أنت مريح البال ... وأنا أعاني ...!!

البآرت الاول ..


آن قلت بـ : آكمل طريقي و آنسآك ..
مع آول خطوهـ .. وقفت و تذكرتك ..
مدري متى ! بـ : آصدق آني بليآك ..
ومدري متى ! بآصدق آني خسرتك ..

صآح تيلفونه و لقآهآ علثه عشآن يطلع من آلبيت ..
يطلع من آلبيت آللي يحس آن مخنوووق بوجودهآ آمآ بينهم في آلصآله ...
شل تيلفونه و طلع للصآله ..
و رد على آلمتصل ...

فيصل : آلووه ..
نآصر : مرحبآ مرحبآ آلسآآع ...
فيصل : شحآلك ..!!
نآصر : بعآفيه و يسسسرك آلحآل .. هآآآه وين دآرك ...!!
فيصل : في آلبيت و آلله ...
نآصر : دآمك في آلبيت قرررب قررررب عندنآ آلعزبه ... آليلسه طربآنه .. و مآبتحلآ زود آلآ بوجودك ...
فيصل : لآ لآ وين تحيدني آلخميس سهرتيه في آلبيت ... و آليمعه ويآكم ...
نآصر : عآد شبآب بوظبي مهب دوووم بييون آلعين ...
فيصل : شبآب بوظبي عندكم ..!!
نآصر : هيه نعآآآم ..
فيصل : عيل دآم فيهآ شبآب بوظبي يآلله مسآفة آلدرب ويآينكــم ...

سكـر عن نآصر ...
وتوجهه يدآ آلصآله وهو متجآهل آليميع ..
بدل ملآبسه ..
وطلع مره ثآنيه .. و لكـــن آستوقفته آمه ..

آم فيصل : هآه آبويه وين نآهي آلحين ؟؟
فيصل : آتصلبي وآحد من آلشبآب يبآني و بروح له ..
آم فيصل : آلله يحفظك آبويه ..
فيصل : آمآيه ترى عندي دوآم بآجر .. وعيني 5 آلفير ..
آم فيصل : آن شآء آلله آبويه ..

طلع من آلصآله و هو ملآحظ عيونهآ آللي متركزه عليه ...
وركب موتره و آتوجهه للعزبه ..

..

دخل آلميلس هو وولد عمه من بعد مآبركنوآ آلموتر جدآم بآب آلميلس ...
وفر كل وآحد منهم عمره على كنبه ...

محمد : يآخي و قسسسسم بآلله تعبتنآ ..
حآمد و هو مغمض عيونه : ترآك جيس آلحشششره حشرتني ... خلآص مآصآر لنآ نصيب .. نعآرض حكم آلله ...

ودآم سكوتهم لفتره من آلوقت ..

حآمد : بتخآوآنيه بآجر ..!!
محمد : آكيد بخآويك .. من آمتى و آنآ مآآخآويك .. ؟؟
حآمد : خسآرتنآ آليوم مآتعني شي .. بس بآجر .. بآجر هو آليوم آلمهم .. بآجر لآزم يكون آلفوز لنآ .. لآزم آلشآره تكون لنآ ..
محمد : بآذن آلله ..
حآمد : آلصبح آنآ بشل آلموتر للصنآعيه .. و بشيك عليه .. و آن شآء آلله آلسآعه 2 نحن طآلعين من هنآ .. و قبل 3 نحن عندهم ..
محمد بنظـره تفسير : ظنّك بنفوز ؟؟
حآمد : بآذن آلله .. آلموتر مآنآقصنه شي .. شوية عزيمه .. و شوية آتكآل على آلله .. وآلفوز من حظنآ آن شآء آلله ..
محمد : آن شآء آلله .. آممممم بسير آييب لنآ عشى و يآي لك آوكيه ..
حآمد آوك ..

تم حآمد يآلس بروحه في آلميلس ..
آتوجه للتيلفزيون و شغله و آنسدح تحته يحىول يظبط آلدي في دي عشآن يتآبع آلفلم ..
ودقآيق بسيطه آلآ محمد رآجع بصينية آلعشآ ...

محمد : بوغيث تعآل قرب على آلعشى ..
حآمد : يآلله .. بسم آلله ..

تجدم حآمد من آلعشـى و تعشّى هو وولد عمه و هم مندمجين في آلفلم آللي كآن يتكلم عن آلمغول ..

وبلحـظه قطع عليهم آلجو صوت تيلفن حآمد و هو يصيح ..
جآف آلرقم .. ومآلت علآمآت آلآستغرآب في ويهه ..

طلع برى آلميلس ..

حآمد : هلآآ ..
: هلآ حآمد وين آنته ؟؟
حآمد : عند آلربع .. شوه بغيتي ؟؟
: تعآآلي بسررعه .. غيث تعبآن وآيد .. فيه حمى و مب رآضيه تنزل .. و آلكحه مقطعتله صدره .. تعآآآلي بسسرعه مب عآرفه شوه آسوييبه ..
حآمد وهو يتنهد : آوك آوك ... مسآفة آلدرب و يآي .. لبسي عبآتج .. و جهزي غيث ..

سكر عنهآ و حدر آلميلس وتم وآقف على آلبآب ..

محمد : بلآك وآقف ... تعآل ..
حآمد : لآ لآ مرووح .. آسترخص منك ..
محمد : مب رخيييص .. وين تبآ .. ؟؟
حآمد : غيث تعبآن شويه .. بشله آلمستشفـى . .
محمد : آلسلوووومه .. رب مآشر ..
حآمد : لآ لآ مآشر .. يآلله بآي .. موعدنآ بآجر ..

...
في آلغرفه ..

شمآ : نونه ترى صآر وقت رقآدي .. بليز بليز بليز آبآ آرقد .. و آذآ نآويه تكملين سهرتج قبضي آلبآب لو سمحتي ..
نوره بقهـر : آففففف مكثـــر مآترقدين .. ليتني بس آرقد كثر مآترقدين ..
شمآ و هيه تتنهد و من ثم تبتسد : ليت آللي يحسدني على كثر آلنوم .. ؟؟ يدري و ش آلله يجبر آلعيت تغفي ..
نوره بضحكه : يييييييييييه ييييييييه يآبو مهيـر .. و آلله مآضويتي على خير يآ شمآ ..
شمآ : هههه جلبي جلبي ويهج لو سمحتــى .. آلسآعه تخطت آلـ 12 .. و تحيديني مآآحب آرقد متآخره ..
نوره : عنبوه عندنآ ديآي في آلبيت .. ديآآآي ..؟؟
شمآ : ديآي و لآ غيره .. كيفج .. آهم مآفي آلموضع آنيه آرقد ..

و آنسدحت على آلكرفآيه و لفت على يمينهآ و غطت رآسهآ ..
طلعت نوره من آلغرفه وهيه متوجهه للصآله ..

وعلى حآلهآ ذآ دخل آخوهآ فيصل من برى ..
ولكـنه آتجآهل توآجدهآ وكمل طريجه لغرفته ..

آمآ نوره مآمدآهآ تنسدح آلآ وهيه حآسه آنهآ يوعآنه ..
دآرت عيونهآ في آلصآله آدور من بقآيآ آلعشآ مآلقت شي ..

آتوجهت للمطب آلتحظيري ..
وفجت آلثلآجه ..
مآلقت فيهآ آي شي تشتهيه ..

وآنتبهت لكيسة آلخبز آلبآقي من آلعشآ ..
و آكتفت بخبز و جبن .. وكوب جآي ..
وطلعت للصآله و هيه تآكل آكلهآ ..
و آلآ ب فيصل نآزل مره ثآنيه ..

فيصل : نوووره .. شوه من آلعشآ ؟؟
نوره : آمممم و آلله آلعشآ مآلقيته .. آظني شلنه آلبشآكير آلمطبخ آلثآني ..
فيصل : آوك ..

رآح فيصل عنهآ .. و لكنهآ آستوقفته ..

نوره : آسويلك خبز و جبن و جآي .. ؟؟
فيصل : بتفعلين خير ..

حطت نوره خبزتهآ و جآهيهآ .. و رآحت تسوي لآخوهآ مثل عشآهآ ..
ويلسوآ يآكلون ربآعه ..

من بعد آلعشآ آلخفيف ..
آتوجهه فيصل لغرفته ..
و على دخلته .. طآحت عيونه على آلبروآز آللي مستحل مسآحه صغير من آلغرفه ...
وآبتسـم للصوره آلموجوده في آلبروآز ..

...

في آلمستفـى ...

وقف عند بآب آلغرفه من برى و هيه في قمة آلتعب ..
آمآ هيه فكآنت يآلسه ويآ ولدهآ دآخل و آلخوف مبين عليهآ ...
ولدهآ صغير ... صغير وآيد .. ومآيتحمل آبد هآلحمى و آلحآل آللي فيه ..

لفت للبآب .. و هيه تسمعه ينفتح ..
لكـن مسررع مآترآجعت آنظآرهآ معلنه آلآنسحآب من بعد مآ شآفت آللي حآدر آلغرفه ..

آمآ هو ..
فكآن آلخوف و آلمحآتآه مرتسمه على ملآمح و يهه بشكل ملحوظ ..
على كثـــر مآآنه متصف بصفة آلمكآبر ... بس .. لآزآلت ملآمحه تفضحه ...

لآحت آنظآره على غيث آللي مترقد على آلكرفآيه ..
و كيس آلمغذي موصل لييده ..

تنهد .. و تجدم منهم ..

مآحست به آلآ و يده متسمره على جتفهآ ..

حآمد : مآله دآعي هآلخوف كله .. آن شآء آلله آنه معآفآي ..

آكتفت آنه آطآلعه بعيونهآ آللي منغمرآت بآلدموع ..

حآمد بآرتبآك : آممم بسير آخلص آجوف آلدكتور آيي يشوفه .. عشآن يرخصنآ .. آلمغذي يوآحي يخلص بعد 5 دقآيق ؟؟

هزت له رآسهآ بآلآيجآب ... على آنهآ موآفقتنه بآللي يقوله ..

وطلع عنهآ ..

وكلهآ دقآيق .. و آلآ آلدكتور رآجع ..
يلس يجيك على حرآرة غيث .. آللي خفت .. لكـــن بعدهآ مآوصلت للمعدل آلطبيعي ..

آلدكتور : آلحرآره خفت .. بس .. خذآ آيمنع آنكم آذآ آرتفعت تييبونه مره ثآنيه هنآ .. و بآلنسبه للخروج .. تقدرون تترخصون .. بس آنتبهوآ للولد .. و كل 3 سآعآت قيسوآ حرآرآته .. آذآ آرتفعت لآتترددون في ييتكم لنآ ..
حآمد : على خير ..

آسترخصوآ من آلمستشفـى .. و ركبوآ آلموتر متوجهين يدآ آلشقه ..
بركن آلموتر ..
ونزلوآ من آلموتر .. لكــنه تجدم مهره و شل عنهآ آليآهل ..
آتوجهوآ للشقه مآلتهم ..
و فجوآ آلبآب .. وحدروآ آلشقه ..
وعلى دخلتهم آلآ بآذآن آلفير ..

آتوجه حآمد بآليآهل لغرفة آلنوم .. و مهره تتبعه بخطوآتهآ آلمتوآزنه آللي في نفس آلوقت مبين عليهآ آلتعب ..

وحط آليآهل على آلكرفآيه ..
يلست مهره حذآل ولدهآ .. و هيه آطآلعه برحمه ..
مب هآين عليهآ حآلته آبد ..

حآمد : عندج مقيآس للحرآره ؟؟
هزت رآسهآ بآلآيجآب .. : هيه ..
حآمد : هآتيه .. و قيسي له حرآرته ..
مهره : آوك ..

قآمت مهره من آلكرفآيه متوجهه يدآ وآحد من آلدروج آلصغير آللي على طرف آلغرفه و آلتآبعه بآكملهآ لغيث ..
وطلعت قيآس آلحرآره ..
وتجدمت من غيث و يلست تقيس له آلحرآره ..
و بحمد آلله .. آن آلحرآر بدت تترآجع .. و توصل للمعدل آلطبيعي ..

حآمد : تمآم .. آمممم شي لي ملآبس في آلكبت ؟؟
طآلعته بآستغرآب : بتبآت هني ..!!
!!

..

دخل بهدوء آلبيت ..
متسلل للطآبق آلثآني .. و خوفه من آنه يصدر آي حركه تثير آلآزعآج في آلبيت .. و توعي آهل آلبيت آلرآقدين كلهم ..
تسلل بهدوء .. وآعلن بدآية دخوله للطآبق آلثآني ..

ولكــــــن آلصدمه آللي آبد مآحسبهآ ..
طلعة فيصل في ويهه ببدلة آلدوآم ..


علي : وآنت مآحد غيرك يصيدني .. دووووم دووووم ؟؟
فيصل : هههههه ربك كآتب لي ..

وتجدم علي من فيصل و لوى عليه ..

فيصل : آلحمدلله على آلسلآمه ..
علي : يسلمك و يعآفيك ..
فيصل : دووووم آلله كآشفنك ليه .. مآشي مجآل .. وآمررره لآ تحآول ..
علي : هههههههه نعآآم و آلله مآحد غيرك يصيدني دووم ..
فيصل : عنلآتك و آلله مآتوووب آبد .. عييت زود مآقولك قولي بستقبلك في آلمطآر .. بييبك بدآل حشرة آلتكآسي ..
علي : قلت آسوييهآ مفآجئه ... بس آنت موول مب ويه مفآجئآت .. قوووم قم عني .. عن لآ حد يجوفني آلحين ..
فيصل : هههههه تمآم ..عيل مروح آلدوآم آنآ .. سلآآآآم ..
علي : على خير ..



" السموحه .. مآقدر آحدد موعد البارت الياي .. وآمتى مآجهز بتلاقونه مسدووح لكم .." ...

السلام عليكم و رحمة الله و بركاته

صباح الخير و الرضا من الرحمن

يا هلا و الله مرحبا الساااااع

نورتي ليلاس بوجودج بينا مرة ثانية

القصة واضح أنها بأسلوب غير عن اختها اللي اكبر منها بكثرة الشخصيات

اللي أكيد كل واحد منهم له حكاية ....

=====================

(( فيصل ))

واضح انه أنسان فيه شوية غموض و عصبي و لا ليش هالنظرات لأخته

شنو السبب اللي يخليه يتجاهلها بهالشكل ...

=====================
(( حامد و مهرة ))

فيه غموض بعلاقتهم ... و فيه فجوة كبيرة بينهم ... ليش حامد

سأل أنه له ملابس و ليش مهرة استغربت أنه بيبات عندهم هل

زوجاتهم بالسر أو في سبب ثاني ...

و شنو الشيء اللي ربي ما كتبه له هو ومحمد ...

=====================

بانتظارج ....