صدقيني العيد نفسـه ماتغيّـرمـن سنيـن
....فرحة اطفال وعيَادي أهْـل واحبـاب وقرايـب
والتهاني والهدايـا وقولـة \"مـن العايديـن\"
.....وإلتمام الشمْل يوم العيد .. وانسـام الهبايـب
كل حاجه مثل ماهي بـس انـا حالـف يميـن
.....إنّ لاغبتي بسجّل نفسي فـي هالعيـد غايـب
وارجعي بالذاكره للخلـف .. وانتـي تعرفيـن
.....ليه احس العيد عقبـك جيّتـه جيّـة مصايـب
ليه لا طالعت كـرت العيـد اكفكـف دمعتيـن
.....من ذكرت اعيادنا وايام كـان الوضـع طايـب
اذكر اني من \"مصلى العيـد\" وانتـي تذكريـن
.....كنت اسابق خطوتيني متّجـه يمّـك .. وذايـب
لجل اكون الشخص الاول لجل منّـي تسمعيـن
...في صباح العيد جُملة \"كل عام احْنـا حبايـب\"
لجل نكتب خلف كرت العيد .. ذيـك الكلمتيـن
...كنت اجيك بقلب طفل وطيش شاب وثقل شايب
وانتي في أجمل ثيابك كاشخـه والزيـن زيـن
.....تثبتين انك عجيبه .. غير عن كـل العجايـب
كنت اعايد معْك حالي حـال باقـي العاشقيـن
.....شايل ٍ روحي علـى كفّـي واقدّمهـا وهايـب
وادري انّه مايهمّك ويش اجيـب مـن الثميـن
...كان همك جيّتي ما كان همك .. ويش جايـب؟
فرحة العيد .. بلقانـا كانـت اصـلاً فرحتيـن
....شبْه ضحكات الورود وعـدّ زخّـات السحايـب
ماليوم العيد طعم .. ومال هـا الذكـرى حنيـن
....وكلّ منّا في مكـان وكـل واحـد لـه طلايـب
الرجا في قلبك
17-05-11, 11:04 PM
كل عام احنا حبايب ..
جديد مواضيع قسم الشعر والشعراء
العرض العادي
