المنتدى :
الارشيف
نجد
اولـــــى رواايااتي
(((...نــــجــــــــد.....)))
وحبيت انزلهاا فالمنتدى هذا
واتمنى انها تناال اعجاابكم
الشخصياات الرئيسيه
نجد (قيااديه قويه مايهمها احد غير وخواتها وابوها رااح تواجه صعوباات في بيت عمها وتخوض في معركه مع عمامها )
نجلاء (على نيااتها ماتحب المشااكل مره طيووبه ونفس اخواتها منبوذات من قبل عمامهن )
شوق (عربجيه ومرجووجه والكلمه اللي بقلبها على لساانها دايم تسبب مشااكل بس بنفس الوقت عسل )
ندى ( (تدرس اداره اعمال سنه رابع وراح تواجه مشاكل مع نجد ..ايش هي المشاكل ..وش سببها )
لولوه (مررره طيوووبه ومهتم بالناس الثاانيه وماتحب تزعل احد )
مضااوي (مررره مغروره ورافعه خشمها وتحب السيطره )
وتين (تدرس ثالث علمي ومالها بالمشاكل ومو اجتماعيه حيل )
ريم (راح نعرف حياتها من خلال السرد)
فهد (مسيطر وفيه شويه غروور مايحب التامر عليه ويكره الكذب )
تركي (ماهمه غير وناااسته ويحب يهبل فالبنات )
شجاع (شخصيه غااامضه )
سند (يدرس بالخارج طب يبي يبني مستشفاه الخااص )
طلاال (عصبي مرررره ويكره ولد عمه فهد لانه محتل مكاان بالشركه كبير )
وشخصيات ثاانيه راح تطلع من خلال الروايه
...........................
يا زمان العجايب وش بعـد مـا ظهـر كـل مـا قلـت هانـت جـد عـلـمٍ جـديـد
إن حكيـنـا ندمـنـا وإن سكـتـنـا قـهــر بيـن قلـبٍ عطيـب وبيـن راس عنـيـد
لـو تفيـد المـدامـع كــان أسـيّـل نـهـر ميـر كثـر التوجّـد والـدمـع مــا يفـيـد
اصبـر ايـام واشهـر واتصـبـرّ دهــر وان حصلّ لي مناتي جيت لوني بعيد
ارجـي الله واراقـب كـل طالـع شـهـر يجلـي الهـم عنـي أو عسـى مـا يزيـد
روايتي تتكلم عن ماساه احسااس الغربه بين الاهل وصرااعاات الاقاارب والابناء
بالمملكه وبالتحديد بالحفر
كانت اللاجواء عواصف شديده وامطاار غزيره في الحفر
في مستشفى ....
يمشي يمين ويساار بتوتر و محد طلع له للحين
سعود / يااربي مو معقوله للحين محد طلع
بعد اربع سااعات
طلع الدكتور من غرفه العملياات وكان وجهه مبين مومبشر بخير نزل القفازات من يدينه وشال الكمام اللي فوجهه
سعود / هاه دكتور بشر
الدكتور / وش تقرب لها انت
سعود /انا زوجها سعود
الدكتور وعلامات الحزن في وجهه / للاسف ماقدرنا ننقذها (عظم الله اجرك )
سعوود مصدوووم وبنفس الوقت حس حاله مخنوق مو قاادر يتنفس /لاا شلون
الدكتور /قضاء الله وقدره
سعود جلس بالممر وحاط ايده على رااسه وقعد يبكي ويبكي ومو قاادر يستوعب يحس حااله بحلم
وقعد يتذكر ((قبل ثلاث سنين ))
نوره / سعووووووود
سعود قاعد على مكتبه / هلا وش عندك
نوره جت طاايره من الفرحه وجلست جنبه / عطني البشااره
سعود جالس على النت مو يمهاا / اخلصي وش عندك
نوره / زين طالع فيني
سعود ولف لهاا / هاه طالعت وش عندك يااقلبي
نوره وتلعب بشعرها وكانت الابتساامه ماليه وجهها / امممممم
سعود / ياليل من ذا الامممم اخلصي وش عندك
نوره / اناا حااامل
سعود من سمع هالكلمه ما استوعب اول / هااه وش قلتي عيدي الكلاام
نوره / اناا حاااااامل
سعود من فرحته قاام من مكانه ووقف قدامها / احلفي قولي والله انك حامل
نوره بخجل / ايه
سعود قعد يدور في البيت من الوناااسه مو مصدق وكل شوي يسالها
نوره / سعوود خلاص عاد تراك تعبت من الفرفره فالبيت
سعوود / احلى خبر سمعته بحيااااتي والله
نوره تضحك / وانا بعد لما قالت لي الدكتوره ماصدقت واخيرااا اصير ام
سعود وقف عندها ومسك ايديها وباسهم / الله يخليك لي ولهم ولا يحرمنا منك ياارب
نوره / ااامين بس اسمع
سعود / امري تدللي وش تبين
نوره / اذا هي بنت انا اسميها واذا ولد انت تسميه
سعود تغيرت ملامح وجهه / ايه ان شاءالله
نوره لاحظته / سعود وش فيك تغيرت فرحتك فجاءه
سعود / ابوي
نوره / اهاا الله يهديه ابوك وان شاءالله يرجع لك
سعود /انشاءالله بس يجي ولدي ابي اودي لابوي يمكن يفرح فيه ويرجع علاقتنا الاولى
نوره /انشاءالله
سعود رجع لضحكته وقرص نوره مع خدودهاا / طيب انتي وش تبين تسميين البنت
نوره / ابي اسميهاا نجد
سعوود /وليش نجد ؟؟
نوره / مدري كذا عااجبني .. وانت وش تبي تسمي الولد
سعود / ابي اسميه على اسم ابوي
حينمـآ أتخيل بعدك عني
يصيبني الجنون
لم كتب علينا الحرمــآآن
لم كتب علينا أن تفترق ..!
أحـــبك... أجل أحبــك ،،
ولا اطيق بعدك ..
بعدمــآآ قاسمتيني :: روحي :: وخيآآلي:: وأحلآآمي
.!!.. ترحلين ..!!
أعلم انه ليس محض اختيآرك ..
كما أعلم اني ليس لي حيله في بعدك..!!
تتسلل الدمعه من عيني
~ فأحآول اخفآؤهـآآ ~
وأعود الى واقعي ,،,
ولكن سرعـآآن ما تعود عبرآتي الحبيسه
هيهـــآآت أن أهرب من ذآكرتني ....
من مـآآضيي ....
من نفسي ...
أين أهرب من حروف اسمك..
أين أهرب من دموعي حينمآ أتذكر بأنك
ِ.َ."".. رحلــتي.."".
أين أهرب من يأسي وعجزي وقلة حيلتي
كروحين في جسد كنا ..
شآركتيني في كل شيء ،،،
آآهـ كيف تطيب حيآتي بدونك..!!
َتَوْنِي حَسَبْتْ حِسَآبْ بُعْدِكْ وفَرْقَآآكْْ
............. َتَوْنِي دَرِيتْ اِنِّي بِدُونِكْ وَلَاشَيْْ..!!
سأفتقد ضحكتك .. همستكـ .. شقآوتك
ووجودكِ بجآنبي دوماً ،،،
من سيشآركني سآعآتي اللتي كنت أقضيهـآآ معك..
ِوِشْ أَنْسَى دَامِكْ اَلْمَرسَى وَاَنا الْعَايِشْ عَلَى ذِكْرَآَآَكْْ
.....رجع من الذكرياات المؤلمه والحزينه على صوت الدكتور
لوسمحت ياا اخوي
سعود كان مغطي وجهه بشمااغه ونزله / هلا
الدكتور / ماسالتنا وش جابت زوجتك
سعود قاام واقف / وش جاابت
الدكتور ابتسم / جابت ثلااث توائم بناات
سعوود حس بغصه ماايدري ليش يمكن عشاان التؤائم ماراح يكون لهم ام تحن عليهم او عشاان نوره
ماافرحت فيهم مثل ماتبي انها تكون ام
سعود /الحمدلله ياارب
الدكتور / يتربو بعزك ان شاءالله
سعود / مشكوور
بعد اسبووع اخذ سعود بنااته الثلاث وراح لشقته اللي فوق صديقه
واتصل عليه صديقه حمد
سعود /الووو
حمد / هلا سعوود اخباارك
سعوود / الحمدلله بخير (وين انا ووين الخير بفراق نوره )
حمد / جب البناات عند ام مشعل تبي تهتم فيهم وتجهز لهم ملابس قبل لاتااخذهم للريااا ض
سعود والله جت بوقتهاا وانا محتااج للراحه / طيب طيب عشر دقاايق بس
حمد / استنااك
نزل سعود البناات وخلاهم عند زوجه صديقه حمد
يبي يرتاح شان يساافر للرياض عند ابووه اللي مقااطعه ثلاث سنين
معاانااه يعيشهاا سعود وبنااته وواقع مؤلم ومأسااه لسوء تعامل ابوه معاه
وش السبب اللي فرق بين سعود وابوه واخواانه
كيف رااح يعيش بنااته ..لانه انفصل من شركه ابووه
ثااني يوم ...الخميس ..
نزل سعود من الشقه وكان معه بنته نجد
وصديقه حمد معااه شوق ونجلاء
حطهم في السيااره وكل وحده فعربيه
سعوود / مشككور حمد ماقصرت تعبنااك معانا
حمد / لا ياارجل لاتعب ولا شي
وسلملي على ابوك اذا شفته واخوانك كلهم
سعوود / انشاءالله
مشى سعود للريااض وكان متوتر و موعاارف وش يقول لابوه
ومايدري اذا بيستقبله او لا يحس حااله ضاايع لا ابو يسنده ولا ام تسال عنه مشتت
مايدري كيف يهتم بالاطفاال ومن راح يداريهم اذا راح شغله
بعد خمس ساااعاات منالطريق وصل سعود اخيراا للريااض
..................
قاااام وااقف من شااف سعود داخل عليه بالمكتب
سعوود وعيوونه مغرقه دمع ومنزل شمااغه /سلااام
ابو عبدالرحمن من شااف ولده صحيح حس بفرحه بس بنفس الوقت مقهور منه ومن كسره لكلمته
ومن امه اللي راحت وخلته / سعـــــــــــود
سعـــود نزلت دمعته وبسرعه مسحها بشمااغه يااااه وش كثر حن لابووه واشتااق له ولسوالفه
وللشغل معاه / ايه سعود يبه
ابو عبد الرحمن /وش اللي جاابك ...وانا مـــو قلـــ..
قطع كلامه سعوود وقعد يصاارخ / قلت انا متبري ومنك ولا تجيني ولا اعرفك عاارف عاارف
هذا الكلاام
بس ياايبه اناا انتهيت خلااص ماابي اعيش كذا ماابي
وجلس على ركبته وغطى وجهه بالشماغ وقعد يبكي مثل الاطفال
ابو عبد الرحمن حس بضعف قدام بكاء ولده وده يجيه ويحضنه
بس مااقدر عشان كلامه اللي قبل ثلاث سنين وماايبي ولده ضعيف وجلس
سااكت استنااه لحد مايقول اللي عنده
سعود مسح وجهه وطالع ابوه
ابو عبد الرحمن / وش عندك جاي
سعود / عياالي
ابو عبد الرحمن سوا نفسه مو مهتم بس من دااخله انقهر
مايبيه يجيب عيال من نوره اللي طول عمره وهو مشااكل مع اهلهاا
/ وش فيهم
سعوود / انا بس ابيهم عندكم الا ان القى لي شغل واجيب مربياات لهم
ابو عبد الرحمن /انا ماعندي ولد اسمه سعود ولا لي احفاد منك فاااهم اطلع من هناا انا ماعندي عياال غير
سيف وعبد الرحمن وحسن وسند
سعود / بس ياايبه
ابو عبد الرحمن / لابس ولا شي ولاتجيني لا انت ولا عياالك فهمت
سعود طلع من دون ولاكلمه هذا ابوه ماتغير طبعه
حس حااله كسير (أي فرآغ خلفته بعدك يآ ابوي)
صاارع سعود مع الحيااه للعيش
مع ان ابوه من اغنياء المدينه بس ماتنازل يطلب منه ولا قرش لان ابوه بكل بسااطه تخلى عنه
رجع بعد ماجلس فالرياض نص يوم وعافها بعد ماسمع كلام ابوه اللي صار مثل السكينه بالجسد
صعبه ان الواحد يتخلى عند اهله
رجع للحفر وساعده صديقه حمد انه يلقى شغل على قده وبنااته كان ينزلهم كل صبح عند زوجه حمد واللي هي صديقه زوجته المتوفيه
نوره
وهي تكفلت انها راح تهتم فيهم الا ان سعود يقدر يرجع يوقف من جديد بعد المعاناه اللي شافها
بعد مروووور (18 سنه من الالم اللي عااشه سعود وبناااته الصراع للعيش )
نفس الشقه غرفتين وحماام ومطبخ وصاله صغيره ومجلس صغير
نجد طالع من المطبخ وراافع شعرهاا فوق / يباااااه
سعود / هلا يااعيون ابوك وش عندك
نجد / ماافيه ملح بالله شلون تبوني اطبخ لكم الكبسه بدون ملح
سعوود شااف جيبه لقى عشر ريالات /هااه هذي عشره اللحين اقوم اجيب لك ملح وتبين شي ثاااني
نجد / ابد سلااامتك ياحلى اب فالدنياا
(كاان سعود مثال للاب المطيع ويلبي طلباات بنااته ويبي يعوض الحنان اللي فقدنه (حنان الام
)ومايرفض لهن طلب وحتى لو مو معاه فلس يتدين من اصحاابه
سعود / وانا من لي غيركن هااه
نجلاء / بس احناا
شوق / ايه صح يباا تكفى ابي بيبسي
سعود /طلباات ثااانيه
نجلاء / لا مانبي شي بس سلامتك
.....................
بيت عبد الرحمن اخو سعود الكبير
تركي /الوو
ندى وقااعد تستشور شعرهاا /الووو
تركي / وجعه طفي الزفت اللي عندك خليني اكلمك واسمعك زييين
ندى طفت الاستشواار / هااه شكل عندك سااالفه خطيررررره
تركي / ههههه اكيد
ندى /قول وش عندك
تركي / كالعاااده ابيك تقولين لامي اني رحت للدماام مع اخويااي
ندى / وابوي
تركي / مااعليك من ابوي امي اذا وافقت رااح يقتنع ابوي
ندى / بس بشرررط
تركي / يالليل الشروط هاه وش عندك
ندى / ابي خمس ميه
تركي / وشووووو
ندى / مثل ماسمعت 500
تركي / طيب طيب يالله مع السلاامه
وتين جت طاايره وفتحت البااب /نــــــــدى ندى
ندى / بسم الله الرحمن الرحيم وش فيك روعتيني
وتين / اليوم نبي نروح للاسترااحه احنا وعماامي كلهم
ندى / مالت عليك اللحين كل هذا والركض والصوت راح فيها عشان تقولين كذا
وتين /لاتقولين انك تدرين
ندى / من زماااااااااااااان
وتين / وانا مستاانسه اني دريت قبلك مااالت
ندى /ههههههههه تبطين يااقلبي
......................تصادف الوقت مع حرقة النفس ولملمة الجروح 0
كفى بنا نستقي معاناة وسقطات هذا الزمان العجيب 0
لاهوية في الماضي ولانظرة مستقبلية كفيلة بوضع حدا لهذه المعاناة0
اهداف وأفكار مشتته لانعلم مايتحقق منها ولانعرف نخطط لتحقيقها0
....رجع سعود للبيت وبعد ماتغداء هو وبنااته
سعود / ياابنات
البنات / هلا يبه
سعود /انا ابي اساافر ويمكن سفرتي رااح تطول
نجد / عسسى ماشر يبه ليش وش عندك
سعود توتر مايدري وش يقول لبنااته / هااه لا شغل
شوق / شغل ........وشو هالشغل اللي يبي يوديك للخارج
نجلاء/ وكم راح تجلس هنااك
سعود / يمكن ست شهوور
شووق / اوووف
نجد نزلت الرز اللي فيدها وقاامت تغسل
سعود حس انها تضايقت
شوق / والله كثير ست شهور
نجلاء / طيب ضروري هالشغل
سعود / ايه ضرووري
رجعت نجد وجلست على الكرسي واخذت الريموت وقعدت تغير فالقنوات
سعود / نجد يبه وش عندك تضاايقتي
نجد لفت له / واذا رحت حنا من عندنا من يهتم فينا
سعود قام وغسل ايديه وقامو البنات معه وغسلو ورجعو جلسوا على الكنب سعود / انا ابي اقولكم شي
انتم ماتعرفونه وما ابيكم تسالوني ليش وكيف ومتى خلاااص
البنات انتابهم الفضول
نجد/ شنوو
سعود / ابي انزلكم عند عماامكم الست شهور هذي وبعدها ارجع اخذكم
نجلاء وشوق ونجد / ايـــــــــــــــــــــــــــــــش عماامنااا
نجد / ومن متــــــى؟؟؟؟؟؟
شووق / وينهم ذولا
نجلاء / وليش تو ندري
سعوود تنهد بضيق / انا وش قلات لك ياابنات
شوق / طيب هذا موضوع مهم وتو ندري كيف ماتبيني نسالك
نجد / صح وليش مايجوننا
نجلاء / طيب هم
سعود / وش فيهم هم
نجلاء / يدرون ان عندهم بنات اخو
سعوود رجع وارتكى على الكنب / لا
نجد وشوق ونجلاء بصدمه
نجد / مااانبي نروح لهم
شوق / رااح نحس حالنا غريبااات
نجلاء / ومانتكيف معاهم
سعوود / بس انا ضرووري اروح للشغل وما اقدر اترككم هنا لحالكم
سعود وانا بكرا راحح اروح
نجد بحزن / طيب
شووق / ومتى احنا نرووح انشاءالله
سعود / قبلي
نجلاء / ايش بعنب اللحين نمشي
سعود / ايه انا حجزت لكم امس وابيكم تروحون عشان اتطمن عليكم وراح اكلمكم
دق جوال سعود //الوو
حمد // هلا سعود اخباارك
سعوود / ااااخ ياحمد اخبار ماتسر البنات منصدمين مرره وانا خايف عليهن انهم مايستقبلونهم
حمد / لا انشاءالله كل شي راح يكون تمااام بس انت اصبر
سعود / ومتى رحلتنا احنا
حمد /بكرا الفجر انشاءالله
سعود /خير ياارب بس تتوقع بيستاانسون معاهم
حمد / انت اهم شي حطيتهم عند ناس منهم وفيهم اكيد بيخافون عليهم وش عليك يستانسون او لا اهم شي الامان
سعود / مدري والله طيب الشغل اللي رايحين عشاانه تتوقع رئيس الشركه بينجح ونرتقي
حمد / قول انشاءالله ومافي شي مستحيل
سعود /انا مابي اخيب بنااتي
حمد /المهم جهز اغرااضك وارسل البنات للرياض
سعود / طيب
كاان سعود وحمد مرره مع بعض وحمد مهتم فيه هو وبنااته حييييل يعتبره مثل اخوه ومايقصر معاه بشي
وحتى زوجته ماتقصر مع البنات
اوعدك لو درات الدنياا ...وماالت
وكلن رااح في طريقه ..وضعنا في بحر الفراق
وادري ..بحوره عميقه ..في الحظور وفي المغيب
ببقى لك اوفى حبيب
وماتهون اجمل صحبه ...وماتهون عشره صديق ..
جااالس فالحديقه وبغموضه المعتآآد
آخذ كأس العصير شرب منه ورجعه للطاوله
كان جنبه ولده سند يراقب حركات ابوه ومستغرب هدوئه المفاجئ
سند\ ع فكره يبه ترا بنطلع للمزرعه ان شاءالله
بدون رد من ابوه وعلى نفس الحاله سآآكت
سند\ يبه فيك شي مضايقك شي
ابو عبدالرحمن\ افكـــر بأخوك
سند رجع استند على الكرسي وتنهد \ وش فيه هذا هو كسر كلامك وقطعنا وماندري عنه ولا عن اخباره
ابو عبدالرحمن \ لا ياولدي ماقطعنا انا اللي قطعته
سند \ وش الفرق عاد
ابو عبدالرحمن\ من رآح وانا ماصرت بخير مشتاق له مشتاق لولدي
سند \ شرايك اسأل عنه ونشوف وينه
ابو عبدالرحمن \ ايه انا ارسلت جماعه يشوفون ويبحثون عنه
سند \ زين
_____
بيت حسن اخو سعود
مضآوي طالعه من غرفتها ولآبسه فستان قصير وردي وشعرها لنص ظهرها وحاطه فيونكه صغيره ع شعرها \ مآمي وينك
آم مضآوي جالسه تحت بالصاله وعندها زوجها\ انا هنآآآ تحت
مضاوي نزلت لأمها وابوها\ هاي
الكل \اهلا
مضاوي انا طالعه بروح عند وتين وندى
ام مضاوي \ طيب بس لا تتأخرين
مضاوي\ ان شأالله
طلعت مضاوي من بيتهم وكان بيوت عمامها في حوش وآحد وكل واحد بيته احلى من الثاني
وهم ماخذين ع بعض مايتغطون
مشت مضاوي لبيت عمها عبدالرحمن وشافت جدها وعمها سند جالسين بالحديقه
اشرت لهم من بعيد \هآآي
شافها عمها \ هلا مضاوي تعالي تقهوي
مضاوي \لا بس ابي اروح للبنات
سند\ بكيفك راح تفوتك القهوه
مضاوي\ ههههه عادي
متوجهه لبيت عمها عبدالرحمن ومرت من بيت عمها حسن ابو شجاع
شجاع كان واقف على البلكونه / مضاااااااااوي
مضاوي طالعت فوق / بسم الله الرحمن الرحيم وش فيك
شجااع / اسم الله على قلبك بس كذا
مضااوي الله يقطع بليسك روعتني اووف / طيب يالله انا ماشيه
شجااع يبي يحرجها/ وين ياقلبي
مضاوي فتحت عيونها على الاخر / قلبك بعينك وجعه
شجاع /هههههههههه ليش وش فيك عصبتي
مضاوي تحبه وهويدري بهالشي بس هو مايحمل اي مشااعر اتجاهها /مالك دخل
شجااع / طيب انا مالي دخل افااا
مضاوي / روح عني مناك بس
راحت مضاوي لبيت عمهاا عبدالرحمن /سلااااام
كانت وتين جالسه بالصاله تكلم صديقتها لفت ورا / اهلييييييين مضاوي
سكرت السماعه /نور البيت
مضاوي / افكورس نور
وتين /ياااشين الثقه
مضاوي / وين ندى وخلينا من هرجك اللي ماله داااعي
وتين /مالت عليك وعلى ندى ..طيب وش عندك
مضاوي /ابد بس ابي اقولها شي ضروووري
وتين / اها روحي اذلفي هذي هي فووق
مضاوي طلعت فوق لغرفه ندى
جالس فالمكتب قاعد يختم على اورااق للشركه
دخل عليه نايف السكرتير حقه /سلاام
فهد وماطالع فيه /اهلين وعليكم السلام
نايف حط اوراق على المكتب حق فهد بقووه وكان معصب /هذي اوراق ثانيه للشركه
فهد وقف عن الكتابه وطالع بنايف / خير سلااامات نايف وش عندك معصب
نايف وقاعد يطالع الحيط اللي قدامه /ابد مافي شي
فهد عصب على حركته / وهذا اسلوب تحط فيه الاوراق
نايف بدون اهتماام /ايه اسلوب
فهد ترك القلم من ايده واستند على الكرسي / نعم وش قلت
نايف / قلت هذا هو الاسلوب اللي يصلح معااكم
فهد /انت عارف وش تقول
نايف بحزم / ايه عارف وش قااعد اقول وعارف انك راح تطردني من الشركه على كلامي هذا
فهد / ودامك عارف ليش تقوله
نايف /يااخي اسلوب جدك معااي زفت وش معنى انا اللي يسوي فيني كذا والباقي لا
فهد رجع يوقع على الاوراق / طيب وبعدين
ناايف / وشو اللي بعدين انت ماتشوفه دايم يقعد يهاوشني ويهزئني عند الموظفين
فهد / خلاص قدم استقالاتك احسن واطلع بكراامتك
ناايف انقهر من فهد / وهذا اللي يبي يصير
فهد ضحك على نايف بصوت عالي / احسن شي بعد
نايف هين ياافهد وتضحك وربي اذا ماخليتك تبكي عندي ماكون نايف / ...
فهد بعد ماطلع نايف /اووف ياكرهي له واخيرا طلع من ذا الشركه
يوم الخميس تجهزو البنات عشان يسافرون
سعود نزل الشنااط كلهم
نجد لبست تنوره قصيره ولبست عبايتها ونزلت ورا ابوها
شوق لبست جننز وتيشرت وااسعونزلت وراهم
نجلاء لبست روب قصير عشان تاخذ راحتها بالطريق
ركبو السياااره وقلوبهم تدق وخايفين من مواجه عمامهم اللي مايعرفون عنهم شي
وصلهم سعود للمطار وعطاهم مصروف
سعود نزل لهم الشنااط وخلص كل الاجرائات
سعود /نجلاء
نجلاء /هلا يبه
سعود /انا اعرفك عااقله وبيك تهتمين فخوااتك زين
نجلاء /انشاءالله يبه
سعود /ونجد وشوق اعرفكم مرجج لاتتعبون اختكم معاكم زين
نجد بدون نفس /زييين
شوق وتطالع الرايح والجااي /ايه فهمنا
سعود /اوكي يالله اطلعو لاتتاخرون على الرحله
نجلاء / انشاءالله يبه
ودعو البنات ابوهم بحزن وماكانو يبون هالحظه تمر عليهم
اركبو البنات الطياره ..جنب بعض
شوق /بنات انا قلبي يرقع رقع خايفه
نجلاء /اسم الله عليك
نجد سااكته ماتكلمت مع خواتها
شووق /نجلاء تتوقعين بيستقبلون والا لا
نجلاء /وش رايك بنات اخوهم غصبا عليهم بيستقبلوناا
شوق استندت على المرتبه واخذت الايبود وقعدت تتسمع له
نجد قااعده تفكر كيف تكون المقاابله مع عماامها
نجلاء / اخذت كتاب تقراء فيه
...............
في الدماااام وبالتحديد عند البحر
تركي كان يتمشى ولابس تيشرت وبرمودا ابيض ومعاه صديقه احمد
احمد /تركي ايش رايك نروح نسبح
تركي / يووه مالي خلق سباااحه
احمد / اقووول يالله يالله خل نروح نسبح نغير شوي جو
تركي /بي المويه اكيد بااارده وحنا تونا على الصبح
تحمد /لا احلف يالبزر المويه بااارده
تركي /ههههههه اجل تبيني اموت من البرد
احمد /انا ابي انزل وكيفك انت
تركي /انزل وانا اراقبك
احمد /ايه انتبه لي لا اغرق
تركي /ههههههه طيب يابو الشبااب
دق جوال تركي بهالحظه
تركي /هلا والله
ريم /سلااام
تركي بتافف /اهليين ريم
ريم /وش فيك تضايقت لما دقيت عليك
تركي / لا ابد بس قولي وش عندك متصله
ريم / بس اشتقت لولد عمي واب اسال عنه
تركي /اشتقت لك العافيه
ريم / يعافيك
تركي / ريم انا اللحين مو فااضي تبين شي
ريم / افاا انا تصرفني وش عندك
تركي الله ياخذ عدوينها وش تبي ذي صدق نشبه /لا ما اصرفك بس اخوياي عندي
ريم / اها طيب مع السلامه
تركي ماصدق خبر /مع السلامه
ريم سكرت السماعه من عنده /واااه فديته ياااناااس
دخل عليها اخوها شجاع
ريم /اهلين شجاع
شجاع /وش عندك جالسه بغرفتك
ريم /ابد كنت اكلم صديقتي
شجاع / اها طيب تجهزتي لروحه الاستراحه والا لا
ريم /يعني
شجاع /عشان مو تاخرينا زي كل مرره
ريم /لا لا ماعليك
............
نزلو من الطياره وايديهم على قلوبهم
وشافو مشعل واللي هو اخوهم من الرضاعه واقف عند سيااره فخمه وكبيره
شوق /بناات شوفو مشعل هذا هو ياالله خلونا نروح له
نجلاء /اي والله هو يالله بسرعه لا نتاخر عليه
راحو البنات عند مشعل
نجد تطالع فالسياره ومنصدمه معقوله هذي لمشعل مستحيل
شوق من وصلت عند مشعل ضربته على كتفه /اووخس يابطل لك السياره ذي
مشعل ضحك عليها /لا مو لي هذي سيااره سواق عمكم حسن
نجلاء /عمي حسن
مشعل /ايه ويالله اركبوا
ركبو البنات بهدوء ومشعل قعد يسولف لهم وهم مو يمه
نجد /مشعل
مشعل /هلا نجد
نجد /ممكن تنقطنا بسكااتك
مشعل /هههههههه اووف فشلتيني
شوق /تفجيييير
مشعل /خلاص ولايهمك اللحين اسكت
كانت نجد نفسيتها زفت ماتدري ليش يمكن من واجهه عمامها او ان فيها حقد لهم او مو عارفه كيف را يستقبلونهم
نجلاء /واااو الرياض تهبل
شووق /ايه اجل على بالك الحفر
مشعل /شوفو الشركه ذي
شوق طالعت فيها بذهول / واااااااااااو نجنن وحتى البنايه حقتها خيااااال
نجلاء /اي والله والله ان راعيهاا ذوووق يااحظه
شوق /والله ياحظ اللي يشتغل فيها
نجد طالعتها بدون اهتماام
مشعل / هذي الله يسلمكم حقت جدكم ناصر
شوق ونجد ونجلاء فتحو عيونهم على الاخر مو مصدقين
شوق / نصااااااااااااااااااااااااب
نجلاء /انت صاادق مشعل والا تمزح
مشعل /لا صااادق
نجلاء / ياااك مره كبيره
شووق /اجل كيف بيتهم ..؟
نجد اجل ليش ابوي حالته كذا مو مثلهم /...
شوق تهز نجد مع كتفها /نجد توقعين حنا لنا بيت مثل كذا
مشعل من سمع شوق تغيرت ملامح وجهه (يووه لو تدرون ان مالكم ولا لابوكم هلله وش تسوون والله حرام )/
اخذ السواق لفه وبعدهاا دخل على سور كبــــــــــــير مره
واللي هو بيييت (جدهم وعمااامهم )
ياترا وش رااح يصير في بيت عماامهم
هل راح يستقبلونهم اولا
وايش رده فعل جدهم منهم
كل هذا انتظرونا بالباارت الثاااني
وايش راايكم بالروايه عطووني راايكم
اكمل والا لااا
والا اروح بكراامتي واسحب ...>>
التعديل الأخير تم بواسطة بياض الصبح ; 07-11-11 الساعة 05:29 AM
سبب آخر: تعديل العنوان << المد مخالف
|
07-11-10, 01:07 AM
جديد مواضيع قسم الارشيف
العرض العادي
