مسآءكم /صباحكم خير
قومي ماعاد السنابل تعشق النسمه
.............. غرّر بها الوقت مدري غرّها الساقي
كم حول ترقص طرب وتعاند التخمه
............... واليوم صار التجافي له شكل راقي
جيتك كما الساري بلهفه ورى حلمه
.......... الخوف خصمي واعزّ أسلحتي اخلاقي
أصحابي الليل أخذهم ،، حزّة الكتمه
............ وانا خذتني على دروب الشقا ساقي
أحيان تعلق فـ حبل الحنجره : كلمه
............... وأحيان تغفى بدون لحاف بـ أوراقي
عندي حكي مطلعه : لاتشغلك سيره
................ بابٍ فتـحته .. وضاع بهالمدى قـفله !
غُـربة زمـن .. كـلنا صــرنا مسـايـيـره
................ أو يمكن تكون قصه مــ أنجبت طفله
بيني وبين الفرح مليووووون تأشيره
................ سِمْج العُمر ليت منهو عقدته / حبله
مـن عـام الاحـلام امنّي حرفـي بـديره
............... وللحين شايل ضياعي فـ إصبعي دبله
مليت أدوّر ورى قلـوب البـشر جيـره
................ مافيهم أحدٍ لقييييت التوت في فصله
إللي بـلا زرع .. وإللي مفـلسه بيره
................ وإللي على هامش المورد عتق إبله !
الوقت راعي مزاج .. ولو معي غيره
................ شفتيني أول بناااااااااادم طلـّق العزله
لـ أصحابي سكّر دمي وانا لي الحيره
................. آصبّح بليل و أمسي محتـضن مثله
قلبي مناره .. وصمتي خير تكبيره !
................ وجه الغدر وإن تمكيَج ماعرف شكله
أحيان أحسّ الامل طـارت عصافيره
............... واحيان أشيله على صدري عطر حفله
يتكاثر الهرج وإجماله عن كثييييره :
................ طفلٍ غفى وإستراح الناس من هزله !
نام هذا الليل ،، هذا الليل بدري
................. وابتدا الساري يقلّب نرد باله ..
كنّه اللي شال وقت العوز عِبري
............. وخاف يتقيّد بـ ضيقه لو مـ شاله
شرهتي على طريقٍ جيته أجري ..
.............. قاصد الما ،، لكن اهداني حثاله
كنت أرض وكان حلمي طير قُمري
.............. هي متى الافراح تمطر للثماله ؟
مما راق لي
07-12-10, 10:17 PM
&بيني وبين الفرح مليووووون تأشيره &
جديد مواضيع قسم الشعر والشعراء
العرض العادي
