تفاصيل الزمان للكاتبة ترف ، متوقفة من 2009 ..

ترفْ"

أخيـــــراً ،
هاهـي صغيرتي ترا النور ..
.
.
.
.

بسم الله الرحمن الرحيم ..

السلام عليكم ورحمة الله وبركاته . .

ها أنا أعود والشوق يسبقني !!
إلى إنزال روايتي الجديده . .

هذي الروايه بديت أكتبها من العام الماضي (1428هـ) شهر (9) برمضان كتبت أول فقره فيها وبديت أكملها بعد رمضان , طبعا مافكرت أنزلها لأني كنت أدرس توجيهي "ثالث ثانوي" ونويت أنزلها بعد تخرجي والحمدلله خلصنا والفال للباقين ,
.
.
.
.
.
.
يشرفني من أعماق قلبي أن أشارككم مرة أخرى بروايتي الجديده
[تفاصيل الزمان]
بصراحه هذه ليست أول روايه لي ! !
كتبت الكثييير من الروايات وفي كل روايه لايعجبني بها شيء معين فأقوم بتركها وأبادر بكتابة روايه جديده ، كنت في كل رواياتي السابقه أبحث عن فكره غريبه وجديده ولم يتطرق الكثير لتناولها والآن و بحمدالله وتوفيق منه وجدت ظالتي في روايتي هذه . . قد تكون الفكره مكرره لكن أعتقد أن الأهم دائما في القصص هو طريقة الكاتب في سردهـ وفي صياغة المواقف بإسلوب جيد ،
في الحقيقهـ لم أنشر شيئا يذكر على الشبكه العنكبوتيه !!
فقط قمت بنشر أجزاء بسيطه من رواية (لأنني زوجتك) وعدلت بعد ذلك عن إنزال الأجزاء فقد شعرت بأن إسلوبي فيها ركيكا بعض الشيء مثيرا للملل لذلك توقفت عن كتابتها وأنا في النهايه ، على الرغم من التشجيع والتفاعل الذي لقيته من الأعضاء لكـــن أعد كل من تابع إبداعي الأول وتفاعل مع بطلتي الصغيره "سديم" و البطل الغريب الأطوار "ياسر" بإنني سأعيد ترتيب الأحداث وإنزالها من جديد إكراما لقلوبكم المحبه ^_^ ولأعينكم المتابعه . .


BrB

*إهداء . .
إلى تلكـ القلوب الرحيمهـ . .
إلى كل من حملت له ذرة حبٍ وتقديرٍ في قلبي . .
إليكم أنتم ،
هذه الكلمات .. التي دونتها بكل سعادةٍ ورضا ..
لتكون مصدر فخرٍ لي ،
وليتذكرني بها الجميع حينما تسلم أمانتي إلى
خالقي !!
إليكـِ أنتـ يامن علمتني طعم الحياة ، والتفاؤل . .
إليكـِ يامن علمتني الحروف الأبجديه ، والكتابه . .
إليكـِ أمـ ـ ـ ـي ،،
كل المعاني تقف عجزى عن شكركـِ وكل الكلمات تخجل من وصفكـِ ،، نعمةٌ أنتِـ في حياتي !!
فشكراً أمي بقدر مايحمله قلبك الطاهر من حنان . .
إليـكـ أنتَ يانبض الحنان ودنـيا الأمان ،
يامـن منحتني الثقه بنفسي وبما أكتب أهدي هذا الإنتاج
لكـ أبـــــي ..
إلى بلسم الرووووح وشفاء الجروووح
إليكِـ (أختي الكبرى)
أهدي إبنتي الثانيه لقلبكــِ الرحيم وحنانكـِ الفائض ..









*تشاهدون بالجزء الأول ..


*أهـالي الحاره القديمه ..

&

*عـائلة صالح الغالي ..

سمعت ونين منبعث من الغرفه اللي جنب غرفتها .. خافت ..
~ أمــي لا يصير فيها شي~ ..

......... / أصـلاً لو أبوي عايش كان ماتجرأت وحده منكم تفتح فمها علي !!


*تشاهدون عند بعض من أهـالي الحـي القديم ..

رد برجولته المعهوده / أفأ ياذا العلم ، أنتي تروحين والرجال مالين الحاره ، خليها أنا آخذها . .


*تشاهدون في ثانوية الحـآره القديمه..

إبتسمت بألم / أمنيتي أصير غنيه .. تااااااجره عندي فلوس وخدم وحشم .. يخدمونني و آكل إلين ما أشبع .. و أطلع و أشوف العالم !! و....

*بنفس ثانوية البنات بالحاره القديمه ستشاهدون المعركه الحماسيه بين المشرفه [فشخره] و......

.../أنا لك يالعنود صدقيني بتندمين !!


*تشاهدون بأحد المشاريع خالد & سعود & محمد ..

تكلم بصوته الأجش الغليظ / ياعيال متى بنفتتح المشروع إفتتاح رسمي ؟؟

*تشاهدون في سيارة أحمد ..

"صاااالح إطلع عن بيتي لاباااارك الله فييييييييييييييييييييك !!
حسبي الله عليك من أخو ،، أنت منتب أخوووي فاااااااهم .. ياحقييير
يانذذذذذل ، إطلععععع براااا البييييت لا عاد أشووف وجهك هنا . ."




والكثييييييير من المشاهد الحماسيه ، فكونوا بالجوار ..
^_*

"◦˚ღ تفاصيل الزمان ღ˚◦"
::::::::::::::::::::::::::::::::


*للكاتبه : ترفْ*
.
.
.
.
.
من هنا .. من هذا المكان .. تبدأ إنطلاقه حروفي البسيطه ..
هـــي من الواقع ..
التي قد تحمل بين أحضانها ..
الحب والكره.. في آن واحد !!
الظلم و العدل
الحقد ..
الأمان = الخوف
الحنان = الجفاء
الطمأنينه ..
وبعدهـــا الصفاء !!!
**


.
.
.
.


الجــزء الأول
::::::::::::::::::::::::


"هذهـِ أنـ ـ ـا"



هكــذا حكمت عليّ الحياه !!
أعيش مظلومه ، مشتته ، بين اليتم و الخوف .. هكذا حياتي ..
سلبت منها جميع الألوان . كانت حياتي حديقه جميله !! ضمت السعاده بين أحظانها !! ولكن الآن أصبحت حديقتي كملجأٍ للأشباح . وللأسف ماتت فيها الفراشات . و إختفت ألوان الزهور .
وتلاشت فيها الإبتسامات التي كانت تحلق في فضائها ..

::
::
شخطت على الدفتر وهي ترص على القلم اللي كاد يتكسر بيدها اللي ترتجف بقهر ..
وإنبعثت صرخات عميقه تتردد في جوفها ..
هـــذي أنا .. شذى الضعيفه .. الفقيره .. الغبيه .. شذى اليتيمه ..
هــــــــــــــــذي أنا .....!!
تناثرت دموع مقهوره على الأوراق اللي بعثرت حروفها بقهر !!!
نزلت راسها تشوف أوراقها ، اللي شاركتها كل لحظات حياتها !! واللي شهدت ظلمها و خوفها و قهرها !.!
..
سمعت ونين منبعث من الغرفه اللي جنب غرفتها .. خافت ..
~ أمــي لا يصير فيها شي~ ..ركضت زي المجنونه و فتحت باب الغرفه اللي مايبعد عن مكان نومها سوا أمتار قليله ..
مشت بالممر الضيق و هي تسمع ونين أمها اللي مع كل ونه تزداد دقات قلبها أكثر و أكثر !!
::::
فتحت الغرفه اللي كانت تجلس فيها أمها المريضه .. كانت الغرفه تحتوي على فراش بالي ، أعفى عليه الزمن ، وفوقه تتمدد حرمه كبيره بالسن ، من ملامح وجهها تشوف (تفاصيل الزمان) اللي عاشته ،،
ظلــــــــــــم
حســـــــد
حقـــد
وتحت رعايتها أولاد يتامى بلا أب ، قاست أشد لوعات الفراق بعد ماتوفى زوجها ..
صحيح ما كانت مرتاحه معاه .. بس أفضل من إنها تعيش مظلومه بين الناس !! مقهوره لأنها ماتلقى كسره تعيّش عيالها عليها !!
الله عليك يانوره .. ياكم تحملتي و صبرتي ..
بلا زوج . بلا أهل . بهالفقر المدقع . والأبناء اللي على ذمتك ..!!
بس مع كل هذا . ربيتي حريم يانوره !!
قربت شذى بخطوات مهزوزه وهي تشوف ملامح وجه أمها بخوف ..
مسكت يد أمها وهي تقول / يمه !! تعبانه ؟؟ وش فيك يمه وش فيك ؟؟
أبتسمت نوره براحه وهي تقول / شذى يمي مابي شي بس إنتبهي لخواتك . شذى خواتك أمانه !!!
::
دمعت عيون شذى ، ونزلت دمعتها على يد أمها وهي تقول ..
شذى / يمـه !! لا تخافين على خواتي .. بعيوني يالغاليه بعيوني !!
أم شذى / الله يرضى عليك يابنيتي !! خلاص حبيبتي جيبي دواي أباخذه و أنام ..
شذى / إن شاء الله يالغاليه ..
عطت أمها علاجها وغطتها زين .. وطلعت ، هنا حست أم شذى إن روحها طلعت مع بنتها !! تحس إنها بتفارقهم قريب .. ماتدري وش هالشعور .. بس مابقى بالعمر مثل ما مضى ..


&&


عائـلة صالح الغالــي ..


[شـذى×× بنت (صالح الغالي) . . عمـرها 24 سنه ، ما أقدر أتكلم عنـها أو عن شخصيتها بترك لكم المجال تحكمون . . خلصت ثانوي {بنسبة 93%} وجلست بالبيت لأنها ماتقدر تكمل الدراسه بسبة مصاريف المواصلات والجامعه . . تعيش مع أمها و خواتها [ساره و هاله و عذا] ببيت شعبي قدييييم ، طبعاً هم عائله فقيره على قد حالهم .. بتتعرفون على وضعهم أكثر من أحداث
القصه بإذن الله ^_^] . .


[سـاره ×× إخـت شذى عمـرها 20 تدرس بثالـث ثانوي <على قولتها عفنت فيها> شاطـره وذكيه بس ماكانت تبي تنجح لأن على قولتها إذا خلصت مافيه جامعه ولا شيئ وبتنطق بالبيت مثل شذى ففضلت تعفن بالمدرسه على البطاله ، إنسانه مائله للهدووء ، حسااااااااااسه ، نادراً ماتتذمـر من حالتهم بعكـس هاله اللي تشدد بلد من حنها وزنها]


[هالـه ×× تبلغ من العمـر 18 سنـه تدرس بسنه ثالث ثانوي مع ساره والعنود <بنت جيرانهم وإخت الهنوف صديقة شذى> ومنال <بنت جيرانهم و إخت هاله بالرضاعه> ومشكلين أحلى قرووب بالمدرسه ، شيطووونـه وملقوفه ولسانها متبري منها وماتعرف تحفظ الأسـرار إلا بعد معاناة وحلف وقسم ^_^]


[عــذا ×× السـر الغامض ، إختهم الصغيره تبلغ من العمـر 6 سنوات ، شغلتـها تبيع المويه بالشوارع]


**




لا تخليني بهالدنيـا وحيد ..~
لا تشوفكـ عين ولا إذنٍ تسمعك
هي حدا ثنتين ماعنها تحيد
ياتقوم تمشي ياخذني معك ..




سمعت أصوات عاليه منبعثه من الغرفه الملاصقه لغرفتها .. قربت وهي مبتسمه ، كانت تحس إنه فيه مجزره جديده بين خواتها !!
فتحت شذى باب الغرفه وهي مازلت مبتسمه ..
.
.
[شـذى]

دخلت و لقت ساره جالسه على بطن هاله وشوي وبتخنقها .. تلاشت الإبتسامه العذبه اللي كانت شذى راسمتها على شفتها بدقه وتحولت لسراب ، ركضت شذى ودفت ساره (خلتها تطيح على الأرض) وهي تقول . . .
شذى بغضب : هبلا أنتي ؟؟ هبلا ؟ تجلسين فوق إختكـ ؟؟ من خفك عاد ؟؟؟؟
وهاله كانت تتنفس الصعداء بعد ماقامت عنها هالدبه سويره ..
تجمعت الدموع بعيون ساره وحمر وجهها و صرخت على شذى و هاله ..
ساره / كولوا تبن . أصلاً أنتم ماتحبوني !! ماااااتحبوني ..
و تكورت على نفسها وجلست تصيح ..
لامت شذى نفسها . ناظرت هاله بنظره و راحت لساره حضنتها وقالت ..
شذى بحنان / خلاص حبيبتي أنا آآآآسفه الحق عليّ ..
وحبتها من خدهـا !!
قامت ساره وهي تمسح دمعتها بطرف إصبعها اللي يرتجف بقهر وقالت بصوت عالي / أصـلاً لو أبوي عايش كان ماتجرأت وحده منكم تفتح فمها علي !!
وطلعت من الغرفهـ وصفقت بالباب الخشبي المتهرئ تحت أنظار خواتها هاله و شذى اللي لامت نفسها على الكلام اللي قالته لها ...


%%%







الشخصيات التي ذكرتها بالأعلـى تقريباً من أهم الشخصيات بالروايه ، وإنتهى اليوم الأول فقط بهذا القدر من الأبطـال لأنني وبكل بساطه أهيئكم لباقةٍ كبيره من الشخصيات فكونوا بالقرب ولا تنسوا إصطحاب قلم وورقه لرسم شجـرة عائلتي الصغيره التي حتماً ستشتت أذهانكم ..



&&&&&



من قـآل إن الرجوله للرجال ؟
عطني شماغك ألتثم به و أوريك ..
<~ من كتاباتي


اليوم الثاني /
شهر عشره من سنة 1429 هـ

&&

السـاعه 7:00 صباحاً / يوم الأربعاء
عند بيت أم عمر

واقـف جنب بيتهم هو وباقي إخوانه ، اليوم لمّة حريم الحاره ببيتهم وأمهم طاردتهم عن البيت من وقت ، حك شعره بطفش وهو معقد حواجبه بسبة حرارة الشمس القاتـله ، جاء بيجلس ، تلفت يدور شيئ يجلس عليه ، وشاف كرتون مشقوق ، أخذه وحطه تحت سور البيت وجلس و سند ظهره على الجدار ..
.
.
.


من جهه ثانيه طلعت شذى من البيت وهي ماسكه عذا بيد وكيسه مليانه قوارير ماء بيده الثانيه . .
سكرت باب البيت ومشت متجهه لبيت أبو عبدالله ، مرت من جنب بيت أم عمر ، إبتسمت وهي تشوف عمر وإخوانه جالسين برا ،~ههههه ياحليل أم عمر شكله كارشتهم من صباح الله~ ، سلمـت بصوت مرتفع شوي ، فتح عمر عيونه اللي كان مسكرها ، وإبتسم وهو يرد السلام / وعليكم السلام ،،
وكذلك ردوا إخوانه السلام بأصوات متفرقه ،،
نقزت عذا وهي تصارخ / عمـوري
قام و إبتسم و عينه على عذا قرب منهم
وقال موجه الكلام لشذى / حياتس ادخلي . .
ردت شذى بإعتذار / لا والله بروح أودي عذا تبيع المويه . .
رد برجولته المعهوده / أفأ ياذا العلم ، أنتي تروحين والرجال مالين الحاره ، خليها أنا آخذها . .
إبتسمت شذى من تحت غطاها / عادي ، أنا بس بوصلها لبيت عمي أبوعبدالله ونواف يمشي معها . .
/ أنا أوديها هي ونواف ، إدخـلي داخـل . .
حطت كيسة المويه وقالت / الله يجزاك خير . .
رفع الكيسه بيده وقال / أجمعيــــــن . .
أمسك عمر بيد عذا متجه فيها لبيت أبوعبدالله عشان ياخذون نواف ، أما شذى فدخلت عند الحريم المجتمعات وجلست تسولف معهن . .

[عمـر محمد .. زعيم الشباب بالحاره القديمه ، عمره 27 سنه لكن اللي يشوفه مايعطيه ولاعشرين سنه ، محترم جداً يحب حارته وأهلها قلبه عليهم كلّهم ، ومن أكبر عيوبه كرهه لأي غني سواء كان صالح أو طالح ]


^^^^




شفتِ الخيول الجامحة ؟ ..
هذي أنا ..
ناظر جموح الخيل .. تعرف عزتي

&&


بنفس اليوم

الساعه 7:33 صباحاً
بثنوية البنات بالحاره القديمه

.
.

[هالـه]

سندت راسها على جدار الفصل المهترئ وهي تتأفف بقرف !!
إنتبهت لها صديقتها وإختها من الرضاعه [منال] .. ولفت عليها ..
.
.
منال تناظر هاله بتفحص / هاه هلو وش فيك ؟؟
هاله بحزن / تدرين منيّل ؟؟
منال بإستغراب / وشو ؟؟
هاله تبتسم بألم / أمنيتي يامنال أصير غنيه .. تااااااجره عندي فلوس وخدم وحشم .. يخدمونني و آكل إلين ما أشبع .. و دي أسافر أطلع و أشوف العالم !!
ووو... وإستمرت تقول أمانيها المستحيله لإختها ورفيقه دربها منال ..
إبتسمت منال بحزن !!
أول مره هاله تحسسها إنها ضعيفه و فقيرهـ ,, بس هذا الواقـع المـر اللي ماتقدر تهـرب منه لاهي ولا كل من عاش عيشتهم =( ..

&&


[هاله صالح الغالي ×× العمـر 18 سنه]
[منال عبدالرحمن ×× عمـرها 18 سنه تدرس مع هاله 3 ثنوي أدبي إنسانه هاديه خجوله عكس هاله بالضبط ، أبوها متوفي وراضعه هي وهاله سوا (خوات بالرضاعه)]



××××



بنفس الوقت وبنفس ثانوية البنات بالحاره القديمه


[العنود]

كانت تمشي بساحة المدرسه كالعاده لا شغل ولا مشغله ماغير تدور بس اللي يختلف إن اليووم هو أوّل يوم دراسـي بعد الإجازه الطويله والعيد ، ناظرت قدامها ، و تأففت بطفش ، المشرفه [فشخره] << مثل مايسمونها الطالبات ، جايه لها بنفسها أكيييد إن وراها بلاء . .
.
.
قالت بحده وهي توجه نظراتها لوجه العنود [صديقة ساره] / خيير يا آنسه عنود ؟ ليش متكّيه بالساحه حظرتك ؟ أظن عندك فصل !!
حقرتها العنود وماردت عليها و شتت نظراتها بالساحه . .
ناظرتها خوله بقهـر وتوها بتتكلم إلا تسمع صوت [ساره] اللي جايه من جهة الفصول وتنادي العنود ..
قالت وهي ترص على شفتها بقهـر [عز الله كملــت !!]
لفت العنود لـ [ساره] بإبتسامه ، لكـن ساره وقفت ووجهها مخطوف لونه وهي تشوف خوله واقفه جنب العنود وبتنفجر من الغضب ، وبقلبها قالت [الله يستر ياعنيد أي مصيبـه جبتيها اليوم !!]
وعاها من تفكيرها صوت العنود وهي تقول / أقول سوير موب كأن مافيه أكسجين ؟
ناظرت ساره بالعنود بعيون مفتووحه ، [مجنوونه ذي من جد مجنوووونه ، مالقت إلا خويله تتحداها ؟؟ ]
قربت لها وسحبتها ، وبهمس قالت / تعالـي يالمجنوونه موب ناقصين مشاكل !! مالقيتي إلا هذي ؟؟؟؟
أما خوله كانت تناظرهم بإنتصار ، يخافون منها هـي !!
هي خوله الضعيفه اللي مايهابها أحد قدرت تكسـر شوكة بنات الفقر [على حد قولها] ، إلا العنووود !!
أنا لك يالعنود صدقيني بتندمين !!
جمعت قواها و صرخـت بصوت شق سكوون الساحه / ياللااااا ع الفصل يابنات . .
ناظرتها عنود بتحدي ممزوج بقهـر ، ومن تكون هالخسيسه حتى تصرخ عليهم !!
تحس بعلّو شأنها لأن عندها فلووووس ؟؟
لا بوك ولابو من جابك يالجربـا !!
قالت بتحدي أكبر ونضرات مستفزه / ماحنب رايحين ، وورينا شطارتس يا هبلا خوله !!
خوله بقهر / نعممممممممم ، وش قلتي . .
العنود بلا مبالاة / مثل ماسمعتي ، ومن قال هاه سمع يا... هبلا . .
إشتاااااطت خوله غصب !! وقربت للعنود ، تداركت ساره الموقف قبل لا يصير شيئ وهي واقفه متفرجه وسحبت يد العنود وبرجاء قالت / عنودي عشاني . .
لامست نبرة الرجاء وتر حساس عند العنود فقالت بحنق / عشانك ساره . .
ومسكت يد ساره ومشت بسررعه وتركت وراها خوله اللي كانت مييييييته غضضضب !!


[ساره صالح الغالي ×× العمـر 20 سنه]
[العنود فهد ×× العمـر 20 سنه صديقة ساره الروووح بالرووح ، قوية شخصيه ومايهمها أحد ، بنت [أبوعبدالله] راعي البقاله] . .




&&




بنفس اليوم

الساعه8:00 صباحاً
بأحد مشاريع خالد الغالي


بعيـداً عن أجواء الحاره القديمه ، وبعيـداً عن أجواء الفقـر ، بأحد المشاريع الجديده التي لم يتم إفتتاحها إفتتاح رسمـي . .

[خالـد]
.
.
مشى بالمشـروع الجديد اللي مابعد إفتتحه إفتتاح رسمـي بفخــــر كبيييير !!
شايل مشلحه على ذراعه وعن يمينه [سنده] ولده البكـر محمد و عن يساره [ذراعه الأيمن] <<- على حد قولته ولده سعووود . .
تكلم بصوته الأجش الغليظ / ياعيال متى بنفتتح المشروع إفتتاح رسمي ؟؟
رد عليه محمد / مدري يبه اللي يريحك ..
وناظر سعود وقال / و أنت ياسعود وش رايك ؟؟
سعود بذكاء / أنا رايي يايبه ننتظر الشركات و المشاريع المنافسه تفتتح معارضها الجديده و حنا نفتتحها بعدهم منها نصير إكتسبنا أفكار جديده يمكن ترفع من مستوى مشروعنا ..
إبتسم خالد إبتسامته الجامده بفخـر / والله إنك ذيييب ياولدي طالع على أبوك . .
وسأل محمد / هاه محمد وش رايك ؟؟
محمد / رايي من رايكم يبه !!
دخلوا غرفة إستقبال الضيوووف يتقدمهم أبوهم صاحب أكبر هييييبه بالعالم [الرجل الحديدي<<على قولة الموضفين اللي يشتغلون عنده] ووراه عياله اللي أخذوا الشيء الكثيييير من هيبة أبوووهم . .

[خالد الغالي ××× الرجل الهيبه !! أخو أبو شذى ، عمـره تقريباً (70سنه) لكن اللي يشوفه ما يعطيه هالعمـر شكله أصغـر كنه ولد لواحد من عياله ^_^ رجل له هيبه عظيمه
يملك الكثير من الشركات و المشاريع ،، متزوج من جميع الجنسيات
عنده ثروووه عظييييييييمه والنعمه مبينه عليه !!!
بتتعرفون عليه أكثـر من الأحداث القادمه !!] . .

*أبناءه هم /

1_محمد العمر50 تقريباً متزوج من وحده إسمها أمل ،
و له من الأولاد ::1_خالد الولد البكر عمره 25 سنه يشتغل بوحده من مشاريع جدّه
2_سلمان عمره 24 سنه درس محاسبه والحين محاسب لمشاريع جدّه
3_ سمـآ عمرهـا 20 سنه تدرس بجامعة الملك سعود قسم لغآت وترجمه إنقلش . .
4_سديم عمرهـا 10 سنوات ..

&&

2_سعـود العمر 45 سنه متزوج من وحده إسمها ريم
، له من الأولاد ::1_دانه عمرهـا 19 سنه تدرس بجامعة الملك سعود مع بنت عمهـا سمـا ونفس تخصصها ..
2_لين عمـرها 10 سنوات ..

3_وائل العمر 30 سنه ، متزوج له إسبوعين تقريباً ، مريض نفسياً ..

4_فيصل العمر 29 سنه ، دكتوور بقسم الأمراض السرطانيه ..

5_زياد العمر 29 سنه ، يشتغل بشركة أرامكو ، وله أعمال حرّه بمشاريع أبوه ..

6_دينا العمر 27 سنه ، تشتغل بأحد البنوك ، كانت متملكه بس تطلقت قبل لا تتزوج بسبب مجهووول أخفته عن الكل ، حتى عنّي أنا ^_*

7_فارس العمر 26 سنه ، مدرس لغه فرنسيه ، وله أيضاً أعمال حرّه بمشاريع والده ..

8_ديما العمر 24 سنه ، متملكه على ولد خالتها "أحمد" وزواجها بعد شهرين ، حالياً مستقرّه ببيت أمها بالخبر ، متخرجه من جامعة الشرقيه قسم رياضيات ..

9_عزام العمر 23 سنه ، إنسان عاطـل وطـايش وكل همّه وناسته ، ولأنّه ولد غاليه فـ راحته مطلووبه وطلباته أوامر ^^ ..

ميس العمـر 22 سنه متخرجه من قسم فنيّه ، عاطله حالياً ، تسكن بقصر والدها ..

10_راويه العمر 20 سنه ، تستقر حالياً ببيت خالها بالبحرين هي وأمها طبعاً ، تدرس بجامعه من جامعات البحرين قسمها حآسب ..

11_غلا العمر 19 سنه ، بنت غاليه الزوجه الوحيده الباقيه على ذمة خالد واللي مهما صار ماتتغير ^_* ، تدرس بجامعة الملك سعود إدارة أعمال ..

12_التوأم راما وريما العمر 18 سنه ، يدرسون بأحد المدارس الأهليه الراقيه تخصصهم علمـي ..

13_هيفاء العمر 16 سنه ، تدرس مع خواتها بنفس المدرسه ..

14_غيداء العمر 11 سنه ، ما فيه شيئ غير إنها بنت غاليه ..


وأيضاً يعيش بنفس القصر ، إخوان خالد الصغار اللي من الأبو ..

الأوّل : راكان وعمـره 30 سنه يشتغل مع إخـوه بمشاريعه ^_^

والثاني : تركـي عمره 26 سنه حالياً مسافر لأمريكا يدرس ومابقى له إلا فتره قصيره ويرجع لأهله ..

&&&

وعندّه (أخّ) من الأم والأب متزوّج إسمـه "عبدالله" وله أبناء وهم ..

فهد يبلغ من العمر 30 سنه ، أعزب ، يشتغل بأحد الشركات التجاريه ..

رند وتبلغ من العمـر 27 سنه ، عزباء ، دكتوره متخصصه بالأمراض السرطانيه ..

نوّاف يبلغ من العمـر 26 سنه ، أعزب ، مدرّس كيمياء مع فارس ولد عمّه ..

رغد العمـر 18 سنه ، عزباء ، تدرس بثالث ثنوي قسم علمي ..



ll ll ll


بنفس اليووم أيضاً


&&

إلا منه رعش قلبك

ترى به ناس يطرونك

وإلا منه سهى فكرك

تذكر من يحبونك


الساعه 8:20 صباحاً
بسيارة أحمد


من جهه ثانيه . طلع [أحمد] من عمله وراح متوجه لولد خالته وأخو زوجته المستقبليه ××زيـاد×× ..
وصل عند "القصـر" [بيت أبو زياد] ودق دقه على جوال ولد خالته ، طلع زياد وهو يلبس نظارته الشمسيه ويسكر أزارير بلوزته !!
ركب السياره وهو يقول / السلام عليكم .. وناظر أحمد وقال / صباح الخيـر أحمد ..
أحمد / صباح النووور و السروور .. أخبارك زياد ؟؟
زياد إبتسم / الحمدلله .. مثل ماتشوف غزاااال ..
أحمد / هههه ,,, وش أخبار ديما ؟؟
زياد يناظر أحمد بنص عين / على بالك بريئ ماتكلمها ؟؟ أنت تكلمها أكثر مني ! !
أحمد بنذاله / ياخي زوجتي كيفي ..
زياد بإبتسامة سخريه / الله والزوجه .. المهم هاه وش صار على أوراق محمد ؟؟
أحمد بإبتسامه مائله / هههه خويكـ ذا شوي ويذبحنا !! عصبـي أعوذ بالله .. بس لاتخاف خلصت اوراقه خله يجي ياخذها !!
زياد / يصير خيـر ...
وبينما كانوا غارقين في دوامه كبيره من السواليف
وقفوا عند الإشاره .. وقطع عليهم إندماجهم بالسواليف ظرب خفيف على شباك السياره اللي من جهة ××(زيـاد)×× . .
إلتفت زياد وإندهش من البنووته الصغيره اللي تدق شباكه وترفع قاروره المويه (يعني تبغى مويه ؟؟) . .
فتح زياد الشباك وقال وهو يحاول يناظرها ، بسبة الشمس اللي أتعبت عينه وخلته شبه مغمض . .
زياد / وش عندك ياحلوه ؟؟
البنت بلهجه طفوليه / تبغى مويه ؟؟
زياد إبتسم لمنظرها وخدودها الحمرا من حرارة الشمس / إيـه بس لحظـه بكم تبيعينها ياقمـر ؟ ؟
البنت وهي عاقده حواجبها بخفه بسبة الشمس اللي تظرب على عيونها / بريال (ومدت إصبها الصغير لوجهه وقالت ) / زي كذا ..
إبتسم زياد أكثـر و أحمد كان ساكت يراقبهم . .
سألها زياد / كم عندك ؟؟
مدت إيدها بقوووه و قالت . .
البنووته / كثييييييييييييييييييييييييييير . .
وقبل لا يكمل زياد كلامه فتحت الإشاره و هو ما أخذ المويه حس إن البنت ودها تصيييح ناظرها و قال / روحي هناك (وأشر على الرصيف) و أنا بجيك . .
ولف على أحمـد اللي كان مسرح بوجه الطفله و شكله سااافر
بعييييد . .
والناس تظرب بواري و اللي يسب و اللي يشتم . .
صرخ زياد بقووه / أحمممممممممممممممد . .
و أخيـراً أفاق أحمد و رجع لأرض الواااقع . .
وقال بضيق / خييير وش فيك فقعت طبلتي . .
زياد بعصبيه / أمش بسررعه ما تشوف الإشاااره فتحت ؟؟ و الناس تهاوش ؟؟ و رح عند البنت ما أخذت مويتي . .
أحمد حرك السياره وهو يقوول / طيب . .
و أخيراً طلعوا من الإشاره ومن الإزعاج اللي صار بسبة أحمـد . .
وقفوا عند الرصيف اللي كانت واقفه عليه البنت وتستظل تحت ظل الشجره الكبيره اللي عليه . .
قربت البنت وهي تحمل بين يدينها الصغيره قاروره الموويه . .
ووقفت عند شباك زياد وهي تبتسم !!
للحظـه سرح زياد بملامحها . . حس بشيء ينبض بقلبه لهالطفله
ويقوول (لاتخليها يازياد) . . نفض هالأفكار بس مازال فيه شيء يجذبه لها حرك مخه بسرررعه وهو يحاول يسترجع وين شاف هالبنت ؟؟ دقق بملامحها وعررف أخيـراً ليش نبض لها قلبه . .
تشبه وحده يغليها كثيييييييييير من يووم هم أطفال ! ! كانت أول وحده نبض لها قلبه و الأخيـره ! !
آآآخ بس وينها الحيـن ؟؟
الله يجمعنا . .
أفاق على صرخة البنت من ورى الشباك و هي تقول . .
البنت بغضب / تبي المويه ؟؟
إبتسم زياد وفتح الشباك وهو يقوول . .
زياد / أبيها .. إييييه أبيها . .
مدت القاروره له وهي مبرطمه . .
مد زياد يده وقرص خدها بخفه وهو يقوول . .
زياد / يااااااااااحلوووك . .
ضحكت البنت بفرحه غااامره ، أول مره أحد يعطيها وجه ، ويحسسها
إنها بنووته حلوه و أموره وصغيره . . موب زي نظرات بعض الناس اللي تحسسها إنها بنت شوراع ظااايعه وحدّها تبيع مووويه تحت الشمس . .
فجأه تلاشت ضحكتها الحلووه وهي تتذكر صورة أمهـا اللي أرعبتها و هي تقوول . .
[أمها بصرااامه / عذاااااااااااا إياني وياك تكلمين أحد بالشارع . . عطيه المويه و إنتي ساكته . .] ،،
أفاقت من المشهد المرعب اللي مر قدام عيونها على يد زياد اللي إلتقطت إيدها و حشتها بالريالات . .
رفع يده وهو يقول / باي .. بس قبل ماقلتي لي وش إسمك ياعسـل ؟؟
صرخت بوجهه برعب / مااااالكـ دخل "وراحت تركض تاركة خلفها بضاعتها وريالاتها وزياد اللي كان مندهش من إنقلاب ملامحها من طفله فرحااانه إلى طفله مرعوبه . . وإختفت و إختفى خيالها خلف أسوار الحاره اللي ركضت بإتجاهها . ."
وبكذا إنقطع أمل زياد من وين مابدى . .
وحرك أحمـد السياره حامل معه زياد اللي كان فكره موب معه أبداً ولازال صدى صراخ البنت يتردد داخل إذنه بألم . . """
،،
وبعد مده ليست بقصيره تكلم أحمـد و عينه على الشارع . .
أحمد / زياد . .
لف زياد وقال / هلا ؟؟
أحمد / وش فيك ؟؟
زياد بضيق / ولاشيء . .
أحمـد يدري إن هالبنت فتحت الجرووح . . يدري إن هالبنت حطت ذرة أمل بقلب زياد ،، بعد ما إنقطع الأمل . .
بس إحترم سكوووت زياد و ضيقته وكمل طريقه بهدوووء . .
أمـا زياد سند راسه على كرسي السياره و رجع عشرين سنه لورى ،
يوم دخل لبيتهم و هو مستانس ويصااارخ . .
"ماااااماااا باااااابااااااااا جاااء عمووو صااالح جاااء" . .
كانت فرررحته ماتنوصف . . إستانس بالمره على جية عمه و الأهم إنه جايب زوجته و بنته اللي كان يحب يلعب معها . .
كان عمره و قتها تسع سنوات . .
سلم عليهم و سحب بنت عمه و هو فرحان ورحوا يلعبون . .
تحرك شررريط الذكرياااات قدام عينه بسرررعه فضيعه ومرت عليه كل المواقف حلوه كانت أم مره . .
&&&
"زياد أنا خايفه مقدر أجلس هنا !! أبي ماما" . .
"زيـااااد اليوووم بنرووح بشتاااق لكم" . .
"زياد تعال بوريك الألعاب اللي إشتراها لي بابا" . .
"زياد وش رايك بفستاني حلووو صح ؟؟" . .
"زياد أحمـد ظربني ، تعال إظربه" . .
ووقف عند آآآخر موقف و آآخر لحظه جمعتهم اللي كانت ببيتهم "القصـر الكبيييير" !!
يوم كان أبوه وعمه يتهاوشون و أمهاتهم يصيحووون . . وهو ماسكها و كأنه يحاول يحميها و يهدئ من رووعها . .
وصراخ أبوه يتردد بمسامعه . .
"صاااالح إطلع عن بيتي لاباااارك الله فييييييييييييييييييييك !!
حسبي الله عليك من أخو ،، أنت منتب أخوووي فاااااااهم .. ياحقييير
يانذذذذذل ، إطلععععع براااا البييييت لا عاد أشووف وجهك هنا . ."

غمض عيووونه و إعتصر قلبه لهالذكرى المؤلمه . .
وهنا كانت نهاية البدايه وبداية النهايه . .
نهاية الـ
"فرح . .
السعاده
الهناء . ."
و بداية الـ
"شتات . .
الفرااااق
الخوووف
الشووق . ." ،،
"وإنتهت نهايه و إبتدت بدايه مر عليها سبع طعش سنه" . .
عاش كل واحد من الأخوين بعيد عن الثاني بسبة وسخ دنيا . .
[فلوس .. شركات ..] ×× بعثرت عمـر و قتلت فرحه . . ومرت سنين الكل حاول يتناسى الماضي و يتعايش مع مستقبله إلا ..."

××××


زيـاد ## ولد خالد الغالي (ولد وحده من زوجاته المليووون) ، ساكن بقصـر أبوه بالرياض بينما إخته
××ديما×× عايشه مع أمها بالخبـر لأن أمهم تطلقت حالها حال أي وحده صارت على ذمة التاجر المعروف [خالد الغالي] .. عمـره 30سنه توضف بالرياض وضيفه مرموقه {شخصيته : بخلي المجال لكم إنكم تحللونها "مع العلم إنه يعجبني ^_^"} . .
&&
أحمـد** ولد خالة زياد وصديقه الروووح بالروووح كان دايم ينام عنده <بأيام الطفوووله طبعاً> . . غاااالي على زياد بالحيييل و زادت غلاته بقلب زياد يوم تملك على إخته (ديما) . . عمـره 28 سنه . . مملووح ماعليه . حبوووب و تعامله راقي} ، ، ***

&&&


وبنفس اليوم أيضاً
&&

الساعه 9:59 صباحاً
بيت خال راويه الغالي



لايخدعكـ حل الطلاق ..
معقول تختار الفراق ؟؟
بنعيش غربه ما تطاق ..!
روح السعاده إنجلا ..
**
إحنا ضحيه هالغياب ..
حسرهـ وتشريد وعذاب
يابوي راجع بالحساب
يرضيك نزف قلوبنا ..


[راويـه]

إنحدرت دمعه على خدها الناعم بحراره ، تذكرت هذاك اليوم الأسود !!
يوم يطلق أبوها أمها ، أبوها الغني ، أبوها صاحب المركز العالي .. وأمها الضعيفه ، اللي لا أهل لها و لا عزوه تعتزي فيها ،
تذكرت يوم تطلع من ذاك القصر اللي عااااشت فيه أحلى أيامها ! مع إخوانها اللي من أبوها .. كانوا كثاااااار بشكل لايوصف .
وكلهم مشتتين . اللي أمه متوفيه ! واللي مطلقه وووو إلخـ ..
تمنت ترجع للقصر بس مع أمها !! ماتبي ترجع له بدونها .. حنت لحياتها فيه .. إشتاقت لخواتها ديما . ودينا. وغلا . وميس
وكل خواتها اللي هناكـ .. كان أبوها متزوج من جميع الجنسيات ..!!
سواءاً جنسيات خليجيه أو عربيه أو حتى غربيه .. وهي
صارت بنت الأمريكه ..
راويـــه×× [بطولها الفارع . وبياضها الناصع . وشقارها . وجسمها الممشوق . ولون عيونها . ما أحد يصدق إنها بنت خليجيه ..
كأنها أمريكيه أباً عن جد !.!]
إشتاااااقت للسعوديه وبالأخص (نجــد) .. اللي عاشت فيها طفولتها و أحلى أيام عمرها ..
حالياً تستقر راويه ببيت خالها (جابر) اللي كان يشتغل بأحد أكبر الشركات بالبحرين ..
دق باب غرفتها بهدوء .. إبتسمت لأنها عرفت إنها أمهـا ..
تعرف الدقات الحنونه ماتطلع إلا من هاليدين ..
قامت عن سريرها وهي تمسح آثار الدموع و فتحت باب الغرفه ..
راويه / Hi Mam
(مرحبـاً أمـي)
أم راويه / السلام عليكم ، كم مره قلت لج سلمي أول شنوا هاي
و ما هاي ؟؟
راويه ضحكت / هههه فديتك .. السلام عليكم لأحلى ماما بالدنيا (وتحب راسها) .. هاه وش رايك فيني .؟ ..
أم راويه / أي جذي أبيج . فديت روحج .
(وبإستفسار سألت) رويّه "بتشديد الياء" حق شنو مارحتي الجامعه ؟
إبتسمت لأمها / مام اليوم فيه أوووف
ردت أمها بشرود / آهـا
ناظرتها راويه بإستغراب / مام وشفيك ؟؟؟
ناظرت بنتها بنظرة حزن وقالت ..
أم راويه / راويه ..
راويه / آمري يمه ؟؟
أم راويه / أبوج إتصل على خالج . يقول يبيج اتردين حق القصر ..
راويه بصدمه / وشوووو ؟؟ صدق عاد ؟؟
قطبت أم راويه جواجبها وقالت بإستنكار / عيل بقص عليج ؟؟
راويه / لا موب كذا ، زين طيب أنا ما أبي أرجع للقصر !!
أم راويه / شنسوي يابنيتي؟؟ اهو يبيج اتردين .. و أرسل التذكره وسفرتج بعد إسبوع .!!
راويه / يمـه إنهبل أبوي ؟؟ وش سفره ما سفره ؟؟ وأنا رايي وين راح للتراب ؟؟؟
أم راويه / حبيبتي حتى أنا ماخذا رايي ..!! شتبيني أسوي ؟؟
راويه بضيق / طيب أنا مابي أرجع للقصر !!
أم راويه / حتى إختج ديما بترد وياج وعلى نفس الرحله ..
راويه / صدق يمه ؟؟
أم راويه / إي صج ..
راويه / يعني ديما هنا ؟؟
أم راويه / لا حبيتي ديما بالخبر و أبوج عطانا رقمها يعني إذا ودج تكلمينها ..
راويه نقزت على أمها من الونااااسه و مطخت خدها وهي تقول ..
راويه / أكيد . أكيد أبي أتصل فيها .. ماما قولي (لجاسم) يوديني لديووم وحشتني الخبله ..
أم راويه بإستغراب / ههههه من شوي زعلاااانه والحين اتناقزين ..
راويه / إممممم يمه تبين الصدق وحشوني خواتي . ودي أشوفهم .. وأنتي بزورك إن شاء الله ..
أم راويه / هههههه والله ماعرفنا لج . ابسرعه قلبتي .. أوكي ياللا أنا بروح أحاجي (ولد خالج) عشان ايوديج حق ديوم ..
وجاسم كان مار من عند غرفه راويه ، وسمع آخر كلامها ..
جاسم / شفيه ولد الخال ؟؟
دخلت راويه بسرررعه لداخل غرفتها وسحبت حجابها وتحجبت ..
أم راويه / الطيب عند ذكرهـ .. بس كنت أبيكـ اتوصل راويه حق إختها بالخبر ..
جاسم حب راس عمته / ماطلبتي يا الغاليه ..
طلعت راسها راويه من الغرفه و إبتسمت له ، بادلها جاسم الإبتسامه ..
وقال / متى أوديج راويوه ؟؟
راويه / صبر . بتصل فيها أول ياجس جس (وضحكت بإنتصار) ..
جاسم / شنوا ؟؟ جس جس في عينج يالخاااايسه ..
راويه / ههههههه وحده بوحده ..
إبتسم جاسم وهو يقول / ياللا إتصلي فيها . (وراح عنهم) ..
إبتسمت أم راويه بحب لولد أخوها . و ناظرت بنتها وقالت ..
أم راويه / تعالي خذي رقم إختج .
راويه : إن شاء الله ..

×××


أم راويه ×× أمريكيه الأصل عايشه طول عمرها بالبحرين مع إخوها (جابر) لذلك هي متمكنه من اللغه الخليجيه ، تزوجت من أبو راويه بسن مبكر (17) سنه تقريباً.. جابت راويه و جلست عنده عشر سنوات وبعدها طلقها وماتزوجت عقبها !! عمرها حالياً (38) سنه ..

××××

راويـه ×× بنت خالد الغالي .. عمرها (20) سنه تخصص إنجلش .. مملوحه واللي محليها أكثر إنها فيها عرق نجدي .. بس اللي يشوفها من أول مره يحس إنها إمريكيه الأصل !!
تشبه أمها كثييييير . . .


××××××××


<< يتبع

آنتظــر دودكم ^.^
لآتبخلون علي فديتكمـ

BrB