المنتدى :
الشعر والشعراء
مات احساس الاوادم .. والشعر كنة ضبـاب
يابحر جيتك .. مع انه برد .. واحلامي سراب
من عيون الناس جيت .. وجيت اقدم مطلبـي
جيت اسأل عن ألـم سمـوه بالواقـع غيـاب
جيت اسأل عن حروف الشعر والمعنى الابـي
جيت اسأل عن ضمان الصدر والعجز بتـراب
جيت اكتب للشعـر ميـدان يحمـل مذهبـي
جيت والخالي وهم .. في وهم قلب اغتـراب
بختليبك بيـن شعـري .. واتزهـب بحطبـي
لا بردت اشعلت منه .. واحترقت من العذاب
وان اشتعلت اخذت منك .. لين ماطفي لهبـي
شلتها قصه وجيتك .. في يدك برمي الكتـاب
اقرني من موقفي لك .. ليـن ماكنـت احبـي
اقرني من كنت طفل .. لين ماجيـت الشبـاب
لين ماصرت بزهور العمـر مااشيـل ركبـي
من تعب من حزن يفتح في طريقي الف بـاب
من ظروفٍ تقتـل الفرحـه وتاخـذ مشربـي
من غرور الناس والحقـد وكراهيـة عتـاب
من وهم من فتنـة العصـر وجنـون الغبـي
اعترف للـي ماعرفـه ولاتضمنـه الزهـاب
له رسالـه مخصـص فيـه بدمـي وذهبـي
يايحن ويفهـم القصـه .. ويبدانـي سحـاب
ولا برحـل فـي طريقـي واتخيـر مركبـي
واحمله قصة سراب .. ايه باسـرار الذهـاب
فوق صدري ماتعـدت .. ليـن تقتـل ماابـي
لين تتركـي ضحيـة شعـر سمـوة اكتئـاب
لين ماتبقـى سـوى اشعـار تبـرز مخلبـي
في زهور العمر عايش .. لاكن اهمال اقتراب
منه فـي عنـق الزجاجـه والمـودع لولبـي
واحدٍ في (------) غاليٍ ضمـن العجـاب
قال: لاشفت البحر اكتـب ولاتنسـى اهدبـي
مادرى اني رايح اشكي للبحر جرح السـراب
رايح اكتب عن خيالي عـن جنونـي وتعبـي
ايه مالي غير اعانق شعـر يحكيـه الائيـاب
لاتفائلـت احتملـت الصبـر وابليـس يهبـي
ايه بالصدر الشمالي .. الف معنى للصعـاب
مابقـا يااهـل المدينه إلا اناظـر كوكبـي
يابحر والحلـم باقـي .. والنهايـه ماتهـاب
والقضية فـي حروفـي عالـمٍ بـه مشيبـي
مات احساس الاوادم .. والشعر كنة ضبـاب
مابقالـي فيـه إلا .. عيـن تنـزف مكتبـي
يابحر خذها شعور الشاعـر بلحظـة عتـاب
وعطني حلولك بنزفي .. بـس هـذا مطلبـي
|
28-01-10, 04:45 AM
جديد مواضيع قسم الشعر والشعراء
العرض العادي
