المنتدى :
الشعر والشعراء
داري الجراح
داري الجراح
داري الجراح يا قلب
جواك و إوعى تبوح
و إطوي الجناح ع الجرح
لساه بيكوي الروح
و اجعل آهاتك صلاة
نبضك كما التسابيح
دة اللي انكوى مِ الهوى
تايه مع المجاريح
رايح لفين يا قلب
لا القلب في يوم رد
و لا انتوى ع الهجر
و لا ارتجع من صد
أصل الغواية دوا
منه العليل ارتوى
لكن طبيبه اكتفى
و قال كفاية لحد
ما للحيارى دوا
و الحيرة مالها حد
يا مقسمين الهوى
نصيبي ما يكفي
أنين..حنين و جوى
و الأيوة فيه تنفي
و ف عز برد الشتا
لحافه ما يكفي
قلبي يا غاوي غُنا
مالي هواك بالمُنى
إمتى تلاقي الهنا
أو حتى يوم تنشد
أصل الغواية دوا
و الحيرة مالها حد
و توتة يا توتة
حدوتة ملتوتة
كان فيها بنوتة
غرقت ..في موج المد
|
28-06-10, 04:38 PM
جديد مواضيع قسم الشعر والشعراء
العرض العادي
