المنتدى :
الشعر والشعراء
كفاية يازمان التيه كفاية لعبة الاشواق
الا ياليل قلهـآ ليه علام الكون فيني ضاق؟
علامة مارحم دمعي وانا واقف على بابه؟
تـفـيـق حظوظ خلق الله وأنا حظي مـآ بعد فاق
تضيق همومي بصدري ولا ادري شالذي عابه؟
سهرت بليلي المظلم أفسر لهفة المشتاق
طلبت الهم يخاصمني لقيت اني من احبابه
لقيت ان الزمن ظالم مثل موج البحر غراق
رماني في متاهاته وسكّر دوني ابوابه
كفاية يا زمان التيه كفاية لعبة الاشواق
كفاية لية ماترحم شبعنا هموم طلابة
مللنا من الزمن غربه وصرنا للقاء نشتاق
يذوقنا مرارة ودوم علينا يرمي اسبابه
عزيز النفس بالدنيا يعيش بهم ماينطاق
وذليل النفس يارب خطاه الهم ولا صابه
ولكن لو يطول الوقت وينثر همه الحرّاق
لابد بيجينا يوم وكل منا ياخذ حسابه
نضيق بهالزمن ضيقة ولانذرف دموع شهاق
نضيق ونصبر ونكسر زمان طالت انيابه
انا ادري مانهاب الموت ولاحتى نهاب فراق
نهاب الخالق الواحد ونرضى بكل ماجابه
اعيش الصبر على بلواي ولو هالكون فيني ضاق
ابي شوفها بعيني كفى هالشوق اشقى به
&&&&&&&&&&
مما راق لي
تحياااتي
وجه الصباح /اللبؤة
|
28-11-10, 08:53 PM
جديد مواضيع قسم الشعر والشعراء
العرض العادي
