المنتدى :
الشعر والشعراء
هـذي يمينـي قـرب ومد يمـنـاك
مدخل
ماشبعت أغياب / يـالترف الخجول
ما ذكرت اللي يـودك يابعـدي_؟
( الوفاء والشوق ) والغصن الميول
كلها تنطـرك / والـدرب أبـردي
عشت فيك ( الحب ) أيام وفصـول
والأمـل لازال بـالشـوق يعـدي
هـذي يَمينـي قـربّ ومَـد يمـنـاك
على ( النقا والطيب ) شفنـي رجيتـك
أخاف من باجر يجـي يـوم / ملقـاك
وأخاف - أفقدنـي - عقـب مالقيتـك
ما جيت أدور زلتـك لا.../ولا خطـاك
أنا لو أنك ( ذنـب ) يمكـن خطيتـك
أجوع لوصالك - وأنا - اموت لرضاك
وأشبع أليا حنّ الخفـوق../ ورضيتـك
بعطيك عمري ياعمـر منهـو أعطـاك
مافيـه شـي ٍٍٍٍٍِأذخـره مـا عطيـتـك
صلف الهواء ينتل خفوقي ولا (أقـواك
مـا قـواك) لـو انـي أردد قويـتـك
دامك - قصيده - غصب انا جيت أبداك
ياهاجسـي كمـل مـدامـي بديـتـك
رحلة وفا ما عاشهـا كـل مـن جـاك
كثير مـن حولـي تعـدى../ وجيتـك
عهد ٍٍٍٍٍٍ علي أصـون حبـك ولا أنسـاك
والله يأخـذنـي أذا انــي نسيـتـك
دايـم أردد فـي مسامعـك ( أفـداك )
عشان بس أسمع حبيبـي ( فديتـك )
مخرج
مرني ../ صدفه سميك وانتفض/بي كِل عرق
صآح بك أقصى خقوفي .. ليتك أللي جبتها..
لو كانت هالأسامي.. ماتِشكل عندي فـرق..
مانفهق قلبي معاهم.. ثم رحت ../ وعبْتها..!
|
13-03-11, 10:12 AM
جديد مواضيع قسم الشعر والشعراء
العرض العادي
