لقاء مع الأبطال...........رفعت إسماعيل!!!!

دكتور / رفعت إسماعيل

أزى الصحه كده..... تمام الحمد لله والضغط وشرايينك فى حاجه جديده اتسدت ولا الأمور مستقره..... حبوبك معاك ...... طب كويس علشان لو كلامى عصبك ولا حاجه

انا هكلمك بأمانه علشان أنا زيك مابحبش المجاملات

انا عاشق سلسلة رجل المستحيل وبحب جدا سلسلة ملف المستقبل

لكن لما الظروف اضطرتنى بمناسبه أنهم نهايتهم كانت قربت..... فكرت أنى اقرا سلسله تانيه

وبدأت بيك لكن مع بداية السلسله لقيت البطل واحد عجوز كل خطوتين يغمى عليه قلت أنك مش هتطول معايا أنا كنت بقرأ عن عمالقه مقارنه بالراجل ده

لكن بكل صراحه ومن بعد أو روايتين تقريبا

أنا حبيت شخصيتك ورواياتك جدا

وأحب أقولك انى ختمت السلسله وماشى معاك روايه بروايه من كتر حبى ليها

حبيت فيك الواقعيه اللى بتقولها فى جو من السخريه الجميله حبيت شجاعتك المغلفه بفضولك للمعرفه

وحبيت مشاعرك الجميله لماجى لدرجه انك بعدت عن الحياه الزوجيه من اجلها

فحبيت اعتذرلك على سوء ظنى بيك

وأقولك ياريت تريحنا وتكمل جملة ...... للأبد ......

ماتسيبهاش مفتوحه هيا كمان

شكرا ليك على لحظات الضحك الجميله وعلى المعلومات الغزيره اللى مديتنا بيها

د\ رفعت اسماعيل

بصراحة انا كنت خايفة اوى اقرا مغامراتك واسمع حكاياتك اصل انا خوافة اوى

كنت وقتها عندى 14 سنة لما اصدقائى الحوا علىّ انى انضم الى قرائك
بس كان يكفى ان اقرا جمله " الغموض والرعب والاثارة " واحلف 100 يمين انى ما هقرا صفحة واحدة حتى بس من رواياتك

بس فيه مرة واحدة صاحبتى حلفتنى بكل ما هو غالى انى الين دماغى واقرا
واديتنى رواية " اسطورة تختلف"
قالتلى دى مش بتخوف خالص وهتخليكى تاخدى على الجو ومش هتبطلى تقرى رفعت ابدا
شكل صاحبتى دى كانت بتحبنى اوى

لانى عجبتنى الرواية بجد اوى وسحبت منها واحدة ورا التانية بس كنت دايما بقرا رواياتك بالنهار بس ولحد دلوقتى اصلى انا خيالى واسع حبتين
صحيح الروايات اغلبها مش مرعب بس الخيال هو اللى مرعب

بس بجد ادمنت قصصك يا د.رفعت
وحبيت اسلوبك جدا جدا .. بابتسم طول الوقت من اقوالك وافعالك الغريبة الغير معتادة

وزعلانة انك خلاص بتودعنا بس نفسى اعرف انت اخيرا هتتمكن النوبة القلبية المرة دى منك ومش هتقدر تحط القرص تحت لسانك وتقولنا باى باى فى آخر عدد ولا انت كمان هتثبتنا بعدد خاص زى الواد الرقيع اللى اسمه ادهم دة - طبعا رجل المستحيل هو ولد رقيع بالنسبة لد.رفعت-

نظرا لان فيه ناس نفسها تقابل نور الدين
ونظرا لانى مقريتش غير عددين من ملف المستقبل وبصراحة مش فاكراهم
بس انا هرشح نور الدين محمود
وهتابع من بعيد