المنتدى :
الارشيف
♫♫▌ █ ▄ أنــا فرصة .. على درب العنا ضاعت من التقصير ..!!
عبث والليل ينسج من تباريح [السهر] تعبير
وانا ما كني الا سطر فاضي وانته القرطاس
[خذاني طيفك] البارح على حلم بلا تفسير
بقت بعض السوالف والعيون بحضنها جلاس
احـــبك...ً تعني انت الي مبروزني بلا تصوير
احبك تعني ان الحب شوك وانت الغراس !
تجي نلبس غيوم؟ ونفترش احلامنا ونطير
نطش افراقنا خلف الشفق ونداعب النسناس !
لك الله من رحلت وكل شي صحى فيني: بكير!
دخيلك طف بعدك ؟ وجه شوقي : ما لفاه نعاس !
وحيد إتهزني ريح انتظاري وإنثنى التفكير!
قبل لا ينكسر [غصن المشاعر] إنكسر بي ناس !
أصحي ضيقتي والبس [ملامح] صدمتي واسير !
على قاع الشقا تلفحني العبره وانا حساس !
ترفرف عالي متوني ملامه والظلوع تحير
يوسوس لي عن ايامي بدونك بالحشا خناس !
يبلل ذابل اطرافي [سكون وحيره وتاثير]
وادور في شفاهي عن شفاه اليا حكت نبراس
متى كان الفرح يضوي دجى ليلي وحظي زير
تعثر من على صهوة جواده وإنكسر به ساس
خذتك اللا مبالاة وسهرت اجمع لك التبرير
سرى وقتي وانا في داخلي حيره بليا راس
تعبت استنشق ايامي بدونك وأمتلي تخدير
أحسب إليا تخدرت كل مافيني يطيب الباس
وانا كم قلت لك صدري حديقه وإختلاجي بير
نويت ازرع بها حلمي ولكن شف نبت لي فاس
نثرت لشوفتك حفنة اماني وازهرت نوير
تصدق ما هقيت الي نثرته بالجفا ينداس
خنقني كف حزني وارتفع صمتي امام الغير
وسال من العيون اسراب جرح وآآه ما تنقاس
صحيح اني اجوعك بس طبعي اكره التبذير
تعال وهات لي كاس حنين وكسرتين انفاس
عشاني اوقد شموع التلاقي وأخمد التاخير
حزينه ساعتي نامت على كوع الرجاء والياس
انا فرصه على درب العنا ضاعت من التقصير
وانا جملة حزن فاحت مآسي وإحتنق كراس
خذاني عاشق يقرع شعوره للوفاء سكير
رماني شاعر خالط حروفه ثلج وسط الكاس
يطيح الشوف من محجر عيونه مالقى له طير
تسلق به شحوب ومد كفه يقطف الـ لا باس
وش اقسى ؟ من يضم الخوف يده والحروف إتغير !
تشوفه يعجن اوهامه طفل لعبوبته وسواس
أبد ما هو خطاه انه يدفن ضيمه وقال بخير
خطاه انه رضى يسقيك حبه والعروق إيباس ..!
مــنــقـــول 
|
01-02-11, 08:32 PM
المشاركة رقم: 1
جديد مواضيع قسم الارشيف
العرض العادي
