وعود سعود

بـــــــــــــــدايه تبشر بخير >> لنا كقرااء

وانفجارات واسرار >> للابطـــــــــــــال


حلا نهاية الحكايه.. ان شاء انكمل معش للنهايه..

تسلمين يالغلاا على هالبارتين الروعه..


شيخه كسرت خاطري حرام يسوي فيها كذا
بس اتوقع يتزوج العنود بما انه بيقول انه مقطوع من شجره فبتكون بالسر..

وبانتظار التكمله ..

موفقه ..

هلابك زود أثرني أحبه
وياهلا بكل اللي مروا بهالصفحه
*-*

البارت الثالث

سعود: شلون يعني شاللي بيصير عليها
سلطان: انت مصيرك بتتزوج بنت عمك
سعود:ايه مو عشان كذا يالذكي أنا جالس أقولك قول لأبو العنود أنا مالي أهل مقطوع من شجره
-والله أنت أدرى باللي راح تسويه
سعود: موب مقصر عليها بشي وببني لها بيت هنا بالقريه بجنب بيت أبوها
.................................................
بعد صلاة المغرب
أبو العنود:ياحيا الله من جانا
سعود:الله يحيك ويبقيك يا بو العنود
سلطان:ياعم..سعود أخو دنيا وشخص والنعم فيه يشتغل معاي بالبنك(أول كذبه سعود يشتغل بشركة أبوه)
ويبي يكمل نص دينه وحنا اليوم جاينك نخطب بنتك لسعود
أبو العنود:وين أبوك ياسعود ليه ماجا يخطب معك
سعود: الله يرحمهم أهلي متوفين من فتره(ثاني كذبه)وعندي أخت ومزوجها لجاسم ويأشر على جاسم
-الله يرحمهم يابوك الله يرحمهم
طيب ماعندك خوال ولا أعمام
_لا ..ماعندي (ثالث كذبه)
سعود.. ها يا بو العنود شقلت
في الوقت اللي كان سلطان يقول لبو العنود سعود رجال أمثاله قليل ومهما أقول عنه ماأوفيه
جاسم بصوت منخفض شاللي ها يا بو العنود هو لاقي بنته بالشارع أكيد موب راد عليك ألحين
أبو العنود والله ياسعود العنود بنتي الوحيده أطالع الله ثم أطالعها وأنا رجال كبير مثل منت شايف وأتمنى أني أزفها لبيت رجالها قبل لا أموت ..رجال يعرف قيمتها ومايضيمها
سعود:ان شاء الله انها ماتنضام وهي في بيتي
أبو العنود:دام انه سلطان ولدي يمدح فيك فمن صوبي أنا موافق بشاور البنت وأرد لكم خبر
هالكلام حز بخاطر سلطان كثير شخص واثق فيه لهالدرجه وللأسف هو
خان هالثقه
..................................
سعود بفرحه من جدك ياسلطان أخيرا مابغوا يردون علينا
سلطان:مدري ليه أحس بتأنيب الضمير
سعود:روح انت وضميرك وجاسم بعد ما عندكم سالفه بكره بملك عليها
............................
أبو العنود هذي العنود ياسعود نظر عيني ماأوصيك عليها
-لا توصي ياعمي ببني لها بيت جنبك وكل ما اشتقت لها زورها
-وليش تبني لها بيت هنا بالقريه
-عشانك انت وعمتي
بعد إذنك ياعمي أبي أشوف زوجتي
-دقايق وأرجع لك
..............................
أم العنود: العنود روحي للمجلس سعود يبي يشوفك
-وبيشوف عمته بعد تعالي معاي يمه
-ان شاء الله..
بالمجلس سلم سعود على أم العنود وخرجت
سعود:يناظر في العنود والصمت سيد الموقف
وبعدها تكلم سعود
تدرين أول مره أحس قلبي ينبض
ماناظرت العنود لسعود لكن رسمت ابتسامه على شفايفها
-أوعدك العنود مايبعدني عنك الآ الموت
أوعدك أحبك لآخر يوم بحياتي..أوعدك ماتنضامين ببيتي..
............................
أم العنود:شفيك يا بو العنود شكلك مو على بعضك
أبو العنود ويوجه كلامه للعنود يبي يبني لك بيت هنا جنب بيتي على قولته عشان ماتبعدين عني أنا و أمك
العنود..وهذا اللي مضايقك يبه يعني تبيني أبعد عنك
-تدرين يالعنود ان موب هذا قصدي بس أنا مستغرب الرجال شغله بالبنك مع سلطان شاللي حاده يداوم من هنا كل يوم
-يبه مو انت تقول انه ماعنده غير أخت وحده
خلاص يمكن عشان كذا يبي يجلس مع أمه وأبوه وباست راس أبوها يبه ماأشوف الموضوع يستاهل يشغل بالك كذا
أم العنود:وعلى طاري أخته موب غريبه انها ماحضرت
-سلطان ولدي مامدح الرجال الا وهو عارفه ماله مصلحه يكذب علي
-يمه يبه انا ماوافقت الا بعد ماأستخرت وان شاء الله انه مو صاير الآ كل خير
.................................

نهاية الحكايه

بداية موفقه


هالكلام قبل 20 سنة !! وش صار على سعود والعنود بعد هالعمر ؟؟

في انتظار الاجزاء الباقية
تحياتي لكِ

بدايه رائعه وبا التوفيق وفي انتظار الوعود المقبله

اي بعد العشرين عام وش صاااااااااااااااااااااااااااااار للعنود وشيخه ياسعود

وفي انتظارك