المنتدى :
الارشيف
ياشين طبع فيك يازين الاطباع لولا الرجاء ماكان خليته يفوت
السلام عليكم ورحمه الله وبركاته
امم مالى وجه اقابلكم بروايه جديدة بعد ماحذفت روايتي الاخيرة >> فيس مستحي مرة
بس اكيد انتم كريمين وانا استهال انكم تباعون روايتي الجديدة >> فيس حدة واثق
روايتي هذى فيها من الواقع والخيال
يا شين طبع فيك .. يا زين الأطباع
....................... لولا الرجاء .. ما كان خليته .. يفوت
اتركم مع البارت الاول وانتم احكموا عليها
بيكون كل يوم فى بارت الا اذا عندي ظروف بعطيكم خبر
يا شين طبع فيك .. يا زين الأطباع
....................... لولا الرجاء .. ما كان خليته .. يفوت
سنع .. يشوه لا تذكرته .. أسناع
....................... مثل الحصاة .. اللي وسط عقد ياقوت
تخفي هيامك .. وإنت ميت وملتاع
....................... ما تدري إنه في ملامحك .. منحوت
ويبخل لسانك .. وإنت للسمع .. طماع
....................... والبخل .. في سلم المحبين .. ممقوت
الحكي .. قوت السمع / وأسامعي جياع
....................... ومسامعي ماتت من الجوع .. للقوت
وحكي الغزل في صدرك أشكال وأنواع
....................... لكن صمتك .. حول الصدر .. تابوت
إلا طلبتك وصل .. صعبت الأوضاع
....................... مدري .. من اللي درسك جعله يموت
تصد .. ما كنك من الصد .. مرتاع
....................... وإن قلت : يا القاطع .. تلفت مبهوت
أقطع ب درب مواصلك في الشهر.. باع
....................... وإلا إنت تقطع للوصل ف السنة .. فوت
طعني .. وطاوع واحد فيك .. ما طاع
........................ ناس صغار عقول / وأشوار / وبخوت
وإلطف بحال اللي نحل حاله .. و راع ..
........................ قلب جروحه .. تنزف أفكار .. وبيوت
قلبي .. إلا منه شرى قلب .. ما باع
........................ وإنت هالله هالله فيه .. والعمر موقوت
اسمع أشعاري في الهوى وارخ الأسماع
......................... ياللي غلاك ب تربة القلب .. مكتوت
لا .. للفراق .. و لا .. لتجديد الأوجاع
........................ ونعم .. نعم للوصل .. لو كان بالصوت
للشاعر .. محمد بن فطيس
البارت الثاني
ياشين طبع فيك يازين الاطباع لولا الرجاء ماكان خليته يفوت
البارت الثالث
ياشين طبع فيك يازين الاطباع لولا الرجاء ماكان خليته يفوت
البارت الرابع
ياشين طبع فيك يازين الاطباع لولا الرجاء ماكان خليته يفوت
البارت الخامس و السادس
ياشين طبع فيك يازين الاطباع لولا الرجاء ماكان خليته يفوت
البارت الاول
فى مدرسه الثانويه للبنات
كانت جالسه سوالف وضحك مع صديقاتها
امواج .. صبايا
التفوا عليها صديقتها لانها ماتقول هالكلمه الا اذا عندها شى مهم بتقوله
امواج .. فى موضوع بكلمكم فيه وبيكم رايكم فيه
صديقاتها .. مروج .. قولي حبيتي واحنا بنساعدج باللى نقدر عليه
امواج بكل هدوء وخجل .. انا انخطبت
بعد ماقالت كلمتها هلت عليها التبريكات من صديقاتها
مها ... كلوووووووووووووووووووووووووووووووووووووووووووش >> البنت ناسيه عمرها انها بالمدرسه
امواج باحراج .. تسكتها مهاوي . بس فضحتينا
مها .. حبيتي فرحانه لج
امواج .. موقبل ماتباركون ووتزغرطين حضرتج لازم تعروفون شنو السالفه قالتها بضيق
هند ... شنو فيه وليش متضايقه عادي انخطبتي مو اول مرة تنخطبين
امواج ... كلامج صحيح مو اول مرة انخطب
مها ... اي وكل مرة تردينهم بحجه انج ماتفكرين بزواج حاليا ليما تخلصين الثانويه على الاقل وهذا احنا بنهايه الترم الاول لثالث ثانوي المرة شنو بتكون حجتك
امواج .. مراح يكون فى حجه لاني بفكر بالموضوع
البنات .. اجل شنو المشكله
امواج .. المشكله ومافيها اللى اخطبوني3 بنفس الوقت
تهانى .. زميلتهم بالفصل .. عادي حبيتي اختاري واحد منهم
امواج بتنهيدة .. مو هني المشكله
هند ام الشله .. المشكله ليش
امواج .. لان اللى خطبوني كلهم يقربون لى واحد ولد خالى و2 من عيال عمامي
مروج .. بهدوء .. من خطبك اول فيهم
امواج .. بقولكم السالفه من بدايتها وانتوا احكموا
الصبايا .. اوكي
بيت ابو عناد
كانوا جالسين على الغداء يتغدون
ابو عناد .. امواج حبيتي شنو عليج بكرة اختبار
امواج .. امم فقه واختبار رياضيات للمشاركه
ام عناد ...الله يوفقج يابنيتي
امواج .. امين يارب واجيب النسبه العاليه بالقدرات اللى دخلنى طب
عناد اخوها الللى اصغر منها .. ههههههههه ضحكتيني طب مرة وحدة ماعندنا بنات يدرسون هالمجال
امواج بنذاله .. اقول انت بس افلح بدروسك وبعدين تعال تكلم
ابو عناد .. سمعت شقالت اختك
عناد .. يو عاد انا لو اذاكر مثلك اجيب احسن منك
امواج .. اي باين اقول شنو عليك بكرة اختبار
عناد بملل .. ولا شى
وافي اخوهم الصغير .. هههههههه اصلا انت كل يوم ماعليك اختبار
عناد .. اقول انت جب مابقى الا بزران يتكلمون بعد
جوري دلوعه البيت .. اقول اسكت انت وياه عورتوا روسنا توني جايه من الروضه تعبانه >> مسكينه مصدقه انها تدرس
ابو عناد .. هههههههه جوجو انتى من صدق تعبانه الروضه ماتعب
جوري ,. اي لانك ماتروح مثلى كل يوم الصبح
ابو عناد .. اي بس الروح الدوام انا كل يوم
جوري .. حتى ولو مو مثلي
ابو عناد .. اها
امواج .. الحمد لله يعطيك العافيه يمه على الطبخه الحلوة
ام عناد .. ربي يعافيج يابنيتي بس ماكليت شى
امواج. الحمد لله مابقى اثقل بالاكل بروح انام لى ساعه عشان اقوم اذاكر
ام عناد .. نوم العوافي
امواج.. الله يعافيك
شوي شوي بد الكل يقوم من على السفرة
عناد يكلم امواج .. مو انتى تقولين بتنامين شاللى مقعدج للحين بصاله
امواج تبتسم .. لاني بكل بساطه بنام هني لانمت بالغرفه مراح اقوم اذاكر الا المغرب
عناد .. اهااا اجل ابشري بالازعاج
امواج .. ههه ياملقك اقول ضف وجهك ولا بعلم ابوي عليك
ابو عناد .. مروج يبه تعالى ابيج شوي بالغرفه
امواج .. شنو تبي يبى
ابو عناد ... بسولف معاج شوي
امواج بعناد ... يو بابا بعدين بنام اذا خلصت مذاكرة المغرب سولف معاي
ابو عناد .. لا الحين تعالى ابيج شوى بس مراح نطول
امواج .. طيب
دخلت الغرفه مع ابوها وسكت الباب وراها
امواج.. امر يبه شنو بغيت
ابو عناد .. وانتي ليش عجله كذا
امواج .. لانى ابي انام
ابو عناد .. خيشه نووم انتي
امواج. اقول يبه قول ماشاء الله
ابو عناد .. ماشاء الله اليوم خالك عيسى كلمني
امواج .. وهي تقاطعه .. وشالجديد خالى عيسى كل يوم كلمك ولا يجي عندنا بالبيت
ابو عناد .. انزين صبري خليني اكمل كلامي وبعدين قاطعيني
امواج .. اسفه يبه كمل
ابو عناد .. خطبك حق ولدة صقر ةويقول يبي الرد بعد مايرجع من السفر ولاتعلمين احد بالموضوع ليما نسمع ردج
امواج... لا عاد يبه تمزح صح
ابو عناد .. لا ما امزح تكلم معاج جد
امواج.. وانا مو موافقه
ابو عناد .. ليه قبل تقولين مابي اتزوج قبل لا خلص الثانويه على الاقل
امواج قعدت تصيح .. وطلعت من الغرفه
ام عناد .. مروج شفيج تصيحين
امواج.. وهي تصيح .. مافيني شى يمه
جوري وافي .. هههههههههه اكيد ابوي هاوشها
ام عناد ... اقول ياليت انتوا تنطمون بس
جوري .. بضجر .. اووف اسكتوا وسكتوا على كيفكم هي
اموا ج جبعصبيه على جوري... اي سكتي ماتفهمين انتي عمى
جوري مسوي فيها قويه .. هي انتى لا تقولين عمي فاهمه
امواج.. طنشتها
عناد بطنازة :: ههههههههه حتى البرزان هاوشوها مو كفايه ابوى توه مهاوشج
امواج.. جاااااااااااااااب يالساقط
ام عنادامواج .. يمه حبيتي ليه تصحين وليش هاوشج ابوج
امواج .. مافيني شى وابوي ماهاوشني
ام عناد .. اجل ليه تصحين
امواج بكذب لانها مستحي من اخوانها تقول انها انخطبت قدامهم .. بطني يعورني
ام عناد .. امواج مو على هالكلام من متى انتى دمعتج تنزل على اي شى
عناد بلقافه .. اكيد انخطبت عشان كذا تصيح مو هالموضوع الوحيد اللى يخليها تصيح
وافي .. اي صح مروجوة
ام عناد .. اقول لا طلعون اشاعات على اختكم
امواج بهدوء .. لا يمه كلمهم صحيح
ام عناد .. ماقلى ابوج
امواج.. روحي اساليه يمه
ام عناد تركت عيالها وراحت الغرفه عند ابو عناد
جوري بلقافهتها وطوله لسانها .. من اللى خطبك
امواج.. وانتي شعليك
جوري .. وهي مسويه نفسها فاهمه .. مو انتى اختى وانا اختك لازم تقولين لى عشان اشوفه يناسبك ولا انتى حيل دلووعه
امواج .. ابتسمت على كلمه اختها .. زين اخت جوري ليه ماتسالين البابا
جوري .. ومن قال مراح اساله
عناد .. انا اقولكم منهو ليش تسالينه
جوري وافي ... منهو زوج اختنا
عناد .. اكيد مشاري ولد عمي نايف
جوري وافى .. اي صح هم خواته دايم يسمونك ام نايف
امواج.. بهدوء وهى تفكر لبعيد .. طبعا لا موهو
عناد .. اتحداك
امواج.. والله مو هو
ششوي الا امهم طالعه من الغرفه
جوري .. منو تعيس الحظ اللى خطب اختى
ابوها من وراها .. بنت عيب هالكلام
جوري ,, اقصد سعيد الحظ
امها .. بعدين تعرفون
وافى وعناد وجوري . لالالا
امهم .. شنو اللى لا مو بكيفكم اذذا صار شى كل رسمي تعرفون
جوري .. يبه
ابوها .. سمعت امج شقالت
جوري بحلطمه .. اووف
امهم .. انتى ا مواج يمه فكري بالموضوع على راحتك
امواج... ان شاء الله بس ممكن طلب
ابوها .. امرى يبه
مروج .. الموضوع يتاجل ليما اخلص اختباراتي النصف سنه
امها وابوها ... واحنا نقول كذا بعد
امواج.. اوكي عن اذنكم
نرجع لصبايا
هند .. طيب امواج شنو رايك الحين
امواج .. وماتبون تعرفون كيف انخطبت لعيال عمي
مروج .. اكيد نبي نعرف بس قبل كل شى انتى بترفضين صقر
امواج بحيرة .. مدري والله
هند . طيب كملى كيف انخطبتي لعيال عمط
امواج .. طبعا ابوي قال حق جدي السالفه واسمعوا اللى صار بعد المغرب ...............................................
قضى
كيف خطبه عيال عم امواج لها كانت
ومن بيكون سعيد الحظ فيهم صقر ام عيال عمها
ولا الرفض بيكون للكل من جهتها
ارائكم وتوقعاتكم تهمني
واتمنى اشوف ردود تفرحني
وانا بقولكم شغله وحدة من البدايه مابي مجاملات اعجبتكم الروايه بكمل
ماعجبتكم قول لى وانا انسحب بكل هدوء
موعدنا باجر مافى وقت محدد بس ان شاء الله البارت راح ينزل
قال النبي صلى الله عليه وسلم:من جلس في مجلس فكثر فيه لغطه فقال قبل ان يقوم
(( سبحانك اللهم وبحمدك اشهد ان لا اله الا انت استغفرك واتوب اليك ))
الا غفر الله له ما كان في مجلسه ذلك
التعديل الأخير تم بواسطة بياض الصبح ; 07-03-11 الساعة 10:54 AM
سبب آخر: إظافة روابط البارتات
|
10-02-11, 10:05 PM
المشاركة رقم: 1
جديد مواضيع قسم الارشيف
العرض العادي
