12-07-10, 04:26 AM
|
المشاركة رقم: 1
|
| المعلومات |
| الكاتب: |
|
| اللقب: |
عضو راقي  |
|
| البيانات |
| التسجيل: |
Jun 2008 |
| العضوية: |
78903 |
| المشاركات: |
2,051 |
| الجنس |
أنثى |
| معدل التقييم: |
 |
| نقاط التقييم: |
70 |
| مدونتي |
|
 |
| الإتصالات |
| الحالة: |
|
| وسائل الإتصال: |
|
|
المنتدى :
الحوادث , جرائم , قتل , فضائح , أخبار , مشاكل وقضايا
قصه عجيبه الشغاله الساحره في شقراء + فيديو
قصة عجيبة + فديو - الشغاله الساحره في شقراء
رابط الفديو تحت
القصه كامله للشغاله اللي سحرت ولاء
إقروها للآخر ياللي تبون شغالات في بيتكم
قصة الشغاله الأندونيسيه التي حدثت في مدينة شقراء(شمال الرياض) _ عندما أرادت زميلتي أن تسفر شغالتها لقت سحر في أوراق _ قال لها الشيخ هذه سحر صرف وعطف / ثم قام إثنين من المشايخ بالقراءة على الشغاله حتى إعترفت / واحد من إخوان زميلتي ماجاه النوم ودق على إخته وقال أنا ماقدرت أنام أفكر في ولاء بنت أخوي يوم جيت الأسبوع اللي فات أشغل لها الطابعه على الكمبيوترقالت لي
أبقولك شي أنا أعلم ماما وبابا بس مايصدقوني أنا من زمان أشوف أشباح إثنين
وأقرأ آية الكرسي عليهم ويحترقون_
أنا مانمت أفكر في ولاء أخاف إن شغالتهم مسويه لها سحر
قالت إخته إلا أكيد إنه من الشغاله وسأل الشيخ قال هذا سحر _ وأخو زميلتي راح للشغاله على طول وضربها _قالت: أنا ماسويت شي / وولاء أغمي عليها ماصحت إلا في المستشفى _
قالوا أهلها وشفيك ؟ قالت أنا طلع لي أربعة أشباح وجيت أبقرأ آية الكرسي
واحد يقول اخنقها قبل تقرأ آية الكرسي وخنقوني وأغمي علي_
ورجعوا للشغاله وجابو ا ثلاثة من المشايخ ال شايع والفياض واليوسف
وقاموا يضربونها ماطلعت إلا واحد / قالت بس هذا _ وقروا عليه المشايخ وفكوه _البنت قالت أنا أشوفهم ماراحوا وتعدهم في الزوايا تقول هذا أبو عين عورا وهذا أبو عين حمرا _
ومسكها أخو زميلتي وقص من شعر الشغاله وجاب صورة بنتها
وقال والله لو ماطلعتي كل اللي في البيت لروح للساحر عندنا في شقراء أندونيسي
وأسحرك أنتي وبنتك / يلعب عليها _ قالت: أسحروني بس بنتي لا /
قالوا المشايخ: ترضين على بنات الناس وبنتك لا _
وصارت تبكي ويقرون عليها_ قالوا يالله طلعيه والا سحرنا بنتك /
وقامت الشغـالـه تمشي وتطلع ماخلت ولا لعبه ماسوت فيها سحر ولادب حتى الميداليات
والجزم والمزهريات وأطراف الستاير والشنط والتحف طلعت حوالي ثلاثمية سحر حسبي الله ونعم الوكيل /
حتى جارتهم ساحرتها عشان شغالتها طلبت منها تسحرها وأرسلت السحر في التورته/
قالوا لها المشايخ : بس هذه كل الأعمال ؟ قالت: إيه _ وقام الشيخ الفياض يقرا ويخاطب الجن _
وكل اللي في الغرفه طلعوا_ إلا الفياض والبنت ولاء والشغاله _وقال: ياخدمة الجن إن كنتم تعلمون أن سيده
(هذا اسم الشغاله) _ إن كنتم تعلمون أن سيده عملت عملآ يضر أهل هذا البيت
وهي كاذبه لم تخرجه فارفعوا يد ولاء اليسرى ورفعوها _
قال الشيخ للشغاله ياكذابه والله لاأقرأ عليك يالله طلعيه وراحت للمجلى مخفيه السحر في مسمار الشخال اللي فيه
_ فاكه المسمار ومسويه السحر في رأس سمكه ورابطه رأس السمكه
بخيط طويل ورأس السمكه في البالوعه بخيط طويل والخيط مربوط في مسمار المجلى
وطلعوه من البالوعه
وكرر الشيخ الفياض نفس الكلام قال: ياخدمة الجن إن كنتم تعلمون أن سيده عملت في هذا البيت عملآ يؤذي أهله وهي كاذبه لم تخرجه فارفعوا يد ولاء اليسرا فرفعو يد ولاء
وكرر الشيخ الفياض هذا الكلام ثلاث مرات على ولاء وطلعت الشغاله سحرين آخرين
من المغاسل في البالوعه نفس حركة مسمار المجلى
قال الشيخ الفياض أنا ماراح أقرأ على ولاء أكثر من كذا لأن القرايه بتتعبها
أبقرا على الشغاله ويمسك رأس الشغاله ويقرأ عليها
وقال ياخدمة الجن إن كنتم تعلمون أن سيده عملت في هذا المنزل عملآ يؤذي أهله
وهي كاذبه ولم تخرجه فارفعوا يد سيده اليسرا فرفعوها _
قال الشيخ: طلعيه _قالت هذا العمل الكبير
ماأقدر أطلعه بيذبحوني الجن
قال الشيخ: طلعيه قالت هو في عروسه بس أنا ماأقدر أطلعه
قال الشيخ : خذوها واحبسوها في غرفه فاضيه
وتراها مهيب مطلعته
وأخذوها لبيت أخوهم _وسكروا عليها في المقلط
يقولون نسمعها وهي تهاوش مع الجن ...!!!
إستمر إخراج الأسحار ثلاثة أيام بلياليها
والليله الأخيره يوم جاء الصباح وجدوا الشغاله مشنوقه
ولم تخبرهم عن مكان السحر الكبير
أبو ولاء إنصدم يقولون لأن بنته ولاء لها خمسه شهور وهي على هالحاله
تقول يابابا أنا أشوف أشباح وأبوها يهاوشها يقول يالمجنونه لاتروعين إخوانك
هذا من أفلام الدش وطلعوا الدش من البيت
وتقول ياماما أنا أشوف خمس شغالات أندونيسيات ينظفون مع شغالتنا
وماتصدقها أمها
والبنت يوم كان عمانها والمشايخ يطلعون السحر كانت تشوف الجن
وأحد الجن يقول والله لأذبح عمك نواف اللي يحميك
وتقول ياعمي شفه يقول بذبح عمك وحاط خشمه عند خشمك أللـحيـن
بس نواف كان يقرأ المعوذات
وأبو ولاء أخذ عياله وزوجته وراح لمكه
كلهم تعافوا من الضيقه اللي فيهم _ إلا ولاء...!!!
مالقوا عمانها السحر اللي في العروسه
إلابعد ماراحوا لمكه ودقوا على أبوها وقالوا لقينا السحر في العروسه
*وأبو ولاء قبل مايروحون عطى المفاتيح إخوانه وقال سووا في البيت اللي تسوونه
قالوا المشايخ شغلوا سورةالبقره _وغسلوا البيت بمويه وملح
ويوم جاء واحد من عمانها في الليل وشغل سورة البقره
وطلع للدور الثاني ورجع لقى الشريط طافي
ويوم شغله لقى مكان السوره بالشريط صياح
والرجال ينحاش ويخلي البيبان مفتوحه
وعلم نواف باللي صار وعلموا المشايخ قالوا نبي نقرا فيه ونمشي على جيرانهم
إن كان فيه أحد تعبان في هذه الفتره تراه من الشغاله حسبي الله عليها
_ لقوها عامله ثلاثمائة وعشرين عمل *
الشيخ يقول للشغاله وش معنى كل الأسحار لولاء...؟؟؟
قالت: أحبها مابيها تتزوج إذا كبرت ...!!
قال الشيخ: كذابه والله لأقرأ عليك
خافت الشغاله وقالت: لأن ولاء كل ماجيت أسوي شي تزعجني
إذا شافتني أخذت القرآن قالت وش تبين به...؟؟
ومره ذبحت حمامه قربان للجن وحطيتها في الحوش أخذتها ولاء ورمتها في الشارع
وقلت أبسحرها وأطلع لها الأشباح عشان تشغلها عني
ووجد الشيخ مسمار ملفوف عليه صوف قال هذا وش له..؟
قالت هذا أحطه على كفي إذا أزعجتني ولاء أضرب بالمسمار على كفي ويجيها ألم فظيع في بطنها
قال الشيخ يالله خليني أشوف وفعلا الحيوانه ضربت بالمسمار والبنت صارت تألم في بطنها
وصار يقرأ عليه الشيخ حتى بطل
أقسم بالله إن هذه القصه حقيقيه وصايره عندنا في مدينة شقراء
حسبي الله ونعم الوكيل فيها
الشغالة الساحره
__._,_.___
|
|
|
جديد مواضيع قسم الحوادث , جرائم , قتل , فضائح , أخبار , مشاكل وقضايا
العرض العادي
