لو كثرت عيوبي بـ عيونك تباهيت / للكاتبة : غموض الحزن ..

لو "ڪـثرت" cـيوبيـﮯ بـ / cـيونـڪ [ تباهيت]


" آلـ / أول"




دخل ببطء...وهو يمشي عـ أطراف أصابعهـ...وآيج بـ الميلس اللي عند المدخل..بس ظلــآم..!
نفخ الهوى شوي شوي..بـ علامة أرتياح..مشى بـ الممر..لين وصل لـ باب الصالهـ...حط إذنه عـ الباب..مـــآ شي صوت..
بلع ريجهـ...وهو يرفع عينه لـ باب الحجرة..دخل الحجرة..
شـــآفها راقدهـ...و عـاطتنه ظهرهـــأ..تحرك صوبهـــآ بس


















{..آسف حبيبي~ و [العذر] منك
ييت ورجاي إنك : تصافيني..!
/ ~
مقوى الزعل ما [أيوز] أنا عنك
تكفى حياتي~ لـــا : تجافيني..!


















رفع حياته بـ براءة وهو يشوفها تصد له :..
مريم رفعت حياتها بـ ضيج وهي تطالعه :..
عبدالعزيز بـ ارتباك وهو يأشر عـ الموبايل : إهداء لج
مريم..قامت من السرير..وراحت جدامه :..وين كنت.؟



عبدالعزيز ياي يرمس بس :..
مريم : لــآ ليش..ترمس..ثرها الريحه فايحهـ...
عبدالعزيز رفع قميصه من صوب الصدر..شمه ورد طالعها : والله هذيل الشباب هب أنا
مريم : إنت هب واعدني ما تروح القهوة..[المقهى]..مرة ثانيهـ..؟



عبدالعزيز : والله إني ما سويت شي هناك بس رحت ألعب دومنه وورقهـ...[طالعها بـ براءة]..و..[سكت]
مريم تطالعه بـ شك : و..شو..؟
عبدالعزيز : والله بس شيشة..
مريم عطته نظرة..وطلعت من الحجرة :..
عبدالعزيز يلحقها :..والله ما كنت بـ دوخ..بس نازل معسل كابتشينو يديد وقلت أجربه



مريم حاقرتنهـ...بطلت الثلاجهـ...طلعت 2 بيبسي..سكرت الثلاجه..وحطت البيبسي الثاني عـ الطاولة بـ الممر وهي تمشي :..



عبدالعزيز وهو يشل البيبسي ماله :..ميمو..والله سوري ما بعيدها..!
مريم طالعته بـ نظرة..وبطلت ليتات الميلس..سحبت الرموت من الطاولة :..
عبدالعزيز وقف يطالعها ثواني..وعقب يلس حذالها : ميمو.؟
مريم طوّلت عـ التلفزيون :..



عبدالعزيز..مسك ويهها بـ حنان..وسحبه عسب تطالعه :..آسف..!


























سحب المفتاح من القفل..وبطّل الباب..ولــآ إرادي صد صوب الميلس المفتوح وابتسم : إييييييهـ...قيس وليلى..!
عبدالعزيز صد له وضحك :..
مريم ابتسمت :..
مروان..فر المفتاح بـ الهوى ومسكه..: شـ مسوي بعد..؟



عبدالعزيز ضحك : حمود عزمني عـ القهوه
مروان ضحك وفر المفتاح صوب عبدالعزيز :..خلاص فهمت لا تكمل
عبدالعزيز وهو يمسك المفتاح..ابتسم :..حليلي ما أروم أتونس شويه
مروان ضحك وهو ييلس :..قبل تصيح أبغي أعرّس..خذ بلوى العرس عاده
مريم طالعته بـ نقمه : الحين أنا بلــوى..؟



مروان : ههههههههـ...محشومه طويلة العمر
عبدالعزيز فر المفتاح عـ الغنفه حذال مروان..: لـــآ..لـــآ..قول إنك تغلط عـ حرمتيه..قول
مروان : ههههههههههـ...[مسك المفتاح ووقف]..خلك إنت وحرمتك...مسَكتين
مريم ضحكت بـ الخفيف :..
عبدالعزيز طالعه بـ نص عين : بـ نشوف عادهـ...الحرم المصون..



مروان مشى وسواله بـ إيده سير لـــآه :..سير ألعب بعيد..
عبدالعزيز : بـ نشوف لعباني بعيد شـ بيسوي..!
مريم ضحكت بـ الخفيف وهمست : عزوز..أسكت ولا بيبدى المكافخ
عبدالعزيز ضحك بـ الخفيف وهمس لها :..لا أبويه سادني ضرب البارحه



مروان..وصل عند باب حجرته :..بـ نشوف أنزين.!
[دخل الحجرة..لمس الثريا النازلة بـ شكل شبابي..وتبطلت..لـأنها تشتغل بـ اللمس..
سكر الباب..وشل الرموتات كلهاعن المكتبهـ...سكر الستارة بـ الرموت..وفر رموتها عـ الغنفه..
بطل المكيف بـ الرموت وفر رموت المكيف عـ الغنفهـ...
بطل التلفزيون بـ الرموت..لمس الليت وبكل لمسه يخف النور لين تسكر..
يلس عـ السرير..فصخ قميصهـ...وشغّل الـ رسيفر..]




















صرخ بـ ويهه : مروآن روح هنـــــــآك...!
مروان طالعه بـ خوف وصد لـ أمه : ماما..لـــآ تتهازبون
أم مروان بـ عصبيه : مروان أطلع برع..
بو مروان..مسك إيده ودزه برع الحجرة..ورقع الباب بـ قو:..
مروان عقد حياته من صوت رضه الباب..وما هي ثواني إلا تحوّلت نظرته لـ الانكسار..:..
أم مروان : مالك حق تمنعني عن هلـــي..!
بو مروان صرخ : قري فـ بيتج شويهـ...كله هايته من مكان لـ مكان
أم مروان : اللي يسمع إنت اللي تيلس فـ البيت
بو مروان : الحين تقارنين حياتي بـ حياتج
أم مروان :..أصلـ[ن]..إنت العيشه معـــآك تلوع الجبد..لا بيت شرات الناس ..لا فلوس شرات الناس ولا عيال شرات الخلق..!
بلع ريجهـ...وهو يبتعد بعد هـ الإهـــآنهـ...بـ حقه..! :..




















ابتسم : هيه أكيد بيي..
عمر : خلاص أنا بييب الجيم بوي مالي..وإنت شـ بتييب..؟
مروان ابتسم بـ عذوبه :..يكفي إني بييب عمري وبيي
عمر : هههههههههههههـ...مالت بس..
مروان سمع صوت عند الباب : عمور برمسك عقب..[وسكر]
بو مروان دخل : إنت شتسوي عند الفون..؟
مروان بلع ريجه ونطق بـ جذب طفولي : رفيجة ماما متصله
بو مروان وهو ييلس : يلعنها ويلعن رفجتها
مروان بـ همس : بابا..؟
بو مروان صرخ : شو بعد بابا..إنت بنت عسب تدلع..قال بابا قال
مروان بلع ريجه وهو يطالعه :..
بو مروان : شـ تطالع بعد..؟ التعن من ويهيه
مروان وهو يمد الورقة لـ أبوه :..
بو مروان شل الورقهـ...:..
مروان يطالعه بـ ترقب :..
بو مروان فر الورقه بـ ويهه : هاه شو..؟
مروان بلع ريجه وقال بـ صوت أقرب للهمس : ورقة الرحلة
بو مروان مسكه من جتفه وقربه صوبه : أرمس بـ صوت عـــآلي..يـ الخديه
مروان بلع ريجه بـ قو..وعينه بدت تنترس دموع :..
بو مروان صرخ : هذي ورقة شو..؟
مروان يطالعه بـ خوف :..
أم مروان دخلت معصبه : بلاك تصرخ إنت.؟
بو مروان رفع راسه لها..ودز مروان من جتفه :..إنتيه جب..بيتي وكيفي..!
أم مروان طالعت مروان بـ عصبيه : وإنت شفيك واقف هنيهـ...؟
بو مروان فر الورقه بـ ويهه : روح يـ الخديه.. روح عند أمك
أم مروان شلت الورقه عن الأرض : ورقة شو هذي..؟
مروان ودموعه نزلت :..الرحله
أم مروان طالعته بـ عصبيه : ونحن عندنا فلوس ناكل عسب نعطيك حق خرابيطك
مروان مسح دموعه وشهق بـ الخفيف :..
أم مروان قصت الورقة :..روح حجرتك بـ سرعه




















صرخ : روحي اييبي ملح
مريم تطالعه بـ خوف ودموعهـــآ أطيح :..
مروان لوى عـ أبوه وهو يصيح بـ حرقه : خلاص أبـــوي..ما بقول بابا..ما بقول بابا..أنا ريـــآل..أبوي خلاص..ما بقول بابا..سامحني
بو مروان دزه :..جــــــب..[طالع مريم]..إنتيه ما تسمعين..؟
مروان طاح عـ الأرض يصيح :..
مريم طالعت أمها ونطقت بـ صياح : ماما..؟
أم مروان وهي تجلب بـ المجله : خله يأدبه
بو مروان مسك مريم من إيدها وضربها عـ راسها من ورى : تشتكيني لـ أمج يـ الجلبة
مريم صاحت : لـــا بابا..لـــآ..[نطقت بـ جذب]..بس ما أدل مكان الملح
بو مروان دزها عـ جدام : روحي دوريهـ....[صرخ]..بسرعه..!
مروان لوى عـ ريل أبوه : أبوي..خلــآص أنا ريال..أنا ريال..ما بقول بابا..
بو مروان مسكه من جتفه ودزه بـ قو عـ الغنفه :..وتصيح بعد.؟
مريم يات بـ الملح..غمضت عينها بـ قو ورفعت جتوفها وهي تسمع صوت صراخ مروان..وصوت العصا وهي أطيح عـ ظهره بكل قسوه:..




















يات صوبه : مروآن.؟
مروان صد لها..بـ لا مبالاة ورد يطالع جدام :..
ندى يلست حذاله وحطت إيدها عـ ظهره : كندورتك كلها دم..!
مروان سحب نفس بـ عصبيه : أصفق لج يعني..أتشطرتي واستنتجتي هـ الشي
ندى طالعته بـ هدوء : مروان قوم تسبح
مروان : أمايه قالت لي أيلس بـ الشمس
ندى طالعته بـ هدوء : شسويت..؟
مروان طالعها بـ صمت وطالع جدام :..نصور سرق قلمي..وأمايه تنازع ليش أنه ما عندي قلم
ندى : أنزين أمايه طلعت الحين..أدخل أتسبح أنا بييب لك قلم
مروان طالعها وقال بـ براءة رسمتها قلة الحيلة عـ صوته : بس قلمج وردي..!
ندى وقفت وهي تبتسم : أنت تسبح وأنا بييب لك قلم
مروان هز راسه ودخل من الباب الخلفي وعلى طول ركيض عـ حجرته :..




















دخل بـ عصبيه : إنت ييت المسيد..؟
مروان بلع ريجه بـ خوف : هيه
بو مروان بـ صراخ :..تجذب بعد..؟
مروان وصوته أقرب للـ صياح : والله صليت..إنت يلست تسلم عـ الرياييل وأنا رديت البيت
بو مروان طالع التلفزيون وطالعه بـ عصبيه : راد عسب تلحق عـ هذا صح..؟
مروان بلع ريجه وهو يحول نظراته الخايفه لـ توم وجيري..! :..
بو مروان مسك الرسيفر..سحب الوايرات منه بـ قوه وفره عـ مروان :..بشوف منو يطالع تلفزيون بعد هـ اليوم..!
مروان بعد الرسيفر عنهـ...وهو يمسك بطنهـ...ويعقد حياته بـ ألم..:..




















دخل..وأنتبه عـ صوت همسات جريب الباب..لف راسه وانتبه عليهم :..شـ تسوون..؟
مريم فزت : بسم اللهـ...تحريتك أبوي..
مروان ابتسم بـ عذوبه :..شـ تسوون عند الزرع..؟
ندى وويهها معفوس بـ حزن : شوف العصفور بـ يموت
مريم ردت تطالع الأرض..صوب العصفور :..هيه حرـــآم..!
مروان يى حذالهم :..هذا طايح من العش شكله
ندى+مريم هزروا راسهم بـ تأييد :..
مروان شله :..دورولي العش وين.؟
ندى+مريم بدوا يلفون عيونهم عـ أغصان الزرع يدورون عن العش :..
مروان : حصلتهـ...[ركب..عـ الطابوق اللي محدد الزرع..وحط العصفور مكانه]
ندى : مروان..مروان..شلني بشوفهـ..
مريم بـ غياض وهي راكبه عـ الطابوق حذال مروان : ويوو..أنا أروم أشوفه
مروان مسك ندى من تحت إيدها ورفعها : تشوفين.؟
ندى استانست : الله مروان شوف
مروان ضحك بـ الخفيف : جيف أشوف وأنا شالنج..[نزلها]
ندى : أويييهـ...مروان كندورتك كلها غبار..أبوي بيهزبك...!
مروان سحب كندورته عسب يشوفها جيف غاديه من ورى..وعقب هدها بـ لا مبالاه : خله يولي
بو مروان من بعيد : منو اللي خله يولي يـ الجلب.؟
مروان طالع أبوه وأخفى نظرة الخوف بـ داخله : الكندورة
بو مروان وهو يقرب صوبهم..نطق بـ طنازة : ما شالله الكندورة خله يولي..؟
مروان بلع ريجه بـ خوف : قصدت الكندورة خلها تولي..!
بو مروان مسكه من كندورته من صوب الجتف بـ تقليل جيمه :..
مريم مسكت إيد ندى : ندوي ندخل داخل
ندى وهي تطالع أبوها جيف يضرب مروان : ميمو يالس يضربه
مريم سحبتها : عيب نطالعه وهو يضربهـ...عقب مروان بينحرج
مروان بـ الرغم من صوت العقال عـ ظهره..سمع كلامهم وحز بـ خاطره :..




















وقف بـ ويهه أبوه بـ تحدي : جذآآب..ندوي أختيه غصبـ[ن] عنكم كلكم
بو مروان ما كان متفيج لهـ...دزه بـ قو..ومسك ندى من إيدها : التعني لبسي شيلتج ما تسمعيني أقول هذا هب أخوج
ندى بـ حيره وحزن : بس أبويه
بو مروان قرب ويهه صوب ويهها وصرخ : أنـــآ هب أبوج..!
مروان سحب ندى من إيدها : جذآب..إنت ما تبى تصرف عليها عسب جيه بـ تتبرى منهــآ..
بو مروان زغطه من رقبته : أنـــآ جذاب يـ الخديهـ...؟
ندى مسكت إيد بو مروان : أبويه..خله خلــآص طالع ويهه غدى أزرق
بو مروان هد مروان ومسكه من قميصه :..
مروان حط إيده عـ رقبته وهو يكح :..
بو مروان :..لو أسمع إنك قربت صوب ندى لين ما اييون أهلها بـ ذبحك...[ودزه عـ ندى]
مروان طاح وندى طاحت وياه ..ابتعد عنها وهو يطالع أبوه وهو يروح:..
ندى يوم اختفى بو مروان من أنظارها..طالعت مروان :..
مروان مسك إيدها : ما عليج هذا إلـــآ جذاب..إنتي أختيهـ...إنتي ندى حمد الـ[ـــ]ــي
ندى مسحت دموعها : مروان لا تجذب علي..أنا هب أختك صح.؟
مريم سحبت نفس وقربت صوبهم :..ندوي حبيبي..!
ندى صاحت بـ هستيريه : أنا أختكم...والله أختكم...أنا ندى حمد..واللهـ...!
مريم لوت عليها..وتمت فوق الساعتين تهديها ومروان يطالع بـ صمت :..
ندى شهقت بـ الخفيف : يعني أنا أختكم ولا لـــأ..؟
مريم مسحت عـ ظهرها :..ندوي حبيبي..وحتى ولو..نحن بنتم أخوانج ونحبج
ندى بدت دموعها أطيح مرة ثانيه : يعني أنا هب أختكم..؟
مروان طالع مريم بـ استفهام :..
مريم سحبت نفس :..ندوي يوم كنّـــآ يهال..يى رفيج أبويه وقاله يخليج عندنا..لين هو يرد من السفر..ومرت 10 سنين والحين يى ياخذج
ندى تصيح : جذب..جذب..أبويه أصلـ[ن] يبى يبيعني لـ هالريال اللي ياي
مريم بلعت ريجها :..لـــآ ندوي..اللي ياي أبوج..صدقيني
ندى صرخت : عسب جيه ما دخلت مدرسه حكوميهـ...؟..عسب جيه..
مروان قاطعها يوم سحبها بـ حضنه وبدى يتمت بـ كلام نصه هب مفهموم :..
مريم طالعته بـ صمت..فهمت كلمتين من اللي يقولهـ...أبويه ظالم..! أبويه ظالم..! :..


مسحت دموعها..ولوحت لهم بـ بآي :..
مروان ركض صوبها : ندوي لا تروحين.!
بو ندى : أبويه لازم نروح
مروان سحبها من إيدها وحطها وراه : ما بتروح وياك...ما تباك
بو ندى ابتسم بـ طيب : بتتعود يا أبويه بتتعود
بو مروان تقرب..مسك مروان من قميصه من ورى..ورفعه عـ فوق وصرخ بـ ويهه : أنا شـ قلت.؟
بو ندى وهو يمسك إيد بنته : خله يا حمد..هذي كانت شرات أختهم..خلهم يطللعون حزنهم أحسن من أنهم يكتمونه
بو مروان..فر مروان داخل البيت :..
بو ندى بطل عيونهـ...وهو يشوف مروان يطيح عـ السراميك بـ الحوي :..حمد..خاف ربك...!
بو مروان : جاسم...لــآ تدخل..!
بو ندى سحب نفس : يـ الله عيل عن إذنك...




















يلس حذاله بـ استغراب : كنت أدري إنك بـ المقر السري..شـ فيك..؟
مروان رفع قميصه من جدام ومسح دموعه بها :..
عمر : مروآن..!!
مروان بلع ريجه :..مساعه ميمو تقول خاطرها بـ باونتي وأمايه هزبتها..[سحب خشمه]..وأنا ما عندي بيزات عسب أشتريلها
عمر طلع من جيبه خمس : يوّد
مروان هز راسه بـ رفض : مابغي
عمر ابتسم ودز راسه : لا تصدق عمرك هذا دين بـ ترده يوم بتشتغل
مروان طالعه بـ هدوء ثواني..وعقب سحب الخمس وركض لـ الدكان :..




















بلع ريجه ورص عـ إيد أخته :..
مريم طالعته وابتسمت من تحت غشايتها :..
مروان : يعني ليش يينا..؟
مريم بـ همس عسب لا يسمعها أبوها :..نختار نروح عند أبويه ولــآ أمايه
مروان بلع ريجه : بس أنا مابغي ولا واحد فيهم
مريم ابتسمت : ما يصير مروان..لازم نختار واحد منهم
مروان طالعها بـ قلة حيلة : إنتيه وين تبين..؟
مريم ابتسمت : وإنت بتروح وين أنا بروح..؟
مروان هز راسه بـ تأييد :..
مريم : أنا بروح عند أمايه
مروان بـ حماس : هيه أحسن..عسب أبويه يضربنا وايد
مريم ما علقت غير إنها حوّلت عيونها لـ الناس اللي رايحين ورادين :..




















بعده عنه جزأن : وع..مروان شعرك كله قمل
مروان طالعه بـ هدوء :..
حميد : شو أمك ما تسبحك...؟
مروان يطالعه بـ صمت :..
حميد وهو يدزه عسب يبعد عنه :..روح عند أمك تسبحك
أم مروان دخلت : حميد..بلاك إنت..؟
مروان طالعها بـ صمت :..
حميد : إنتي ما تسبحين ولدج..طالعي شعره وصخ
مروان طالعت ولدها بـ عصبيه لأنه فشلها جدام ريلها..مسكت إيده وسحبته لـ برع :..
مريم عقدت حياتها وهي طالعة من حجرتها : وين بتودينه أمايهـ..؟
أم مروان : جب إنتيهـ...!..[طلعت من بوكها خمس]..روح تحلق عـ الصفر..إن شفتك بـ كشتك ما بـ تبات فـالبيت
مروان خذ الخمس وطلع يركض برع :..
مريم ركضت وراه : مروان..مروان صبر..!
مروان طالعها : هاهـ...؟
مريم مدت له عشر : يوّد أدربيك بتروح تلعب بـ الخمس وبتاكل هزبه عقب
مروان ضحك بـ الخفيف :..بشتري موس من الدكان بـ ريال وبحلق به
مريم ضحكت : وتعرف تحلق ماشاللهـ...؟
مروان يرفع قميصه بـ خقه : نتعلم أختـــآه
مريم ضحكت وحطت العشر بـ جيبه : رد بسرعه




















سحب الكوب عنه بـ قو : شـ تشرب يـ الملعون..؟
مروان طالعه بـ استغراب وعقب وقف وشل الكوب من إيده : ما يخصك تسمع
حميد مسكه من شعره وسحب الكوب : شو هذا..؟
مروان صرخ بـ عصبيه : إنت هب ولي أمري تسمـــــــع...!
مريم طلعت بـ سرعه : عمي..؟..مروان..؟ شفيكم..؟
حميد : تشوفين أخوج شـ يشرب..؟
مريم سحبت نفس بـ حزن : هذا أنا صابه له راني تفاح
حميد شم الكوب..يوم تأكد إنه هب خمر..دز مروان وكسر الكوب :..
مروان يطالعه بـ عصبيه :..
حميد : إيييهـ...تعالي نظفي..[وطلع]
مريم نزلت تلم الزجاج :..
مروان سحبها : ميمو...خليه..!
مريم : مروان..ما بيفيدنا العناد..
مروان : أنا خلاص بروح عند أبويه
مريم : ههـ...أبويه عرّس وسكن بـ الشارجهـ...وما يبى يسمع شي عنا
مروان طالعها بـ صمت :..
مريم وهي تلم الزجاج : مروان الغالي..روح هات لي فوطه بمسح العصير
مروان هز راسه بـ طواعيه وتحرك للـ مطبخ :..




















ضربه عـ ظهره : مروآن بس..!
مروان بعد عن إخته وهو يمسح دموعه : لا تقطعين
مريم ابتسمت وسط دموعها :..
عبدالعزيز : زين جيه صيحت حرمتيه وهي بعدها بـ القاعه
مروان سحب خشمهـ...وابتسم : ويا ويهك أصلـ[ن]..أنا طالع
مريم مسكت إيده : لا خلك
مروان ابتسم..باس راسها وابتعد.. نازل من الستيج :..
مريم وهي بعدها واقفه تطالع أخوها وهو مقفي :..
عبدالعزيز طالعها : ميمو..فديتج هـ الشي كان لازم يصير
مريم نزلت راسها : الحين وين بيرتاح من أمايه وريلها
عبدالعزيز مسك إيدها وسحبها تيلس : ..
مريم طالعته : عزوز ما عليه أطلب منك طلب
عبدالعزيز بـ ابتسامه : وما يصير هـ الطلب يتأجل عقب..الناس قاموا يطالعون
مريم : ما عليه من الناس..
عبدالعزيز : أطلبي..حياتي..
مريم : ما عليه مروان يعيش عندنا
عبدالعزيز بـ استغراب : بـ الشقه ويانا..؟
مريم تمسح دموعها : دخيلك يـ الغالي ما تردني
عبدالعزيز طالعها بـ نقمه : يعني لازم حد يخرب
مريم ضحكت بـ الخفيف : تسلم لي
عبدالعزيز : صبري..صبري..أنا ما وافقت
مريم رفعت حياتها : أدري إنك موافق
عبدالعزيز ضحك : بس شهر العسل ما بيروحه ويانا..!
مريم ضحكت : ياريت ايي ويانا





















ابتسم : وهذي حجرتك...أختك أثثتها
مروان صفـــّـــر :..
مريم حطت إيدها ورى ظهره وابتسمت : عيبتك...؟
مروان ابتسم ودخل الحجرة :..عجيبهـ...!
مريم : يـ الله أنزين روح البيت وهات أغراضك
مروان طالع عبدالعزيز :..
عبدالعزيز ابتسم بـ استغراب : بلاك..؟
مروان وهو يطلع : تعال بـ رمسك
عبدالعزيز فهمه : مروان عن التغلي..لو أنا ماباك جان قلتها بـ ويهك
مروان : ههههههههههـ...يا صريح
عبدالعزيز+مريم ضحكوا :..





















مسكه ورجعه عـ ورى : مروآن..أذكر ربك...!
مروان طالع عبدالعزيز وصرخ : ما تشوفه
عبدالعزيز بـ قلة حيلة : يا مروآن..يقولك ما عنده بيبسي
مروان صرخ وهو يقرب صوب راع الدكان : وعـ شو يطوّل لسانهـ...ما يروم يقوله بـ أدب..
عبدالعزيز مسك إيده : مروآن..!
مروان دزه ومسك راع الدكان من قميصه : أنا منو..؟
راع الدكان يصيح والدم يطيح من كل مكان :..بابا مروآن..بابا مروآن
مروان : وإنته منو.؟
راع الدكان : وآهد هيوآن..[وآحد حيوآن]
مروان دزه بـ قو عـ الباب :..هييييهـ...خلنا جيه متفاهمين..!..[وتخطاه ودخل الدكان]
عبدالعزيز هز راسه وأبتعد رايح لـ بنايتهم :..





















دخل : سلــ...[هز راسه وهمس]..لـــآ حول..[فر الكورة عليهم وصرخ]..أييييييهـ...قيس وليلى..!
عبدالعزيز فز بسرعه :..
مريم نزلت راسها وضحكت بـ قفطه :..
مروان ضحك وسحب الرموت :..عـ شو مشغلين التلفزيون يوم إنكم مسويين فلم بروحكم.!
عبدالعزيز ضحك وهو يمسح رقبته بـ ارتباك : مالت بس
مروان رفع حياته بـ غياض : خف عليهــــآ
مريم ضحكت وقامت : بحط الغدى..!





















وهو يمسح الدم اللي يصب من خشمه : ياخــي إنت يوم تعصب تصير حيوآن
مروان ابتسم وهو يشرب البيبسي :..
عمر دزه وهو يبتسم : هيه أضحك...أنا اللي بروح البيت وويهي أزرق وبنفسجي
مروان..نزل القوطي حذاله وهو يضحك بـ الخفيف : ياخي قولهم رفيجي فاتح صالون وجرّب المكياج علي
عمر : هههههههههههههههههـ...مالت بس..!





















رفع راسه بـ عصبيه..فصخ الخاتم وفره عـ عمر :..
عمر مسك الخاتم وهو يطالعهم بـ صمت :..
مروان..نزل راسه وفصخ حزام الجنز..ومن رفع راسه شاف الشباب تشاردوا :..
عمر ضحك بـ الخفيف :..
مروان صرخ بـ عصبيه : لو ريـــآييل ما شردتوآ..!
عمر وهو مبتسم: يا مروآن أمــــش العزيمة علي بـ الكنتاكي
مروان طالعه ورد يطالعهم وهو يركبون السيارة ويروحون :..ما تشوفهم عنلات فيسهم...لـــآ وشادين الحيل يايين ويسبون..
عمر : يـــآخي الريال هب بـ الرمسهـ...[بـ ضحك]..الريال بـ حزامه
مروان ضرب عمر بـ الحزام : أنطب
عمر نقز فـ مكانه : وخيبهـ...!
مروان ضحك بـ خاطرهـ...بس ما بيّن عـ ويههـ...لأنه نزل راسه..عسب يلبس الحزام :..


سحبته من إذنه : ..
مروان بعد عنها وفرك إذنه : بلاج..؟
عبدالعزيز وهو يعق كابه عـ الغنفه : ما تعرف حليلك
مروان طالعه بـ عصبيه : عزوز..!
مريم : مروان..أنا أرمسك الحين
مروان طالعها بـ براءة : ما سويت شي
مريم : شو ما سويت شي..طايح بـ السجن من ساعتين وتقول ما سويت شي..!
مروان طالعها بـ ضيج وتخطاهم رايح لـ حجرته :..
عبدالعزيز طالعها : أسميه أخوج جدامج يستوي بريء وملــآك...
مريم ابتسمت بـ خاطرها..:..إنزين شـ مسوي هـ المرة بعد..؟
عبدالعزيز : ضارب راع التكســي..أونه ليش يوم أنا ركبت رحت تبى تترس بترول ما خلص إلا يوم أنا بغيتك توصلنــي
مريم ضحكت بـ الخفيف : هيهـ...ليش يعطّل أخويه عن أشغاله
عبدالعزيز طالعها بـ نص عين : أشغال أونهـ...أمشي أمشي بنروح نرقد..مطلعنا بـ نص الليل





















وقف بـ عصبيه : إنت وبعدين ويـــآك..؟
مروان يطالعه بـ لامبالاه :..
الملــآزم :..هذي 7 مرة اتيي وتطلع بـ كفالهـ...وبعدين ويــآك..؟
مروان..بـ همس : هو سجن أبوك..؟
الملــآزم : نعم..؟
مروان ابتسم بـ مجامله : أفكر..!
الملــآزم : بـ شو..؟
مروان : يـــآهـ...؟..والواحد ما يروم يفكر ويستنتج ويعرف غلطه
عمر نزل راسه وضحك بـ الخفيف :..
مروان صد لـ عمر..وداسه عـ ريله :..
عمر رفع راسه ومبين عليه ماسك ضحكته :..
عبدالعزيز : ما عليه يا حضرة الضابط هذيل شباب..ومردهم بيعقلون
مروان همس : بـ تبطي
عمر ضحك بـ الخفيف :..يرحم والديك أسكت..
مروان بـ طنازة : ليش متولهه عـ حليب أمك..؟
عمر طالعه بـ نقمه :..بسنا..! خسنا هنيهـ...كملنا أسبوعين
مروان : يـــآخي أكل ورقاد بـ بلاش..شـ عليك..؟
عمرضحك بـ الخفيف :..لــآ يكون عزوز زطي ونحن ما ندري
مروان عض صبعه بـ علامه ماسك عـ الفلوس : ياخي قلـــده
عمر ضحك بـ الخفيف : والله لو إني ما أعرف عزوز جان صدقتك
مروان ضحك بـ الخفيف: شوف..شوف..شكلهم بيسرحونا
عمر رفع راسه :..
عبدالعزيز وقف ومد إيده لـ الملازم : مشكور وما قصرت
عمر طالعهم بـ ابتسامه : بـ نطلع..؟
الملازم : اتمنى تكون هذي آخر استضافه لكم هنيهـ...
مروان غمز لـ عمر وهو مبتسم : يـــآ بخيل
عمر : ههههههههههههههههههههـ...
عبدالعزيز هز راسه وسحبه برع حجرة الملازم قبل لا ينحبس بـ سبت لسانه الطويل :..
مروان يوم طلعوا..صفق بـ قو : جــــــــــــآء...ألفرج...جــــــــــــآء
عمر حط إيده عند ثمه وصارخ : واحد..واحد..واحد
مروان وهو يطالع باب الملازم : ملـــآزمنا أحقر واحد
عبدالعزيز فج عينهـ...بينما عمر+مروان تراكضوا لـ برع وهم يضحكون:..





















مسح عـ شعرها : ما عليه بلاكم مستعيلين عـ العيال..؟
عبدالعزيز ابتسم بـ عذوبه : هذي أختك كلمها..!
مريم تصيح بـ صمت :..
مروان : ميمو..يعني التأخير بـ الحمل..هب لـ عيب فيكم../ من الله
مريم طالعته وشهقت :..
مروان عفس ويهه أونه جزآن وهو يضحك :..
مريم دزته وابتسمت : عبيــــط
مروان ضربها عـ بطنها :..
مريم صرخت : يعور ويهد
مروان : هههههههههـ...يوم بيي سميي بـ ينام وياي بـ الحجرة
مريم ابتسمت وهي تمسح دموعها : ليش عاد..؟
مروان طالع عبدالعزيز وابتسم بـ غياض : يعطي ريلج جوه
عبدالعزيز ضحك ويلس حذال حرمته :..





















مسك القوطي وفره بـ ويهه :..شو هذا.؟
عمر عقد حياته بـ ضيج : مروان خلني أدوخ بـ راحتيه
مروان بـ طنازة : يا روح أمــــــــك...[شل القوطي وفره فوق سطح الدكان]
عمر وقف : أوهــــــــوو
مروان يلس عـ دري الدكان وهو يصفر بـ إغنيه {السالفه وما فيها} :..
عمر مشى بعيد شوي..وعقب رد : ياخي متضايج
مروان ابتسم وهو يصفر..يعرف إنه عمر روحه بيرمس :..
عمر : خلود أنخطبت
مروان طالعه بـ لامبالاة : وبترفض شرات كل مرة
عمر سحب نفس : مـــآدري
مروان ضحك وهو يرد يطالع جدامه :..يـــآخي متفيج تحب..
عمر طالعه بـ هدوء : والله إنت فـــآك عمرك من الصدعه
مروان رفع حياته بـ غياض : أحسن لي
عمر ابتسم : ربي لــآ يبليك إنـ شآ ـاللهـ...





















صرخ : مروآن بس..ذبحتهـ...
مروان مستلم الريـــــــــآل ضرب ولا سادنه :..
عمر..يدري لو قرب ومسكه شـ بيحصّل من مروان : مروآن..!!
وآحد من اللي متيمعين صرخ : الشرطهـ....!!...الشرطهـ...!!
مروان ما حس إلـــآ بـ حد مسكه من شعره..صد وإيده تتقدمه وبوكس بـ ويهه الشرطي :..
عمر فج عينهـ...الله يعين :..!!
مروان دزه من جتفه : ليش تمسكني جيهـ...؟..[عطاه بوكس فـ البطن]
عمر تقرب وسحب مروان..وويى الشرطه بعدوهم عن بعض..وراحوا القسم :..
مروان ضحك : أشوفك عقب شهر..عمّــور
عمر ابتسم بـ طيب : مستانس بتيلس شهر هنيه
مروان رفع حياته بـ تحدي : أتريـــآك
عمر : امررهـ...اليوم ضارب راع الدكان وياي عندك
مروان : ههههههههههههههههـ...هذا الخوي
عمر : ههههههههههههههـ...شد حيلك لين اييك
مروان : هههههههههـ...رايح أٌولد أنــآ.؟
عمر : هههههههههههههههههههههـ...
عبدالعزيز هز راسه : ولا جنك رايح للـ سجن..جنها سفره لـ لندن
مروان بـ استهبال : ويييييين..والله سجونا ما اتيي صوب لندن..
عمر يكمل وياه : لـــآ تلومه يا ريـــآل ما جرب جنتنا..ولــآ جان كل يوم ضارب وسارق بعد
عبدالعزيز طالعهم بـ نقمه : ربي لا يبلينــــي بـ جنتكم..[وطاف عنهم]
مروان صفق كفه بـ كف عمر وغرقوا بـ الضحك :..
عمر وايهه : الرب حـــآفظ
مروان رفع حياته وهو مبتسم..ومشى مع الشراطي يودونه للـ سجن :..





















صرخ بـ صوت شبابي : عــــــــــــــآش..عــــــــــــآش..بو عبدالله
مروان نزل من السيارة وهو يضحك...صرخ بـ صوت شبابي : شـ رايكم..؟
ياته أصوات الشباب وكلهم يبين عليهم الرضى من أدائه :..
عمر تقرب ووايهه : سكتتهم صرآحه
مروان وهو يطالع السيارة : والله سيارتك هي اللي تستاهل
عمر ابتسم : والله لو إني اللي مقحص فيها ما يابت اللي يبته
مروان طالعه : جم يـــآبت..؟
عمر ابتسم : للـ حين 170 ألف
مروان ابتسم بـ تحدي : بعدها هب جيمتهـــآ..!
عمر : فـ عينك عـــآد..هذي شارنها بـ 45 ألف
مروان ابتسم : بعده سعرها بيرتفع خلنا ما نتسرع
عمر سحب نفس : لا يـــآبوك أنا من رايي نبيع..وعقب نشتري سيارة غيرها
مروان رفع حياته : كيفـــــــك...!
ناصر تقرب ووايهه : ذبحتنـــآ بـ هالسواقه قلنا الريال هب طالع منها
مروان ابتسم بـ خقه : أفـــآ عليك...جنك إلــآ نسيت منو مروآن..؟
ناصر ابتسم : وهـ اللي ما خلانا نزقر الشرطه وللإسعاف للحين
مروان+عمر طالعوا بعض وضحكوا :..





















بطلت الباب : مروآن..؟
مروان صد صوب الباب وهو منسدح عـ سريره :..
مريم..حطت إيدها عـ الليت وتبطل :..
مروان عقد حياته من الليت القوي : خفي عليه
مريم لمسته مرتين ورى بعض..وخف الليت درجتين زود :..يـ الله قوم
مروان بـ كسل: مريوم بـ نــآم..!



مريم وهي تسحب اللحاف : لا مــآشي..[فجت عينهـا]..مروآن..!
مروان يلس وبلع ريجه : هـــآه.؟
مريم بـ عصبيه : يعله بـ ذمتك جانك راقد بـ شورت بس..!
مروان طالعها بـ ضيج :..
مريم سحبت قميصه من الغنفه وقامت تلبسه :..
مروان مسلّـــم أمره بـ إيدها :..
مريم : إنت ما أتوب..جم مرة قلت لك لا ترقد بليا قميص..حجرتك بارده
مروان يطالعها بـ براءة :..



مريم : يـ الله قوم بـ حط العشى
مروان : هب يوعـــآن
مريم طالعته بـ صمت :..
مروان بـ ترجي : صدقيني..
مريم : يـ الله وبليــآ هذره طويل العمر..[وطلعت]



مروان طلع وراح المطبخ..سحب كرسي ويلس حذال عبدالعزيز :..
عبدالعزيز : ههههههههـ...يابتك من إذنك..؟
مروان : ها ها ها..لــآ من إذني ولا من خشمي..
عبدالعزيز ضحك :..



مروان مسك الكرسي..وعقه :..
عبدالعزيز وقف بسرعه قبل لا يطيح مع الكرسي..: يعلك بـ [سحب نفس ]..بـ خير وسهاله
مروان طالع الصوب الثاني بـ لامبالاه ولا جنه بغى يكسر له جسمه توه :..
مريم ضحكت بـ داخلها وهي تهز راسها من عصبية أخوهـــآ :..



مروان طالع عبدالعزيز : عزوز..؟
عبدالعزيز وهو يعدل الكرسي وييلس : هــآهـ..؟
مروان : جنه موبايليه يرن..!
عبدالعزيز عقد حياته وهو أونه يبى يسمع زين : إلـــآ أكيد
مروان : إنزين روح هاته



عبدالعزيز طالعه بـ نص عين..وطالع مريم :..
مريم ابتسمت وأشرت له بـ عيونها أنه روح :..
عبدالعزيز قام وراح حجرة مروان ورد بـ موبايله :..يوّد الشيخ مروان
مروان ضحك بـ سخريهـ...وهو يسحب الموبايل : مرة ثانية أركض وانت تييبه



عبدالعزيز : لم ثمك لمهـ...أستانست عـ عمرك شكلك
مروان ضحك ورد عـ موبايله : هلـــآ عمور..!
عبدالعزيز هز راسه وهو يطالع حرمته : أخوج بيدلع عليج قلنا هب مشكلهـ...شيخصني أنا يتبطّر عليهـ...



مريم ضحكت بـ الخفيف : أسكـــت عن يقوم لك...[رفعت حياتها بـ غياض]..أخويه عصبي..!
مروان وقف : شوو..؟..خلــآص ياي ياي..[صرخ]..يــــــــــــــآآي..[وسكر الموبايل]
مريم فجت عينها :..
عبدالعزيز وهو يشوف مروان يطلع من المطبخ بـ سرعه رايح لـ حجرته : وأنا اشهد
مريم مسكت إيد عبدالعزيز : روح له..توه من أسبوعين بس طالع من السجن
عبدالعزيز سحب نفس :..يـــآ حرمه تبيني أنكفخ شرات البارحهـ..؟



مروآن..لبس خاتمهـ...بـ صبعه الصغير..[الخنصر]..شل السجين وحطاه بـ جيبه اللي ورى.. حط موبايله بـ جيبه اللي عـ طرف البرمودهـ...من تحت..وسكره بـ الزرار..عسب لا يطيح.. طلع ركض للـ مطبخ : ميمو..؟..ميمو..؟



مريم طالعته : هاه..؟
مروان : بسرعه عطيني توكه بلف بها شعري
مريم : مروان بلاها هـ السيرة..إلا بتضر عمرك
مروان صرخ بـ عصبيه : عطيني
مريم راحت حجرتها :..
مروان لحقها :..
مريم بطلت الدرج وطلعت له توكه :..
مروان..سحب التوكه من إيدها بـ سرعهـ...وطلع ركض وهو يلف بها شعره اللي يوصل لـ الجتف :..


قراءه ممتعه^^

مساء الورد

اختيار موفق ياقوتة

كاتبتها قلم واعد موهوب

قراءة ممتعة للجميع

صبااح الخيير ..

يسلمووو ياااقوته على القصه..

جااااري الحفظ للقراءه في الليل .. ههههه

بس حبيت اسالج !!! هذا الجزء بس ولا في اجزاء ثااانيه ؟؟؟؟

لاحبيبتي القصه فيها اجزاء واجد

بنزلهم بالتدريج بس الظاهر القصه

ماعجبتكم لاني ماشفت عليها ردود

كثير