أحبك بس كيف أقول لك ؟! ، متوقفة من 2009 ..

البارت الثالث
في صباح اليوم التالي ... >>> مسوية فيها تعبير خخخخ

في بيت أبو أشواق
أشواق تدق باب غرفة مشاعل : يلللللله يا مشاعل سارلي ساعة و أنا أصحيك ترى ورانا دوام .
مشاعل : أف طيب طيب روحي قومي مازن أول .
أشواق : يله يا مشاعل السواق برى ينتظرنا.
مشاعل : أف يعني حنا الي نشتغل عنده و لا هو الي يشتغل عندنا خليه ينتظر .
أشواق : راح أروح أقوم مازن و الله إذا رجعت و ما لقتيك جاهزة راح أروح و أخليك .
مشاعل : لا لا لا اليوم أول يوم لنور و لازم أكون فيه .
أشواق راحت عند غرفة مازن .
(( ما أقول إلا الله يعينك يا أشواق و انت تصحيه )) >>> نترك أشواق تصحي مازن و نروح لبيت أبو ريان .
""""""""""""""""""""""""""

في بيت أبو ريان
أبو ريان قاعد يفطر عشان يروح على الشركة.
أم ريان : أقول يا أبو ريان أبي أكلمك بشغلة قبل ما ينزل ريان و تروحوا على الدوام .
أبو ريان : خير شفيك ؟؟؟
أم ريان : والله يا ابو ريان ان ولدك هاذا جنني
أبو ريان : ليش وش صار تكلمي ؟؟؟
أم ريان : انت عارف ان لي أكثر من سنة و انا أحاول أزوجه لكن هو يطلعلي بألف و مية عذر
أم ريان تقلد صوت ولدها .. هاذي طويلة هاذي قصيرة هاذي نحيفة هاذي متينة هاذي مدري وشو مع ان كل بنت كانت أحلى من الثانية .
أبو ريان كأنه فهم عليها : يعني أفهم من كلامك انك حاطة بنت براسك وودك تزوجيه إياها لو بالغصب .
أم ريان ابتسمت و قالت : إيه .
أبو ريان : و من هاذي البنت ؟؟؟
أم ريان : أشواق بنت أخوك عبد الله .
أبو ريان ابتسم وقال : ونعم البنت أخلاق و أدب.
أم ريان : بس أخاف ولدك ما يوافق عليها .
أبو ريان : خلاص يا أم ريان لا تشيلي هم أنا راح أكلم عبد الله بالموضوع و نحط ريان قدام الأمر الواقع .
إلا ورحاب تدخل و تقول : أي أمر واقع هاذا ؟؟
و تبوس راس أبوها و أمها .
أم ريان : انت ما تستحين تدخلين كذا من غير احم و دستور .
رحاب : شدعوه يمه يعني أروح المدرسة من غير فطور .
أم ريان : يله يله افطري و روحي السواق ينتظرك بره .
رحاب : آخ بس يحليلك يا جنا محد قدك نايمة و ماخذة راحتك .
أم ريان : كلها كم يوم و تصيرين مثلها .
رحاب : يمه حرام عليك وينها كم يوم تقصدين
كم سنة .
أم ريان : بس خلاص . أخوانك صحيوا من النوم ؟؟؟
رحاب : ايه يمه .
إلا ورائد و ريان يدخلون : صباح الخير .
الكل : صباح النور .
أبو ريان : يله يا ريان أتأخرنا يا ولدي .
ام ريان : شدعوه يا أبو ريان خلي الولد يفطر .
ريان : ما عليك يمه ما لي نفس .
أم ريان : يا ولدي كل لك لقمة على الاقل .
ريان: خلاص يالغالية راح أكل في الشركة .
أبو ريان + ريان : يله في أمان الله .
الكل : في أمان الكريم .
(( بعد شوي ))
رائد : يله أنا كمان رايح .
رحاب : و انا بعد .
أم ريان : الله معكم .
""""""""""""""""""""""""""

في مدرسة (.....) للبنات
رحاب : صباح الخير .
رغد + مشاعل + نور : صباح النور .
رحاب : أهلين نور تو ما نورت المدرسة .
نور : هههه منورة بوجودك .
مشاعل تكلم رحاب بدون نفس : وراك مستانسة ناسية ان علينا امتحان اليوم .
رحاب : يووووووه ما ذاكرت .
رغد : أصلاً كلنا ما ذكرنا نسيتي اننا كنا في بيت مشاعل أمس .
رحاب : ايييييه صح و الحين وش السوات .
مشاعل : يعني وش بنسوي ما لنا إلا البراشيم الله يخليها لنا .
رغد : لا الله يستر عليك يكفي إللي صار آخر مرة .
نور : ليش وش صار ؟؟؟
رغد : هاذي طال عمرك إحنا الثلاثة بنفس الفصل كنا أنا و رحاب جاهزين للامتحان لكن أختنا في الله مشاعل فالتها و ما ذاكرت المهم
وقت الامتحان حليت أنا و كنت بأبادل ورقتي مع ورقة مشاعل على أساس اني أحل لها في ورقتها بعد ما خلصت ورقتي ووقت ما كنا بنتبادل إلا و طاحت وحدة من الاوراق في الأرض و مسكونا و هاتك يا تهزيء .
مشاعل : و الله ما قاهرني إلا رحابوه فركت و تركتنا .
رحاب : رحابوه في عينك .
مشاعل : ها وش قلتو نبرشم .
رغد : يعني وش نسوي أمرنا لله .
رحاب : الله يستر بس <<< جبانة بطلتنا رحاب خخخخ
نور : ههههههه
""""""""""""""""""""""""""

في جامعة ( ........ ) للأولاد
رائد : صبااااح الخير .
الكل : صباح النور .
(( أصحاب رائد : ابراهيم , متعب , مساعد ,فهد , وائل << تذكرونه ولد خال رنا ))
متعب : الحيين امس احترق جوالي و انا ادق عليك.
رائد : خير وش تبي ؟؟
متعب : سلامتك بس كنت أبيك تجي معنا الكافي
رائد : الصراحة أمس كنت مشغول .
مساعد : خير وش عندك يالحبيب .
رائد : وش هالقافة يا أخي كنت مشغووول مع الأهل و خلاص .
إلا وفي ذيك اللحظة رائد يشوف يزيد و باين عليه انه مضيع طريقه .
رائد قام و راح له : يزيد
يزيد التفت إلا و يشوف رائد : هلا رائد .
رائد : هلا فيك خير شكلك مضيع ؟؟؟
يزيد : أبد بس عندي محاظرة بعد ربع ساعة وكنت أبي أروح مبكر وبصراحة ضعت شووووووووووي .
رائد : هههههههه تعال أعرفك على الشباب و بعدين أوديك .
رائد ويزيد راحوا عند الشباب .
رائد : شبااب هاذا ولد عمي يزيد جديد هنا في الجامعة . .... يزيد هذولي أخوياي متعب مساعد فهد ابراهيم وائل .
الكل بأصوات متفرقة : هلا و الله .
يزيد : هلا فيكم .
رائد : شبااب بروح مع يزيد شوي و برجع .
(( نترك رائد و يزيد يدورون على القاعة ونروح لشخصية اشتقتو لها ساااارة ))
""""""""""""""""""""""""""

في مستشفى (.......)
سارة واقفة قدام مكتب الدكتور صالح وشوي إلا تدق الباب .
د . صالح : ادخل .
سارة : السلام عليكم .
د . صالح : وعليكم السلام .
سارة : دكتور فكرت بموضوع المريضة ووافقت .
الدكتور صالح يناظرها من ورا نظاراته : سارة لازم تفهمي انه هاذي ماراح تدخل في معدل علاماتك بس بنفس الوقت راح يكون تدريب ممتاز لكي و يمكن راح تتعبي و انتي توفقي بينه و بين دراستك لانه راح ياخذ وقت طويل منك و لا تنسي انك لسا طالبة
سارة: يا دكتور انت بنفسك قلتها هذا تدريب ممتاز و راح استفيد كثير منه
د. صالح : على راحتك و هذا ملف المريضة خذيه و ادرسي الحالة
سارة اخذت الملف و شافت اسم المريضة
( رانيا بنت عبدالعزيز......
سارة: مشكور دكتور على هذه الفرصة
د.صالح: لا تشكريني يا سارة انتي من افضل الطلاب و لو كان في افضل منك ما كنت راح اختارك.
سارة بقلبها: من جد غثيث.
سارة : عن اذنك .
د . صالح : اذنك معك .
خرجت سارة من مكتب الدكتور صالح وراحت عند رفيقاتها الي عرفوا بموضوع المريضة رانيا .
""""""""""""""""""""""""""

في شركة (......) للعاقارات
أبو ريان رفع السماعة و قال للسكرتيره : منصور روح مكتب أبو أشواق و شوف إذا أقدر أروح له و لا عنده عملاء .
منصور : حاضر طال عمرك .
بعد شوي دخل منصور و قال : طال عمرك ما عنده عملاء .
قام أبو ريان وراح لمكتب أبو أشواق .
أبو ريان يطق الباب .
أبو أشواق : تفضل .
أبو ريان : عبد الله أبي أكلمك بموضوع .
أبو أشواق وقف احتراما لأخوه الكبير .
أبو أشواق : خير يا أخوي .
أبو ريان : خير خير ان شاء الله بس كنت أبي أكلمك عن ولدي ريان .
أبو أشواق :وش فيه ريان .
أبو ريان : و الله يا أخوي ودنا نزوج ولدنا ريان من بنتكم أشوااااق .
أبو أشواق :...............
نهاية البارت الثالث

البارت الرابع
أبو ريان : و الله ودنا يا أخوي نزوج ولدنا ريان من بنتك أشواق .
أبو أشواق ابتسم : و الله ريان رجال ينشد به الظهر يا أخوي و ماراح ألاقي لبنتي أشواق أحسن منه .
أبو ريان بإبتسامة : أجل متى نجيكم .
أبو أشواق : حياك الله يا أخوي في أي وقت .
أبو ريان : خير البر عاجله نجيكم بكرة .
أبو أشواق هز راسه : على بركة الله .
""""""""""""""""""""""""""

في مدرسة (.......) للبنات
كل البنات رجعوا على بيوتهم ما بقي في المدرسة إلا مشاعل و نور .
مشاعل : أف ترى عن هاذا السواق غبي مرررة أتاخر اليوم .
نور : قلتلك تعالي معي .
مشاعل : و الله من جد شكلي برجع معك .
نور : بس ترى أخوي يزيد بيجيبني اليوم .
مشاعل : أوكيه ما في مشكله .
نور : يله تراه بره الحين .
لبسوا عباياتهم و طلعوا .
(( طبعاً مشاعل ما تدري ان يزيد هو الشاب إلي قابلها في مطعم الــ pizza hut ))
كان يزيد في سيارته و طفشان وواصل حده .
عند نور و مشاعل نور تدور على سيارة أخوها إلا و تشوفها .
نور : تعالي شوفي سيارة أخوي هناك .
التفتت مشاعل و طلعت عيونها يزيد ولد عمها هو نفسه الشاب إلي بمطعم الـ pizza .
حرك يزيد لمن شاف أخته لين ما وصل محل ما هم واقفين و لسا ما انتبه لمشاعل .
ركبت نور السيارة و هي تقول : معليش يا يزيد راح نوصل بنت عمي عبد الله بيتها .
يزيد اتنهد و قال : طيب .
نور ناظرت مشاعل مستغربة : وش فيها هاذي ما ركبت .
يزيد التفت و انصدم : يزيد في قلبه هاذي نفسها البنت إلي بالمطعم و كمان بنت عمي .
(( طبعاً احنا عارفين ان نور و جودي كانوا حاضرين المعركة إلي صارت بين يزيد و مشاعل خخخخ بس ما دققوا في مشاعل عشان كذا ما انتبهوا لها بس الأمر طبعاً مختلف مع يزيد )) .
مشاعل في نفسها : أف والله ابو البلشة طلع ولد عمي و أخو نور .
نور فتحت قزاز السيارة : يله يا مشاعل وشفيك ما تركبين .
مشاعل هزت راسها بتوتر و ركبت و صكت البااب بقووووووووة .
يزيد بدون نفس : شوي شوي على الباب لا ينكسر .
مشاعل تطالع بره و ما عطته وجه .
يزيد انقهر .
نور : اييه صح يزيد هاذي أول مرة تشوف مشاعل .
يزيد بصوت شبه مسموع : أف .
مشاعل سمعته وقالت باحتقار : تشرفنا .
يزيد جحدها و مارد عليها .
نور حست بالوضع مكهرب بينهم بس طنشت المهم وصل يزيد مشاعل بيتها و هم رجعوا بيتهم .
مشاعل دخلت البيت وهي معصبة و شافها مازن وهو طالع لغرفته : شوي شوي بس لا ينط لك عرق هههههه .
مشاعل بأعلى صوت عندها : انت لااااا تتدخل .
وطلعت فوق و صفقت باب غرفتها و شوي و كان البيت بينهد على روسهم خخخخ .
مازن : أف و الله مشكلة إلي عنده أخوات<< لا يا شيخ .
مازن : أروح انام أبرك لي .
(( و انتهى اليوم المدرسي على خير و بدون إصابات خخخخ )) .

العصر في بيت أبو ريان
ريان بصدمة : خطبتوهاااااا .
أبو ريان : إيه خطبناها لك وبكرة الشوفة و بعد أسبوع الملكة .
ريان بصوت عالي : ما شاء الله و أنا العريس آخر من يعلم .
أبو ريان : لا ترفع صوتك علي و الله و الله و الله يا ريان إذا ما تزوجت أشواق لا انت ولدي و لا أنا أعرفك .
أم ريان : هدي نفسك يا عبد الرحمن .
ريان : يبه و الله حرام عليك انت كذا بتظلمني .
أبو ريان : انا ما ظلمتك أنا بفكر في مصلحتك انت وبس فاهم .
ريان : بس يبه .....
قاطعه أبو ريان : رياااان الموضوع هاذا احنا منتهيين منه و النقاش فيه عقيم لأني كلمت عمك و أنا كلمتي عمرها ما تنزل الارض فاااهم.
ريان عصب و طلع من البيت يدور شوي و يهدي نفسه .
ريان وهو يسوق يفكر : أف من وين طلعتلي هاذي أشواق بعد أنا وين و الزواج وين .....
""""""""""""""""""""""""""

في بيت أبو أشواق
أبو أشواق يدق باب غرفة بنته أشواق .
أشواق : تفضل .
أبو أشواق : أزعجتك يا بنتي ؟؟
أشواق : لا أبد يبه تفضل .
أبو أشواق جلس على سريرها وقال : يا بنتي انتي كبرتي و صرتي حرمة ما شاء الله و جا اليوم إلي اتطمن عليك و انتي ببيت زوجك .
أشواق : يبه انت وش قاعد تقول ؟؟؟
أبو أشواق : يا بنتي أخوي عبد الرحمن خطبك لولده ريان و شقلتي ؟؟
أشواق انصدمت و بعد شوي قالت : يبه انا ما أبي أتزوج .
أبو أشواق باستغراب من بنته : ليش ؟؟
أشواق : يبه انت عارف انه من بعد ما ماتت أمي الله يرحمها وانا مهتمة بمسؤولية هاذا البيت و ما قد فكرت بالزواج أبد .
أبو أشواق كأنه فهم عليها : يا بنتي أنا معك أنه مشاعل و مازن متستهترين شوي و أبد ما هم قد المسؤولية لكن صدقيني وقت الجد ما في أحسن منهم .
أشواق ما اقتنعت : يبه الله يخليك ما أبي .
أبو أشواق : يا بنتي أسمعيني أمك الله يرحمها كانت دائما تقول أبي أعمل لأشواق أحسن زواج أبي الكل يحكي و يتحاكا عنه أبي أشوف عيالها و أحفادها كلهم حوالينها بس أبد ما قدرت تشوف هاذا اليوم الله يرحمها .
أشواق و هي تبكي : خلاص يبه سوي إلي يريحك .
أبو أشواق وهو يمسح دموعها : أبي أسوي إلي يريحك انتي.
أشواق قالت : خلاص يبه أنا موافقه.
أبو أشواق : الله يهنيك و يسعدك يا بنتي .
أبو أشواق ابتسم لبنته و طلع .

في غرفة سارة
سارة فاتحة ملف المريضة رانيا عبد العزيز و قاعدة تدرس حالتها .
(( رانيا عمرها عشر سنين و هي في هاذا العمر الصغير مريضة بالقلب قلبها ضعييييف جدا و على حسب اعتقاد الدكتور صالح بالإمكان إجراء العملية لها و لكن نسبة نجاح هاذي العملية 20% و هنا هيا المشكلة البنت صغيرة جدا عشان كذا نسبة النجاح قليلة )) .
سارة قاعدة تفكر بالحالة و تقول في قلبها : لازم أشوف البنت عشين نهيئ جسمها للعملية.
""""""""""""""""""""""""""

في بيت أبو ريان
رائد نايم في غرفته و مسكر جواله و أبو ريان و أم ريان بعد ما صلوا العشا راحوا و ناموا . و جنا بعد نايمة << ماعندها إلا النوم خخخخخ
و ريان طلع من فترة و للحين ما رجع و رحاب هي الوحيدة إلي صاحية بالبيت و قاعدة تتفرج على فلم رعب .
رحاب : يووووووه مرة جوعانة . خلني أطلب من المطعم .
وراحت و دقت على مطعم (كنتاكي ) و طلبت لها أكل .
من جهة ثانية متعب يدق على رائد يبيه بشغلة و الأخ رائد مسكر جوااله متعب عصب و قام ركب سيارتة و راح على بيت أبو ريان .
بعد نص ساعة .
رحاب سمعت الباب يدق و بقووووة و كأن إلي بيدق يبي يكسر الباب .
رحاب بالبداية خافت لكن بعدين تذكرت انها طلبت من كنتاكي فقامت و راحت عند الباب و الدق على الباب ما زال مستمر .
رحاب بس يا دوب فتحت الباب شوي إلا و متعب يدف الباب و رحاب طاحت على الأرض متعب انتبه لنفسه .
رحاب بصراخ : آآآآآي يا ملعون اطلع رااااااائد تعال .
متعب اخترع من صوت رحاب و ما عرف كيف يتصرف .
رائد صحي على صوت رحاب وهي تصارخ قام و نزل شاف متعب عند الباب و رحاب على الأرض تبكي و تصارخ : رااااائد رااااائد .
رائد انصدم من الموقف إلي بيصير قدامه و في باله الف سؤال وش جاب متعب هنا ؟؟ ليش رحاب على الأرض ؟؟ و ليش ؟؟ و ليش ؟؟ و ليش ؟؟
رائد انتبه على نفسه و قال لرحاب بس خلاص يله روحي جوا . و راح عند الباب يسلم على متعب إلي للحين مصدوم و يقول في نفسه أنا وش جابني هنا ؟؟
رائد : هلا و الله متعب حياك تفضل .
متعب : زاد الله فضلك . و نسي كل عصبيته من رائد .
رائد دخل متعب لمجلس الرجال .
رائد : عن اذنك متعب ثواني بس .
متعب أصلاً ماهو معه قاعد يفكر شلون هالقمر تصير أخت رائد يا ناس حرام والله وش جاب القرد رائد لأخته هالغزال .
(( متعب طويل و جسمه معضل و حلو و عيونه عسليه ناعسة وشي أكيد أحلى من رائد بكثييير يعني باختصار فارس أحلام البنات ))
رائد دخل جوا و بدأ يصرخ على رحاب : الحين انت ما تستحين على وجهك وش إلي سويتيه ؟
رحاب بخوف : والله ما سويت شي أنا طلبت من المطعم وكنت أحسب الطلب جا و قمت و فتحت الباب إلا و صديقك يدف الباب و طحت أنا على الأرض .
رائد : نو كومنت .
بعد شوي ههههههههههههههههههههههههه
رحاب : الحين بالله مين إلي ما يستحي على وجهه
رائد : ههههههه بس يا بنت روحي و جهزوا القهوة .
و رجع رائد للمجلس عند متعب .
رائد : الحين انت جاي عشان تخرع أختي و لا عشان ايش ؟؟
متعب : ارتبك هاه و بعدين افتكر اييييه صح الحين ورى ما ترد على الجوال ؟؟؟؟
رائد : يووووه تصدق قفلته و لا عاد رجعت شغلته .
متعب : هاذا الي فالح فيه .
رائد : هههههههه .
رحاب بعد ما قالت للخدم يسون القهوة قعدت في المطبخ تفكر : الحين معقولة هاذا المزيون يكون صاحب أخوي المقرود .
(( سبحان الله نفس التفكير خخخخخخ )) .
و بعد ما تقهوى متعب راح هو و رائد يقضوا مشاويرهم .

انتهى البارت