كاتب الموضوع :
اوركيد
المنتدى :
من كل بحر قطره
السلام عليكم
أردت ان أصوغ الجمل فتطايرت الحروف مني لفرحة سكنت قلبي
بتشريفكم لي
فجر الامال واوركيد
تألقتم في أدارة هذا القسم وأبدعتم بالأفكار
ارتم مني تجربة خاصة بي بصراحة احترت ماذا اكتب
فكانت ابنتي ملهمتي في قصة قصيرة
تناولت علاقة الطالب بالطالب ونظرة خاطئة عن التفاؤل وعلاقة خاطئة بين الطالب والمدرس
اتمنى ان تكون مفيدة لكل من يمر من هنا
واتمنى ان يكون الكلام العراقي واضح فيها
وشكرا جزيلا لمضيفتي
بالتوفيق ان شاء الله
سبحان الله والحمد لله ولا اله الا الله والله آكبر
خرجن من غرفة الصف تسبقهن أصواتهن وضحكاتهن ومزح بدأ منذ أن سُمع صوت الجرس
توسطن ساحة المدرسة وبدأت اللقاءات والحوارات والنغزات
طالبات متوسطة بروح بقيا الطفولة وأول الشباب
التقت الصديقتان اللتان تفرقتا بالصفوف وجمعتهم محب القلوب
وفي كل فرصة يتجدد اللقاء وتتجدد الأحاديث
كلاهما متفوق وكلاهما مهتم بنفسه جنان طبيعة عائلته الأنثوية وكثرة خالتها اللواتي بمختلف الأعمار منحها خبرة مبكرة في عالم النساء
ولكن هذه الخبرة لم تمنع التفوق العلمي وقبله التفوق الأخلاقي
وزينب فتاة احتفظت بسنين عمرها بضفيرة زينت ظهرها وبروح مرحة هي طبيعتها وباهتمام مميز بالملبس ونظافته
معه أيضا تفوق علمي وتفوق أخلاقي
زينب تضحك من أعماق قلبها وهي تخبر صديقتها عن أخيها الصغير وأول يوم يشاهد فيه الفلافل
زينب :اكلج اخوي احمد اخذ َ اخوي الجبير (الكبير ) يشتريله لفة فلافل (سندويج فلافل ) تدرين شنو كال(قال) من شاف الفلافل صفر(صفراء)
هههههههههههههههه
كله حسوني طلع هذني الصفر ما احبهن
ههههههههههههههههههههه
لتنطلق الضحكات الصافية بين الصديقتين لتخبرها الأخر عن هدية والدتها لها عندما تفوقت في نصف السنة
جنان :تدرين ماما شنو انطتني هدية على التفوق
زينب :شنو
جنان :لمامة يدوية هاي الي تلتقط الاوساخ من على الكاربد والسجادة
زينب :هههههههههههههههههههه حتى تنظفين زين
جنان :هههههههههههه أي وأبشرج هدية التفوق بأخر السنة راح تكون مكانس وفرش من النوع الحديث حتى تكون العطلة كلش كلش ممتعة
ثم تحول الحديث من المزح الى فصول الدراسة الجادة
لتقول زينب :عدنة امتحان فيزياء الدرس الأخير ماما ادكول أنتي درستي زين ادخلي الامتحان وانتي متفائلة
ولج اني شسوي بروحي من اتفائل ما اجاوب ومن اتشائم اجاوب مما تكول تفاءلوا بالخير تجدوه وانا اكوللها ماما تفاءلوا بالخير لاتجدوه
وماما تحجي عليه دكول ماما حرام هذا حديث للرسول
جنان : ولج انتي مثلي يمعودة لا تتفاءلين أصلا ً الواحد من يتفاءل يطلع كلشي ما مجاوب
تذكرين بأمتحان الاحياء شكد جنت متفائلة وبعدين كل التفاؤل وكع على راسي وتوبت أتفاءل
زينب :أي والله التفاؤل ابدا ميجب نتيجة انا متشائمة هسة اني مراح اجاوب
مو جنان اني مراح اجاوب
جنان :هههههههههههههه اي مراح اجاوبني اصلا انتي كل شي ما قارية مراح اجاوبين
وعادت الضحكات من جديد
ليعلن الجرس عودتهن للدرس
دخلت مدرسة الانكليزي على صف جنان
ونظرت الى جنان وتحديدا الى تلك الخصلة التي تمردت من شعرها والى ذلك الشعر الذي زينته بـ بحركات البنات اللواتي بعمرها واكسبه التخصيل لون مميز وملفت
لتصرخ بها قائلة :جنان شعرج شيليه وبدرسي بالذات لبس شال ما اريد اشوف شعرج افتهمتي
لتجيبها بقولها :أي ست
لتعاود المدرسة قولها :بعدين اني كم مرة اكولج شعرج بدرسي ما اريد اشوفه
هو عناد كوليلي هو عناد
لتجيبها جنان بقولها :اسفة ست ما لحقت البس الشال قبل لا تدخلين
لترد على كلامها المدرسة بنظرة ارعبت جنان الطالبة المتفوقة التي ذنبها الوحيد جمالها وعنايتها بنفسها وخصلة تمردت من شعرها
ولون صبغت به شعرها احتفالا بزواج عمها
دق الجرس بعد ان قضته جنان وهي تتجنب النظر الى مدرستها وقضته المدرسة وهي تتصيد الأخطاء التي لم تفلح بصيدها على جنان
التقتا من جديد
وما أن رأت زينب جنان
حتى علمت ما بها
زينب :ست مروة مووو
جنان :أي ما ادري شنوا أسوي بنفسي اكص شعري مثل الولد حتى ترتاح
زينب والله بعائلتنة عادي البنية تخصل شعرها كلش عادي
بعدين هي لو تحجي على اخلاقي ميخالف لو تحجي عن دراستي ميخالف
كل ما دخلت كالت شعرج كذلتج (قذلة او القصة ) قراصتج وجهج ليش ابيض
هاي شنو تحجين وياها اعترض على رب العالمين لأن خلق وجهي ابيض
بعدين اني اشطر وحدة بالصف حتى مدكول جنان اشطر وحدة
أي طالبة ادكوم تحجي بالانكليزي ادكوللها احسنتِ ياشاطرة واني اكوم احجي احسن منه ادكول
اوكعدي
زينب :جنان حبيبي معليج بيهة تغار منج والله
جنان :شنو تغار ماما اكولهة ماما ست مروة تغار مني ادكول عيب هذا الحجي والله ماما متقبل احجي عليها
زينب :ههههههههه امي وامج مربوطات على التوالي لان امي هم متقبل احجي عليه وتقول اخاف جنان تعتني بنفسها على حساب دراستها
جنان بصدمة :اني هشكل زينب والله اني ما اعتني بنفسي الا بعد ما اخلص دروسي وانتي تعرفين امي شلون لازم اساعدهة بشغل البيت
شسوي اني ذكية انتحر يعني
زينب :جنو حبيبتي عوفيه مراح تتغير لا تدرين بال
جنان :شسوي اني مرات اطك روحي واحجي عليهة الله يهديها
يلة روحي راجعي فيزياء قبل الامتحان راح يدق الجرس
زينب :لا تخافين قارية ومتشائمة وراح اجاوب
افترقتا من جديد
وانتهى اليوم الدراسي بضحكة وفرحة وشيء من تعكر مزاج
وتشاؤم لم يأتي بنتيجة
دخلت زينب المنزل بروح خاوية لا تجهل الام سبب هذا الخواء
الام :ها زينب ما جاوبتي
زينب :ماما والله اني قارية بس سؤال كامل اني قبل الامتحان شارحته للبنات
ماما كله ما جاوبت عليه
الام :طبعا هاي نتيجة التشاؤم
ظليتي تكلين أتشاءم أتشاءم وأجاوب وشوفي النتيجة
زينب :ماما اني كل مرة أتشاءم والله اجاوب
الام :ماما التشاؤم مرض مو كل مرة تكدرين تخرجين منه وهاي النتيجة صرتي من كثر التشاؤم قارية ومجاوبين
شلون اجاوبين وانتي دماغج يشتغل على الفشل شلون اجاوبين وانتي اتظنين الخطأ هو الصح
شلون اجاوبين وانتي تخالفين حديث الرسول
ماما الرسول من كال تفاءلوا بالخير تجدوه
هذا مو كلام صدر عن انسان عادي هذا حديث الرسول الذي لا ينطق عن الهوا
ماما روحي غسلي وتعالي اتغدي وانسي درس الفيزياء وابدي يوم جديد لأن امتحان الفيزياء خلص مراح رجع
وحاولي اتعيشين التفاؤل وراح تلكين الحياة راح اتصير مختلفة بعينج وراح اتشعرين بفائدة التفاؤل
لينتهي يوم كبقية الايام
وننتظر اشراقة شمس الصباح ليأتي يوم جديد
اتمنى ان تعجبكم
هي ابنتي وصديقتها
والمعلمة فعلا موجودة بالواقع
السؤال سيدتي المعلمة المدرسة
نعم واجبك التربية والتعليم ولكن لا تضغطي عليهن حتى تكبلين انوثتهن
الفتاة بمجرد ان تزهر ورودها هناك شعور غريزي للاهتمام بنفسها
دعيها تهتم بنفسها بحدود معينة خاصة اذا كان الاهتمام لا يؤثر على المستوى العلمي ويحافظ على المستوى الأخلاقي
اما مشكلة الطلاب والتفاؤل والتشاؤم
مشكلة عويصة احاول قدر الامكان ان ابعدها عن فضاء ابنائي دائما اقول التفاؤل التفاؤل التفاؤل
دمتم سالمين
استغفر الله واتوب اليه
|
11-03-11, 02:49 AM
/من تجارب حياتي
جديد مواضيع قسم من كل بحر قطره
العرض العادي
