المنتدى :
الخواطر والكلام العذب
الكذبة
بسم الله الرحمن الرحيم
هذه اول مشاركة لى فى هذا القسم واول محاولة للكتابة ارجو ان تنال رضاكم ...
منتدى ليلاس الثقافي
كل الكلام القلتو لى يطلع كذب ؟ معقولة بس ؟ ما بسألك ...
تخلينى اعشم فيك كدة ؟ وطلعت بس.. حاجة بس... ما بسألك.
لا لا ما بقدر اصدق انو كل العيشتو داك..كان كذبة منك كان خداع..
كان حاجة منك وانتهت.
ما قادرة افهم انت مالك ... انت ايه حاصل عليك
محمود اكيد... أو امكن العقل ؟اختفى ما بعيد ! بعد الحصل اى شئ جائز اكيد...
وشنو الحصل... الحصل انك جفيت انك بعدت واختفيت.. انك حرمت القلب من لحظة سعادة وحب وكيت.
لكن اقوليك... احسك كدة.. خلينا من الهم وعيك..
وكمان اقوليك نمشي ونجيك...
وما بنشتهيك...
ننساك زى الفاتو ديك...
أصلو ما بنسأل عليك...
قلبي الاباك ما بحن ليك ...
وكان حن ليك...
ما بيجيك ...
عشان انت سبتو وقت كان محتاج اليك...
كان مصطفيك...
كان يسيب الدنيا كلها عشان عينيك...
كان بحبك وبموت فيك...
وارجع اقوليك..
ما بجيك...
لو حبيت الارض كلها بي ايديك...
انت شخص فارغ اكيد...
عامل طموح ... وين الطموح ؟
توعدني بالبيت الكبير ... الناس الكتير
فرحانة فى ليلتنا ديك
نحلم سوا ... اطفالنا كيف؟ ... عيشتنا كيف؟
ونتهنى كيف؟
دايرين نكون احسن حبايب... نتلو ميثاق حبنا
قدام ابوى... قدام اخوى وجدنا
خنتني... وخنت ميثاق عهدنا.
التعديل الأخير تم بواسطة ΑĽžαεяαђ ; 11-06-11 الساعة 07:46 PM
|
20-04-10, 10:56 AM
جديد مواضيع قسم الخواطر والكلام العذب
العرض العادي
