المنتدى :
الشعر والشعراء
حبك تعدى حب شمر لحايل
السلام عليكم ..
لايومي بيوم ٍ ولا ليلي بليل
ولا السّعد مقبل ولا الهم زايل
ماغير ازم هموم واحط واشيل
ولاراح منها هم جاله بدايل
تدرون يالعربان وشهي البهاذيل
فرقى وليف وحظ مامن صمايل
الوصل نعمه والمفارق غرابيل
ياحظ ليتك تعتدل ماتمايل
لامن بغيت اعدّلك ترجع تميل
كنّك تقول اعيش واموت مايل
والمهرة اللي ماتعيّن مع الخيل
من دونها تقصر جميع الأصايل
من دونها ضاعت عقول الحلاحيل
وتضاربت فيها سلوم القبايل
ياشيب عيني يوم قفّت وانا اخيل
دموعها وبلٍ على الخد سايل
وانا اتصبّر وازهم العقل والحيل
والقلب يشكي للضلوع النحايل
اصبر مثل صبر الرجال المشاكيل
واخبّي جروح الزمن واتحايل
لن الردي والهيس وخبل الرجاجيل
تفرح لا وراني الزمان الهوايل
وانا اترفع واترك القال والقيل
واجبر عزى قلبٍ على الموت آيل
أشب نار الشوق وارهي المعاميل
واريّح اعصابي ببدع المثايل
ولاّ الغلا ماعاد يحتاج تفصيل
لنّه موريني نجوم القوايل
ياللي غيابك حط بالقلب تنكيل
ويلي على قربك ولاني بطايل
لاغاب صوتك ماتفيد المراسيل
وفر على الجوال كثر الرسايل
والله لو تاخذ لدمي تحاليل
تلقاك بالجينات صايل وجايل
حبك تعدى حب الاكراد لأربيل
الاّ تعدى حب شمر لحايل
صبيت حبك مثل صب الفناجيل
وين الجليله تشرب اشواق وايل
وانته تواعدني من اسهيل لسهيل
والشوق في قلبي مسوي عمايل
ليتك تبادلني الغلا والمواصيل
وترد لي بعض الوفا والجمايل
تعبت من قولة ظروف وعراقيل
وتعبت من قولة ياقل الوسايل
غديت انا وياك مثل المهابيل
واشباهنا فالوقت هذا قلايل
لاقلت انا احبك ومشتاق بالحيل
تقول لي جعل العوض فالموبايل
كذاب من قال المحبه تساهيل
راحو ضحيتها عيال الحمايل
مما راق لي ..
|
25-09-10, 06:35 AM
جديد مواضيع قسم الشعر والشعراء
العرض العادي
