مطبق السمك على طريقة البرياني ...
المقادير :
1 كيلو سمك من نوع الزبيدي أو الجش // متوسط الحجم ,, الكبير أبد ما يصلح للمطبق ...
• ينظف السمك جيدا ونشيل الأمعاء ,, ذكرني بالتحنيط , خخخخخخ المهم ونغسل السمك ونفركه ب (( شوي طحين مع ملح )) وهذي الخطوة ضرورية عشااان تروح زفرة السمك ,,
الحين نسوي هالتتبيله للسمك :
عصير ليمونة + ملح 1م ص + خل أبيض 1م ك + بهارات سمك 1م ك +1م ص ثوم وزنجبيل مهروس + يخلط الجميع بالملعقة ويتبل به السمك ويترك السمك جانبا لين ننتهي من الخطوات الجاية ...
• لعمل حشوة السمك :
1 فلفل أخضر بارد + حبة فلفل أخضر حار + حبة طماطم مزالة البذور + ا راس بصل ( نقطع الجميع مربعات صغيرة الحجم ) + 1م ص ثوم وزنجبيل مهروس + نص كوب جلجلان ( كزبرة ) مفرومه + 1 م ص كركم فقط + شوية ملح ...
نحمس البصل مع شوية زيت لين يصير ذهبي ,, نضيف الثوم والزنجبيل ثم الكركم والملح وبعدين الطماطم ونقلب لين يذوب الطماطم شوي ثم نضيف الفلفل الأخضر ونحرك شوي وآخر شي نضيف الكزبره ونسكر النار ,, ونتركي لين ننتهي من تحمير السمك ونحشي فيه السمك ...
• الحبن نجي لعمل خلطة الزبيب ,, وهذي بنحطها على الرز للتزيين ..
ومقاديرها ,, نص كوب زبيب منقوع في ماي مدة عشر دقايق ... 2بصل مفروم .. يحمس البصل مع زيت شوي ,, نضيف الزبيب ,, مع رشة كركم ,, وبس ونحفظه للتزيين ,,
عمل الرز :
• أول شي ناخذ نص بيالة شاي ماي ورد ونحط فيه شوية زعفران ونتركه ..
• 3 أكواب رز بسمتي ( الكوب الكبير ) و أنا استخدم لقياس الرز علبة المشروم الكبير ,, نغسل الرز ونتركه منقوع في الماي البارد لمدة نص ساعه ,,
• في القدر نغلي ماء ونضيف له 2 عود دارسين أو قرفة + حبات من الهيل + شوية زيت وملح ... لما يغلي الماي نضيف الرز ,, ولماتستوي حبة الرز نص استوا أو أكثر شوي نصفيه من الماي ,,
في القدر نفسه نحط شوية زيت .. نضع نصف كمية الرز ,, نرشه بشوية ماي الورد مع الزعفران .. نضع الكمية الباقية من الرز ونرشه بالمتبقي من الماي الورد .. ونغطي الرز بالقصدير جيدا ونتركه على نار خفيفة لمدة نص ساعة ... يعني لين يستوي الرز ...
• الحين نروح للسمك المتبل ..
• في مقلاة كبيرة نسخن زيت لقلي السمك ..
• نحظر صينية واسعة شوي ,, ونحط فيها طحين كباب ونبهره بشوية بهارات ,, كمية بسيطه ,, 1م ص تكفي نقلب السمك فيه لين يتعطى بالطحين زين ومن جميع الجوانب ,,
• نقلي السمك في الزيت الحار ,, ونخفف على النار حتى يستوي السمك من الداخل ..
• الحين نجي للخطوة الأولى اللي هي حشوة السمك ,, والا نسيتوها ؟؟ ناخذ شوي منها ونحشي السمك ,,
• نغرف الرز في صحن التقديم ونزينه بالزبيب وحط السمك فوقه ,, وبالعافيه ..
وعليكم بالعافية ياأعضاء ليلاس و هذا الصحن خاص بكشتة ليلاس ...
والله الله بالردود الحلوة ولاتنسووون التقييم ...
22-01-11, 02:21 PM
المشاركة رقم: 1
بريااني مطبق السمك .... حصري لكشتة ليلاس ...
جديد مواضيع قسم الأطباق الرئيسية
العرض العادي
