي علشان تعطيني هاي النظرات...جوفي حالج...طول الوقت مغازل ..وتلفونج ما يتسكر من الاتصالات...بروحيه سمعتج ترمسيين ريايل ...بروحج ييتي عنديه وقلتي شو رايج تكلمين ربيع بوي فريندي...ولا بس لانه سالفتج مندسه محد يعرف عنها عسب جي الكل يحترمج...ومنو انت يا سيف عسب تعطيني هاي النظرات...نسيت نظراتك للموظفه فادية...جفتك بعيوني وانت تغازلها وتتفقوا على موعد...مع انك معرس...بس لانه سالفتك بالدس....ولا هي سالفة مظهر مب سالفة منطق...حتى انت يا سلطان ما توقعتها منك ...لانك اكثر شخص رزين ومتفهم ...ويمكن لاني اعرف حرمتك ...ما هجيتها منك...الله لا يبيحكم ...بس انا ما راح اسكتلكم...لحد هنا وكفاية...
:خير ما عندكم شغل تخلصونه...ولا هو بس تتبع اعارض وعيوب الاخرين...وبعدين كل واحد منكم يكسر هاي النظارت الي تصدر من عيونه....ترى اذا تبون اطلع فضايحكم انا مستعده ...والي على راسه بطحه يتحسسها
جفت كل واحد منهم سار بدربه...على بالهم اني بسكتلهم طول حياتي ...لا بوي ول زمان الاهانه ...ول زمان الذل ....والاخ طارق لو فيه خير يظهر من عند المدير ويتفاهم معاي

أستغفر الله العظيم الذي لاله الاهو الحي القيوم وأتوب اليه,اللهم ياجامع الشتات ويامخرج النبات ويامحيي العضام الرفات ويامجيب الدعوات وياقاضي الحاجات ويامفرج الكربات وياسامع الاصوات من فوق سبع سموات ويافاتح خزائن الكرامات ويامالك حوائج جميع المخلوقات ويامن ملأ نوره السموات ويامن أحاط بكل شي علما واحصى كل شي عدداً وياعالماً بما مضى وماهو آت .اسألك اللهم بقدرتك على كل شي وباستغنائك عن جميع خلقك وبحمدك ومجدك يآ رب كل شي واسألك اللهم ان تجود علي بقضاء حاجتي انك قادر على كل شي يارب العالمين ياعظيم ..اللهم اصلح لنا شأننا بما اصلحت به شأن عبادك الصالحين ولا تكلنا لأنفسنا طرفة عين ولا اقل من ذلك اللهم اقضي حاجتي ونفس كربتي يا رب انك تسهل علي اموري يا ربي اني احصل شقة وتسهل علي اموري بالغربة ...يا ربي مالي غيرك ...وصلى وسلم على سيدنا محمد صلى الله عليه وسلم وعلى آله وصحبه وسلم تسليماً كثير...سرت صوب شبريتي وانا ميوده دمعتي بالغصب ...فيني رعب..اذا ما حصلت شقه ..شو اسوي...مستحيل ارد بلادي من غير شهادتي...واذا رديت ..اسير عند منو..عمي قالي بلسانه..ما ابى اجوف ويهج مرة ثانية....على الاقل اذا رديت بشهاتي اقدر اصرف على روحي ...ويكون لي مركزي...وما احتاي لحد...سميت بالله وبطلت موقع الشقق الي عندهم اهني...جفت عارضين وايد شقق وكلها عودة وبعيده عن الجامعة...وانا ما اقدر اسكن بعيد عن الجامعة...خاصة وانه شغلي كله لاب وتجارب...يمكن تستمر لوقت متاخر بالليل ...يا رب افرجها من عندك...لحضه شي صفحة ثانية ما جفتها....في شقة بغرفتين ومطبخ ...صح سعرها مرتفع..بس موقعها اوكي..وجريب من الجامعة...يا ربي لك الحمد ولك الشكر ...سبحان الله محمد يعرف قيمة الاستغفار ونتايجة الا الي يجربة...ربي يقول 'فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا ' ورسولنا الحبيب قال : من لزم الاستغفار جعل الله له من كل هم فرجا، ومن كل ضيق مخرجا، ورزقه من حيث لا يحتسب...تذكرت امايه ...وهي تقولي كثري من الاستغفار وبتحصلي شغل...تخرجت من الجامعة من سنة ..وما حصلت شغل ...امايه كانت تقول الحل بالاستغفار ...وخليج يقينه بان الفرج من عقبه...عطيتني هديه عبارة عن تسبيحه ..وقالت خليج مشغوله بالاستغفار وهاي التسبيحة راح تساعدج...وانتي يالسه تجوفين مسلسل ولا يالسه تتريين بالمستشفى ولا حتى يالسه على النت وتقرين استفغري...وبتنفرج...وصلي قيام الليل ...اصلا الراحة بصلاة قيام الليل ...راحة ما وراها راحة ...وبالفعل جربت ويا سبحان الله هو شهر من بديت الاستغفار وحصلت شغل عقبه...وعلى طول رسلوني للماستر والدكتوراة ...باليوم الثاني بشرت سعاد اني حصلت شقة..الحمد لله اغراضي مب وايده ...لان الشقة اصلا كانت مفروشة...والشقة الي بالعاصمة بعد مفروشه...وبعد جهد جهيد...لميت قشاري ...واستاجرت تاكسي ما كان ينفع اني اخذ القطار السريع لانه اغراضي وايد...الدرب كان طويل 6 ساعات الحمد لله سعاد كانت معاي ...مهونه علي الغربة وسنينها...واخيرا وصلت شقتي ..وشقة سعاد كانت بعيده عني بس مب وايد بعيده ..هي بتسكن وي اخوها الي يشتغل بالسفارة ...الله العاصمة حلوة احلى من المنطقة الي كنت ساكنه فيها ..يمكن لاني ما احب الهدوء احب الحركة...احب اراقب الناس .وشكله هني وايد راح اجوف واراقب...لبست جاكتي وسرت اتمشى بالمنطقة...وايد عرب ...جني ساكنه بدولة عربية مب باوروبا ...والدنيا برد..الثلج مغطي كل مكان...وراح يستمر لمدة 4 اشهر ..اخاف ييني اكتئاب ...لاني وايد كنت اسمع انهم يقولوا الواحد ييله اكتئاب من الثلج ومن البياض الي بيغطي الدنيا كلها...ما عليه انا اقوى من الاكتئاب ..اصلا ما ظنتي اني بحصل وقت عسب اتنفس ....من ضغط الشغل والكورسات...لفت انتباهي شاب كان يمشي وي وحدة ما اردي اخته ولا ربيعته...خلوني احسن الظن...مع انه شكله ما يساعداني احسن الظن فيه..من ملابسسه الغريبة..والسلسة الي معلقنها برقبته...والسلاسل الي بمعصم ايده ...الحمد لله والشكر بس...لا والمشكله شكله يوحي بانه عربي...وملامحه خليجية بعد...بس البنية الي ينبه ما تحس بالبرد..يا اوادم انا متغطيه من راسي لاغمص قدمي..وبعدني يالسه ارتجف...وهي لابسه تنورة قصيرة...صدمة شكلها اخته ...لانه ملامحهم وايد تتشابه ..هي ملامحها خليجية بحته...بس ليش جي لابسه...شو مستوي بالعرب هنا ...وبعد ديتات بها العمر...هذوله صغار شكلهم بالاعدادية ...وين عايلتهم عنهم...لو انجليز ما قلنا شي ..متربين على ها الشي...بس هذوله عرب ..عرب يا ناس ...يعني الهوية العربية بخطر...هذوله يبالهم حملة ركاز تي عندهم ..خاصة الشعار ها المرة...تقديرا لذاتي اعلنت احترامي...هذوله حتى ما عندهم تقدير لذاتهم...وين ذاتهم ...وين عروبتهم...وين لغتهم...وين لبسهم ...وين عاداتهم وتقاليدهم...كيف بيحترمهم الغرب....هذوله يبالهم محاضرات مكثفة عن الدين عن عاداتنا وتقاليدنا...وين دعاة الاسلام عنهم ...وين اهلهم..وين اباءهم امهاتهم..يمسكون اجيالهم ...يحافظون على عيالهم ...يعلمونهم عروبتهم....شكله اجيالهم راح يكونوا مسيحين....جفتوا الفاجعة مسيح...من الاسلام للمسيحية...احنا بمرحلة يالسين ننشر الاسلام للمسيحين...والعرب اجيالهم بيستوا مسيح....شكلي بجوف عجب العجاب هنا...احسن شيي اسويه اني اكمل استكشافي بدل ما يرتفع ضغطي بهاي المناظر...


امايه وايد تاخرت ببيت خالتيه...اول مرة تسويها ...واول مرة تنسى فونها...امايه من يومين وهي مب طبيعيه...احس في شي يالس يستوي من وراي ...وانا ما احب اكون بالهامش...ها الي اسمه مدثر ما يستحي على ويه هو واخويه المصون...كل يومين وامايه عندهم...تنظف بيتهم ..وتطبخلهم ...جنه امايه بشكارتهم...هي بروحها تعبانه ...واحنا ياييبن بشكارة تساعدها...وهذوله يتعبوها....ما هامنهم شي ..اف من طاريهم الي يمرض...ليش ما ييبولهم ريال يساعدهم بدل امايه...ما ظنتي ظروفهم المادية ما تسمح..مدثر يشتغل معانا بنفس الشركة...وراتبهم اوكي...مرت علي ذكرى من ايام الطفولة...كل ما يلست بروحي ..ذكريات الطفولة تمر ببالي...يمكن لانها كانت من احلى مراحل عمري...تذكرت العيوز الي كانت بفريجنا ...اتذكر السوالف ال كانوا يقولون عنها ..كان يقولون انها ساحرة...وانها تقدر تطير...وبما انا كنا يهال فكنا نصدق كلامهم...يمكن هي عيونها كانت حاره ...فكانوا ما يبون نسير صوبها...والفوا سالفة السحر...المهم انه كل ما كنا نجوفها ..تينا الرعشة...وكل واحد يختبي ورا الثاني...وكل واحد ياشر على الثاني ويقول للعيوز ..انه هو الي يتضارب..كل ها علشان العيوز الساحرة ما تطيرهم...وفي يوم من الايام كنا ساييرين صوب مزرعة العيوز...هي الوحيدة الي كانت عندها مزرعة بفريجنا...وكان معروف من بينا اليهالوا انه الشخص الي يقدر يسير صوب المزرعة ويقطف اي نوع من انواع الفواكة ...هو يعتبر البوس على كل يهال الفريج...وانا طبعا بما اني كنت البوس على شلتي ...كنت ابى اكون البوس على عيال الفرج كلهم...اتذكر اني هددت مؤيد ومدثر انهم اذا ما ساروا يقطفوا فاكهة من المزرعة ...بقول لابراهيم انه المعلمة بالصف وقفتهم اخر الصف وخلتهم يرفعون ايديهم لانهم كانوا يسولفوا بالصف...وبما انه ابراهيم كان مسببلنا رعب بسالفة الدراسة ...كان كل شي يسامح عليه الا الدراسة...مؤيد ومدثر يلسوا يترجوني ...ويصيحوا على اساس اطلب اي طلب ثاني غير ها ...حتى قالوا انهم بيكونون بشاكيري طول عمرهم...بس اتذكر اني ما سويتلهم سالفة...وهددتهم...ولما يى وقت المغرب...سرت صوبهم وهم كانوا يلعبون كورة..زقرت عليهم ...يلسوا يجوفوا على بعض ..كل واحد منهم يبى يشرد...سرنا حنا الثلاثة ..طبعا هم كانوا جدام وانا وراهم...المزرعة ما كانت بعيدة...بس الدنيا ضلام...واصوات الحيوانات الي بالمزرعة سوالنا رعب...بدوا هم الاثنيه يتسلقوا سور المزرعة...وانا كان علي اراقب العيوز اذا يت...ما مداهم الاثنيه يوصولوا الا ونسمع العيوز تصرخ ذيج الصرخة...الي خلتنا احنا الثلاثة نتفض بمكانا...ولما يى مدثر ينزل من السور طاح والسور كان مرتفع ..فانزلق وطاح على راسه...ويلس يصيح بصوت عالي..واحنا اول ما جفنا الدم ...يلسنا نصرخ بصوت عالي...ومدثر يصرخ ويقول والله اليوم بموت...يت العيوز ..وقالت اذا جفتكم مرة ثانية بطيركم...وقالت تراني اكلكم ..واذا جفت دم اتحول لوحش ..يلس مدثر يصرخ ويقول لا تطيريني ..دخيلج لا تطيريني..طيري غصون ..هي الي كانت تبى تاكل من مزرعتج...وهو اول ما ذكر اسمي...يلست اركض ...وييت ايود يد مؤيد بس هو ما رضى يي ..يلس يساعد مدثر...طول عمره كان يبديه علي...كان هو بالنسبه له روحه وربيعه..وانا بالنسبة له العيوز الشمطاء الي اتامر عليهم...حتى لما استوت السالفة الي فرقت العايله ...فضل انه يسير يعيش معاه...باعنا احنا عايلته ....وعاش معاه


تعبت والله من الصياح ...مليت من دموعي...مليت من عيشتي...مليت اني دايما اكون بموقع الدفاع عن النفس...ما سويت شي كبير ...والله كنت ابى انتقم منه ...بس ما كملت انتقامي ...خوفي من ربي كان اقوى مني ...ثلاث سنوات وانا عايشه بالذل ...عمري راح وانا احترق واتقطع باليوم مية مرة....ها ولد عم يسمونه...ها عدوا..مرض ..اي شي بس مستحيل يكون بني ادمي...انا شو ذنبي اني اكون كبش فداء لاخواتي ...هم امنوا مستقبلهم ...وانا دفعت الثمن غالي ...ليش يا خواتيه حطيتوني بها الموقف...ليش ما دافعتوا عني...ليش لما رفضته كلكم وقفتوا بصفه....كنت متاكده من انحرافه ومن صياعته..بس محد صدقني ...وبالنهايه انا وولدي دفعنا الثمن غالي...خواتيه الثنتين رفضوا عيال عمي...على قولتهم انهم ما عندهم شخصيية ..وياخذون بشور امهم...وامهم حرمه راعية مشاكل....متضاربه مع كل عوايل الفريج ...حتى امايه ما سلمت منها ...وبسبب كثرة مشاكلها وي امايه ....صالح قرر انا نسير نسكن فريج ثاني ...تعبنا من المشاكل ...ذكرياتي عن الطفولة كلها ملايانه بمشاكل حرمة عمي...حتى عيالها ما سلموا منها...فلما تقدم ولد عمي الاولي يخطب ختيه ...هي رفضت ...قالت من الي يسير للنار بريوله...وطبعا هي كانت دلوعة صالح ما يرفضلها طلب...عمي بالبدايه خذ بخاطره بس بعد سنه كل شي رد طبيعي...ويي ولد عميه الثاني وخطب ختيه الثانية ...بس ختيه رفضت...بحجة انه ما دارس عنده بس ثانويه ..والاخت خريجة جامعة....وليتني اعرف هي باي اسلوب قدرت تقنع صالح...لانه الاخ على طول رفض ولد عمي...طبعا حرمة عمي قومت القيامة على راسنا ...سيرتنا استوت على كل لسان...لدرجة لما سرنا نوصل كروت العرس طردتنا من بيتهم....وطبعا عميه قطع عنا وما زارنا ولا جفناه اصلا لمدة 4 سنوات...ولما دخلت الجامعة انصدمت بولد عميه الي بنفس عمري بكلاسنا ...مستحيل انسى هذاك اليوم...صدمة ما وراها صدمة ...كنت متاكدة الف بالمية اني بكون من نصيبة...مستحيل اييب عذر لرفضه ...كنت اسمع مديح ربيعاتي عنه...وانه مب راعي سوالف بنات...والله اني كنت اشك بكلامهم...نظراته كانت تكفي علشان اعرف هو من اي نوع من الريايل ...ولما خلصنا دراسة ...يى يخطبني على طول...الي قهرني واستغربت منه حرمة عميه بمنتهى البساطة ييت بيتنا وتخطب...ولا جنها مسويه شي...ولا جنها مروغه سمعتنا القاع...حاولت اني ارفضه ..استخدمت كل الاساليب علشان اقنع صالح...طلبت من خواتيه يساعدوني بس كل وحده تتمدح فيه....ويلسوا يقنعوني فيه وانه مستقبله اوكي...واذا على السكن اشترطي عليهم ما تسكنين وي حرمة عمي....طبعا انا ما اقتنعت باي راي من ارائهم....بس الراس العود كان مقتنع وانا برايه تراني الا عروس راي مب مهم ...جنه صالح هو الي بيعيش معاه مب انا ..


ما احس بريولي...كل هاي جامعة ...انا شكلي بضيع بالجامعة..الدكتور بيبدى المحاضره وبيخلصها وانا بعدني ادور القاعة...يا الله بالستر من اشكال الاوادم بالجامعة...ظنتي غلطانين بالعنوان...كانهم ساييرين حفلة...ما عليه خلني اكمل دربي واسير صوب السوبرماركت...اتشرالي اغراض...واخيرا وصلت ...سرت صوب الفواكة ...لحضه جني اسمع حس وحدة خليجية...تجدمت صوبها وجفت وحدة لابسه شيلة خضرة ...ملامحها خليجية...امم اسير اتعرف عليها...شو ورايه ...
:السلام عليكم اشحالج ختية
:عليكم السلام ...الحمد لله اخبارج انتي يا الغلا
مياسة:الحمد لله ..وياج مياسة..انا يديده اهني
:هلا وغلا والله...معاج ليلى ..انا جديمة اهني ..
شكلج خليجية
مياسة:اي اختي ...وانتي شكلج بعد خليجية
ليلى:اي فديتج خليجية...شو رايج تيين وياي الشقة نسولف على راحتنا...واعزمج على جاي كرك ..
مياسة:الله جاي كرك...اني مفتقدتنه من زمان
ليلى :توكلنا عيل
سرت صوب شقتها ...وتكلمنا عن الدراسة وعن اهل ها البلاد...وقالتي حاولي قدر ما تقدرين تتجنبين العياييز...وانهم ما يحبون الغرب...بعكس الشباب وايد هيلبفول...وانهم وايد هاديين وانطوائيين ...وما يدخلون بشؤن الغير...واحلى شي
انهم ما يعترضون لج..ولا للحجاب..بمعنى اخر مالهم دخل بحد...سولفت معاها تقريبا ساعتين...وبعدين استسمحت منها بسير اطمن على عياييزي ...ودعتها على اساس انه نلتقي بشقتها وتعرفني بالشعب الخليجي الي اهني...شكلها وايد طيوبه...امم يعني تنحب...سرت صوب بيت عيوزي ..الي مب بعيد عن شقة ليلى ...ولما حدرت البيت..طبعا انا عندي كوبي من المفتاح...ما اسمع حس حد...والمكان ضلام...شو مستوي هني..الساعة يا دوبها 8 ...ليكونوا رقاد...شو دياي يرقدون من وقت...لحضه يا حلوه..انتي ببلد الغرب ...الي يرقدون من وقت وينشون من وقت...لا ما نقدر على الصحة ...وعلى النظام حنا...نوم العوافي يا عيوزي ...خسارة باجر ببدى جامعة..ولا كنت بذوقج ذاك البرياني..والمندي ...والبلاليط ...ومن عقبه ..تتمنين تكونين منا ..بس ما تطولين...ما عليه ..الايام جدامنا ..مب يايه اطير...وراج وراج...لحد ما تتمنين اعطيج جنسيتنا....بس ما بسويلج سالفه ..وما ارضى اعطيج...لحد ما تقولي احنا مب ارهابين...لا مياسة ..انتي مالج بالسياسة...انتي حدج المطبخ...يا سلام انا عشقي االطبخ...تذكرت انا يوعانه ..ما كليت شي عقب الغدا...امم شو اطبخ...طبخه لذيذه وسريعة...معكرونة...لا يباله وقت لحد ما ينطبخ...امم بيتزا..بعد ما ينفع...امم اسرع شي سندويج جبن...امم ما عليه تصبيرة لحد ما باجر اتفنن بالطبخ..سرت صوب المطبخ...ويلست اسوي السندويجة...وانا بقمة تلذذي لسندويتجي..سمعت صوت الباب ...الا وعيوزي يايه وهي لابسه لبسة نوم قصيرة...والله اني شرقت بالعصير ...وشويه ويغمى علي...لا طلعتي مب هينه يا عيوزي...واي امي راعي عمرج...لا انا مش بتعت الكلام ده...ومش بتعت المناظر دي...وي هاي مضيعه المذهب...امي عيييييييب تلبسين جي جدامي...انا مب معرسه..ها يلبسونه جدام عيوزج...اللحين هاي اشلون افهمها...لا واحمر بعد...لا بيغمى علي اللحينه...وينج يا تهاني ..تجوفين الي اجوفه...فاتج نص عمرج...عيل تقولين انج تستحين تلبسين جي جدام ريلج...والحلوة الي جدامي..لابسه الاحمر جدامي...يا ويل حالج يا مياسه..شكلج بتجوفين الي ما جفتيه بحياتج كلها...سمعتها تقول ...شو يالسه تجوفين...جوفوا المنكر بس...ها سؤال تسالينه..اجوف سواد ويهج ..تذكرت ....ان العين لتزني وانا زناها النظر...استغفر الله بس...يا ربي هي ولا جنها لابسه شي ..لا وفوق ها شفاف...بس سؤال يطرح نفسه...عيوزي شو تسوي بيسمها جي متناسق ....ورررشيق







[[/SIZE]/COLOR]

السلاااام عليكم
الله ونااااااااااااااااااااااااااااااااسه قصه اماراتيه ...
مرحبااااااااا ملاااااين بذمتييييه ولاااااايسدن وان زااادن فلااابااس >>> صح الجمله كذااا ولاجبت العييييد هههههه
اختي فديت ضحكتي ....باااين من البداااايه ان القصه روووعه ....لان الحقيقه انا قريت الجزء الاول بس
ولي عووده بعد ماااقراء الاجزاء اللي منزلتهم ...وانشاء الله يكون في تعلييق على الابطااال
بس حبيت ارحب فيييك في ليلااس ....وانك لقيت المكااان الصح اللي تنتشر فييه روااايتك
اهممممممممم شي يكووون فيه التزااام منك ككااتبه ....وعدم الانقطااااع الغيير مبررر .....
لانه بصراااحه في القصص الامااراتيه بالذااات ....يوجد هناااا في ليلاااس قصص اماراااتيه قممممه في الروعه ....ولكن شووها عدم التزاام الكااتباات .....وغياااابهم فتراات طويييله ....
ويااارب انشاء الله تزين قصتك قسم الرواااياات المكتمله ....بالتوفيق حبيبتي ,,,,,

هلاااااااااااااااااااا
والله بالغالية فديت ضحكتي اشلونج عيوني واخبار دراستج

قصة رائعة واسلوب مختلف
ومحتوى يختلف تماما عن سابقتها

نورتي ليلاس بأطلالتك الثانية

اعجبتني البدية كثيرا
ووقعت بغرام السطور
وزدت حماس بأجواء الشباب التي تنتشر في حروف
القصة
سجيليني متابعة دائما لهذا الابداع الاماراتي

بالتوفيق غاليتي

بداية الرواية مميزة تخليك تنسجم معاها بالتوفيق اختي . بس لا تتأخري علينا وعليمنا بمواعيد التنزيل .