السلام عليكم ,, بناء على طلب أختي ,, عاشقة الجنوب ,, ورغبتها في معرفة بعض الأكلات الشعبية القطرية قررت ,, أنزل موضوع متجدد ,, أنزل فيه ,, أشهر أكلاتنا الشعبية ,, اللي أكيد ما تختلف عن الخليجية ,, وان شاء الله يعجبكم ,,
هذي صورة المقادير طبعا مع السمك والرز
وهذا السمك مع البهارات ,, تبليه واتركيه لمدة ساعه ,,,
بعد مرور الساعه نقلي السمج ,, بس مانقلبه وااايد عشااان ما يتفتت ,, ونرفعه قبل مايستوي كامل ,, يعني نخليه نص استوا...
الحين نحمس البصل لين يصير لونه بني مثل الصورة ,, وبعدين نضيف الثوم والزنجبيل وورق الغار ونقلب الى أن تظهر ريحته ,,
هنيه أضفنا البهارات ,, ونقلبها شوي ..
وهنيه أضفنا الطماط م ونقلبه شوي لما يذوب ..
والحين نضيف الخضار ,, دفعااااات
لما نشوف الخضار تغير لونها ,, وبدت ريحتها تطلع ,, نصب الماي الساخن عليها ,, ولما يغلي نملح القدر ,, ونبتدي ننزل السمك المقلي فيه بهدوء عشان مايتفتت ,, وهذي الخطوة يبي لها شوية حرص وهدوء ,, وأنا أفضل تنزلين السمك بالقطعه وتكون جنبج صينية فرن مغلفة بالقصدير ,, نحط فيها السمك ,, أول مانرفعه ,, السمك خليه في الماي مدة دقيقة بس ...
ألحين خلصنا من السمك ,, وصفيناه في الصينية ,, نرشه بالقرفه المطحونه وندخله الفرن يتحمر شوي ...
بعد ما خلصنا من السمك ودخلناه الفرن ,, نضيف الرز للمرق ,, وأول مايبدا يغلي وينشف الماي ,, نخفف النار ,, ونحط قطعة صفيح تحن القدر ,, ونغطيه زين بالقصدير ,, ونتركه على النار لمدة نص ساعه ,,
وهذ طبختنا استوت ,, امممممممم ,, الريحه تهوووس وتهبل ,, ومعاه سلطة الجرجير بالرمان والجوز ,, وسلطة البصل ,,
عااااد الشيخه بنتي عطيتها تصور آخر صورة ,, وقامت تفنن ,, ومن زوود فنها ,, ما طلعت الصحن كااامل ,,, انقهرت ,, ويوم قلت لها ,, قالت يمه ,, هذا التصوير البروفيشنااال ,, قلت ,, زين ,, عشااان أنافس بوووحه ,, ههههههههه
وهذ مجبوووسنا جااهز ,,, شرايكم فيه ؟؟
ألحين بحط لكم المقادير كامله ,, أدري كثرت بالهذره ،، ومللتكم بالوصف والشرح ,, بس مجبوس الهامور يستحق التفصيل ,, لأنه رووووعه ,,, وان شاء الله ينال أعجااابكم ,, ويحوز على رضاااكم ,, ولا تنسوون الردود الحلوه والتقييم ,, ومن لا يشكر الناس ,, لا يشكر الله ,,
المقادير :
سمكة هامور 2 كيلو + 3أكواب رز بسمتي + نص كوب زيت + 2حبة طماطم متوسطة الحجم ولونها أحمر + 3بصل مقطع صغير + 2 فص ثوم مبشور + شريحة زنجبيل مبشور + 2 حبة فلفل حار + 3 حبات ليمون أسود مثقوبة بالشوكة + 6 أكواب ماء دافي + 1ونص م ش كركم مطحون + 1ونص م ش بهارات مخلوطة + نص كوب كزبرة خضراء مفرومة خشن+ حبة فلفل أخضرمقطعه مربعات كبيرة + 2 م ش ملح + 1 م ش قرفة مطحونة + 1 م ش كمون + ورق غار تقريبا 7 + 2 م ط معجون طماطم + نص م ص بابريكا ,,,
لا أحلل ولا أبيح نقل مواضيعي خارج ليلاس ,, بدون اذن مني ,,,
16-05-11, 10:39 AM
أشهر الأطباق الشعبية القطرية .. مجبوس الهامور ..
جديد مواضيع قسم ركن المطبخ
العرض العادي
