| المعلومات |
| الكاتب: |
|
| اللقب: |
عضو راقي  |
|
| مدونتي |
|
 |
| الإتصالات |
| الحالة: |
|
| وسائل الإتصال: |
|
|
المنتدى :
الأطباق الرئيسية
دجاج مكهاني ,,, وصل لكل أعضاء المنتدى الغالي ,,,
السلاااااام عليكم ,,, انا داخله القسم أتسحب وأمشي على أطرااااف أصابعي عشااان مايلمحوني بوووحه والا زوزو ويعاقبوني ,,, ههههههه
المهم جبت لكم طريقه لدجاج بالكاري ,,, روووووعه وماتشبعين منها ,, وانا الحين مقاطعتها ,, بسبب الحميه ,, بس قلت باحطها في منتداي الغالي لخواتي الغاليااات عشااان يسونها وان شاء الله تعجبكم وتناااال رضاكم ,, واللي يسووون ريجيم ,, ولا يهمكم سووووها في اليوم الحر ,, وفيه ملاحظه ترى اعداد الطبق سهل جدا ومايتطلب أي مجهود ,, ومن سهولته تستمتعين وانتي تسوينه ,, ويطلع من تحت ايدج طبق رائع المطاعم الكبيره يعجزووون يجارونك فيه ,,فيس يقدم اعلان ,, خخخخ
يالله تفضلوا ,,,
المقادير :: :: ::
دجاجة مقطعه الى قطع صغيره بالعظم + راس يصل مفروم + 1 م ك بهار كاري مدراس ,,أو أي نوع بهارات الكاري + 1م ص معجون الثوم مع الزنجبيل + ملح + م ص أجينا موتو أو ماجي - حسب الرغبه - (( علبة كريمة الخفق + 1 قشطة + 1م ك نشا نخلطهم مع بعض ونتركهم على جنب ))
الطريقه :: :: ::
في قدر متوسط >> نحمر البصل لين يصير لونه ذهبي غامق >> نضيف الثوم والزنجبيل >> ثم الدجاج >> نقلب لين يتغير لون الدجاج ويبيض >> نضيف البهارات والملح ونقلب شوي >> نغطي القدر ونتركه على حراره متوسطه الى أن يستوي الدجاج >> ما نتأكد من نضج الدجاج نضيف مقادير الكريمه ونحرك شوي ونترك الخليط على نار خفيفه الى أن يثقل قوام الكريمه ,,, وبس
للزينه ممكن نحمص كاجو ولوز وبصل جوانح ونرشه على كاري الدجاج ,,, أو تكتفين بالبقدونس المفروم ,,
وهذي صورة الطبق ,, المقادير والخطوااات ماصورتها ,,لأن المقادير معروفه والخطوااات واضحه ,, بس حطيت صورة الطبق عشااان تشتهونه وللدعايه والإعلان ,, ههههههه
نقدم كاري الدجاج ,, وناس يسمونها دجاج مكهاني ,, مع الرز بالشعيريه ,, وبالعافيه على قلوبكم ,, وأنتظر ردودكم الحلوه وتقييمكم والتشجيع ,,
دمتم بكل الود والحب ,,,
|
25-02-11, 02:32 PM
جديد مواضيع قسم الأطباق الرئيسية
العرض العادي
