المنتدى :
المنتدى الاسلامي
الخشوع فى الصلاة / بقلم : عاشق فن إرتواء العقل
بسم الله الرحمن الرحيم
الخشوع فى الصلاة
حاجات غريبة وعجيبة شوفتها فى صلاة جمعه النهاردة
مش أول مرة بشوفها ده أنا بشوفها كتير بس المرادى الوضع مختلف
ناس عمالة تصلى وخلاص مبقاش فى خشوع خالص
رنات موبايل بترن ورنات مسج بتون وكأننا فى ملهى ليلى مش فى جامع
أيه اللى جرى ليكم يا مسلمين بقيتم ليه كده مش فارقة معاكم الصلاة
ده أحنا مسلمين مؤمنين بالله ورسوله أزاى نوصل للمرحلة دى ونصلى بالشكل ده
فين الخشوع يا مسلمين ولا الصلاة بقت تأدية واجب بنعمله وخلاص
لو واجبنا أتجاه دينا أننا نصلى وخلاص يبقا بلاش نصلى ونتعب نفسنا
طالما بنصلى تأدية واجب مش عبادة وخشوع لرب العباد
حاجة تحزن والله العظيم قولنا المشكلة فى النظام الفاسد وأهو عملنا ثورة
وأتارى المشكلة مش مشكلة نظام فاسد المشكلة أننا ماشيين حياتنا بالبركة
لما فى صلاتنا بنصلى تأدية واجب ومفيش خشوع أومال أزاى هنحافظ على تراب بلدنا
مش عارف أقول أيه أكتر من كده لكن حقيقى أنا حزين ونزلت من عنيا دموع
لما شفت النهاردة المناظر دى قدام عنيا ومش لأول مرة بشوفها ده دايما بشوفها
ومش عايز حد يقول أن اللى بيحصل ده بيحصل فى مصر وبس
اللى بيحصل ده بيحصل فى بلاد كتير أوى وأكتر من كده بكتير
أنا مش هنا علشان ألوم ولا أعاتب ولا أهين بلاد أنا هنا بعاتب المسلم الموحد بالله
وياريت بالله عليكم يا مسلمين يا موحدين بالله ومؤمنين بالله ورسوله كفاياكم أستهتزاء بالصلاة
وصلوا فى خشوع تاااااااااااااااااااااااااااااااااااااام وأعتبروا كل صلاة تصلوها هى أخر صلاة فى حياتكم
والسلام عليكم ورحمة الله وبركاته
والسلام ختام
ويارب حسن الختام لكل مسلم ومسلمة فى شتى بقاع الأرض
بقلم : عاشق فن إرتواء العقل
خالد نور الدين
|
30-09-11, 03:26 PM
جديد مواضيع قسم المنتدى الاسلامي
العرض العادي
