المنتدى :
الشعر والشعراء
من غاب .. والفرقى تدك المحاني .. ولا زالت عيوني على شوفه حيام
ياعين .. يلي بـ المدامع كريمه
وياصدري الي للتنهات .. مدهال
وش حيلتي .. دام الخساير وخيمه
مالي جدا .. غير البكى .. عند الاطلال
يشتاقلي .. لاغبت عنه ثواني
وكن الثواني في غيابه .. جفى عام
من وين مالدت عيونه .. لقاني
وان مالقاني .. يقضي الليل بوهام
هذي علوم الأمس .. شوق , وتهاني
واليوم فرقى .. نكسّت كل الاعلام
من غاب .. والفرقى تدك المحاني
ولا زالت عيوني على شوفه حيام
أقولها .. والشوق .. جمره كواني
أقولها .. والضيق .. مسْهرني أيام
ياوجد حالي كان طيفه لفاني
وجد العجوز الي لها ( عشرة ) أيتام
من ضيقتي .. كل شي حولي .. بكاني !
ياضيقتي .. لا هنتي شوّي .. بـ نام
وان ضاقت الدنيا .. بوجه [ الأماني ] !
على [ الأمل ] عايش ! .. ولوّ كلها أحلام
أثر المحبه .. كلها شوق , وهيام !
وشكواك منهآ للأوادم .. حسوفه
وأثر الفقير .. ايّخاف يصحى .. ليا نام !
يخاف يذبح حلمه إلي يشوفه !!
خلوني أرقد .. يا عسى .. فيه الأحلام
دام الزمن .. جارت علينا صدوفه
عليه جرحي نازفٍ قدله أعوام
ينزف .. وأنا اقول : الحبيب وظروفه
كل الثواني , والدقايق , والأيام
محلها ترقب .. وأسامر طيوفه !
مما راق لي
|
24-04-11, 03:14 PM
جديد مواضيع قسم الشعر والشعراء
العرض العادي
