سجد قلبي على رمل الضلوع وهزه التنهيد

سجد قلبي على رمل الضلوع وهـزه التنهيـد


وانا في قلبي خيام الندم والخـوف منصوبـة


يارب افهق هلاكي والمنايا والـدروب بعيـد


مـادام ان النهاية للتـراب تقـوده دروبـه


ياغياث الظوامـي والثمـام وجرهـدي البيـد


أعذني من جهنم والحشر والمـوت وكروبـه


انا مانبيـب لامشـرك ولافاسـق ولا عربيـد


انا اللي لاعصى وأخطأ تجهم وأقلقـه ثوبـه


انا عبدك ولد عبدك وجدانـي هـلَ التوحيـد


خطايـاي أخجلتنـي يالله الغفـران والتوبـه


وانا اللي يرتجف مثل ارتجاف الخايف الرعديد


اذا شاف القبـور الضيقـات وحـس بذنوبـه


انا الانسان حمال النقايـض والكمـد والكيـد


غريق الطين واللذات مـن راسـه لعرقوبـه


انا عبدك ياربي وانت تفعـل ماتشـاء وتريـد


سألتـك يالله بعفـو عظيـم وهيـن دروبــه


مماراق لي