المنتدى :
الشعر والشعراء
حبها مجنون
هذا شعر بقلمي اسم الابيات ( حبها مجنون ) على لسان شاب
يوم التقينا ما دريت وش بلاها
صارت ترف جفونها وترجف شفاها
عــيونها تحكي وتقولي احبك
وانا قلبــــي محتار من قصة هواها
ويـن ما امشي اشوف عيونها
تمشـــي معي ويلف حــولي حلاها
تبتسم لي ابتسامة طفل حاير
منتظر كلمة حنــــان وما لاقــــاها
ابتعد عنها وما كني ملاحظ
الشوق في عيونها والدمعة سلاها
تكتب قصايد عني وتـــغني
وبصوتها المبحوح يترنم غنــــاها
اشوف في عيونها نظرة الم
والامل واليأس يتهادى ف سناها
يوم اطالعها الاقي عيونها تلمع
وفي خدودها الوردة تتفتح شذاها
لو ابتعد عنها تناظرني بحزن
وتروح تمشي والهم يمشي وراها
وان بغـــيت اجــلس اسـولف
تنتهز اقرب مـكان لي واتبـــاها
حبـــها مجنون ما تهتم لشي
لا كلام النـــاس ولا عم هجـــاها
حاصرتني ماتبي تطلق صراحي
وانا مادري كيف اقنعها بخطاها
والمشاعر في عيوني تختلط
ويــــقولو بايعها ويقولو شــراها
ثار قلبي وانتفض لا لا تسلم
ماهو هاذي الي راح ترتاح معاها
ما هو انا الي يعشق أي وحدة
تستميله .. في ليلة وضحـــاها
|
03-07-11, 08:17 PM
جديد مواضيع قسم الشعر والشعراء
العرض العادي
