أسمـــــــــــــــــــــــــــاء
عشت حياة سعيدة في كنف والدي لم أكن أنوي أن أطلب شيئا ألا وأجده حاضرا
والدي لم يكن من الرجال الأغنياء ولكنه كان ميسور الحال
بدأت قصتي عندما تقدم لي أحدا لشباب ولم يكن يشكو من عيبا يذمه أعجب والدي وأعطاه الموافقة المبدئية
وعندما سألني أجبته لايوجد رأي بعد رأيه
ارتحت نسبيا بعد أن رأيت والدي سعيدا تم زواجي على خير ألا أن هناك شيئا بدأ يؤرقني وهي كيف لي أن أعيش مع عائله مكونه من أم وابنتان وطبعا زوجي
كان شرطه لوالدي أن أوافق على السكن مع أسرته
الحقيقة أنني وافقت وأنا أشعر ببعض الخوف يجتاحني لاني الآن سوف أدخل على أسره كاملة النصاب وأنا من يزيد عليها سأبدأ
بسرد قصتي بشكل مختلف حتى يستطيع الألم أن يخرج ما في داخلي وتهدا روح الأسى والحزن لدي
,,,,,,,,,,,,,,,,,,,,,,,,,,,,,,,,,,,,,,,,,,,,
ماجد :أسماء .....أسماء
أسماء : هلا ماجد تبي شئ
ماجد : أنا ما بي شئ بس أمي ليه ما أفطرت اليوم جيتها ولقيت حيلها مهدود حتى الكلام ماتقدر تكلم من الجوع
أسماء : حصل خير ماجد صدقني ما قصدت بس والله سهيت وأنت تعرف ظروفي عندي ولد تعبان وحامل متى ألحق والبيت كله على راسي
ماجد:أسماء من يوم أخذتك وأنتِ عارفه ظروفي وأهلي ما أقدر أتخلى عنهم و الشئ هذا
أنا اشترطته عليك قبل أخذك من بيت أبوك
أسماء : ماجد أنا ماقلت شئ بس
خلاص ماجد ما يصير خاطرك ألا طيب تبي شئ ثاني
ماجد : لا أسماء خلاص روحي
ماجد : أسماء وشلونك الحين تحسين بتعب
,,,,,,,,,,,,,,,,,,,,,,,,,,,,,,,,,,,,,,,,,,,,
تضايقت صح بس ماجد ما أقدر أسفه وأخليه وهو يسأل عني خاصة أني أحبه حب أعمى والله رزقني منه أحلى ولد والثاني باقي عليه أقل من شهرين ويطلع للدنيا بس ماجد هو هو
دائم يزعلني وللاسف مايعرف كيف يرضيني
أسماء : ماجد واللي يرحم والديك لو أحس بتعب الدنيا كله في هال لحظه تدري مراح أقولك
,,,,,,,,,,,,,,,,,,,,,,,,,,,,,,,,,,,,,,,,,,,
كنت عارف أن أسما ء تعاني كثير من أختي شعاع اللي تطلقت من قريب بس وش أسوي
هذيل خواتي ومالهم أحد غيري بعد وفاة الوالد اللي حاولت أبره بكل السبل لدرجه خليك أسماء تقوم بالبيت كله
وكل هذا لان الحرمه تجي بدالها حرمته بس الأخت والأم ماينتاعوضون
هذا كلام شعاع
ماجد: قلعتك الشرهة على اللي يسأل عنك والا أنتِ موكفو
,,,,,,,,,,,,,,,,,,,,,,,,,,,,,,,,,,,,,,,,,,,,
شعاع : وشلونك ماجد عسى دوامك اليوم زين
ماجد : جيت وجلست جنبها والوالدة مقابله لي أمي عندها هشاشه في العظام وماتقدر تمشي ألا مطره للحمام أوفي الحوش علشان تجلس في الشمس
تجاهلت : سؤال شعاع وسألت الوالده يمه طلعتك شهد للحوش
وردت شعاع بدال أمي
شعاع : ماجد اللي المفروض تطلع أمي للشمس وتهتم فيها هي مرتك ولا ليش ما خذها لسواد عيونها
ماجد : أقول شعاع ما تعبتي كل يوم على هالحال
شعاع : مالي حيله من اللي أشوفه
ماجد : ليش وش شفتي لا تظلمين حظك ياشعاع ترى مو من كبره
شعاع : ليش أنا وش قلت ماقلت ألا الحقيقه روح شوف بنات الحمايل كيف قايمين ببيوت أهل رياجيلهم من طبخ وكنس ونظافه
ماجد : شعاع من يوم جيتي عندنا وهذا نفس كلامك أنا ودي أفهم وش بينك وبينها
اللي أشوفه أنا أسماء ما عليها قصور يكفي أن أمي راضيه عنها وأنا اللي راضيه عليه أمي أنا راضي عنه
شعاع : أقول ماجد لو قالت لك أسماء تطلعها في بيت ثاني عنا تسويها
ماجد : ريحي بالك يا شعاع ما راح تقوله
شعاع : وأنا أقول راح تقوله و الايام بينا يا ماجد بس في ذيك الحزة صدقني ما راح أشاورك راح أخطبلك على طول
ماجد :شعاع مازهقتي الى ذيك الحزه فيها أفراج
,,,,,,,,,,,,,,,,,,,,,,,,,,,,,,,,,,,,,,,,,,,
مرت الايام وأنا كل اليوم الحمل يزيد علي خاصه بعد ماجت عندهم أختهم من الام تبي تقضي فترة النفاس عندنا الصراحة قلت
في نفسي ماراح أهتم فيها خواتها أولى بها وأخاف أتدخل وشعاع تعاقبني وتحط علي سالفه ثانيه
,,,,,,,,,,,,,,,,,,,,,,,,,,,,,,,,,,,,,,,,,,,,
اليومين هذا ماني مرتاح شعاع وشهد من جهة وأسماء من جهة وأنا واقف في الجهة اللي أحس أمي تميل لها مع أنها
مع شعاع
أسماء : ماجد شلونك
ماجد : تمام ليه بغيتي شئ
أسماء : سبحان الله حبيبي يفهمني بدون ما أقول
ماجد : أسماء أنا فيني النوم أذا عندك شئ قوليه وألا أجليه لبكره
أسماء : ماجد بقول بس بشرط تسمعني وماتفهمني غلط
ماجد : أسماء أدخلي في الموضوع على طول مايحتاج مقدمات وأذا كان شئ يغثني لاتقولين
أسماء: ماجد أنت عارف أن الحين على وشك ولادة ودي أطلع بيت لحالي
ماجد : قولي كذا من البدايه يامدام
أسماء : ماجد أنا الان لي ثلاث سنين ساكنه مع أهلك عمرك سمعتني أشتكيت
عمري تكلمت ماجد أنا جالسه في غرفه حتى بدون دورة مياه فيه حرمة في الزمن هذا تصبر على هذا كله علمني فيه
ماجد : أنتِ عارفه وضعي من يوم أخذتيني
أسماء : ماجد أنا منكر أنك قلت لي على كل هذا قبل الزواج
بس ماجد أنت ماتشوف وضعي أنا قريب أولد والغرفة صارت ضيقه علينا
ماجد: خلاص أمهليني يومين وأعلمك بقراري
,,,,,,,,,,,,,,,,,,,,,,,,,,,,,,,,,,,,,,,,,,,,
نزلت ثاني يوم قلت بتقهوا العصر مع البنات وخالتي
لقيت شهد وشعاع جالسات يسولفن
شعاع : أقول شهد وشرايك في بنات الفلاينه
شهد : ليه وش المناسبه
شعاع : أنت بس وش رايك
شهد : ماعليهم
شعاع : تصدقين أني ناويه أذا جا ماجد أشاوره عليهم
,,,,,,,,,,,,,,,,,,,,,,,,,,,,,,,,,,,,,,,,,,,,
سكت كني ماسمعت شئ وحبيت أتاكد من الخبرمن ماجد بنفسه
وجلست في غرفتي باقي اليوم أحاول ماحتك بشعاع بس نزلت المغرب أسوي عشاء خالتي ولما خلص قدمته لها وبعدها أخذت الصحون على المطبخ وغسلتها ورجعت لغرفتي أحتري ماجد وأشوف ردت فعله على اللي سمعته من شعاع
,,,,,,,,,,,,,,,,,,,,,,,,,,,,,,,,,,,,,,,,,,,
ماجد : مسا الخير
أسماء : مسا النور
ماجد : أسماء خلص العشاء
أسماء : ماسويت عشا
ماجد : وليه أن شاء الله
أسماء : ماجد أنت صدق خطبت علي
ماجد: من قال
أسماء : أحساسي
بدون مالف يمها
ماجد: وأحساسك صادق
,,,,,,,,,,,,,,,,,,,,,,,,,,,,,,,,,,,,,,,,,,
الحقيقه في البدايه أنفجعت بس بعدين تقبلت الوضع لاني عارفه
نهايتي مع البيت اللي فيه وحدة مثل شعاع
خربت في الاول حياتها وبعدين نوت علي
ما أبديت أي ردت فعل سكت وحاولت أتمالك نفسي ونزلت أسوي العشا وبعد ما خلصته غرفته وطلعت غرفتي ونمت
,,,,,,,,,,,,,,,,,,,,,,,,,,,,,,,,,,,,,,,,
اليوم الثاني كأن ماصار شئ ألا أني قررت في لحظة وعي تأخرت عندي أني أجمع جميع ملابسي وأغراضي وأروح لبيت أهلي بدون طفلي خليته لماجد مو لاني منقهرة وماأقدر أناظر في شئ ماجد يشاركني فيه خليته لاني أبي أوصل لماجد رساله أني مازلت باقيه عليه وأنتظر متى يجي يراضيني ويأخذ بخاطري
,,,,,,,,,,,,,,,,,,,,,,,,,,,,,,,,,,,,,,,,
أمي : أسماء دريتي
أسماء: عن أيش يمه
أمي : مرة ماجد جابت الولد الثالث
أسماء : وش دراك
أمي : تواجهت أنا وحدة من الجماعة تقول أنها من كم يوم شافت أم ماجد تراجع في المستشفى وأنها تبكي على أيامك وتقول الله يذكر أسماء بالخير وتقول مرت ولدهم موريتهم الويل لاعرف يستانس ولاعرف يرتاح
أسماء : يمه يمنها موريتهم الويل زي ماتقول وش مصبر ماجد عليها
أمي : هذا اللي طاح ولاحد سمى عليه
,,,,,,,,,,,,,,,,,,,,,,,,,,,,,,,,,,,,,,,,,,,
تركت أمي ورحت لغرفتي اللي كانت بنتي تشاركني فيها قبل مايخذها ماجد من ثلاث سنين صحيح ماجد ماخلا ولاوسيله أنه يرجعني ألا أني مازلت ثابته على شرطي في أن لي الحق أن يكون لي منزل شرعي يكون مسكن لي أنا وأولادي لاني حسيت وأنا عند أهل ماجد أني خادمه مع فرق التميز لها راتب وأنا بدون
,,,,,,,,,,,,,,,,,,,,,,,,,,,,,,,,,,,,,,,,,,,,
بعد فترة يمكن تجاوزت الثلاثة أشهر رجعت لماجد بعد مانفذ لي شرطي مع زيادة شرط من الوالدة مبلغ عشرة ألآف ريال
الآن أنا ساكنه في بيت دور أرضي جنب بيت أهل ماجد بالضبط وكل يوم أسمع صراخ شعاع ومرة ماجد و أنا أقول أن الله يمهل ولايهمل
,,,,,,,,,,,,,,,,,,,,,,,,,,,,,,,,,,,,,,,,,,,,
طلعت اليوم أرمي الزباله على غير عادتي كنت قبل أرميها في الليل
واليوم رميتها الصباح بعد ماراحوا طلاب المدارس
شفت باب أهل ماجد مفتوح وتابع فضولي الموقف تقدمت من الباب وليتني ماتقدمت
شفت أم ماجد جالسه في الشرقه لحالها ماعندها أحد تغمس الخبز الصامولي في حليب بادر
ما قدرت أستحمل الموقف دخلت على طول وسلمت عليها
وجلست جنبها وأول شئ لفت نظري فيها دمعتها يوم قالت وش لونك يا أسماء عز الله أني من بعدك غديت
رحت وبست راسها وأخذت الاغراض اللي قدامها وقلت ياخاله أنا بروح أسوي لك فطور وأنت أنسدحي لين أجيك
,,,,,,,,,,,,,,,,,,,,,,,,,,,,,,,,,,,,,,,
دخلت المطبخ اللي لي أكثر من ثلاث سنوات مادخلته وسويت لخالتي قرصان وحطيت عليها سمن وسويت الحليب اللي بدون سكر لانها تحبه كذا ووديته لها وأفطرت ويوم شبعت يحرام نامت في مكانها
طلعت من عندها ورحت أسوي الغداء لماجد مع أن الزام مو علي
بس عارفة أنه ماراح يلقى سنع لان ست الحسن الصبح نوم والعصر مسايير والليل نق حسب علمي من ماجد وأنا تعودت اللي أغسل ملابسه وأطبخ أكله وأسويله كل شئ يبغاه بدون مرادد
لاتقولون ضعف شخصيه أنا كذا شفت الحريم اللي في عايلتي يتعاملون مع رجالهم
والحين أضفت واجب جديد لواجباتي اللي هوأفطر أم ماجد كل يوم بعد مايروحون أهل المدارس
,,,,,,,,,,,,,,,,,,,,,,,,,,,,,,,,,,,,,,,,,,
في يوم أرتفعت حرارة بنتي الساعة أربع الفجر وماجد مهوب عندي فاتصلت على أخوي يجي يوديها وديتها ومارجعت للبيت ألا الساعه ثنتين الظهر
لقيت الوالده تدق علي وتقول
أمي : أسماء أنت تروحين كل يوم لام ماجد تسوين لها فطورها
أسماء: وأذا يمه حرمة كبيرةومافيه أحد يهتم فيها
أمي: أسماء لاتدخلين عش الدبور برجلينك مرة ثانيه
أسماء: يمه من علمك
أمي : جارتكم جتها اليوم وقالت لها أكيد أن أسماء مهيب في بيتها لوكانت في بيتها أمداها فطرتني
سكرت التلفون من أمي وشفت ماجد واقف يمي وعيونه مليانه دموع وباسني بين عيوني
,,,,,,,,,,,,,,,,,,,,,,,,,,,,,,,,,,,,,,,,,,,
بعد أحد عشر سنه ها أنا مقعدة بسبب حادثة فقدت فيها جميع أبنائي ومن يقوم على خدمتي والاهتمام بي أسمــــــــاء أحدى بنات زوجي ماجد,,,,,,,,
النهايـــــــــــــــــــــــه
14-01-11, 08:59 PM
أسماء
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
