25-07-10, 09:03 PM
|
المشاركة رقم: 1
|
| المعلومات |
| الكاتب: |
|
| اللقب: |
VIP   |
|
| مدونتي |
|
 |
| الإتصالات |
| الحالة: |
|
| وسائل الإتصال: |
|
|
المنتدى :
الشعر والشعراء
,, الهدايا ,,
~(
الهدايا
ما بقى منها بقايا
كلها صارت رماد
والرماد اللي بقالي
والله أنه ما برالي
صارت اوراقي سواد
يكفي أني أذكرك
وطول ليلي اسهرك
اسهرك في ذكرياتك
أسهرك وسط أمنياتك
بس جفت أمنياتك
وأنتهت معها حياتي
والهدايا
ما بقى منها بقايا
غير كلمة
عذبت ذاك الرماد
كان فيها بعض صوتك
كلمتك حبك سكوتك
كنها حسك وقلبك
كانت الكلمة {أحبك)
مدخل ~{
قلبي تعذب حيل وأفناه بعدك
وأنا سبب بعدك وجرحي والأهآآت
تبي الصرآحه ؟! آه ياجرح صدك
حطم ظلوعي لين ما خافقي مات
أدري بك أكثر منك وأدري بودك
وادري بحزنك والسهر والمعانات
أدري وصلتي (ياغناتي) لحدك
وأن أشتياقك ما لقى له محطات
تدري وش أصعب من عذابن يهدك
وأصعب من احزان الليالي والأوقات
دمعك ليا منه جرح نور خدك
وأمسيت تخنق عبرة الصوت بسكات
لا تحسب إني يا دفا الروح ضدك
أو تحسب إني سالين عنك لحظات
لا والذي سواك ما هان بعدك
لأنك بقلبي شي أغلى من الذات
مـا تسمعيـن أنـي أرد ... الهـدايـا
لأن الهدايا بعضهـا ... يقتـل الـروح
ما تعرفين ان الهـوى ... لـه ضحايـا
وأن النهايه ما بهـا ... شـك ومـزوح
مـا عـاد باقـي ... للمحبـه بقايـا
لو كان عمرك بالمحبـه ... عمـر نـوح
يوم انكتب بعـدك طويـت ... الروايـا
طويت ... فرحي ما غدا فيه .. مصلوح
شوفـي نهايـة .. طيبيـن ... النـوايـا
اللي ربى بقلوبهم صـدق ... ووضـوح
صاروا قضيه ... مـا لهـا مـن قضايـا
تبقى على مر الزمن ... ضيم وجـروح
ياوقت أنا بسألـك ... وش هالسوايـا
خليت قلب ... أبسكـة الآه مطـروح
ضاقت بـي الدنيـا ... وكـل الزوايـا
وأمسيت أغالط ... واقع الحب وانـوح
تكفين يا .. (دنيـا عذابـي) .. كفايـا
تكفين دمعي صار بالعيـن ... مفضـوح
البـرد يذبـح خافقـي ... يـا دفايـا
وأفوح من ... ذكرى زمان الغلا فـوح
اذكر مكانـك ... يـوم كنتـي معايـا
كان الوفاء يبني لنا ... حلـم وطمـوح
واليوم من بعـد ... الهـوى يـا هوايـا
قررت اسافر واترك ... القلـب واروح
لا الأرض ارضي ... والسما مـو سمايـا
مليت أدور لي وطن ... يفهـم البـوح
الذنب ذنبـي والخطـأ .. هـو خطايـا
والجرح جرح الوقت ... والوقت مسموح
هـذي توالـي قصتـي ... والحكـايـا
أبطالها راحوا كمـا ... روحـة الـروح
حان الـوداع اللـي ... يـدك الحنايـا
حان النصيب ... وما تسطر على اللـوح
بس أعذريني يـوم ... عفـت الهدايـا
لأن الهدايا ... هي سبب شخص مذبوح
مخرج )~
صبرت حتى مات فيني خفوقي
الخافق اللي قبل موته يناديك
والله ما أرتاحت في بعدك عروقي
متأثره مثل الذي دووم يرجيك
من غبت عني ما ظهر لي شروقي
شمسك تغيب وطول ليلي أناجيك
يسوقني ليل المعانات سوقي
وينك حبيبي ؟ كان ودي أحاكيك
عقبك حبيبي دنيتي ما تروقي
أصبح بهمي ثم أمسي بطاريك
وأن جبت طاري حبك اللي يفوقي
عن كل معني شفت دمعي يخاويك
الوقت مو وقتي ولا الذوق ذوقي
كني غريب وغآيتي في أرآضيك
أن جيت أضمك كن شوفك يعوقي
وأن جيت ابرحل جابني سيل وآديك
والله لو تدري بصرخات شوقي
تبكي على حالي وترجي خطاويك
(آلموت) حق وقام يدعي خفوقي
الخافق اللي من عذابه يناديك
{~
خذتني منك أهآتي
خذاني دم عبراتي
كفايه يا معاناتي
وش اللي باقين فيني ؟!
سوى جرحي ودمعاتي
وبقايا دم عبراتي
أنا ياروح بسماتي
أذا ضاقت مساحاتي
أضمك داخلي وأذكر
زمان الحب وأوقاتك
سقى الله وقتنا أول
سقى الله أيام عشناها
فرح دنياي ما طول
عجوله حيل دنيانا
مماراق لي
|
|
|
جديد مواضيع قسم الشعر والشعراء
العرض العادي
